2 Corinthians 13
13
Aqulliich Kiliktuutit Paġlatillu
1 #
Dt 17.6; 19.15. Uvva piŋatchiġikka ullautisaġnika ilivsiññun. Kiñaliqaa pasikkutiqaqpan iñuŋmun, malġuk naagga piŋasut iñuich iḷisimmaġiksuat taavrumuuna pasikkusiaŋagun ukpiġnaqsiraksraġigaat nalaunŋatilaaŋa uqaġilugu iḷisimakkaqtiŋ. 2Kiliŋagitka tamatkua piḷuksiŋaruat sivuani iluqaisalu allat, suli kilivsaaġitka paŋmapak nayuŋitkaluaŋŋaisa, kiliŋammatuttauq nayuqłusi igḷuani ullautiniġma. Qaitqigñiġuma anayaktuaġumiñaitkitka. 3Tainna aŋalanniaġivsi iḷisimayumiñaqsisaġlusi nalupqigiŋaiġḷugu Christ iḷumun uqaqtilaaŋanik uvapkuaqłuni. Taamna Christ piqutigikkaqsi suaŋaiñŋitchuq aglaan suaŋŋatiqpaqaqtuq iḷuvsiññi. 4Ilaa suaŋŋataiñŋaruq kikiaktuurraukami, aglaan paŋmapak iñuuruq God-im suaŋŋataagun. Tainnatuttauq qiññaqaġaluaġuma suaŋŋataitchuatun, piqatauruŋa Christ iñuggutaanun, aasii aŋalanniaġivsi God-im suaŋŋataagun.
5Qanuqitilaaġitchi ilivsiññik, iḷitchuġisaġlusi iñuugaluaqtilaavsiññik ukpiġurri tuvraġlugu. Uuktuaġitchi ilivsiññik. Paŋmapak puttuqsriyumiñaqsigaluaqtusi Jesus Christ iḷuvsiññi itilaaŋanik, ukpiŋŋuaŋisuaġuvsi. 6Iḷitchuġitquyumaliġaluaġivsi uvaŋa iḷumun tilirauŋatilaamnik. 7Aŋaiyyuvigigiga God pitquŋił̣ł̣usi qanusipayaamik pigiitchuamik, atuŋitchumagiga tiliraunimni ataniġnaqutiga tatavsaġuglusi. Aglaan pitqugivsi nalaunŋaruamik, taamnaunnii nalaunŋarualiqiniqsi iḷitchuqsrisauyumiñaiḷḷuqtuq uvaŋa iḷumun tiliraunimnun, aasii qiññanigluŋa suuŋitchuatun. 8Uvaŋa ataniġnaqunma ikayuġniḷukkaa iḷumun ittuaq, akiḷḷiḷiqsuŋitkaa. 9Quviasuktuŋa suaŋakavsi Ataniġmun, qanuq tatavsagaksraitkivsi. Tavraasii aŋaiyyutigivsi nakuqsisaiññaquvlusi. 10Tuyuġivsi taapkuniŋa nayuŋiḷḷavsi, suammatisuŋił̣ł̣usi atuaqsigupku ataniġnaqutiga ullakkuvsi. Qanuq Atanġum aitchuŋagaaŋa ataniġnaqunmik suaŋasiḷaaquvlugu ukpiġurri, qapiŋasaaŋaiġḷusi.
11Aqulliq, aniqatiit, kutpaiġivsi. Iłuaqsruqsigik piḷġutchisi. Kamagisigik uqalutka. Atisiqatigiigitchi avanmun. Iñuuniaqatigiigitchi aŋuyautaitchuakun avanmun aasiiḷi God-im piviuttaqsripkairuam ilivsiññik avanmun, suli iñuupkairuam aŋuyautaitchuakun avanmun itqatiginiaġaasi. 12Paġlatisitchi avanmun paġlatikaaŋannik ukpiqtuaguruat. 13Iluqaġmiŋ ukpiqtuaguruat maani paġlagaasi. 14Nagliktuutiqpaŋata Atanġum Jesus Christ suli piviuttaqqutaata God-im iḷauraaliqsimmataatalu Ilitqusiġiksuam itqatigilisi iluqasi.
Currently Selected:
2 Corinthians 13: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
