1 Corinthians 13
13
Piviuttaqqun
1Aitchuusiaqaġaluaġniġuma uqallaniġmik allagiiñik uqautchiñik nalukkamnik, uqallaluŋa allatun iñuktitun isaġuliktullu, aasii piviuttaqqutaiḷḷuŋa allanun iñuŋnun, uqaġniġa arriqaqtuq qukiġñaqsivḷugu kausugrukkaŋatitun savił̣hatun. 2#Mt 17.20; 21.21; Mk 11.23.Suli aitchuusiaqaġmiguma uqaqtauniġmik God-mun, kaŋiqsiḷḷalugich iluqaisa sivuani kaŋiqsiḷaisaŋich iñuich iḷisimaluŋa supayaanik, naaggaqaa suaŋapiaġataqtuamik ukpiġutiqaġaluaġuma nuktallalugich iġġich aasii piviuttaqqutaiḷḷuŋa iñuŋnun, anniqsuutauŋitchuŋa. 3Aitchuutigigaluaġmigupkich supayaurat pigikkatka iḷiappauruanun iñuŋnun, naaggaqaa timiga ikipkaqtitkaluaġupku pisigilugu tusaayugaaġiksuaq, aasii piviuttaqsriŋiḷḷuŋa iñuŋnik, akiḷiusiaksraitchuŋa.
4Iñuk piviuttaqsriruaq iñuŋnik allanik qanułłayaitchuq taluġnaitchuġlu killuqsrautaitchuġlu uqavigaaġurriḷaitchuġlu. 5Iñuk piviuttaqsriruaq iñuŋnik allanik piġuqtilaitchuq inmiñik salliuniatalaitchuġlu. Iñuk piviuttaqsriruaq allanik iñuŋnik siŋñataitchuq, piavsayaiñmiuq, suli tumaqsiġiiḷaitchuq sunŋutchaunmiñ. 6Iñuk piviuttaqsriruaq allanik iñuŋnik suuramikunnii quviasulaitchuq iñuich piḷuktualiqimmata, aglaan quviasuguuruq iñuich nalaunŋarualiqimmata. 7Iñuum piviuttaqsriruam allanik iñuŋnik manimmiḷḷagai pimaqłuutiŋich allat, ataramik ukpiġivlugu nakuuniqsraq iñuktigun, ataramik ququutivlugich pigigñiqsranik allat iñuich, suli manimmiḷgutiqaqtuiññaqłuni allanun iñuŋnun.
8Piviuttaqqun inniaqtuq isuitchuamun. Aglaan aitchuusiaqaġniq uqaqtauniġmik God-mun piiġñiaqtuq, suli aitchuusiaqaġniq uqallasivḷugu iñuk nalukkaŋiñik uqautchiñik nutqaġniaġmiuq, suli aitchuusiaqaġniq God-miñ iḷisimallasivḷugu suna sivuani iḷisimaraiñŋaruaq, piiġñiaġmiuq. 9Qanuq iḷitchiŋaniqput paŋmapak naamaitchuq, suli uqaqtauniqput God-mun naamaiñmiuq, 10aglaan taimanigu naamasiraugupta qiḷaŋmi, pigiraksraġiŋaiġñiaġivut naamaitchuat aitchuusiat. 11Taamna uuktuutiqaġumiñaqtuq uumiŋa. Miqłiqtuuŋŋaġma, uqausiqaŋaruŋa miqłiqtum uqausiatun, suli miqłiqtutun isummasiqaqłuŋa, sivunniuġuuvluŋalu miqłiqtutun. Aglaan agliraksraiqama, aġiuŋagitka miqłiqtut piḷġusiŋich. 12Uvvasuli alla uuktuun taavrumuŋa. Paŋmapak uvva qiñiġmatun Christ pigikput taġġaktuutigipiaŋitchuakun, tauttuġluammatun pivḷugu. Aglaan taimanigu tautugniaġikput sukuiġḷugu. Paŋmapak iḷisimałauraqsiññaqtuŋa mikiruamik ilaagun, aglaan taimanigu kaŋiqsimmaġiksipiaġniaqtuŋa, God-im iḷisimmasipiaġataŋatun uvamnik paŋmapak. 13Tavra iñuich ukpiqsimaniaqtut suli, niġiugniaqtutsuli, piviuttaqsriḷutiglu suli, aglaan taapkunaŋŋa piŋasuni piviuttaqqutiqaġniq allanun anniqsuutaułhamaapiaqtuq.
Currently Selected:
1 Corinthians 13: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
