1 Samuela 18
18
Deibida ivetolauqavia Saulo natovetalaqavo kadiyoko naqeneye.
Saulo Deibida ivedebasaguguyeni
5Saulo Deibida ivetuneni me Isileli kadiqaviavo taiauda inavetalaqa we ivelulunapeledi. Wete vakai Deibida ivalabubuni kaia giamaikavadi. Beqa Saulo Deibida isilagai tupwaidiavo natovetalaqavo kaditogumeta, we tomo'otoqa matatabudi wete Saulo kanatogumetavo bwaigidi ikawagiagiamaieni.
6We Deibida tamo Pilisitia tomoqo bwaigina kanawavaqa Golaiati iluvewapai. We tutuyanina tovetalaqavo ivilavila vanuqe, vevine isauyedi Isileli nataoni bwaigina tamoqana tamoqana waidie'eqa Kini Saulo taiauda ivekedabababana medimwasana ikewakewa wete isuyasuya inava siaidi wete kabagiavegwaqegwaqe beqa. 7#1 Sam 29:5No vevinenidiavo isuyasuya wete ikewakewa ivo,
“Saulo kanaqaviavo 1,000 iluvewapadi,
we Deibida kanaqaviavo 10,000 iluvewapadi!”
8Beqa Saulo kanakapoka ioqala-otoqa vevinenidiavo dikewa paipaina. Ienuana ivo, “Noqoidi Deibida isisilagai tabwaneye iesipupu gumanina kanaqaviavo 10,000 iluvewapadi, we yau kaia kaguqaviavo 1,000 aluvewapadi. Tutuya kalakusana waineye Deibida inasilagai inavekini!” 9No tutuyanina waineye inaqonaqo Saulo Deibida ivedebasaguguyeni wete ieteteyeni.
No tutuyanina waineye Saulo Deibida iveqaviqaviai we iekautovona inaluvewapai. We Saulo natuna Dionitani Deibida ivoneni tamana wayaqina inaluvewapai, beqa Deibida ideqa Saulo waineye'eqa inaqo vikai tupwaidiavo waidie ivaigavu.
Currently Selected:
1 Samuela 18: mzz
Highlight
Copy
Compare
Share
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
