Leviticus 2
2
Palauvaksrat Aitchuutit
1Nallisi aitchuutiqaqpata palauvaksranik Ataniġmun, palauvalluatauruksrauruq. Uqsruliġḷugu olive uqsruanik tivraġiksaunmiglu iḷalugu 2aasii aŋaiyyuliqsiqpagnuutilugu Aaron iġñiŋiñun. Aŋaiyyuliqsiqpak piksraġluni tavraŋŋa ikipkaġniaġaa nalunaiqsaġlugu tavra taamna iluqaan aitchuutauŋatilaaŋanik Ataniġmun. Tipaa taaptuma niqim aitchuutauruam iviġaumanaqtuq Ataniġmun. 3Iḷakuŋa palauvaksram aitchuutauruam piginiaġaat aŋaiyyuliqsiqpaich; salumaruagupiaġataqtuq, piksraqtaaguvluni niqimiñ aitchuutauruamiñ Ataniġmun.
4Aitchuutauruaq aasii punniukpan igaŋaluni punillivikun, kukiaguruksrauruq imaksraiḷaaġlugu. Maptunaaŋayumiñaqtut piḷiagulutiŋ palauvagmik akunŋaruamik olive uqsruanik naakka maptukitchuat punniġich uqsruqtaaŋalugich olive uqsruanik.
5Aitchuutauruaq punniukpan kukiaguluni siḷaavyiutikun, piḷiaguruksrauruq palauvagmik akunŋaruamik olive uqsruanik aglaan imaksraiḷaaġlugu. 6Siqumillugu aasii kuviqqilugu uqsrumik tavra palauvaksraun aitchuutauruq.
7Aitchuutauruaq punniukpan kukiaguluni punnilivigmi, piḷiaguruksrauruq palauvagmiñ olive uqsruanik iḷaqaġuni. 8Qaġġisilugu aitchuutiksrautauruaq Ataniġmun aasii qaiḷḷugu aŋaiyyuliqsiqpagmun, ikipkaivigmuutiniaġaa. 9Aŋaiyyuliqsiqpaum iḷaŋa piñiaġaa ilaaguaqtauŋatilaaŋa nalunaiqsaġlugu iluqaan aitchuutauŋatilaaŋanik Ataniġmun, aasii ikipkaġniaġaa ikipkaivigmi. Tipaa taaptuma niqim aitchuutauruam iviġaumanaqtuq Ataniġmun. 10Iḷakuŋa aitchuutim aŋaiyyuliqsiqpaich piginiaġaat; salumaruagupiaġataqtuq, piksraqtaaguvluni aitchuutauruamiñ Ataniġmun. 11Palauvaksraniñ aitchuutauruat qaitchasi Ataniġmun puvlaksautaitchuksraurut; imaksrautaitchuksraurut, honey-qaqtuksrauŋitchullu niqiksrat ikipkaqtat aitchuutauniaqtuat Ataniġmun. 12Aitchuutauniaqtuaq sivulliġñiñ palauvaksraniñ kivluavsiññiñ ukiutuaġaġikpan qaitchuksraġigiksi Ataniġmun, aglaan ikipkaġaluaġnagu ikipkaivigmi. 13Taġirriġḷugu palauvaksraq aitchuutaupayaaqtuaq, taġium arriġigaa sivunniuġutauŋaruaq ilivsiññiḷu God-miḷu. (Taġiuliqsuksraġigisi iluqaisa aitchuutigirasi.) 14Qaġġirriguvsi Ataniġmun aitchuunmik sivulliuruaniñ kivluaniñ, aitchuisaqtusi argiŋaruamik kanuqqiŋaruamik palauvaksramik. 15Iḷalugu olive uqsruanik suli tivraġiksaunmik. 16Aŋaiyyuliqsim ikipkaġniaġaa taaptuma iḷaŋa akunŋaruam, tivraġiksaullu iluqaan, itqaummatausaġlugu niqiksraq aitchuutauruaq Ataniġmun.
