Mark 10
10
Jesus Iḷisaurriruq Avinnikun
(Matthew 19.1-12; Luke 16.18)
1Tavra Jesus aullaŋaruq tavraŋŋa, aullaqłuni nunanun Judea-miittuanun, taavuŋatchianullu kuugum Jordan. Iñusalaich ullaŋagaat aasii ilaan iḷisautiŋagai piḷġusikaamisun.
2Tavra Pharisees ullaŋagaat, aasii killuqsaqtinniaqługu apiġiŋagaat. Pitquraptigni nalaunŋava iñuum avitpagu nuliani? 3Tavra Jesus kiuŋagai, Qanuq pitqurat qaisauruat Moses-kun piraksriŋavasi? 4#Dt 24.1-4; Mt 5.31.Ilaisa kiuŋagaat, Moses suŋiññiŋagaa iñuk aglagluni nalupqinaiġutinik makpiġaamun avirrusiuqpan, aasii aullaqtillugu nuliani. 5Tavra Jesus kiuŋagai, Taamna pitquraq qaisauruaq Moses-kun aglaaguŋaruq ilivsi pisigivlusi iḷisautitchiġiiññavsi. 6#Gn 1.27; 5.2.Supayaat savaaguqqaaġmata, God savaŋaruq aŋunmiglu aġnamiglu. 7#Gn 2.24.Taamna pisigivlugu aŋutim qimaguuniġik aapaniḷu, aakaniḷu, aasii nayuqsiutivlugu nuliani. 8Tavra iliŋik malġuuruak atautchisun iñuktun iḷiñiaqtuk. Tavraŋŋaaglaan malġuuŋaiqsuk, aglaan atausiŋŋuqtuk. 9Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.
10Tavra iglumi iḷitchitquraŋisa apiġitqiŋagaat taavrumiŋa. 11#Mt 5.32; 1 Co 7.10, 11.Tavra ilaan uqallautiŋagai, Kialiqaa avitkumiuŋ nuliani, aasii nuliaġluni allamik, allattuqtuq, piḷuksivḷuni nuliaqqaamiñun. 12Tainnatun suli aġnaq allattuqtuq avinnamiuŋ uiñi allamik uiñitqikł̣uni.
Jesus Aŋaiyyutigai Miqłiqtuurat
(Matthew 19.13-15; Luke 18.15-17)
13Tavra iñuich iḷaŋisa qaġġisiŋagaich miqłiqtut, Jesus-mun aksiuquvlugich. Tavra iḷitchitquraŋisa suaŋagaich tamatkua qaġġirriruat iliŋiññik. 14Aasiiḷi Jesus iḷitchuġikamiuŋ taamna, iviġaumaiñŋaruq atqunaqłuni, aasii uqallautivlugich, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai. 15#Mt 18.3.Iḷumun uqallautigivsi. Kialiqaa ukpiġiŋitpagu God miqłiqtuuram ukpiqsrausiatun, isiġumiñaitchuq God-im atanniqsimavianun. 16Tavra tigumirriutiŋagai miqłiqtuurat, iḷivḷugich argagni ilaiññun aŋaiyyutiŋagai.
Suġalliruaq Iñuk
(Matthew 19.16-30; Luke 18.18-30)
17Tavra aullaġman apqutitigun, qaiŋaruq iñuk aqpamik, aasii sitquqłuni apiġivlugu, Iḷisaurrigiksuaq, sumik piñiaqpik isuitchuamik iñuggutinnagugluŋa? 18Tavra Jesus kiuŋagaa, Summan taiviŋa nakuuruamik? Nakuuruagitchuq iñuŋmik, God kisimi. 19#Ex 20.13; Dt 5.17; Ex 20.14; Dt 5.18; Ex 20.15; Dt 5.19; Ex 20.16; Dt 5.20; Ex 20.12; Dt 5.16.Iḷisimagitin pitqurat, Allatuġnak, Iñuaġnak, Tigliŋnak, Saglunak, Saglutaġniŋnak, Suuŋiḷaġinagik aapallu aakallu. 20Iñuum kiuŋagaa, Iḷisaurrii, iluqaisa tamatkua kamagiŋagitka nutaġaunnamniñ. 21Tavra Jesus qiñillaan piviuttaġivlugu, uqallautiŋagaa, Atausivsaamik piruksraurutin. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin, maliŋŋa. 22Tavra ipiqtutchautigiŋagaa taamna uqaluk, aasii aullaqłuni nikatchakłuni, qanuq iñugiaktuanik suġaliqaŋaruq.
