Exodus 33
33
Atanġum Piraksriġai Israel-gum Kiŋuvaaŋich Aullaquvlugich Mount Sinai-miñ
1 #
Gn 12.7;
Gn 26.3;
Gn 28.13. Atanġum uqautigaa Moses, “Aullaġiñ uumaŋŋa inimiñ, iñuiḷḷu Egypt-miŋŋautiŋaratin, aullaġlusi nunamun unniqsuqłiisigiŋaramnun Abraham-mun, Isaac-mun, suli Jacob-mun, kiŋuvaaŋiññullu. 2Tilisiñiaqtuŋa isaġuligmik aullarriksraġnik, aasii aninniaġitka Canaan-miut, Amor-miut, Hit-miut, Periz-miut, Hiv-miut, Jebus-miullu. 3Aullaġniaqtusi nunagiksuamun suli nauriḷguruamun. Aglaan aullaqatiginiaŋitkivsi, qanukkii uqayunaitchuagurusi iñuich, suli suksraunġiqpiaġivsi iglaullavsi.”
4Iñuich tusaakamirruŋ taamna, isumaaliqpaŋaniqsut suli atuŋaiqhutik qiñiyunaqutinik. 5Qanuq Atanġum piraksriŋagaa Moses uqallautitquvlugich, “Ilivsi iñuich uqayunaitchuagurusi. Aullaqatigillaksaġaluaġuvsi akkupauraq-unnii, tamatkiġḷusi suksraunġiġñiaġivsi. Piiqsigich qiñiyunaqutisi, aasii sivunniġñiaqtuŋa qanuq aŋalanniaqtilaavsiññik.” 6Tavraasii aullaanikkamiŋ Mount Sinai-miñ, Israel-gum kiŋuvaaŋich qiñiyunaqutitullaiŋarut.
Tupiq Moses-gum Uqaqatigivia Ataniġmun
7Iñuŋich Israel nullaġaġimmata, Moses-gum tupiq nappaġaġigaa uŋasiuraqługu nullaummivianniñ. Taiguusiqaŋaruq Tupqanik Atanġum nayuqtauniŋata, aasii kiñapayaaq uqaqatiqaġuktuaq Ataniġmik ullautiraqtuq tavruŋa. 8Moses tupiġmuksaġaġimman, iñuich qikaġaqtut paaŋanni tupiġmiŋ aasii qiñiqtuaqługu Moses isiġataqtillugu. 9Moses isianiŋman, nuviya atqaġaqtuq aasii upkuaŋani Tupqum itkaqsivḷuni, aasii Atangum uqaqatigiaqsivḷugu Moses nuviyamiñ. 10Iñuich tautupqaġmarruŋ nuviya paaŋani Tupqum, purrutigillaaraqtut. 11Ataniġlu Moses-lu uqaqatigiigaqtuk tavrani, iñuk uqaqatiqaġmatun avilaitqatimiñik. Tavraasii Moses utiġaqtuq nullaummivigmun. Aglaan ikayuqtiŋa nukatpiaq, Joshua iġñiŋa Nun-gum, Tupiġmiittuaġaqtuq.
Ataniq Unniqsuqłiiruq Itqatiginiaġnivḷugich Iñugirani
12Moses uqallaktuq Ataniġmun, “Iḷumun ittuq uqautiŋagiŋma aullatitquvlugich ukua iñuich taiptumuŋa nunamun, aglaan uvva uqautiŋaitkigma kimik aullaqatiqaġniaqtilaamnik. Uqallaŋarutin iḷisimalluataġnivḷuŋa suli iviġaumaginivḷuŋa. 13Iviġaumaginiġumŋa, uqautiŋŋa sivunniuġutignik, savautillayumagikpiñ suli iviġaksimaaġlutin. Itqaumalutin naliġaktaaġiŋagitin ukua nunaqpauruat pigisukługich.”
14Atanġum kiugaa, “Aullaqatiginiaġikpiñ tutqiutiqaqtillutillu.”
15Moses-gum kiugaa, “Aullaqatiginiaŋitkuvsigut, aullaqtinnasigut maaŋŋa. 16Qanuġluni iñuk iḷisimaniaqpa iviġaumagitilaaŋich iñugiratillu uvaŋalu aullaqatigiŋitkuvsigut? Nayuqtauniqpich uvaptinnun iḷisimanaqtinniaġaa allautilaaptinnik allanin iñugniñ nunami.”
17Atanġum uqautigaa Moses, “Apiqsriaġiran piñiaġiga, qanukkii iḷisimalluataġikpiñ suli iviġaumagivlutin.”
18Tavra Moses uqallaktuq, “Tautuktillaguŋ qivliqtuaq qaumaniŋa nayuqtauniqpich.”
19 #
Ro 9.15. Atanġum kiuŋagaa, “Iluqaan qaumaniġa sivuġavsiguaqtinniaġiga suli taiḷugu takkuġni salumaruaq atiġa. Uvaŋa Atanġuruŋa, iḷunŋusuutiqaġniaqtuŋa naglikkutiqaġluŋalu kimupayaaq. 20Tautuktinniaŋitkiga kiiñaġa iliŋnun, qanukkii kia unnii qiñiġumiñaitkaaŋa aasii iñuuluni, 21aglaan uvva ini saniġamni qikaġviksran uyaġak. 22Qaumaniŋa nayuqtauniġma nalautchaaġutikpan, aŋmaruaŋanuktinniaġikpiñ uyaġaum aasii matulutin argamnik qaaŋiqsaaġuiġataqtilluŋa. 23Tavra argaga piiġñiaġiga, aasii tunuga tautugniaġiñ kiiñaġaŋił̣aaq.”
