Kundalan 4
4
Vali yɔngun cuavaa-imamaa Kehat-a o
1Mí Mɛlɛka soaa o Moise nda Aarɔn ndo, mó dimul nda aa: 2«La sɛva cuavaa-imamaa Kehat-a o polale Levii len tɛɛn a kundala ndala n'vanayalan a á yungula ndalan, 3kandɔɔ vanaa nɔ vɔsilan beleyaa-a, kɔ bii a á nɔ vɔsilan beleŋuɛɛnu-a, á vanin vallo pum tosaa o cɛi-kola-toandaa-labɔɔŋianndo nin-nda kpow. 4Vali nda vanin tosaa o cɛi-kola-toandaa-labɔɔŋianndo nin-ndo vanin le hɔlla landɔɔ o ɲɛm valin diandaa-diandan coo ni. 5Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo, 6a handu kola nda toosiaa a yáwla kálà-kálàlan lapum-ndo lecoo, a handu vɛlɛ kola nda yin a kaan-ndo o kon coo. A cii pɛ kon, a sɔɔ yɔmii co le kesu kpema kon cuaa-e. 7O kon, a pɛngɛla vɛlɛ kola nda yin a kaan-ndo o tabali bulu sálà nda kɛsi ya Mɛlɛka o hɔl-lo co coo-o coo, a handu sɛtilan, taalala kólaalan, hɛngɛilan a ɲɛla vovaa mamɛnndan lecoo le sálàla mamɔilan solio. Bulu co o kɛsiaa o tabalio coo lɔ́ɔ́-lɔ́ɔ̀-o, ndu bɛnda mò lo lecoo. 8Kon cuu pɛ, a pɛngɛla kola nda yin yinɔɔ siaŋa vólotótoo-o o ɲɛm mun coo, a kumbu niko kon kpow a kola nda toosiaa a yáwla kálà-kálàlan lapum-ndo. O kon, a sɔɔ yɔmnde le tabali kalaa cuaa. 9A cua kola nda yin a kaan-ndo, a kumbu ɲɛ kɛsiaa lafitinaa, fitinala ndɔlan, kpaɲala ndɔla pɔmbɔlan, ɲɛla ndɔla dɔavaa lapultan a ɲɛm nda vow cuɛima lafitinan nin-ndon kpow a kola kon. 10A cii pɛ, a simbul ndu a ɲɛm ndɔn vallon kpow o kola toosian a yáwla kálà-kálàlan lapum-ndo, a sɔɔ yɔmii co le ndu cuaa-e, 11a pɛngɛla kola nda yin a kaan-ndo o fonda-loamaa-lasálà n'sianio coo, a kuumbuu yáw kàlà-kálàá pum lecoo, a sɔɔ yɔmii co le ndu cuaa-e. 12O kon, a cua ɲɛm valin nda tosa vallo o Cɛi-Diandaa nin-ndon kpow, a vow mun o kola nda yin a kaan-ndo nin, a simbul mun o kola nda toosiaa a yáwla kálà-kálàlan lapum-ndo nin. A simbul pɛ lende, a heelu mun o yɔmnde pum coo maa sángá#4.12 sángá: Yɔmndo pum toosiaa mɛɛ sángá vana vílɛ́iyo co nuaa yɛ, te kon te mɛɛ ɲɛ nda cua vanvílɛ́iya coo o lapitaalan nin-ndo co nuaa yɛ., 13a kɔndu pulta macuɛila co o fonda-loamaa-lasálàá coo lan, a pɛngɛla kola siaŋa sɔɔtɔtɔɔ lecoo, 14a handu volɔɔla valta fonda-loamaa-lasálà kon lecoo: bonyun fuusan, cukanila n'ciŋndan, ɲɛla ɲindaa lapultan, taalala fasaŋiaa makòólan. O kon, a kumbu kon kpow a kola nda toosiaa a yáwla kálà-kálàlan lapum-ndo, a sɔɔ yɔmnde le ndu cuaa. 15Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni. 16Eleasar, po Aarɔn vana-solia-lasálàá yɛ, ndu nɔnin hɔlla o ɲɔɔn mun coo ni: cuɛima co le lomɔɔ o ɲɛ kɛsiaa lafitinaa nin-ndan, ansan, sálà kpeyan nda loam lepalaa-lepala-o a cuɛima co le pɔlaa-an. Ndu nɔnin hɔlla o Calta Mɛlɛka la lan coo a o ɲɛm co lenin-ndon kpow coo ni, kandɔɔ a ɲɛm ndɔn valin diandan, kɔ bii a ɲɛm ndɔn laandon kpow.» 17Mí Mɛlɛka soaa vɛlɛ o Moise nda Aarɔn ndo, mó dimul nda aa: 18«La tósà mì cuavaa-imamaa Kehat-a cuu vu leviaa tɔ̀a tɛɛn te. 19Taa sɔɔnguu pɛ o Fonda Diandaa-Diandaa ikɛi, ɲɛ niaa bɛnda mì la tosa le nda yɔŋii nda vu-o co hoo ni: nɔm Moise, Aarɔn a poaa ndɔa, la bɛnda mì la luɛi, mì la cɔm vana-vana vali ndɔɔ a ɲɛ diandaa o bɛnda le cuaa-o. 20À bɛnda mà luɛi nda pilɛ kpé le ɲɛm diandan tofaa hali o telen pɔmbɔ bɛngu le, yɔŋii nda sɔla piɔ́mndo.»