23Tavra Jesus alaqiñŋaruq avanmun, aasii uqallautivlugich iḷitchitqurani, Qanutun siġḷiġnaqtiginiaqtuq suġalliruat iñuich isiġniaġniksraŋat God-im atanniqsimavianun. 24Iḷitchitqurat niġiiḷḷaqtauŋarut taapkunuuna Jesus uqaluŋigun, aasii ilaan uqallautivsaaŋagai, Miqłiqtuut, qanutun siġḷiġnaqtigiruq isiġniaġniksraŋat God-im atanniqsimavianun, tamatkua nayummatiqaqtuat suġaliġnik. 25Siġḷiġnaił̣haaqtuq pikukturuaq kakakti iraaguaġumi mitqutim, suġalliruam isiġniaġniŋaniñ God-im atanniqsimavianun. 26Tavra niġiiḷḷaqtaupiaġataŋarut uqaqłutiŋ ilimiŋnun, Kiñaasiiñ annaurrauniaqpa? 27Jesus takunnaqługich uqallaŋaruq, Taamna piyumiñaitkaluaġaat iñuich, aglaan God-im piyumiñaġaa. God supayaanik piḷḷaruq.
28Tavra Peter uqarraqsiŋaruq ilaanun, Iḷisimarutin uvagut qimaiŋarugut supayaanik, aasii malikłutin. 29Tavra Jesus kiuŋagaa, Iḷumun uqallautigivsi, pisigiluŋa tusaayugaaġiksuaġlu iñuk qimairuaq iglumiñik, naagga aniqatiinik, naagga aapamik, aakamiglu, naagga miqłiqtunik, naagga nunamiñik, 30aitchuusiaqaġniaqtuq tallimakipiatun iḷiḷugich paŋmapaŋmi qimakkani, iglut, aniqatit, aakat, miqłiqtut, nunat, iḷalugich nagliksaaqtirrusianik. Suli taimanigu iñuggutinnagniaqtuq isuitchuamik. 31#Mt 20.16; Lk 13.30.Aglaan qaunagisitchi. Iñugiaktuat paŋmapak salliuniataktuat qamalliġuurrauniaqtut. Suli iñugiaktuat paŋmapak qamalliuruat salliġuutiniaqtut.
Jesus Piŋatchiġik Uqaġniŋni Tuqqunmigun
(Matthew 20.17-19; Luke 18.31-34)
32Tavra iglauŋarut aullaqłutiŋ Jerusalem-mun, Jesus sivulliuŋagai. Aasii iḷitchitqurat allayuaŋarut. Suli allat iñuich maliġuaġniallaan, taluqsratchaŋarut. Tavra Jesus qulit malġuk iḷitchitqurani ilaaguaġutitqiŋagai, aasii uqautivlugich sutigun piyumaaqtuatigun inmiñun. 33Naalaġnisiŋa, Jesus uqallautiŋagai, Iglaurugut uvva Jerusalem-mun Iġñiŋan Iñuum aitchuutauviksraŋanun aŋaiyyuliqsiqpaŋnun, pitquraniglu iḷisaurriñun. Tuqutaksrauniñiaġaat aasii qaiḷḷugu Jew-guŋitchuanun. 34Aasii taapkua kipaginiaġaat, tivvuaqtuġniaġaallu ipiġaqtuġlugulu, suli tuqunniaġaat. Aasii uvluk piŋayuaŋni, ilaa aŋiñiaqtuq.
