Toloina Bwaigidi 2
2
Iosua nawapa mulineye vakai isauyedi
7Me Isileli Iave ivekimataneni Iosua natutuye wete togumetavo tutuaidi giladi imiamia ditutuye. Togumetanidiavo Iave navalabubuna bwaigidi me Isileli paipaidi ikisedi.
8Iave natolituqa Iosua, Nuni natuna, kanadiqaba 110 mulineye iwapa. 9We natomo'otoqavo itavuni napwayepwayeye kanakalaqei Timina-sela taoni waineye, Ipileimu manuqa dikoya siaidi, kotalaeqa (noti) Koya Ga'asa waineye.
10We tutuyanina no lagatanidiavo matatabudi iwapa-kakava, lagata kaivauna ilagama Iave ibavuyeni wete navalabubuna bwaigidi me Isileli paipaidi ge idayagovi. 11Beqa me Isileli kapoina ivavalabubunidi Iave mataneye Ba'ala#2:11 Ba'ala me Kenani diyaubada. Ivetumaqaneni gumanina kwei wete yaqina iloinedi. tokwalui waidie isobwasobwanu. 12We Iave tubudiavo di Yaubada itunukubui, gumanina tubudiavo ikewaluguaqetedi Itipitaeqa. Kemapu inaqo yaubada katupoe waidie isobwasobwanu, tomo'otoqanidiavo vividie imiamia diyaubadavo, beqa Iave kanakapoka ioqala.
13Me Isileli Iave ivedumwekaikaieni we Ba'ala wete Asitoloti#2:13 Asitoloti gumanidi Ba'ala mwanena. Me Kenani ivetumaqanedi gumanidi tavi giamaidi wete vevine divetubuqa kanatoloina. waidie isobwanu. 14We Iave kanakapoka ioqala-otoqa me Isileli waidie. Beqa ikalaqeiedi kadiqaviavo waidie disakuvo inavainaqodi wete itagwanedi kadiqaviavo waidie, gumanidiavo vividie imiamia we ge kadisala inatovoi taunidi inakaibodebodedi. 15#Loi2 11:26-28, 32 Tutuyanina me Isileli inanaqo inavetalaqa, Iave kadiqaviavo igiaveluvelulunidi beqa me Isileli ielulunapeledi, kaia base mesaida ivonadabadaba ikaimatavuloqidi. Beqa veviqa wete mwau bwaigina ibababanedi.
16Matautauda Iave toloinavo bwaigidi ivetovoidi me Isileli inaketoyavudi tovainaqo wete tokainige waidie'eqa. 17We me Isileli ditoloinavo bwaigidi divona ge idanoqaidi, beqa di Yaubada otoqa ibaileni kemapu itagwanedi inaqo yaubada katupoe waidie isobwasobwanu. Base tubudiavo Iave iekimataneni wete naloina iematamatanidi, we dede lagatanidiavo ge mesaida idavalabubunedi we vedimadimanaeqa Iave ivedumwekaikaieni. 18Tutuyanina kadiqaviavo me Isileli ileoleodi wete veviqa iveleveledi, tomo'otoqa ibwau Iave waineye we bonadi inoqai. Paina ivenua'ina'inaqeyedi toloina bwaigina iveledi. Toloinanidiavo tamoqana tamoqana ilabilabinidi beqa giladi meyawaidi Iave natomo'otoqavo ikeketoyavudi kadiqaviavo waidie. 19Tutuyanina toloinanina bwaigina iwapa, me Isileli Iave itunukubui we ivila inaqo divalabubuna tutuaidi waidie. Lagata dede divalabubuna ikapo-otoqa we tubudiavo divalabubuna saiqanaqa. Yaubada katupoe iemuliedi wete waidie isobwasobwanu, beqa divalabubuna kapoidi wete divedeba-pakala ge wayaqidi inabailedi.
Currently Selected:
Toloina Bwaigidi 2: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