Vali yɔngun cuavaa-imamaa Kɛrsɔn-nda-o
21Mí Mɛlɛka soaa vɛlɛ o Moise lo, mó dimul ndu aa: 22«Sɛva vɛlɛ diola cuavaa-imamaa Kɛrsɔn-nda a pilɛn-pilɛnnda mɛɛ nda co a kundala ndala n'vanayalan a á yungula ndalan yɛ. 23Ma cɔm vanpiaandua nɔ vɔsilan kandɔɔ beleyaa háá beleŋuɛɛnu-a, á nɔlanin vallo tosaa o cɛi-kola-toandaa-labɔɔŋianndo nin-nda. 24Baala cuavaa-imamaa Kɛrsɔn-nda bɛnda le tosaa-o a ɲɛm nda bɛnda le vilio-on co mun ni: 25Nda cuanin kolala Calta Mɛlɛka lan ni: cɛi-kola-toandaa-labɔɔŋianndo, kola ndɔɔ, kola ndɔ vuaa nda tosa a yáwla kálà-kálàlan-ndo, kola-landaa co o dio cɛi-kola-toandaa-labɔɔŋianndo-o, 26kolala kunga bɛɔ, a kola-landaa co o dio kunga bɛɔ-vo, la balu Calta Mɛlɛka lan a fonda-loamaa-lasálàá lan, yoei ndɛi a ɲɛm-laandun co lon-ndon kpow. Vali oo vali co a ɲɛm mun o kɔɔ, nda bɛnda le ndu tosaa ni. 27Aarɔn nda poaa ndɔa o ba bɛngu nda bɛnda le vali kon kpow tosaa ni, le ɲɛm nda bɛnda le vilio-on vilio a le vali yɔngun nda-o tosaa. Mì la cɔm nda ɲɛ-ɲɛ nda bɛnda le vilio. 28Vali cuavaa-imamaa Kɛrsɔn-nda bɛnda le tosaa o cɛi-kola-toandaa-labɔɔŋianndo nin-ndo co kon ni. Itamar, po Aarɔn-ndo o ba bɛngu nda bɛnda le vali kon tosaa ni.»
Vali yɔngun cuavaa-imamaa Merari-a-o
29«Ma sɛva vɛlɛ diola cuavaa-imamaa Merari-a a pilɛn-pilɛnnda mɛɛ nda co a kundala ndala n'vanayalan a á yungula ndalan yɛ. 30Ma cɔm vanpiaandua nɔ vɔsilan kandɔɔ beleyaa háá beleŋuɛɛnu-a, a nɔlanin vallo tosaa o cɛi-kola-toandaa-labɔɔŋianndo nin-nda. 31Ɲɛm nda bɛnda le vilio o volɔɔla cɛi-kola-toandaa-labɔɔŋianndo nin-ndon co mun ni: pɛngɛn Calta Mɛlɛka lan, kandola ndɔlan, sungbuan, fondala sungbuan ma kɛsi tumndan nin-ndan, 32sungbuma co o kunga bɛɔ-van, fondala ma kɛsi tumndan nin-ndan, pikion, yoei a ɲɛm co le cɛi kon simio-on kpow. Mì la cɔm vana-vana ɲɛm o bɛnda le vilio-on. 33Vali yɔngun cuavaa-imamaa Merari-a-o co kon ni, vali nda bɛnda le tosaa o cɛi-kola-toandaa-labɔɔŋianndo nin-ndo co kon ni. Itamar, po Aarɔn vana-solia-lasálàá o ba bɛngu nda vanin vali kon tosaa ni.»
