Exodus 34
34
Tugliuruak Uyaqqak Aglagviik
(Deuteronomy 10.1-5)
1Atanġum uqallautigaa Moses, “Aviksiiñ malġuugnik uyaqqagnik sivulliik tuvraġlugik, aasii agliutiniaġitka uqaluich aglaaguŋaruat sivulliigni uyaqqagni, ilvich naviŋarakkin. 2Paġnayumautin uvlaaku uvlaami, aasii mayuġlutin Mount Sinai-mun kasuġiaġluŋa takpiani qaaŋani. 3Kia unnii maligniaŋitkaatin mayuġuvich; atausiuraq-unnii iñuk qiñiġnaqtuksrauŋitchuq sulliñipayaaŋani iġġim; suli imnaich, pamiqsaakkaluat niġiñiaqtuksrauŋitchut qaniŋani iġġim.” 4Tavraasii Moses aviksiŋaruq malġuvsaagnik uyaqqagnik aglagviigñik, aasii uvlaatchaurami mayuutiŋagaik Mount Sinai-mun, Atanġum piraksriutaatun.
5Ataniq atqaŋaruq nuviyakun, makitaqatigivluguasii, aasii taivḷugu atini salumaruaq, Ataniq. 6#Ex 20.5, 6; Nu 14.18; Dt 5.9, 10; 7.9, 10.Ataniq tavra sivuġaŋaguaŋaruq aasii nivliqhuni, “Uvaŋa, Ataniq, God-auruŋa siḷivinŋaruaq iḷunŋusuunmik naglikkunmiglu, qinnaliyaitchuaq suli maniuqtuaqtuaq kamanaqtuamik nakuaqqunmik piŋitqataaŋił̣ł̣uniḷu. 7Nalautitchuugitka unniqsuqłiisigiŋaratka 1,000-guruanun kiŋuniġiiguruanun suli suliqutigiŋaiqł̣ugich pigiitchuaġlu piḷuullu; aglaan tatavsaŋiññiaŋitkitka miqłiqtuŋiḷḷu, tutaaluŋiḷḷu piŋayuannun sisamaŋannullu kiŋuniġiiguruat aŋayuqaaġiraŋisa piḷuutiŋich pisigilugich.”
8Moses tavrauvvaa punŋaruq nunamun aasii nanġautiqaqhuni. 9Uqallaktuq, “Ataniiq, iviġaumagipiaġumŋa, aullaqatigiyumiñaqpisigut. Ukua uvva iñuich sivunmuuturut, aglaan suliqutigiŋaikkich pigiiḷḷiqutivut piḷuutivullu, aasii akuqtuġluta iñugiliutiluta ilvich.”
Sivunniuġun Nutaqsaqtauruq
(Exodus 23.14-19; Deuteronomy 7.1-5; 16.1-17)
10Ataniq uqallaktuq Moses-mun, “Tavra sivunniuġutiliuqtuŋa iñuŋiñun Israel. Takkuanni kamanaqtuanik savagniaqtuŋa qaŋaunnii nunami savaaguŋaitchuanik akunġanni nunaqpaich. Iñupayaat qiñiġniaqtut qanutun kamanaqtigiruanik uvaŋa, Ataniq, savallatilaamnik, qanukkii aliuġnapiaġataqtuamik savagniaqtuŋa ilivsiññun. 11Kamagilugich piraksriutit qaisaġiratka uvlupak. Aninniaġitka Amor-miut, Canaan-miut, Hit-miut, Periz-miut, Hiv-miut, Jebus-miullu sivunmuktillusi. 12Sivunniuqatiginasigik iñuŋich nunaqpauruat ullagniaqtasi, qanukkii pigiitchuamun nigatchiaġutauniaqtut ilivsiññun. 13#Dt 16.21.Aglaan, ulġullugich ikipkaiviŋich, maqullugich siqummaaġlugich salumaruaġiraŋich napaqutaliaŋich, siqummaaġlugiḷḷu itqautauniaqtuallu iñuuraqpaŋannun Asherah-mun.
