Proverbs 4
4
Ikayuusiat Isumattutikun
1Miqłiqtuuŋ, naalaġnikkich aapakpich iḷisaurrutiŋich. Naalaktualluataġiñ, aasii kaŋiqsisiiññaġniaqtutin. 2Iḷisaurrutitka nakuurut, tavraasii itqaumasaġitin. 3Nukatpiaġruuraukama, aŋayuqaagma iġñitualuŋak, 4aapaa iḷisautiraġigaaŋa. Uqallaguuruq, “Itqaumalugich uqalutka suli piiguġnagich. Kamagiluŋa, aasii iñuuniaqtutin. 5Isumatulutillu kaŋiqsimmatiqaġlutillu! Piiguġnagiḷḷu suliqutigiŋiññagiḷḷu uqalutka. 6Suksraaġnagu isumattun, aasii qaunaginiaġaatin; piqpagilugu, aasii annausimaaġniaġaatin. 7Isumatusiñiq nuimapiaġataqtuq. Sunnagniaġuvich kaŋiqsisiqaġiñ. 8Piqpagiuŋ isumattutiqaġniq, aasii ikayuġniaġaatin. Iqimmaaġlugu aasii nanġautiqaqtinniaġaatin. 9Niaquġutchiqsatun kamanaqtuamik itinniaġaatin.”
Iłuaqtuaġlu Iłuaŋitchuaġlu Apqutik
10Naalaġniŋŋa, miqłiqtuuŋ. Kamagilugi uqalutka, aasii iñuuniqtuniaqtutin. 11Iḷisautiŋagikpiñ isumattutikuaġniġmik iluaqtuakuaġniġmiglu. 12Sapukutaqaġniaŋitchutin pisuaġuvich isumatulutin, suli putukkisaġniaŋitchutin aqpatkuvich. 13Itqaumalugich iḷisaatin. Iḷisaġniġiñ iñuggutiginiaġiñ—qaunagilluataġlugu. 14Malignagi iñuich pigiitchualiqirit. Pitqusiŋat tuvraġnagu iñumaqłuich. 15Naumipiaġataq! Piḷuktuamugnak! Ayyaktuġuŋ aasii uniḷḷugu. 16Pigiiḷiqirauruat iñuich siqulaitchut sumik piḷuktuamik piŋaiñŋaġmik. Itqumasuurut anniġñiŋisuaġamik. 17Pigiiḷḷiqiniġlu pimaqłuktaġniġlu arriqaqtuk niqigiruatun imiġiruatullu iliŋiññun.
18Apqutaat nalauŋarauruat igliġviŋat siqiñiq nuivaalluktuatun ittuq, qaummaġiksisiiññaqłuni uvluġataqtillugu. 19Aglaan apqutaat pigiiḷḷiqirauruat taaqtuq unnuatun. Puukaġamik tautuyuitkaat putukkisautiktiŋ.
20Miqłiqtuuŋ, naalaġnikkich uqalutka. Naalaġnimmaġiksaaġutin. 21Piiguġnagich suuramikunnii. Itqaumakkich suli uummatiġmiutaġlugich. 22Taapkua iñuggutiqaqtinniaġaalu timiŋalu iluaqtillugu kaŋiqsiruaq taapkuniŋa. 23Supayauratigun qaunagilluataġlugu ummatin; qanukkii kaŋiŋa maqiruq iñugunmun. 24Uqallagnak suuramikunnii iḷumun inŋitchuamik. Suliqutiginagich sagluuġutillu asiñuurriñiaqtuallu uqaluich. 25Sivunmun qiñiġutin nalupqisuutaiḷḷutin; nalaaġipiallaglugu igliġniġiñ sivugni. 26#He 12.13.Sivunniuġuvich qaunakłaaġlutin, aasii supayaaġuvich iluaġniaqtuq. 27Saniġatqullugu pigiitchuaq aasii sivunmun pisuaġutin. Atautchimik unnii avluġnak saniġaagun iluaqtuam.
Currently Selected:
Proverbs 4: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 4
4
Ikayuusiat Isumattutikun
1Miqłiqtuuŋ, naalaġnikkich aapakpich iḷisaurrutiŋich. Naalaktualluataġiñ, aasii kaŋiqsisiiññaġniaqtutin. 2Iḷisaurrutitka nakuurut, tavraasii itqaumasaġitin. 3Nukatpiaġruuraukama, aŋayuqaagma iġñitualuŋak, 4aapaa iḷisautiraġigaaŋa. Uqallaguuruq, “Itqaumalugich uqalutka suli piiguġnagich. Kamagiluŋa, aasii iñuuniaqtutin. 5Isumatulutillu kaŋiqsimmatiqaġlutillu! Piiguġnagiḷḷu suliqutigiŋiññagiḷḷu uqalutka. 6Suksraaġnagu isumattun, aasii qaunaginiaġaatin; piqpagilugu, aasii annausimaaġniaġaatin. 7Isumatusiñiq nuimapiaġataqtuq. Sunnagniaġuvich kaŋiqsisiqaġiñ. 8Piqpagiuŋ isumattutiqaġniq, aasii ikayuġniaġaatin. Iqimmaaġlugu aasii nanġautiqaqtinniaġaatin. 9Niaquġutchiqsatun kamanaqtuamik itinniaġaatin.”
Iłuaqtuaġlu Iłuaŋitchuaġlu Apqutik
10Naalaġniŋŋa, miqłiqtuuŋ. Kamagilugi uqalutka, aasii iñuuniqtuniaqtutin. 11Iḷisautiŋagikpiñ isumattutikuaġniġmik iluaqtuakuaġniġmiglu. 12Sapukutaqaġniaŋitchutin pisuaġuvich isumatulutin, suli putukkisaġniaŋitchutin aqpatkuvich. 13Itqaumalugich iḷisaatin. Iḷisaġniġiñ iñuggutiginiaġiñ—qaunagilluataġlugu. 14Malignagi iñuich pigiitchualiqirit. Pitqusiŋat tuvraġnagu iñumaqłuich. 15Naumipiaġataq! Piḷuktuamugnak! Ayyaktuġuŋ aasii uniḷḷugu. 16Pigiiḷiqirauruat iñuich siqulaitchut sumik piḷuktuamik piŋaiñŋaġmik. Itqumasuurut anniġñiŋisuaġamik. 17Pigiiḷḷiqiniġlu pimaqłuktaġniġlu arriqaqtuk niqigiruatun imiġiruatullu iliŋiññun.
18Apqutaat nalauŋarauruat igliġviŋat siqiñiq nuivaalluktuatun ittuq, qaummaġiksisiiññaqłuni uvluġataqtillugu. 19Aglaan apqutaat pigiiḷḷiqirauruat taaqtuq unnuatun. Puukaġamik tautuyuitkaat putukkisautiktiŋ.
20Miqłiqtuuŋ, naalaġnikkich uqalutka. Naalaġnimmaġiksaaġutin. 21Piiguġnagich suuramikunnii. Itqaumakkich suli uummatiġmiutaġlugich. 22Taapkua iñuggutiqaqtinniaġaalu timiŋalu iluaqtillugu kaŋiqsiruaq taapkuniŋa. 23Supayauratigun qaunagilluataġlugu ummatin; qanukkii kaŋiŋa maqiruq iñugunmun. 24Uqallagnak suuramikunnii iḷumun inŋitchuamik. Suliqutiginagich sagluuġutillu asiñuurriñiaqtuallu uqaluich. 25Sivunmun qiñiġutin nalupqisuutaiḷḷutin; nalaaġipiallaglugu igliġniġiñ sivugni. 26#He 12.13.Sivunniuġuvich qaunakłaaġlutin, aasii supayaaġuvich iluaġniaqtuq. 27Saniġatqullugu pigiitchuaq aasii sivunmun pisuaġutin. Atautchimik unnii avluġnak saniġaagun iluaqtuam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)