A sɛva leviaa co vallo tosaa-a
34Mí Moise, Aarɔn a bolii lapangɛi Israɛlla a sɛva cuavaa-imamaa Kehat-a a pilɛn-pilɛnnda mɛɛ nda va a kundala ndala n'vanayalan a á yungula ndalan yɛ. 35Má cɔm vanpiaandua nɔ vɔsilan kandɔɔ beleyaa háá beleŋuɛɛnu-a, á nɔla le vallo tosaa o cɛi-kola-toandaa-labɔɔŋianndo nin-nda. 36Vanaa nda sɛva o yungula ndalan nin-nda va vàála tiɔn a kɛmɛ leŋɔmmɛw a beleŋuɛɛnu (2 750). 37Cuavaa-imamaa Kehat-a va vallo o cɛi-kola-toandaa-labɔɔŋianndo nin a pilɛn-pilɛnnda-a a yɔŋnun kan ni. Kan Moise nda Aarɔn a sɛva ni mɛɛ Mɛlɛka dimul nda a sondo Moise-o yɛ. 38Cuavaa-imamaa Kɛrsɔn-aa nda sɛva-a yɔŋnun haa ni, mɛɛ nda cɔm nda a kundala ndala n'vanayalan a á yungula ndalan yɛ: 39vanpiaandua nɔ vɔsilan kandɔɔ beleyaa háá beleŋuɛɛnu-a, a sɔla hɛlio le baalaa tosaa o cɛi-kola-toandaa-labɔɔŋianndo nin-nda, 40a va kpow-kpow vàála tiɔn a kɛmɛ leŋɔmpum a beleyaa (2 630). 41Cuavaa-imamaa Kɛrsɔn-nda, a nda cɔm a kundala ndala n'vanayalan a á yungula ndalan-nda, á va vallo tosaa o cɛi-kola-toandaa-labɔɔŋianndo nin-nda, á Moise nda Aarɔn a sɛva mɛɛ Mɛlɛka dimul nda a sondo Moise-o-a a yɔŋnun kan ni. 42Cuavaa-imamaa Merari-a nda sɛva-a yɔŋnun haa ni, mɛɛ nda cɔm nda a kundala ndala n'vanayalan a á yungula ndalan yɛ. 43Vanpiaandua nɔ vɔsilan kandɔɔ beleyaa háá beleŋuɛɛnu-a, áà tiwba le baalaa tosaa o cɛi-kola-toandaa-labɔɔŋianndo nin-nda, 44a va kpow-kpow vàálan layàá a kɛmɛ lediin (3 200). 45Lende yungula cuavaa-imamaa Merari-a la va sɛ́lɛ́ ni telen Mɛlɛka vem Moise nda Aarɔn le nda cɔmndo-o. Lende Mɛlɛka ndóò dimul Moise le tosaa ni.
46Vanaa Moise, Aarɔn a bolii lapangɛi Israɛlla a sɛva kpow-kpow o leviia tɛɛn a kundala ndala n'vanayalan a á yungula ndalan-nda, 47vanaáà nɔ vɔsilan kandɔɔ beleyaa háá beleŋuɛɛnu-a, a hɛlin le vallo tosaa o cɛi-kola-toandaa-labɔɔŋianndo nin-nda, 48à va vàála ŋɔmaa a kɛmɛ leŋuɛɛnu a belaŋɔmaa (8 580). 49Mɛɛ Mɛlɛka dimi yɛ, mí Moise cɔm vana-vana vali ndóò bɛnda le tosaa-o a ɲɛm ndóò bɛnda le vilio-on. Mó tosa mɛɛ Mɛlɛka cɔm ndu yɛ.