14“Aŋaiyyuviginasigik god-iŋŋuat, qanukkii uvaŋa, Ataniq, sigñaturuŋa. 15Sivunniuqatiginasigik iñuŋich nunaqpauruat, qanukkii allatuqtuatun god-iŋŋuamignun piñiaqtusi, niġiqatigisugniaġaasi aitchuutigianiktamigñun god-iŋŋuamigñun. 16Iġñiġutiisi tuvaaqasiqsuqpiaqtut allaniñ nunaniŋŋaqtauruanik aġnanik, maliksuktitpiaġaich paaqłagluŋa aasii aŋaiyyurraqsiḷutiŋ god-iŋŋuaŋiñun.
17 #
Ex 20.4; Lv 19.4; Dt 5.8; 27.15. “Savił̣hamiñ god-iliuġniaŋitchusi aasii aŋaiyyuvigilugich.
18 #
Ex 12.14-20; Lv 23.6-8; Nu 28.16-25. “Quviasugvigilugu Niqinaqiniq Puvlaksautaitchuamik Punniġmik. Piraksriutiptun, niġiḷusi puvlaksautaitchuamik punniġmik tallimat malġugni uvluni tatqiŋani Abib, qanuq taaptumani tatqimi aullaŋarusi Egypt-miñ.
19 #
Ex 13.2. “Aŋayukłiupayaaqtuaq iġñiġuruaq suli aŋayukłiuruaq pamiqsaani niġrutini uvaŋa pigigitka, 20#Ex 13.13.aglaan tauqsitqiktaksraġigiksi aŋayukłiupayaaqtuaq kakakti aitchuiḷusi imnaiyaamik inaani. Tauqsitqiŋitkuvsiuŋ, niġluġlugu quŋusiñġa. Tasutqigḷuguasii aŋayukłiupayaaqtuaq iġñiġuruaq.
“Kiña unnii sivuqqamnuktuksrauŋitchuq aitchuutaiḷaaġluni.
21 #
Ex 20.9, 10; 23.12; 31.15; 35.2; Lv 23.3; Dt 5.13, 14. “Itchaksrani uvluni savagviksraqaqtusi, aglaan savagnasi tallimat malġuŋanni, nautchirriiñaqsigaluaqpan naakkaunnii kivluiñaqsigaluaqpan.
22 #
Lv 23.15-21; Nu 28.26-31;
Lv 23.39-43. “Niqinaqilusi Kivluivium Niqinaqiviani kivluirraqsiguvsi nauqqaaqtuanik palauvaksranik, suli niqinaqilusi Niqinaqiviani Uqquutat ukiaksraaqpan katitchiguvsi siiġñautivsiññik.
23“Piŋasuiqsuaġlugu ukiuq aŋutipayaat nanġaġiaqtaksraġigaanŋa, Atanġuruaŋa, God-iŋat Israel. 24Anitanikkupkich uvaŋa nunaqpauruat sivuvsiññi aasii iḷavsaaġlugu nunaksi, kia unnii pisaġiñiatagniaŋitkaat nunaqpaksi piŋayuiguruanik niqinaqipkaqtillusi.
25 #
Ex 12.10. “Aitchuutiqaġnasi punniġmik imaksrailigaamik aitchuiñiaġuvsi niġrunmik, suli tutquqsimanasiuŋ uvlaaġataqtillugu sulliñipayaaŋa niġrutim aitchuutauruam Qulaurrusiqivium Niqinaqiniŋani.
26 #
Dt 26.2;
Dt 14.21. “Ukiutuaġaġikpan Atanġum igluanuurriḷusi sivulliġñik palauvaksranik kivluavsiññik.
“Iganasiuŋ imnaiyaaq naakka nagrulik aakaŋata immuaniñ.”
