Exodus 27
27
Ikipkaivik
(Exodus 38.1-7)
1“Ikipkaiviḷiuqsaqtusi acacia-m qiruanik. Kaŋiġalluaġigḷugu, 7½ isigagniqtun taktigilugu, suli 7½ isigagniqtun iraqtutigilugu, aasii 4½ isigagniqtun qutchiksigilugu. 2Aniŋarualiuġlusi nagruktun ittuanik qaaŋannun sisamat kaŋiġalluŋisa. Aulaiḷamiñ savaagulutiŋ taputilugu ikipkaivik, aasii qaaqaqtuksrauruq iluqani patukpagmik. 3Aġraqaġviliuġlugu uqsruulaaqtuanun aġranun, suli piksrugauranik, iḷuturuanik puggutauranik, kakiuranik, aġraliqutiniglu. Iluqaġmiŋ taapkua suġautaksraŋich savaagulutiŋ patukpagmik. 4Uukłiqpiḷiuġlugu patukpagmik aasii iḷiḷugich sisamat patukpagmik tigumiaġunnat aqvaluqtaat kaŋiġalluŋiñun. 5Iḷiḷugich aġraqaġviich ataanun siñaata ikipkaivium, qunmun avvaŋanuaglaaġumiñaqsiḷugu ikipkaivium. 6Akigausiuġlugu qiruanik acacia-m, qaaliġḷugich patukpagmik, 7aasii iḷiḷugich aqvaluqtuanun saniġallaaŋigñun ikipkaivium akigaqparruŋ. 8Ikipkaiviḷiuqsaqtusi qirugnik iḷuŋa qattaġlugu, tuvraġlugu maniŋaraġa piraksraun iġġimi.
Siḷalliġuaŋa Tupqum Atanġum Nayuqtauviata
(Exodus 38.9-20)
9“Tupiq nayuqtauviga avaluliuqsaġiksi ukił̣haaġiksuanik talukiyaanik. Kiluliñaaŋani talukiyaaqaġniaqtuq taktigiruanik malġukipiaq qulinik (50) isagniġum avvaŋatitun, 10iñuiññaniglu (20) napaqsranik patukpagmiñ piḷianik, iñuiññaniglu (20) tunŋavigñik patukpagmiñ piḷianik, naktirviiḷḷu, niviŋŋaviiḷḷu, qatiqtuanik manigmik piḷiat. 11Tainnasuli savaglugu salliñaaŋata tuŋaaniittuaq avalu. 12Ualiñaaŋa talukiyaaqaqtuksrauruq iñuiññat tallimanik (25) isagniġum avvaŋatitun taktigilugu, qulinik naparuaqaġluni suli qulinik tunŋavigñik. 13Kivaliñaaŋani katchim, paaqaġviani siḷalliġuaguruaq avaluŋa iraqtutilaaqaqtuksrauruq iñuiññat tallimanik (25) isagniġum avvaŋisun. 14-15Saniġallaaŋigñi paaŋata 7½ isagniġum avvaŋatun talukiyaaqaqtuksrauruq, piŋasunik napaqsraqaġluni suli piŋasunik tunŋavigñik. 16Paaŋa taamna talukiyaaqaqtuksrauruq taktigiluni qulit isagniġich avvaŋiññik ukił̣haaġiksuamik suŋauraaqtuamik, tigluuraaqtuamik, suli kaviqsuamik imnaim mitquanik, qupaŋalugu miquqtanik. Nappaviqaġniaqtuq sisamanik napaqsranik sisamauruani tunŋavigñi. 17Iluqaġmiŋ napaqsrat avataani avaluuruam kasuqtinŋaruksraurut qatiqtuanik niviŋŋavigñik aasii naktirviŋich piḷiaguruksraurut qatiqtuamik manigmik suli tunŋaviŋich patukpagmik. 18Avaluuruaq taktilaaqaqtuksrauruq malġukipiaq qulinik (50) isagniġum avvaŋatitun, iñuiññat tallimanik (25) isagniġum avvaŋatitun siḷiktigilutiŋ, suli malġuk avvaġmik isagniġum avvaŋatun qutchiksigilutiŋ. Talukiyaat savaaguruksraurut ukił̣haaġiksaamik suli tunŋaviich patukpaulutiŋ. 19Suġautaksraŋich Tupqum iluqaisalu pauktuutiksraŋich Tupqum suli avaluksraŋata savaaguruksraurut patukpagmiñ.
Qaunakriñiksraq Naniqaġvigmik
(Leviticus 24.1-4)
20“Piraksrikkich Israel-gum kiŋuvaaŋich qaġġirritqulugich pigigñiqsramik olive uqsruanik nannimun, ikillayumagaat anaqatuaġaġikpan. 21Aaron iġñiġutiiŋisalu inillaktaksraġigaat naniq, Tupqani nayuqtauvigma, siḷataanun talukiyaam sivuġaaniittuam Sivunniuġutim Kiguunniŋata. Tavrani takkumni ikumaruksrauruq anaqamiñqaŋa uvlaaġataqtillugu. Taamna piraksriun maliġuaġaksraġiġaat isuitchuamun Israel-gum kiŋuvaaŋisa.