Currently Selected:
Kundalan 4: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Kundalan 4
4
Vali yɔngun cuavaa-imamaa Kehat-a o
1Mí Mɛlɛka soaa o Moise nda Aarɔn ndo, mó dimul nda aa: 2«La sɛva cuavaa-imamaa Kehat-a o polale Levii len tɛɛn a kundala ndala n'vanayalan a á yungula ndalan, 3kandɔɔ vanaa nɔ vɔsilan beleyaa-a, kɔ bii a á nɔ vɔsilan beleŋuɛɛnu-a, á vanin vallo pum tosaa o cɛi-kola-toandaa-labɔɔŋianndo nin-nda kpow. 4Vali nda vanin tosaa o cɛi-kola-toandaa-labɔɔŋianndo nin-ndo vanin le hɔlla landɔɔ o ɲɛm valin diandaa-diandan coo ni. 5Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo, 6a handu kola nda toosiaa a yáwla kálà-kálàlan lapum-ndo lecoo, a handu vɛlɛ kola nda yin a kaan-ndo o kon coo. A cii pɛ kon, a sɔɔ yɔmii co le kesu kpema kon cuaa-e. 7O kon, a pɛngɛla vɛlɛ kola nda yin a kaan-ndo o tabali bulu sálà nda kɛsi ya Mɛlɛka o hɔl-lo co coo-o coo, a handu sɛtilan, taalala kólaalan, hɛngɛilan a ɲɛla vovaa mamɛnndan lecoo le sálàla mamɔilan solio. Bulu co o kɛsiaa o tabalio coo lɔ́ɔ́-lɔ́ɔ̀-o, ndu bɛnda mò lo lecoo. 8Kon cuu pɛ, a pɛngɛla kola nda yin yinɔɔ siaŋa vólotótoo-o o ɲɛm mun coo, a kumbu niko kon kpow a kola nda toosiaa a yáwla kálà-kálàlan lapum-ndo. O kon, a sɔɔ yɔmnde le tabali kalaa cuaa. 9A cua kola nda yin a kaan-ndo, a kumbu ɲɛ kɛsiaa lafitinaa, fitinala ndɔlan, kpaɲala ndɔla pɔmbɔlan, ɲɛla ndɔla dɔavaa lapultan a ɲɛm nda vow cuɛima lafitinan nin-ndon kpow a kola kon. 10A cii pɛ, a simbul ndu a ɲɛm ndɔn vallon kpow o kola toosian a yáwla kálà-kálàlan lapum-ndo, a sɔɔ yɔmii co le ndu cuaa-e, 11a pɛngɛla kola nda yin a kaan-ndo o fonda-loamaa-lasálà n'sianio coo, a kuumbuu yáw kàlà-kálàá pum lecoo, a sɔɔ yɔmii co le ndu cuaa-e. 12O kon, a cua ɲɛm valin nda tosa vallo o Cɛi-Diandaa nin-ndon kpow, a vow mun o kola nda yin a kaan-ndo nin, a simbul mun o kola nda toosiaa a yáwla kálà-kálàlan lapum-ndo nin. A simbul pɛ lende, a heelu mun o yɔmnde pum coo maa sángá#4.12 sángá: Yɔmndo pum toosiaa mɛɛ sángá vana vílɛ́iyo co nuaa yɛ, te kon te mɛɛ ɲɛ nda cua vanvílɛ́iya coo o lapitaalan nin-ndo co nuaa yɛ., 13a kɔndu pulta macuɛila co o fonda-loamaa-lasálàá coo lan, a pɛngɛla kola siaŋa sɔɔtɔtɔɔ lecoo, 14a handu volɔɔla valta fonda-loamaa-lasálà kon lecoo: bonyun fuusan, cukanila n'ciŋndan, ɲɛla ɲindaa lapultan, taalala fasaŋiaa makòólan. O kon, a kumbu kon kpow a kola nda toosiaa a yáwla kálà-kálàlan lapum-ndo, a sɔɔ yɔmnde le ndu cuaa. 15Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni. 16Eleasar, po Aarɔn vana-solia-lasálàá yɛ, ndu nɔnin hɔlla o ɲɔɔn mun coo ni: cuɛima co le lomɔɔ o ɲɛ kɛsiaa lafitinaa nin-ndan, ansan, sálà kpeyan nda loam lepalaa-lepala-o a cuɛima co le pɔlaa-an. Ndu nɔnin hɔlla o Calta Mɛlɛka la lan coo a o ɲɛm co lenin-ndon kpow coo ni, kandɔɔ a ɲɛm ndɔn valin diandan, kɔ bii a ɲɛm ndɔn laandon kpow.» 17Mí Mɛlɛka soaa vɛlɛ o Moise nda Aarɔn ndo, mó dimul nda aa: 18«La tósà mì cuavaa-imamaa Kehat-a cuu vu leviaa tɔ̀a tɛɛn te. 19Taa sɔɔnguu pɛ o Fonda Diandaa-Diandaa ikɛi, ɲɛ niaa bɛnda mì la tosa le nda yɔŋii nda vu-o co hoo ni: nɔm Moise, Aarɔn a poaa ndɔa, la bɛnda mì la luɛi, mì la cɔm vana-vana vali ndɔɔ a ɲɛ diandaa o bɛnda le cuaa-o. 20À bɛnda mà luɛi nda pilɛ kpé le ɲɛm diandan tofaa hali o telen pɔmbɔ bɛngu le, yɔŋii nda sɔla piɔ́mndo.»