Currently Selected:
Exodus 33: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 33
33
Atanġum Piraksriġai Israel-gum Kiŋuvaaŋich Aullaquvlugich Mount Sinai-miñ
1 #
Gn 12.7;
Gn 26.3;
Gn 28.13. Atanġum uqautigaa Moses, “Aullaġiñ uumaŋŋa inimiñ, iñuiḷḷu Egypt-miŋŋautiŋaratin, aullaġlusi nunamun unniqsuqłiisigiŋaramnun Abraham-mun, Isaac-mun, suli Jacob-mun, kiŋuvaaŋiññullu. 2Tilisiñiaqtuŋa isaġuligmik aullarriksraġnik, aasii aninniaġitka Canaan-miut, Amor-miut, Hit-miut, Periz-miut, Hiv-miut, Jebus-miullu. 3Aullaġniaqtusi nunagiksuamun suli nauriḷguruamun. Aglaan aullaqatiginiaŋitkivsi, qanukkii uqayunaitchuagurusi iñuich, suli suksraunġiqpiaġivsi iglaullavsi.”
4Iñuich tusaakamirruŋ taamna, isumaaliqpaŋaniqsut suli atuŋaiqhutik qiñiyunaqutinik. 5Qanuq Atanġum piraksriŋagaa Moses uqallautitquvlugich, “Ilivsi iñuich uqayunaitchuagurusi. Aullaqatigillaksaġaluaġuvsi akkupauraq-unnii, tamatkiġḷusi suksraunġiġñiaġivsi. Piiqsigich qiñiyunaqutisi, aasii sivunniġñiaqtuŋa qanuq aŋalanniaqtilaavsiññik.” 6Tavraasii aullaanikkamiŋ Mount Sinai-miñ, Israel-gum kiŋuvaaŋich qiñiyunaqutitullaiŋarut.
Tupiq Moses-gum Uqaqatigivia Ataniġmun
7Iñuŋich Israel nullaġaġimmata, Moses-gum tupiq nappaġaġigaa uŋasiuraqługu nullaummivianniñ. Taiguusiqaŋaruq Tupqanik Atanġum nayuqtauniŋata, aasii kiñapayaaq uqaqatiqaġuktuaq Ataniġmik ullautiraqtuq tavruŋa. 8Moses tupiġmuksaġaġimman, iñuich qikaġaqtut paaŋanni tupiġmiŋ aasii qiñiqtuaqługu Moses isiġataqtillugu. 9Moses isianiŋman, nuviya atqaġaqtuq aasii upkuaŋani Tupqum itkaqsivḷuni, aasii Atangum uqaqatigiaqsivḷugu Moses nuviyamiñ. 10Iñuich tautupqaġmarruŋ nuviya paaŋani Tupqum, purrutigillaaraqtut. 11Ataniġlu Moses-lu uqaqatigiigaqtuk tavrani, iñuk uqaqatiqaġmatun avilaitqatimiñik. Tavraasii Moses utiġaqtuq nullaummivigmun. Aglaan ikayuqtiŋa nukatpiaq, Joshua iġñiŋa Nun-gum, Tupiġmiittuaġaqtuq.
Ataniq Unniqsuqłiiruq Itqatiginiaġnivḷugich Iñugirani
12Moses uqallaktuq Ataniġmun, “Iḷumun ittuq uqautiŋagiŋma aullatitquvlugich ukua iñuich taiptumuŋa nunamun, aglaan uvva uqautiŋaitkigma kimik aullaqatiqaġniaqtilaamnik. Uqallaŋarutin iḷisimalluataġnivḷuŋa suli iviġaumaginivḷuŋa. 13Iviġaumaginiġumŋa, uqautiŋŋa sivunniuġutignik, savautillayumagikpiñ suli iviġaksimaaġlutin. Itqaumalutin naliġaktaaġiŋagitin ukua nunaqpauruat pigisukługich.”
14Atanġum kiugaa, “Aullaqatiginiaġikpiñ tutqiutiqaqtillutillu.”
15Moses-gum kiugaa, “Aullaqatiginiaŋitkuvsigut, aullaqtinnasigut maaŋŋa. 16Qanuġluni iñuk iḷisimaniaqpa iviġaumagitilaaŋich iñugiratillu uvaŋalu aullaqatigiŋitkuvsigut? Nayuqtauniqpich uvaptinnun iḷisimanaqtinniaġaa allautilaaptinnik allanin iñugniñ nunami.”
17Atanġum uqautigaa Moses, “Apiqsriaġiran piñiaġiga, qanukkii iḷisimalluataġikpiñ suli iviġaumagivlutin.”
18Tavra Moses uqallaktuq, “Tautuktillaguŋ qivliqtuaq qaumaniŋa nayuqtauniqpich.”
19 #
Ro 9.15. Atanġum kiuŋagaa, “Iluqaan qaumaniġa sivuġavsiguaqtinniaġiga suli taiḷugu takkuġni salumaruaq atiġa. Uvaŋa Atanġuruŋa, iḷunŋusuutiqaġniaqtuŋa naglikkutiqaġluŋalu kimupayaaq. 20Tautuktinniaŋitkiga kiiñaġa iliŋnun, qanukkii kia unnii qiñiġumiñaitkaaŋa aasii iñuuluni, 21aglaan uvva ini saniġamni qikaġviksran uyaġak. 22Qaumaniŋa nayuqtauniġma nalautchaaġutikpan, aŋmaruaŋanuktinniaġikpiñ uyaġaum aasii matulutin argamnik qaaŋiqsaaġuiġataqtilluŋa. 23Tavra argaga piiġñiaġiga, aasii tunuga tautugniaġiñ kiiñaġaŋił̣aaq.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)