Numbers 8
8
Inillagmatigik Nannich
1 #
Ex 25.31-40; 37.17-24. Atanġum uqallautigaa Moses, 2“Uqallautisaġiñ Aaron iḷikpagich tallimat maḷġuuruat nannich naniqaġvigñun, inillaqulugich qaummatitchumiñaqsiḷugich sivuġaŋiññun naniqaġviich.”
3Aaron kamaksrivḷuni inillaŋagaich nannich saałługu sivuġaŋa naniqaġvium. 4Naniqaġvik iluqaan savaaguŋaruaq kauktamik kaviqsuamik manigmik, qiñiyunaqsaqługu nautchiatun ittuanik maliġivlugu tuvraaksriutaa Atanġum qiñiqtittaŋa Moses-mun.
Salummaqtauniŋallu Ilaaguaqtauniŋallu Levi-m Kiŋuvaaŋisa
5Atanġum uqallautigaa Moses, 6“Iliŋiguaġlugich Levi-m kiŋuvaaŋich allaniñ Israel-gum kiŋuvaaŋiññiñ aasii salummaġlugich 7inna: siqił̣ł̣aktiġlugich imiġmik salummautauruamik aasii nusaiyaġluni tamatkiġlugu timaa iqaġilugiḷḷu annuġaatiŋ. Tainna tavra pigumiŋ inmigñik salumasiñiaqtut. 8Tavraasii piḷutiŋ pamiqsaamik aŋusalluayaamik aitchuutiksramiglu palauvaksramik akunŋaruamik olive uqsruanik; ilvich aasii allamik pamiqsaamik aŋusalluayaamik piḷutin piḷuunmun aitchuutiksramik. 9Aasii atautchimuktillugich iluqaisa Israel-gum kiŋuvaaŋich aasii Levi-m kiŋuvaaŋich makitillugich sivuġaannun Tupqum nayuqtauvigma. 10Israel-gum kiŋuvaaŋich argatiŋ iḷiruksraġigaich niaquŋiññun Levi-m kiŋuvaaŋich, 11aasii tavra Aaron-gum ilaaguaqtaġiniaġaich Levi-m kiŋuvaaŋich, nalunaiqsaġlugu nuimaniŋa aitchuutauruam uvamnun Israel-gum kiŋuvaaŋiññiñ, savaaqaġumaut savaamnik. 12Levi-m kiŋuvaaŋich argatiŋ iḷigisigaich niaquŋigñun malġuk immuliviik aŋusalluŋiksa; atausiq aitchuutaulugu piḷuunmun suli igḷua ikipkautikun aitchuutaulugu, nalautitchaġlugu piraġausiq salummaġniŋannun Levi-m kiŋuvaaŋich.
13“Ilaaguaqtaġilugich Levi-m kiŋuvaaŋich piqpagnaqtuakun aitchuutauyumaut uvamnun, aasii Aaron-lu iġñiŋiḷḷu aullarriġuġlugich iliŋiññun. 14Inna iliŋiguaqtuksraġigitin Levi-m kiŋuvaaŋich allaniñ Israel-gum kiŋuvaaŋiññiñ, uvaŋa pigiyumagitka. 15Salummaqtaġianikkupkich suli iliŋiguaġlugich Levi-m kiŋuvaaŋich, piksraqtaaguvlutiŋ savallaruat Tupiġmi Atanġum nayuqtauviani. 16Piksraqtaaġipiallaŋagitka inaŋiutivlugich iluqaiññun aŋayukłiġiraŋiññun Israel-gum kiŋuvaaŋich, uvaŋa kisima piginiaġitka. 17#Ex 13.2.Ilaaguaqtaġiŋavlugich uvaŋa pigisukługich aŋayukłiich iġñiŋich Israel-gum kiŋuvaaŋisa aŋayukłiŋiḷḷu niġrutipayaaŋisa, taimani tuqunnapkich aŋayukłiupayaaqtuat Egypt-mi. 18Piksraqtaaġigitka Levi-m kiŋuvaaŋich inaŋiqsaġlugich aŋayukłiich Israel-gum kiŋuvaaŋich, 19aasii qaiñŋagitka Levi-m kiŋuvaaŋich Aaron-mullu iġñiŋiñullu, aitchuutauvlugich Israel-gum kiŋuvaaŋiññiñ, savautitquvlugich iñuich Tupiġmi suli qaunagitquvlugich Israel-gum kiŋuvaaŋich suksraunġiqsauniksraŋanniñ qallivaitparruŋ Salumaniqsrauruaq Ini.”