Vali yɔngun cuavaa-imamaa Kɛrsɔn-nda-o
21Mí Mɛlɛka soaa vɛlɛ o Moise lo, mó dimul ndu aa: 22«Sɛva vɛlɛ diola cuavaa-imamaa Kɛrsɔn-nda a pilɛn-pilɛnnda mɛɛ nda co a kundala ndala n'vanayalan a á yungula ndalan yɛ. 23Ma cɔm vanpiaandua nɔ vɔsilan kandɔɔ beleyaa háá beleŋuɛɛnu-a, á nɔlanin vallo tosaa o cɛi-kola-toandaa-labɔɔŋianndo nin-nda. 24Baala cuavaa-imamaa Kɛrsɔn-nda bɛnda le tosaa-o a ɲɛm nda bɛnda le vilio-on co mun ni: 25Nda cuanin kolala Calta Mɛlɛka lan ni: cɛi-kola-toandaa-labɔɔŋianndo, kola ndɔɔ, kola ndɔ vuaa nda tosa a yáwla kálà-kálàlan-ndo, kola-landaa co o dio cɛi-kola-toandaa-labɔɔŋianndo-o, 26kolala kunga bɛɔ, a kola-landaa co o dio kunga bɛɔ-vo, la balu Calta Mɛlɛka lan a fonda-loamaa-lasálàá lan, yoei ndɛi a ɲɛm-laandun co lon-ndon kpow. Vali oo vali co a ɲɛm mun o kɔɔ, nda bɛnda le ndu tosaa ni. 27Aarɔn nda poaa ndɔa o ba bɛngu nda bɛnda le vali kon kpow tosaa ni, le ɲɛm nda bɛnda le vilio-on vilio a le vali yɔngun nda-o tosaa. Mì la cɔm nda ɲɛ-ɲɛ nda bɛnda le vilio. 28Vali cuavaa-imamaa Kɛrsɔn-nda bɛnda le tosaa o cɛi-kola-toandaa-labɔɔŋianndo nin-ndo co kon ni. Itamar, po Aarɔn-ndo o ba bɛngu nda bɛnda le vali kon tosaa ni.»
Vali yɔngun cuavaa-imamaa Merari-a-o
29«Ma sɛva vɛlɛ diola cuavaa-imamaa Merari-a a pilɛn-pilɛnnda mɛɛ nda co a kundala ndala n'vanayalan a á yungula ndalan yɛ. 30Ma cɔm vanpiaandua nɔ vɔsilan kandɔɔ beleyaa háá beleŋuɛɛnu-a, a nɔlanin vallo tosaa o cɛi-kola-toandaa-labɔɔŋianndo nin-nda. 31Ɲɛm nda bɛnda le vilio o volɔɔla cɛi-kola-toandaa-labɔɔŋianndo nin-ndon co mun ni: pɛngɛn Calta Mɛlɛka lan, kandola ndɔlan, sungbuan, fondala sungbuan ma kɛsi tumndan nin-ndan, 32sungbuma co o kunga bɛɔ-van, fondala ma kɛsi tumndan nin-ndan, pikion, yoei a ɲɛm co le cɛi kon simio-on kpow. Mì la cɔm vana-vana ɲɛm o bɛnda le vilio-on. 33Vali yɔngun cuavaa-imamaa Merari-a-o co kon ni, vali nda bɛnda le tosaa o cɛi-kola-toandaa-labɔɔŋianndo nin-ndo co kon ni. Itamar, po Aarɔn vana-solia-lasálàá o ba bɛngu nda vanin vali kon tosaa ni.»