27Ataniq uqallaktuq Moses-mun, “Agliutikkich ukua uqaluich, pautaġivlugitkii uvva sivunniuqatigigikpiñ Israel-gum kiŋuvaaŋiḷḷu.” 28Moses-gum itqatigiŋagaa Ataniq malġukipiani (40) uvluni suli unnuani, niġiŋaiḷaqhuni imiġaluaġnaniḷu. Agliutiŋagai uqaluŋich sivunniuġutim—Quliuruat Piraksriutiŋich.
Moses Atqaqtuq Mount Sinai-miñ
29 #
2 Co 3.7-16. Moses atqaqami Mount Sinai-miñ tigumiaqługich Quliuruat Piraksriutiŋich, kiiñaŋa qaummaġiŋaruq uqaqatiqaŋavlunikii Ataniġmik; aglaan ilaata naluŋagaa. 30Aaron-guvlu iluqaġmiglu iñuich qiñiŋagaat Moses aasii tautukługu kiiñaŋa qaummaġiksuaq, iqsivḷutiŋ qallisausiiñŋagaat. 31Moses-gum aglaan ququulaŋagai, tavraasii Aaron piqatiqaqhuni aullarriŋiñik nunaaqqim ullagniġaat, aasii Moses-gum uqautiŋagaich. 32Taaptuma aquagun, Israel-gum kiŋuvaaŋich katiłłutiŋ avanŋagaat, tavra Moses-gum qaitchiŋagai iluqaiññik pitqurriutiŋiñik Atanġum qaisaŋiñik Mount Sinai-mi. 33Moses-gum uqautianikamigich, taluŋagaa kiiñani taalutamik. 34Moses Tupqanugaġikami Atanġum nayuqtauvianun uqaqatigiyyaqługu Ataniq, mattaġaġigaa taalutani. Aniraġigami, uqautiraġigaich Israel-gum kiŋuvaaŋich uqaluksriusiapayaamiñik, 35tautugaġigaat kiiñaŋa qaummaġiksuaq. Taalutani kiiñamiñun atitqigaġigaa uqaqatigitqiksaqamiuŋ Ataniq.
Currently Selected:
Exodus 34: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 34
34
Tugliuruak Uyaqqak Aglagviik
(Deuteronomy 10.1-5)
1Atanġum uqallautigaa Moses, “Aviksiiñ malġuugnik uyaqqagnik sivulliik tuvraġlugik, aasii agliutiniaġitka uqaluich aglaaguŋaruat sivulliigni uyaqqagni, ilvich naviŋarakkin. 2Paġnayumautin uvlaaku uvlaami, aasii mayuġlutin Mount Sinai-mun kasuġiaġluŋa takpiani qaaŋani. 3Kia unnii maligniaŋitkaatin mayuġuvich; atausiuraq-unnii iñuk qiñiġnaqtuksrauŋitchuq sulliñipayaaŋani iġġim; suli imnaich, pamiqsaakkaluat niġiñiaqtuksrauŋitchut qaniŋani iġġim.” 4Tavraasii Moses aviksiŋaruq malġuvsaagnik uyaqqagnik aglagviigñik, aasii uvlaatchaurami mayuutiŋagaik Mount Sinai-mun, Atanġum piraksriutaatun.
5Ataniq atqaŋaruq nuviyakun, makitaqatigivluguasii, aasii taivḷugu atini salumaruaq, Ataniq. 6#Ex 20.5, 6; Nu 14.18; Dt 5.9, 10; 7.9, 10.Ataniq tavra sivuġaŋaguaŋaruq aasii nivliqhuni, “Uvaŋa, Ataniq, God-auruŋa siḷivinŋaruaq iḷunŋusuunmik naglikkunmiglu, qinnaliyaitchuaq suli maniuqtuaqtuaq kamanaqtuamik nakuaqqunmik piŋitqataaŋił̣ł̣uniḷu. 7Nalautitchuugitka unniqsuqłiisigiŋaratka 1,000-guruanun kiŋuniġiiguruanun suli suliqutigiŋaiqł̣ugich pigiitchuaġlu piḷuullu; aglaan tatavsaŋiññiaŋitkitka miqłiqtuŋiḷḷu, tutaaluŋiḷḷu piŋayuannun sisamaŋannullu kiŋuniġiiguruat aŋayuqaaġiraŋisa piḷuutiŋich pisigilugich.”