Apiqsriñiŋak James-lu John-lu
(Matthew 20.20-28)
35Tavra James-lu John-lu iġñak Zebedee-m qaiŋaruk Jesus-mun aasii uqallautivlugu, Iḷisaurrii, sumik samma pisitqugaluaqtuguk iliŋnun. 36Tavra ilaan uqallautiŋagik, Sumik pisitquyumavisik uvamnun? 37Iliŋikta kiuŋagaak, aquvitkuvich umialguniġni iksivautaġnun kamanaqtuami atanniqsimmanmi, iliŋnun aquvititquruguk avatiŋnun, aippaqpuk taliqpiŋñun aasii igḷukpuk saumiŋñun. 38#Lk 12.50.Jesus uqallautiŋagik, nalurutik sumik apiqsrisilaaptiŋnik. Isumaaqtigiyumiñaqpisik isumaaġutiginiakkaptun, imiġmatun qallugauramniñ? Suli igḷutuġumiñaqpitku nagliksaaqtirrusiaġa, paptaiqsaummatun paptaiġusiamnik? 39Tavra iliŋik uqallaŋaruk ilaanun, Piyumiñaqtuguk. Tavra Jesus uqallautiŋagik, Iḷumun imiġniaqtutik qallugauramniñ imiġvimñiñ, suli paptaiġusiamnik paptaiqsauniaqtutik, 40aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. God-im aitchuutiginiaġik taapkuak inik kisunun itqanaiyautikkaġmiñun inigitquvlugik.
41Tavra allat qulit iḷitchitqurat tusaakamirruŋ taamna, uumitchautiqpaŋagaich James-lu John-lu. 42#Lk 22.25, 26.Tavra Jesus ququaŋagai iluqaisa iḷitchitqurat atautchimun, aasii uqallautivlugich, Iḷisimarusi iñuich atanaurauruat iñuŋnun suaŋŋatiqaqtut iliŋiññun, suli aullarriŋisa atanniqsimavlugich. 43#Mt 23.11; Mk 9.35; Lk 22.26.Aglaan tainna piñiaŋitchusi ilivsi. Kiñaliqaa kamanaġuktuaq akunnavsiññi, kivgauruksrauruq ilivsiññun. 44Suli kiñapayauraq ilivsiññi qaukłiusuktuaq, kivgauruksrauruq iluqavsiññun. 45Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.
Jesus Iłuaqsigaa Ayauŋaruaq Bartimaeus
(Matthew 20.29-34; Luke 18.35-43)
46Tavra tikiñŋarut Jericho-mun, aasii aullaqsaġman Jericho-miñ iḷitchitquraniḷu iñusalaiḷḷu, ayauŋaruaq Bartimaeus, iġñiŋa Timaeus, aquppiŋaruq apqutit saniġaanni piatchiaqtaqłuni. 47Tavra tusaakami Jesus-gutilaaŋanik Nazareth-miu, ilaa ququularraqsiŋaruq, Jesus, iġñiġuruatiin David-mun, nagligiŋŋa. 48Tavra iñugiaktuat iñiqtiŋagaat nipattuksrauŋiññivḷugu. Aglaan ilaa ququulavsaaqsiññaŋaruq atqunaq, Iġñiġuruatiin David-mun, nagligiŋŋa. 49Tavra Jesus nutqaqłuni qikaŋaruq, aasii iñuich uqallautivlugich, qaitqusiuŋ. Tavra ququaŋagaat ayauŋaruaq uqallautivlugu, Quviasugiñ. Makittin. Qaitqugaatin. 50Tavra ilaan, mattaqługu uligaani, makinŋaruq aasii Jesus-mukłuni. 51Tavra Jesus apiġiŋagaa, Sutquvich uvamnun? Ayauŋaruam kiuŋagaa, Iḷisaurrii, tautullasisuktuŋa. 52Tavra Jesus uqallautiŋagaa, Aullaġiñ. Ukpiġurvich iłuaqsipkaġaatin. Tavra tavrauvvaa ilaa tautullasiŋaruq, aasii malikługu Jesus apqutitigun.
Currently Selected:
Mark 10: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Mark 10
10
Jesus Iḷisaurriruq Avinnikun
(Matthew 19.1-12; Luke 16.18)
1Tavra Jesus aullaŋaruq tavraŋŋa, aullaqłuni nunanun Judea-miittuanun, taavuŋatchianullu kuugum Jordan. Iñusalaich ullaŋagaat aasii ilaan iḷisautiŋagai piḷġusikaamisun.
2Tavra Pharisees ullaŋagaat, aasii killuqsaqtinniaqługu apiġiŋagaat. Pitquraptigni nalaunŋava iñuum avitpagu nuliani? 3Tavra Jesus kiuŋagai, Qanuq pitqurat qaisauruat Moses-kun piraksriŋavasi? 4#Dt 24.1-4; Mt 5.31.Ilaisa kiuŋagaat, Moses suŋiññiŋagaa iñuk aglagluni nalupqinaiġutinik makpiġaamun avirrusiuqpan, aasii aullaqtillugu nuliani. 5Tavra Jesus kiuŋagai, Taamna pitquraq qaisauruaq Moses-kun aglaaguŋaruq ilivsi pisigivlusi iḷisautitchiġiiññavsi. 6#Gn 1.27; 5.2.Supayaat savaaguqqaaġmata, God savaŋaruq aŋunmiglu aġnamiglu. 7#Gn 2.24.Taamna pisigivlugu aŋutim qimaguuniġik aapaniḷu, aakaniḷu, aasii nayuqsiutivlugu nuliani. 8Tavra iliŋik malġuuruak atautchisun iñuktun iḷiñiaqtuk. Tavraŋŋaaglaan malġuuŋaiqsuk, aglaan atausiŋŋuqtuk. 9Taamna pisigilugu, iñuum avinŋaiḷḷiuŋ tuvaaqatini God-im atautchimuktinŋammatik.
10Tavra iglumi iḷitchitquraŋisa apiġitqiŋagaat taavrumiŋa. 11#Mt 5.32; 1 Co 7.10, 11.Tavra ilaan uqallautiŋagai, Kialiqaa avitkumiuŋ nuliani, aasii nuliaġluni allamik, allattuqtuq, piḷuksivḷuni nuliaqqaamiñun. 12Tainnatun suli aġnaq allattuqtuq avinnamiuŋ uiñi allamik uiñitqikł̣uni.
Jesus Aŋaiyyutigai Miqłiqtuurat
(Matthew 19.13-15; Luke 18.15-17)
13Tavra iñuich iḷaŋisa qaġġisiŋagaich miqłiqtut, Jesus-mun aksiuquvlugich. Tavra iḷitchitquraŋisa suaŋagaich tamatkua qaġġirriruat iliŋiññik. 14Aasiiḷi Jesus iḷitchuġikamiuŋ taamna, iviġaumaiñŋaruq atqunaqłuni, aasii uqallautivlugich, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai. 15#Mt 18.3.Iḷumun uqallautigivsi. Kialiqaa ukpiġiŋitpagu God miqłiqtuuram ukpiqsrausiatun, isiġumiñaitchuq God-im atanniqsimavianun. 16Tavra tigumirriutiŋagai miqłiqtuurat, iḷivḷugich argagni ilaiññun aŋaiyyutiŋagai.
Suġalliruaq Iñuk
(Matthew 19.16-30; Luke 18.18-30)
17Tavra aullaġman apqutitigun, qaiŋaruq iñuk aqpamik, aasii sitquqłuni apiġivlugu, Iḷisaurrigiksuaq, sumik piñiaqpik isuitchuamik iñuggutinnagugluŋa? 18Tavra Jesus kiuŋagaa, Summan taiviŋa nakuuruamik? Nakuuruagitchuq iñuŋmik, God kisimi. 19#Ex 20.13; Dt 5.17; Ex 20.14; Dt 5.18; Ex 20.15; Dt 5.19; Ex 20.16; Dt 5.20; Ex 20.12; Dt 5.16.Iḷisimagitin pitqurat, Allatuġnak, Iñuaġnak, Tigliŋnak, Saglunak, Saglutaġniŋnak, Suuŋiḷaġinagik aapallu aakallu. 20Iñuum kiuŋagaa, Iḷisaurrii, iluqaisa tamatkua kamagiŋagitka nutaġaunnamniñ. 21Tavra Jesus qiñillaan piviuttaġivlugu, uqallautiŋagaa, Atausivsaamik piruksraurutin. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin, maliŋŋa. 22Tavra ipiqtutchautigiŋagaa taamna uqaluk, aasii aullaqłuni nikatchakłuni, qanuq iñugiaktuanik suġaliqaŋaruq.
23Tavra Jesus alaqiñŋaruq avanmun, aasii uqallautivlugich iḷitchitqurani, Qanutun siġḷiġnaqtiginiaqtuq suġalliruat iñuich isiġniaġniksraŋat God-im atanniqsimavianun. 24Iḷitchitqurat niġiiḷḷaqtauŋarut taapkunuuna Jesus uqaluŋigun, aasii ilaan uqallautivsaaŋagai, Miqłiqtuut, qanutun siġḷiġnaqtigiruq isiġniaġniksraŋat God-im atanniqsimavianun, tamatkua nayummatiqaqtuat suġaliġnik. 25Siġḷiġnaił̣haaqtuq pikukturuaq kakakti iraaguaġumi mitqutim, suġalliruam isiġniaġniŋaniñ God-im atanniqsimavianun. 26Tavra niġiiḷḷaqtaupiaġataŋarut uqaqłutiŋ ilimiŋnun, Kiñaasiiñ annaurrauniaqpa? 27Jesus takunnaqługich uqallaŋaruq, Taamna piyumiñaitkaluaġaat iñuich, aglaan God-im piyumiñaġaa. God supayaanik piḷḷaruq.
28Tavra Peter uqarraqsiŋaruq ilaanun, Iḷisimarutin uvagut qimaiŋarugut supayaanik, aasii malikłutin. 29Tavra Jesus kiuŋagaa, Iḷumun uqallautigivsi, pisigiluŋa tusaayugaaġiksuaġlu iñuk qimairuaq iglumiñik, naagga aniqatiinik, naagga aapamik, aakamiglu, naagga miqłiqtunik, naagga nunamiñik, 30aitchuusiaqaġniaqtuq tallimakipiatun iḷiḷugich paŋmapaŋmi qimakkani, iglut, aniqatit, aakat, miqłiqtut, nunat, iḷalugich nagliksaaqtirrusianik. Suli taimanigu iñuggutinnagniaqtuq isuitchuamik. 31#Mt 20.16; Lk 13.30.Aglaan qaunagisitchi. Iñugiaktuat paŋmapak salliuniataktuat qamalliġuurrauniaqtut. Suli iñugiaktuat paŋmapak qamalliuruat salliġuutiniaqtut.
Jesus Piŋatchiġik Uqaġniŋni Tuqqunmigun
(Matthew 20.17-19; Luke 18.31-34)
32Tavra iglauŋarut aullaqłutiŋ Jerusalem-mun, Jesus sivulliuŋagai. Aasii iḷitchitqurat allayuaŋarut. Suli allat iñuich maliġuaġniallaan, taluqsratchaŋarut. Tavra Jesus qulit malġuk iḷitchitqurani ilaaguaġutitqiŋagai, aasii uqautivlugich sutigun piyumaaqtuatigun inmiñun. 33Naalaġnisiŋa, Jesus uqallautiŋagai, Iglaurugut uvva Jerusalem-mun Iġñiŋan Iñuum aitchuutauviksraŋanun aŋaiyyuliqsiqpaŋnun, pitquraniglu iḷisaurriñun. Tuqutaksrauniñiaġaat aasii qaiḷḷugu Jew-guŋitchuanun. 34Aasii taapkua kipaginiaġaat, tivvuaqtuġniaġaallu ipiġaqtuġlugulu, suli tuqunniaġaat. Aasii uvluk piŋayuaŋni, ilaa aŋiñiaqtuq.
Apiqsriñiŋak James-lu John-lu
(Matthew 20.20-28)
35Tavra James-lu John-lu iġñak Zebedee-m qaiŋaruk Jesus-mun aasii uqallautivlugu, Iḷisaurrii, sumik samma pisitqugaluaqtuguk iliŋnun. 36Tavra ilaan uqallautiŋagik, Sumik pisitquyumavisik uvamnun? 37Iliŋikta kiuŋagaak, aquvitkuvich umialguniġni iksivautaġnun kamanaqtuami atanniqsimmanmi, iliŋnun aquvititquruguk avatiŋnun, aippaqpuk taliqpiŋñun aasii igḷukpuk saumiŋñun. 38#Lk 12.50.Jesus uqallautiŋagik, nalurutik sumik apiqsrisilaaptiŋnik. Isumaaqtigiyumiñaqpisik isumaaġutiginiakkaptun, imiġmatun qallugauramniñ? Suli igḷutuġumiñaqpitku nagliksaaqtirrusiaġa, paptaiqsaummatun paptaiġusiamnik? 39Tavra iliŋik uqallaŋaruk ilaanun, Piyumiñaqtuguk. Tavra Jesus uqallautiŋagik, Iḷumun imiġniaqtutik qallugauramniñ imiġvimñiñ, suli paptaiġusiamnik paptaiqsauniaqtutik, 40aglaan uvaŋa piksraqtuksrautauŋitchuŋa aquppiruksranik taliqpimñi saumimñiḷu. God-im aitchuutiginiaġik taapkuak inik kisunun itqanaiyautikkaġmiñun inigitquvlugik.
41Tavra allat qulit iḷitchitqurat tusaakamirruŋ taamna, uumitchautiqpaŋagaich James-lu John-lu. 42#Lk 22.25, 26.Tavra Jesus ququaŋagai iluqaisa iḷitchitqurat atautchimun, aasii uqallautivlugich, Iḷisimarusi iñuich atanaurauruat iñuŋnun suaŋŋatiqaqtut iliŋiññun, suli aullarriŋisa atanniqsimavlugich. 43#Mt 23.11; Mk 9.35; Lk 22.26.Aglaan tainna piñiaŋitchusi ilivsi. Kiñaliqaa kamanaġuktuaq akunnavsiññi, kivgauruksrauruq ilivsiññun. 44Suli kiñapayauraq ilivsiññi qaukłiusuktuaq, kivgauruksrauruq iluqavsiññun. 45Qanuq Iġñiŋaunnii Iñuum qaiŋaruq kivgaqaġiaqsaŋaiqł̣uni. Ilaa qaiŋaruq kivgauyaqtuqłuni tuquyaqtuqłuniḷu tasuġukługich iñugiaktuat iñuich.
Jesus Iłuaqsigaa Ayauŋaruaq Bartimaeus
(Matthew 20.29-34; Luke 18.35-43)
46Tavra tikiñŋarut Jericho-mun, aasii aullaqsaġman Jericho-miñ iḷitchitquraniḷu iñusalaiḷḷu, ayauŋaruaq Bartimaeus, iġñiŋa Timaeus, aquppiŋaruq apqutit saniġaanni piatchiaqtaqłuni. 47Tavra tusaakami Jesus-gutilaaŋanik Nazareth-miu, ilaa ququularraqsiŋaruq, Jesus, iġñiġuruatiin David-mun, nagligiŋŋa. 48Tavra iñugiaktuat iñiqtiŋagaat nipattuksrauŋiññivḷugu. Aglaan ilaa ququulavsaaqsiññaŋaruq atqunaq, Iġñiġuruatiin David-mun, nagligiŋŋa. 49Tavra Jesus nutqaqłuni qikaŋaruq, aasii iñuich uqallautivlugich, qaitqusiuŋ. Tavra ququaŋagaat ayauŋaruaq uqallautivlugu, Quviasugiñ. Makittin. Qaitqugaatin. 50Tavra ilaan, mattaqługu uligaani, makinŋaruq aasii Jesus-mukłuni. 51Tavra Jesus apiġiŋagaa, Sutquvich uvamnun? Ayauŋaruam kiuŋagaa, Iḷisaurrii, tautullasisuktuŋa. 52Tavra Jesus uqallautiŋagaa, Aullaġiñ. Ukpiġurvich iłuaqsipkaġaatin. Tavra tavrauvvaa ilaa tautullasiŋaruq, aasii malikługu Jesus apqutitigun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)