Currently Selected:
Exodus 27: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Exodus 27
27
Ikipkaivik
(Exodus 38.1-7)
1“Ikipkaiviḷiuqsaqtusi acacia-m qiruanik. Kaŋiġalluaġigḷugu, 7½ isigagniqtun taktigilugu, suli 7½ isigagniqtun iraqtutigilugu, aasii 4½ isigagniqtun qutchiksigilugu. 2Aniŋarualiuġlusi nagruktun ittuanik qaaŋannun sisamat kaŋiġalluŋisa. Aulaiḷamiñ savaagulutiŋ taputilugu ikipkaivik, aasii qaaqaqtuksrauruq iluqani patukpagmik. 3Aġraqaġviliuġlugu uqsruulaaqtuanun aġranun, suli piksrugauranik, iḷuturuanik puggutauranik, kakiuranik, aġraliqutiniglu. Iluqaġmiŋ taapkua suġautaksraŋich savaagulutiŋ patukpagmik. 4Uukłiqpiḷiuġlugu patukpagmik aasii iḷiḷugich sisamat patukpagmik tigumiaġunnat aqvaluqtaat kaŋiġalluŋiñun. 5Iḷiḷugich aġraqaġviich ataanun siñaata ikipkaivium, qunmun avvaŋanuaglaaġumiñaqsiḷugu ikipkaivium. 6Akigausiuġlugu qiruanik acacia-m, qaaliġḷugich patukpagmik, 7aasii iḷiḷugich aqvaluqtuanun saniġallaaŋigñun ikipkaivium akigaqparruŋ. 8Ikipkaiviḷiuqsaqtusi qirugnik iḷuŋa qattaġlugu, tuvraġlugu maniŋaraġa piraksraun iġġimi.
Siḷalliġuaŋa Tupqum Atanġum Nayuqtauviata
(Exodus 38.9-20)
9“Tupiq nayuqtauviga avaluliuqsaġiksi ukił̣haaġiksuanik talukiyaanik. Kiluliñaaŋani talukiyaaqaġniaqtuq taktigiruanik malġukipiaq qulinik (50) isagniġum avvaŋatitun, 10iñuiññaniglu (20) napaqsranik patukpagmiñ piḷianik, iñuiññaniglu (20) tunŋavigñik patukpagmiñ piḷianik, naktirviiḷḷu, niviŋŋaviiḷḷu, qatiqtuanik manigmik piḷiat. 11Tainnasuli savaglugu salliñaaŋata tuŋaaniittuaq avalu. 12Ualiñaaŋa talukiyaaqaqtuksrauruq iñuiññat tallimanik (25) isagniġum avvaŋatitun taktigilugu, qulinik naparuaqaġluni suli qulinik tunŋavigñik. 13Kivaliñaaŋani katchim, paaqaġviani siḷalliġuaguruaq avaluŋa iraqtutilaaqaqtuksrauruq iñuiññat tallimanik (25) isagniġum avvaŋisun. 14-15Saniġallaaŋigñi paaŋata 7½ isagniġum avvaŋatun talukiyaaqaqtuksrauruq, piŋasunik napaqsraqaġluni suli piŋasunik tunŋavigñik. 16Paaŋa taamna talukiyaaqaqtuksrauruq taktigiluni qulit isagniġich avvaŋiññik ukił̣haaġiksuamik suŋauraaqtuamik, tigluuraaqtuamik, suli kaviqsuamik imnaim mitquanik, qupaŋalugu miquqtanik. Nappaviqaġniaqtuq sisamanik napaqsranik sisamauruani tunŋavigñi. 17Iluqaġmiŋ napaqsrat avataani avaluuruam kasuqtinŋaruksraurut qatiqtuanik niviŋŋavigñik aasii naktirviŋich piḷiaguruksraurut qatiqtuamik manigmik suli tunŋaviŋich patukpagmik. 18Avaluuruaq taktilaaqaqtuksrauruq malġukipiaq qulinik (50) isagniġum avvaŋatitun, iñuiññat tallimanik (25) isagniġum avvaŋatitun siḷiktigilutiŋ, suli malġuk avvaġmik isagniġum avvaŋatun qutchiksigilutiŋ. Talukiyaat savaaguruksraurut ukił̣haaġiksaamik suli tunŋaviich patukpaulutiŋ. 19Suġautaksraŋich Tupqum iluqaisalu pauktuutiksraŋich Tupqum suli avaluksraŋata savaaguruksraurut patukpagmiñ.
Qaunakriñiksraq Naniqaġvigmik
(Leviticus 24.1-4)
20“Piraksrikkich Israel-gum kiŋuvaaŋich qaġġirritqulugich pigigñiqsramik olive uqsruanik nannimun, ikillayumagaat anaqatuaġaġikpan. 21Aaron iġñiġutiiŋisalu inillaktaksraġigaat naniq, Tupqani nayuqtauvigma, siḷataanun talukiyaam sivuġaaniittuam Sivunniuġutim Kiguunniŋata. Tavrani takkumni ikumaruksrauruq anaqamiñqaŋa uvlaaġataqtillugu. Taamna piraksriun maliġuaġaksraġiġaat isuitchuamun Israel-gum kiŋuvaaŋisa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)