8Moses tavrauvvaa punŋaruq nunamun aasii nanġautiqaqhuni. 9Uqallaktuq, “Ataniiq, iviġaumagipiaġumŋa, aullaqatigiyumiñaqpisigut. Ukua uvva iñuich sivunmuuturut, aglaan suliqutigiŋaikkich pigiiḷḷiqutivut piḷuutivullu, aasii akuqtuġluta iñugiliutiluta ilvich.”
Sivunniuġun Nutaqsaqtauruq
(Exodus 23.14-19; Deuteronomy 7.1-5; 16.1-17)
10Ataniq uqallaktuq Moses-mun, “Tavra sivunniuġutiliuqtuŋa iñuŋiñun Israel. Takkuanni kamanaqtuanik savagniaqtuŋa qaŋaunnii nunami savaaguŋaitchuanik akunġanni nunaqpaich. Iñupayaat qiñiġniaqtut qanutun kamanaqtigiruanik uvaŋa, Ataniq, savallatilaamnik, qanukkii aliuġnapiaġataqtuamik savagniaqtuŋa ilivsiññun. 11Kamagilugich piraksriutit qaisaġiratka uvlupak. Aninniaġitka Amor-miut, Canaan-miut, Hit-miut, Periz-miut, Hiv-miut, Jebus-miullu sivunmuktillusi. 12Sivunniuqatiginasigik iñuŋich nunaqpauruat ullagniaqtasi, qanukkii pigiitchuamun nigatchiaġutauniaqtut ilivsiññun. 13#Dt 16.21.Aglaan, ulġullugich ikipkaiviŋich, maqullugich siqummaaġlugich salumaruaġiraŋich napaqutaliaŋich, siqummaaġlugiḷḷu itqautauniaqtuallu iñuuraqpaŋannun Asherah-mun.
14“Aŋaiyyuviginasigik god-iŋŋuat, qanukkii uvaŋa, Ataniq, sigñaturuŋa. 15Sivunniuqatiginasigik iñuŋich nunaqpauruat, qanukkii allatuqtuatun god-iŋŋuamignun piñiaqtusi, niġiqatigisugniaġaasi aitchuutigianiktamigñun god-iŋŋuamigñun. 16Iġñiġutiisi tuvaaqasiqsuqpiaqtut allaniñ nunaniŋŋaqtauruanik aġnanik, maliksuktitpiaġaich paaqłagluŋa aasii aŋaiyyurraqsiḷutiŋ god-iŋŋuaŋiñun.
17 #
Ex 20.4; Lv 19.4; Dt 5.8; 27.15. “Savił̣hamiñ god-iliuġniaŋitchusi aasii aŋaiyyuvigilugich.
18 #
Ex 12.14-20; Lv 23.6-8; Nu 28.16-25. “Quviasugvigilugu Niqinaqiniq Puvlaksautaitchuamik Punniġmik. Piraksriutiptun, niġiḷusi puvlaksautaitchuamik punniġmik tallimat malġugni uvluni tatqiŋani Abib, qanuq taaptumani tatqimi aullaŋarusi Egypt-miñ.
19 #
Ex 13.2. “Aŋayukłiupayaaqtuaq iġñiġuruaq suli aŋayukłiuruaq pamiqsaani niġrutini uvaŋa pigigitka, 20#Ex 13.13.aglaan tauqsitqiktaksraġigiksi aŋayukłiupayaaqtuaq kakakti aitchuiḷusi imnaiyaamik inaani. Tauqsitqiŋitkuvsiuŋ, niġluġlugu quŋusiñġa. Tasutqigḷuguasii aŋayukłiupayaaqtuaq iġñiġuruaq.
“Kiña unnii sivuqqamnuktuksrauŋitchuq aitchuutaiḷaaġluni.