20Tavraasii Moses-guvlu, Aaron-guvlu iluqatiglu Israel-gum kiŋuvaaŋich ilaaguaqtaġiŋagaich Levi-m kiŋuvaaŋich, Atanġum piraksriutaatun Moses-mun. 21Levi-m kiŋuvaaŋich salummaŋarut ilimignun iqaġivlugiḷḷu annuġaatiŋ, aasii Aaron-gum ilaaguaqługich aitchuutigiŋagaich Ataniġmun. Piraġausiq suli nalaułługu salummaŋammigaich. 22Tavra Levi-m kiŋuvaaŋich piksraqtaaguvlutiŋ savallaruat Tupiġmi Atanġum nayuqtauviani aullarriqaqłutiŋ Aaron-miglu iġñiŋiññiglu. Iñuich savaŋarut supayaamik Atanġum piraksriutaatun Moses-mun Levi-m kiŋuvaaŋisigun.
23Atanġum uqallautigaa Moses, 24“Iñuiññaq tallimaniñ aglaan (25) ukiuqaqtuat Levi-m kiŋuvaaŋich savaksaġniaqtut Tupiġmi Atanġum nayuqtauviani, 25ukiunikkumiŋ malġukipiaq qulitun (50) savaŋaiġñiaqtut. 26Taamna pianikpan ikayuġumiñaġaich kiŋuvaaqatiini savaktuat Tupiġmi, aglaan savaktuksrauŋitchuq kisimi. Tainna tavra aŋalanniaġisi savaaġiniaqtaŋich Levi-m kiŋuvaaŋisa.”
Currently Selected:
Numbers 8: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Numbers 8
8
Inillagmatigik Nannich
1 #
Ex 25.31-40; 37.17-24. Atanġum uqallautigaa Moses, 2“Uqallautisaġiñ Aaron iḷikpagich tallimat maḷġuuruat nannich naniqaġvigñun, inillaqulugich qaummatitchumiñaqsiḷugich sivuġaŋiññun naniqaġviich.”
3Aaron kamaksrivḷuni inillaŋagaich nannich saałługu sivuġaŋa naniqaġvium. 4Naniqaġvik iluqaan savaaguŋaruaq kauktamik kaviqsuamik manigmik, qiñiyunaqsaqługu nautchiatun ittuanik maliġivlugu tuvraaksriutaa Atanġum qiñiqtittaŋa Moses-mun.
Salummaqtauniŋallu Ilaaguaqtauniŋallu Levi-m Kiŋuvaaŋisa
5Atanġum uqallautigaa Moses, 6“Iliŋiguaġlugich Levi-m kiŋuvaaŋich allaniñ Israel-gum kiŋuvaaŋiññiñ aasii salummaġlugich 7inna: siqił̣ł̣aktiġlugich imiġmik salummautauruamik aasii nusaiyaġluni tamatkiġlugu timaa iqaġilugiḷḷu annuġaatiŋ. Tainna tavra pigumiŋ inmigñik salumasiñiaqtut. 8Tavraasii piḷutiŋ pamiqsaamik aŋusalluayaamik aitchuutiksramiglu palauvaksramik akunŋaruamik olive uqsruanik; ilvich aasii allamik pamiqsaamik aŋusalluayaamik piḷutin piḷuunmun aitchuutiksramik. 9Aasii atautchimuktillugich iluqaisa Israel-gum kiŋuvaaŋich aasii Levi-m kiŋuvaaŋich makitillugich sivuġaannun Tupqum nayuqtauvigma. 10Israel-gum kiŋuvaaŋich argatiŋ iḷiruksraġigaich niaquŋiññun Levi-m kiŋuvaaŋich, 11aasii tavra Aaron-gum ilaaguaqtaġiniaġaich Levi-m kiŋuvaaŋich, nalunaiqsaġlugu nuimaniŋa aitchuutauruam uvamnun Israel-gum kiŋuvaaŋiññiñ, savaaqaġumaut savaamnik. 12Levi-m kiŋuvaaŋich argatiŋ iḷigisigaich niaquŋigñun malġuk immuliviik aŋusalluŋiksa; atausiq aitchuutaulugu piḷuunmun suli igḷua ikipkautikun aitchuutaulugu, nalautitchaġlugu piraġausiq salummaġniŋannun Levi-m kiŋuvaaŋich.
13“Ilaaguaqtaġilugich Levi-m kiŋuvaaŋich piqpagnaqtuakun aitchuutauyumaut uvamnun, aasii Aaron-lu iġñiŋiḷḷu aullarriġuġlugich iliŋiññun. 14Inna iliŋiguaqtuksraġigitin Levi-m kiŋuvaaŋich allaniñ Israel-gum kiŋuvaaŋiññiñ, uvaŋa pigiyumagitka. 15Salummaqtaġianikkupkich suli iliŋiguaġlugich Levi-m kiŋuvaaŋich, piksraqtaaguvlutiŋ savallaruat Tupiġmi Atanġum nayuqtauviani. 16Piksraqtaaġipiallaŋagitka inaŋiutivlugich iluqaiññun aŋayukłiġiraŋiññun Israel-gum kiŋuvaaŋich, uvaŋa kisima piginiaġitka. 17#Ex 13.2.Ilaaguaqtaġiŋavlugich uvaŋa pigisukługich aŋayukłiich iġñiŋich Israel-gum kiŋuvaaŋisa aŋayukłiŋiḷḷu niġrutipayaaŋisa, taimani tuqunnapkich aŋayukłiupayaaqtuat Egypt-mi. 18Piksraqtaaġigitka Levi-m kiŋuvaaŋich inaŋiqsaġlugich aŋayukłiich Israel-gum kiŋuvaaŋich, 19aasii qaiñŋagitka Levi-m kiŋuvaaŋich Aaron-mullu iġñiŋiñullu, aitchuutauvlugich Israel-gum kiŋuvaaŋiññiñ, savautitquvlugich iñuich Tupiġmi suli qaunagitquvlugich Israel-gum kiŋuvaaŋich suksraunġiqsauniksraŋanniñ qallivaitparruŋ Salumaniqsrauruaq Ini.”
20Tavraasii Moses-guvlu, Aaron-guvlu iluqatiglu Israel-gum kiŋuvaaŋich ilaaguaqtaġiŋagaich Levi-m kiŋuvaaŋich, Atanġum piraksriutaatun Moses-mun. 21Levi-m kiŋuvaaŋich salummaŋarut ilimignun iqaġivlugiḷḷu annuġaatiŋ, aasii Aaron-gum ilaaguaqługich aitchuutigiŋagaich Ataniġmun. Piraġausiq suli nalaułługu salummaŋammigaich. 22Tavra Levi-m kiŋuvaaŋich piksraqtaaguvlutiŋ savallaruat Tupiġmi Atanġum nayuqtauviani aullarriqaqłutiŋ Aaron-miglu iġñiŋiññiglu. Iñuich savaŋarut supayaamik Atanġum piraksriutaatun Moses-mun Levi-m kiŋuvaaŋisigun.
23Atanġum uqallautigaa Moses, 24“Iñuiññaq tallimaniñ aglaan (25) ukiuqaqtuat Levi-m kiŋuvaaŋich savaksaġniaqtut Tupiġmi Atanġum nayuqtauviani, 25ukiunikkumiŋ malġukipiaq qulitun (50) savaŋaiġñiaqtut. 26Taamna pianikpan ikayuġumiñaġaich kiŋuvaaqatiini savaktuat Tupiġmi, aglaan savaktuksrauŋitchuq kisimi. Tainna tavra aŋalanniaġisi savaaġiniaqtaŋich Levi-m kiŋuvaaŋisa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)