Currently Selected:
Leviticus 2: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Leviticus 2
2
Palauvaksrat Aitchuutit
1Nallisi aitchuutiqaqpata palauvaksranik Ataniġmun, palauvalluatauruksrauruq. Uqsruliġḷugu olive uqsruanik tivraġiksaunmiglu iḷalugu 2aasii aŋaiyyuliqsiqpagnuutilugu Aaron iġñiŋiñun. Aŋaiyyuliqsiqpak piksraġluni tavraŋŋa ikipkaġniaġaa nalunaiqsaġlugu tavra taamna iluqaan aitchuutauŋatilaaŋanik Ataniġmun. Tipaa taaptuma niqim aitchuutauruam iviġaumanaqtuq Ataniġmun. 3Iḷakuŋa palauvaksram aitchuutauruam piginiaġaat aŋaiyyuliqsiqpaich; salumaruagupiaġataqtuq, piksraqtaaguvluni niqimiñ aitchuutauruamiñ Ataniġmun.
4Aitchuutauruaq aasii punniukpan igaŋaluni punillivikun, kukiaguruksrauruq imaksraiḷaaġlugu. Maptunaaŋayumiñaqtut piḷiagulutiŋ palauvagmik akunŋaruamik olive uqsruanik naakka maptukitchuat punniġich uqsruqtaaŋalugich olive uqsruanik.
5Aitchuutauruaq punniukpan kukiaguluni siḷaavyiutikun, piḷiaguruksrauruq palauvagmik akunŋaruamik olive uqsruanik aglaan imaksraiḷaaġlugu. 6Siqumillugu aasii kuviqqilugu uqsrumik tavra palauvaksraun aitchuutauruq.
7Aitchuutauruaq punniukpan kukiaguluni punnilivigmi, piḷiaguruksrauruq palauvagmiñ olive uqsruanik iḷaqaġuni. 8Qaġġisilugu aitchuutiksrautauruaq Ataniġmun aasii qaiḷḷugu aŋaiyyuliqsiqpagmun, ikipkaivigmuutiniaġaa. 9Aŋaiyyuliqsiqpaum iḷaŋa piñiaġaa ilaaguaqtauŋatilaaŋa nalunaiqsaġlugu iluqaan aitchuutauŋatilaaŋanik Ataniġmun, aasii ikipkaġniaġaa ikipkaivigmi. Tipaa taaptuma niqim aitchuutauruam iviġaumanaqtuq Ataniġmun. 10Iḷakuŋa aitchuutim aŋaiyyuliqsiqpaich piginiaġaat; salumaruagupiaġataqtuq, piksraqtaaguvluni aitchuutauruamiñ Ataniġmun. 11Palauvaksraniñ aitchuutauruat qaitchasi Ataniġmun puvlaksautaitchuksraurut; imaksrautaitchuksraurut, honey-qaqtuksrauŋitchullu niqiksrat ikipkaqtat aitchuutauniaqtuat Ataniġmun. 12Aitchuutauniaqtuaq sivulliġñiñ palauvaksraniñ kivluavsiññiñ ukiutuaġaġikpan qaitchuksraġigiksi Ataniġmun, aglaan ikipkaġaluaġnagu ikipkaivigmi. 13Taġirriġḷugu palauvaksraq aitchuutaupayaaqtuaq, taġium arriġigaa sivunniuġutauŋaruaq ilivsiññiḷu God-miḷu. (Taġiuliqsuksraġigisi iluqaisa aitchuutigirasi.) 14Qaġġirriguvsi Ataniġmun aitchuunmik sivulliuruaniñ kivluaniñ, aitchuisaqtusi argiŋaruamik kanuqqiŋaruamik palauvaksramik. 15Iḷalugu olive uqsruanik suli tivraġiksaunmik. 16Aŋaiyyuliqsim ikipkaġniaġaa taaptuma iḷaŋa akunŋaruam, tivraġiksaullu iluqaan, itqaummatausaġlugu niqiksraq aitchuutauruaq Ataniġmun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)