A sɛva leviaa co vallo tosaa-a
34Mí Moise, Aarɔn a bolii lapangɛi Israɛlla a sɛva cuavaa-imamaa Kehat-a a pilɛn-pilɛnnda mɛɛ nda va a kundala ndala n'vanayalan a á yungula ndalan yɛ. 35Má cɔm vanpiaandua nɔ vɔsilan kandɔɔ beleyaa háá beleŋuɛɛnu-a, á nɔla le vallo tosaa o cɛi-kola-toandaa-labɔɔŋianndo nin-nda. 36Vanaa nda sɛva o yungula ndalan nin-nda va vàála tiɔn a kɛmɛ leŋɔmmɛw a beleŋuɛɛnu (2 750). 37Cuavaa-imamaa Kehat-a va vallo o cɛi-kola-toandaa-labɔɔŋianndo nin a pilɛn-pilɛnnda-a a yɔŋnun kan ni. Kan Moise nda Aarɔn a sɛva ni mɛɛ Mɛlɛka dimul nda a sondo Moise-o yɛ. 38Cuavaa-imamaa Kɛrsɔn-aa nda sɛva-a yɔŋnun haa ni, mɛɛ nda cɔm nda a kundala ndala n'vanayalan a á yungula ndalan yɛ: 39vanpiaandua nɔ vɔsilan kandɔɔ beleyaa háá beleŋuɛɛnu-a, a sɔla hɛlio le baalaa tosaa o cɛi-kola-toandaa-labɔɔŋianndo nin-nda, 40a va kpow-kpow vàála tiɔn a kɛmɛ leŋɔmpum a beleyaa (2 630). 41Cuavaa-imamaa Kɛrsɔn-nda, a nda cɔm a kundala ndala n'vanayalan a á yungula ndalan-nda, á va vallo tosaa o cɛi-kola-toandaa-labɔɔŋianndo nin-nda, á Moise nda Aarɔn a sɛva mɛɛ Mɛlɛka dimul nda a sondo Moise-o-a a yɔŋnun kan ni. 42Cuavaa-imamaa Merari-a nda sɛva-a yɔŋnun haa ni, mɛɛ nda cɔm nda a kundala ndala n'vanayalan a á yungula ndalan yɛ. 43Vanpiaandua nɔ vɔsilan kandɔɔ beleyaa háá beleŋuɛɛnu-a, áà tiwba le baalaa tosaa o cɛi-kola-toandaa-labɔɔŋianndo nin-nda, 44a va kpow-kpow vàálan layàá a kɛmɛ lediin (3 200). 45Lende yungula cuavaa-imamaa Merari-a la va sɛ́lɛ́ ni telen Mɛlɛka vem Moise nda Aarɔn le nda cɔmndo-o. Lende Mɛlɛka ndóò dimul Moise le tosaa ni.
46Vanaa Moise, Aarɔn a bolii lapangɛi Israɛlla a sɛva kpow-kpow o leviia tɛɛn a kundala ndala n'vanayalan a á yungula ndalan-nda, 47vanaáà nɔ vɔsilan kandɔɔ beleyaa háá beleŋuɛɛnu-a, a hɛlin le vallo tosaa o cɛi-kola-toandaa-labɔɔŋianndo nin-nda, 48à va vàála ŋɔmaa a kɛmɛ leŋuɛɛnu a belaŋɔmaa (8 580). 49Mɛɛ Mɛlɛka dimi yɛ, mí Moise cɔm vana-vana vali ndóò bɛnda le tosaa-o a ɲɛm ndóò bɛnda le vilio-on. Mó tosa mɛɛ Mɛlɛka cɔm ndu yɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée