Proverbs 24
24
-19-
1Tusunagich pigiitchuat iñuich,
avilaitqasiutiniaġnagiḷḷu.
2Iluiḷḷiuqtitchiñiaġniq kisian isumagigaat;
qaniqtik agmatuaġmarruŋ iñuk imma anniaqtauniaqtuq.
-20-
3Aimaaġviich savaagurut maŋŋuqaqłutik isumattunmiglu kaŋiqsisiqaġniġmiglu.
4Iḷisimmatikkun,
inaurat imaqaqtut akisuruaniglu qiññaġikpaktuaniglu suġauttanik.
-21-
5Isumatuniq iluałhaaqtuq saŋŋiñiġmiñ;
aaŋ, iḷisimmatiqaġniq nuimałhaaqtuq suaŋŋanmiñ.
6Uvvakii, qaunakłaaqtuksraurutin itqanaiyaġuvich aŋuyagiaqsaġutin,
suli iñugiaktuanik siḷġiqsuirilluataqaġuvich, akimałhaaġniaqtutin.
-22-
7Isumattutikun uqaluich siġġaġnaqpaił̣ł̣utik kaŋiqsiñaitchut isumalluaġiitchuanun iñugnun.
Iliŋich uqallaksausiitchuurut sut nuimaruat uqausiġimmatigik.
-23-
8Sivunniusuŋaiññaġuuguvich pigiitchuanik,
iñuich iḷisimaniaġaatin pimaqłuktaġuutilaaġnik.
9Sunaliqaa savaaŋa isumalluaġiitchuam piḷuktuq.
Iñuich uumigigaat iñuk kipakkutiqałhiñaqtuaq allanun.
-24-
10Suaŋaitkuvich suna siġġaġnaqsimman,
tavra suaŋaipiallaktutin.
-25-
11Aaqagutaaġnak annaurraksraqaqpan tuqutauniaqtuamik patchisaitkaluaqtillugu.
12Uqallagniaġaluaqtutin taamna naluniḷugu
aglaan God iḷisimaruq suli iḷisimagai sivuniġiratin.
Qiñiġaatin; iḷisimaruq.
Aasii akiḷiusiaqaġniaġtutin atunim savaaġiŋaraqtun.
-26-
13Miqłiqtuuŋ, honey-tuġiñ; nakuuruq.
Aasii honey uqaġni siiġñaaġuumman,
14tainnaptauq nalupqisugnak isumattutiqaġniq iluaqtuq iḷitqusiġñun.
Isumattutiqaġiñ aasii sivuniksran nalupqinaiññiaqtuq.
-27-
15Pigiiḷḷiqirauruatun innak sivunniuqtuatun ivayaqtuġuqługich iluaqtuakun iñuuruat
naaggaunnii igluiġukługich.
16Qavsiiqsuaqhutik katakkaluaġmata iluaqtuakun iñuuruat, makitqiguurut;
aglaan sukraunġiutim suunġiġuugaich pigiiḷḷiqirrauruat iñuich.
-28-
17Quviaginagich akiḷḷiitin nagliksaaġunmun tikitpata,
suli quviattalanak pimaqłuktaqpata.
18Ataniq iḷisimaniaqtuq kamanniraaġuvich, suli nakuaġiniaŋitkaa;
aasii suli iḷaanni tatavsaġniaŋiñmigaich.
-29-
19Pigiitchuanun iñugnun uŋiarisaaqtinnak;
tusunagich.
20Pigiiḷḷiqirauruaq iñuk sumik tikisaaksraitchuq—
sumik tikiñŋaitchuamik qiñiġumalaaksraitchuq.
-30-
21Qiksikkutiqaġiñ Ataniġmun, miqłiqtuuŋ, suli qutchiksuaġiuŋ umialik.
Iḷaksruutinak iñugnun akiḷḷiqsruqtuanun;
22tainnaittuat iñuich maqutaullarut akkupauraq.
Kaŋiqsivich qanutun maqutchiyumiñaqtilaaŋa God naagga umialik?
Uqaluvsaat Isumattutikun
23Isumaturuam uqallausivsaaŋich marra:
Iluaŋitchuq isivġiqsiiri atunim aŋalatchiŋiñman iñugnik.
24Iñuk patchisaitchuaq pasimmarruŋ,
pimaqłuktaqtauniaqtut suli iñupayaat uumiginiaġaich.
25Aglaan isivġiqsim tatavsaqpauŋ pimaqłuktaqtuaq umialguniaqtuq
suli iñuuniaqtuq qiññaŋa iñugnun nakuuluni.
26Iḷumun ittuaq kiggun
nalunairrutauruq avilaitqataupiaġniġmun.
27Igluliuġnak aasii aimaaġviḷiutilugu nunautitin itqanaiŋaiñŋaisa,
suli nalupqinaiŋalutin maniññaktuġniksraġnik.
28Uqausiġinagu paaqłakługu siḷalliñ patchisaiḷḷaqpiñ,
naaggaunnii uqaġnak anniutauniaqtuanik iliŋiññun.
29Uqallagnak inna, “Piḷġusiatun uvamnun tainnaptauq piñiaġitka!
Akisaġniaġitka!”
30Pisuaqtuaŋa nunaŋiññiḷu nauriaqaġviŋiññiḷu iqiasuuruam,
makautaŋaam iñuum.
31Siḷvinŋamarut kakiḷḷaġnaqtuanik uqpignik suli nauvigiqpaŋammivḷugu palauvakraġiitchuanik.
Uyaġaich katchiuruat katagaŋammiut.
32Qiñiqtuaŋagiga, isummatigiŋagiga,
suli iḷitchivigiŋagiga:
33 #
Pr 6.10, 11. Ki, siqutqigiñ; ki, siñiktuaġiñ.
Argaktin tiggutilugich piḷaiŋaiqsiaġiñ,
34aglaan siñiktillutin,
piiḷḷiuġniġum tikiññiaġaatin satkuliktun tigligaqtitun.
Currently Selected:
Proverbs 24: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Proverbs 24
24
-19-
1Tusunagich pigiitchuat iñuich,
avilaitqasiutiniaġnagiḷḷu.
2Iluiḷḷiuqtitchiñiaġniq kisian isumagigaat;
qaniqtik agmatuaġmarruŋ iñuk imma anniaqtauniaqtuq.
-20-
3Aimaaġviich savaagurut maŋŋuqaqłutik isumattunmiglu kaŋiqsisiqaġniġmiglu.
4Iḷisimmatikkun,
inaurat imaqaqtut akisuruaniglu qiññaġikpaktuaniglu suġauttanik.
-21-
5Isumatuniq iluałhaaqtuq saŋŋiñiġmiñ;
aaŋ, iḷisimmatiqaġniq nuimałhaaqtuq suaŋŋanmiñ.
6Uvvakii, qaunakłaaqtuksraurutin itqanaiyaġuvich aŋuyagiaqsaġutin,
suli iñugiaktuanik siḷġiqsuirilluataqaġuvich, akimałhaaġniaqtutin.
-22-
7Isumattutikun uqaluich siġġaġnaqpaił̣ł̣utik kaŋiqsiñaitchut isumalluaġiitchuanun iñugnun.
Iliŋich uqallaksausiitchuurut sut nuimaruat uqausiġimmatigik.
-23-
8Sivunniusuŋaiññaġuuguvich pigiitchuanik,
iñuich iḷisimaniaġaatin pimaqłuktaġuutilaaġnik.
9Sunaliqaa savaaŋa isumalluaġiitchuam piḷuktuq.
Iñuich uumigigaat iñuk kipakkutiqałhiñaqtuaq allanun.
-24-
10Suaŋaitkuvich suna siġġaġnaqsimman,
tavra suaŋaipiallaktutin.
-25-
11Aaqagutaaġnak annaurraksraqaqpan tuqutauniaqtuamik patchisaitkaluaqtillugu.
12Uqallagniaġaluaqtutin taamna naluniḷugu
aglaan God iḷisimaruq suli iḷisimagai sivuniġiratin.
Qiñiġaatin; iḷisimaruq.
Aasii akiḷiusiaqaġniaġtutin atunim savaaġiŋaraqtun.
-26-
13Miqłiqtuuŋ, honey-tuġiñ; nakuuruq.
Aasii honey uqaġni siiġñaaġuumman,
14tainnaptauq nalupqisugnak isumattutiqaġniq iluaqtuq iḷitqusiġñun.
Isumattutiqaġiñ aasii sivuniksran nalupqinaiññiaqtuq.
-27-
15Pigiiḷḷiqirauruatun innak sivunniuqtuatun ivayaqtuġuqługich iluaqtuakun iñuuruat
naaggaunnii igluiġukługich.
16Qavsiiqsuaqhutik katakkaluaġmata iluaqtuakun iñuuruat, makitqiguurut;
aglaan sukraunġiutim suunġiġuugaich pigiiḷḷiqirrauruat iñuich.
-28-
17Quviaginagich akiḷḷiitin nagliksaaġunmun tikitpata,
suli quviattalanak pimaqłuktaqpata.
18Ataniq iḷisimaniaqtuq kamanniraaġuvich, suli nakuaġiniaŋitkaa;
aasii suli iḷaanni tatavsaġniaŋiñmigaich.
-29-
19Pigiitchuanun iñugnun uŋiarisaaqtinnak;
tusunagich.
20Pigiiḷḷiqirauruaq iñuk sumik tikisaaksraitchuq—
sumik tikiñŋaitchuamik qiñiġumalaaksraitchuq.
-30-
21Qiksikkutiqaġiñ Ataniġmun, miqłiqtuuŋ, suli qutchiksuaġiuŋ umialik.
Iḷaksruutinak iñugnun akiḷḷiqsruqtuanun;
22tainnaittuat iñuich maqutaullarut akkupauraq.
Kaŋiqsivich qanutun maqutchiyumiñaqtilaaŋa God naagga umialik?
Uqaluvsaat Isumattutikun
23Isumaturuam uqallausivsaaŋich marra:
Iluaŋitchuq isivġiqsiiri atunim aŋalatchiŋiñman iñugnik.
24Iñuk patchisaitchuaq pasimmarruŋ,
pimaqłuktaqtauniaqtut suli iñupayaat uumiginiaġaich.
25Aglaan isivġiqsim tatavsaqpauŋ pimaqłuktaqtuaq umialguniaqtuq
suli iñuuniaqtuq qiññaŋa iñugnun nakuuluni.
26Iḷumun ittuaq kiggun
nalunairrutauruq avilaitqataupiaġniġmun.
27Igluliuġnak aasii aimaaġviḷiutilugu nunautitin itqanaiŋaiñŋaisa,
suli nalupqinaiŋalutin maniññaktuġniksraġnik.
28Uqausiġinagu paaqłakługu siḷalliñ patchisaiḷḷaqpiñ,
naaggaunnii uqaġnak anniutauniaqtuanik iliŋiññun.
29Uqallagnak inna, “Piḷġusiatun uvamnun tainnaptauq piñiaġitka!
Akisaġniaġitka!”
30Pisuaqtuaŋa nunaŋiññiḷu nauriaqaġviŋiññiḷu iqiasuuruam,
makautaŋaam iñuum.
31Siḷvinŋamarut kakiḷḷaġnaqtuanik uqpignik suli nauvigiqpaŋammivḷugu palauvakraġiitchuanik.
Uyaġaich katchiuruat katagaŋammiut.
32Qiñiqtuaŋagiga, isummatigiŋagiga,
suli iḷitchivigiŋagiga:
33 #
Pr 6.10, 11. Ki, siqutqigiñ; ki, siñiktuaġiñ.
Argaktin tiggutilugich piḷaiŋaiqsiaġiñ,
34aglaan siñiktillutin,
piiḷḷiuġniġum tikiññiaġaatin satkuliktun tigligaqtitun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)