Wawa 13
13
Tokisavetovetonova 12 Kenani pwayapwayana ivetonovi
1Iave ivesipupu Mosese waineye ivo, 2“Me Isileli manuqa 12 tamoqana tamoqana waidie'eqa togumeta kuvesinuedi, we kuvetunedi inanaqo Kenani pwayapwayana inakisavetovetonovi, pwayapwayanina akakalaqeieni me Isileli waidie.”
3Beqa Mosese Iave navona matatabuna ivalabubunidi we tokisavetovetonova 12 ivesinuedi me Isileli manuqa tamoqana tamoqana kaditogumetavo waidie'eqa. Ikakava, matautauda dibaekwa Palana Pwayapwayamaiqa waineye'eqa ivetunedi itauya.
17Tutuyanina Mosese tokisavetovetonova ivetunedi Kenani inakisavetovetonovi ivesipupu ivo, “Kwainaqo Negevi Pwayapwayamaiqa waineye kwaibala wete kwailaga koya siaidi divikai waidie. 18Vikainina kwaikiseni wete tomo'otoqa imiamia waineye kwaiyagovidi veluvelulunidi o bwalobwalogodi, kadiyoko bwaigina o siaina. 19We dipwayapwaya kwaikiseni, giamaina o kapoina? Ditaoni kwaikiseni gileueqa ikaladi pakalidi kaniakwanidi o dibaekwanina kawasasamaiqe? 20Pwayapwayanina kwaiyagovi kababagula giamaina o gilegileuna? No waineye welavi o gebuka? We kisavetovetonova kwaivekakava kwaivekautovona pwayapwayanina vuana sulidi sulidi kwaimaiedi.” (Dede gumaqa kanakaiata beqa gulepa ivelamu bwabwaku.) 21Beqa itauya inaqo pwayapwayanina matatabuna ivetonovi ivelamu Sini Pwayapwayamaiqa waineye'eqa inaqo tamo taoni kanawavaqa Leobi waineye, taoni Lebo Amata vivineye.
Tokisavetovetonova ivila imai divalea ivesipupuyeni
25Kaiata 40 kanakabavekakava waineye, tokisavetovetonova pwayapwaya ikisavetovetonovi ikakava ivila imai dibaekwa waineye. 26Beqa imai Mosese, Eloni wete me Isileli matatabudi imiamiana Kedesi waineye Palana Pwayapwayamaiqe. Tutuyanina tokisavetovetonova ilekwa tomo'otoqa matatabudi ivonedi pwayapwayanina paipaina wete ivevedi kaivuavuaqanidiavo pwayapwayanina waineye ikewadi imaiedi. 27Tokisavetovetonova Mosese ivoneni ivo, “Komu kuvetunema kanaqo no pwayapwayanina waineye. We pwayapwayanina guyoguyona, tanoqa giamaidi wete kaisaya pueotoqidi. Sideqoidi kaivuavuaqanidiavo no vikainina waineye kakewadi kamaiedi. 28We tomo'otoqa no pwayapwayanina waineye imiamiana veluvelulunidi, we ditaoni bwaigidi wete gileueqa ikaladi kaniakwanidi pakalidi. We Anaki#13:28 Tomo'otoqa dinuanuana dede mesaida, Anaki tubuleleleqinavo kaniakwanidi kadikisa mesaida totoka beqa ge kadisala inavelulunapeledi. tubuleleleqinavo kakisedi no waineye, gumanidiavo kaniakwanidi mesai totoka. 29We me Ameleki Negevi waineye imiamia, we Ititi, Iebusi wete Amoli tomo'otoqa iekalamia koya siaidi waidie, we me Kenani imiamia kwadewa vivineye wete Bwasi Iolidani doleneye.”
30We Kelebi tomo'otoqa matatabudi Mosese taiauda itovotovoi iketobodedi inavekwada, we ivesipupu ivo, “Kida kanasala no tomo'otoqanidiavo taivelulunapeledi we pwayapwaya taikewai, beqa deqoina tailaga taikewai dapwayapwaya.”
31We tokisavetovetonova Kelebi taiauda inaqo iwewesa ivo, “Gebuka, no tomo'otoqanidiavo diveluluna isaki matautauda kida, beqa ge kadasala taiauda taivetalaqa.” 32Beqa valea kapoina me Isileli ivonedi pwayapwayanina ikisavetovetonovi paipaina ivo, “No pwayapwayanina kakiseni meqavoi inamiamia waineye inakavekapoidi. We tomo'otoqa matatabudi kakisedi bwaigiotoqidi wete kaniakwanidi. 33No waineye me Nipali mesaida totoka kakisedi, Anaki tubuleleleqinavo gumanidiavo kaniakwani-otoqidi. We tutuyanina kida taitovoi vividie kadakisa mesaida limwana taunida matadeye wete gumanidiavo matadie.”
Currently Selected:
Wawa 13: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