21 #
Ex 20.9, 10; 23.12; 31.15; 35.2; Lv 23.3; Dt 5.13, 14. “Itchaksrani uvluni savagviksraqaqtusi, aglaan savagnasi tallimat malġuŋanni, nautchirriiñaqsigaluaqpan naakkaunnii kivluiñaqsigaluaqpan.
22 #
Lv 23.15-21; Nu 28.26-31;
Lv 23.39-43. “Niqinaqilusi Kivluivium Niqinaqiviani kivluirraqsiguvsi nauqqaaqtuanik palauvaksranik, suli niqinaqilusi Niqinaqiviani Uqquutat ukiaksraaqpan katitchiguvsi siiġñautivsiññik.
23“Piŋasuiqsuaġlugu ukiuq aŋutipayaat nanġaġiaqtaksraġigaanŋa, Atanġuruaŋa, God-iŋat Israel. 24Anitanikkupkich uvaŋa nunaqpauruat sivuvsiññi aasii iḷavsaaġlugu nunaksi, kia unnii pisaġiñiatagniaŋitkaat nunaqpaksi piŋayuiguruanik niqinaqipkaqtillusi.
25 #
Ex 12.10. “Aitchuutiqaġnasi punniġmik imaksrailigaamik aitchuiñiaġuvsi niġrunmik, suli tutquqsimanasiuŋ uvlaaġataqtillugu sulliñipayaaŋa niġrutim aitchuutauruam Qulaurrusiqivium Niqinaqiniŋani.
26 #
Dt 26.2;
Dt 14.21. “Ukiutuaġaġikpan Atanġum igluanuurriḷusi sivulliġñik palauvaksranik kivluavsiññik.
“Iganasiuŋ imnaiyaaq naakka nagrulik aakaŋata immuaniñ.”
27Ataniq uqallaktuq Moses-mun, “Agliutikkich ukua uqaluich, pautaġivlugitkii uvva sivunniuqatigigikpiñ Israel-gum kiŋuvaaŋiḷḷu.” 28Moses-gum itqatigiŋagaa Ataniq malġukipiani (40) uvluni suli unnuani, niġiŋaiḷaqhuni imiġaluaġnaniḷu. Agliutiŋagai uqaluŋich sivunniuġutim—Quliuruat Piraksriutiŋich.
Moses Atqaqtuq Mount Sinai-miñ
29 #
2 Co 3.7-16. Moses atqaqami Mount Sinai-miñ tigumiaqługich Quliuruat Piraksriutiŋich, kiiñaŋa qaummaġiŋaruq uqaqatiqaŋavlunikii Ataniġmik; aglaan ilaata naluŋagaa. 30Aaron-guvlu iluqaġmiglu iñuich qiñiŋagaat Moses aasii tautukługu kiiñaŋa qaummaġiksuaq, iqsivḷutiŋ qallisausiiñŋagaat. 31Moses-gum aglaan ququulaŋagai, tavraasii Aaron piqatiqaqhuni aullarriŋiñik nunaaqqim ullagniġaat, aasii Moses-gum uqautiŋagaich. 32Taaptuma aquagun, Israel-gum kiŋuvaaŋich katiłłutiŋ avanŋagaat, tavra Moses-gum qaitchiŋagai iluqaiññik pitqurriutiŋiñik Atanġum qaisaŋiñik Mount Sinai-mi. 33Moses-gum uqautianikamigich, taluŋagaa kiiñani taalutamik. 34Moses Tupqanugaġikami Atanġum nayuqtauvianun uqaqatigiyyaqługu Ataniq, mattaġaġigaa taalutani. Aniraġigami, uqautiraġigaich Israel-gum kiŋuvaaŋich uqaluksriusiapayaamiñik, 35tautugaġigaat kiiñaŋa qaummaġiksuaq. Taalutani kiiñamiñun atitqigaġigaa uqaqatigitqiksaqamiuŋ Ataniq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)