Kundalan 3
3
Vali vanaa-solia-lasálàá
1Haa yɔŋnun poaa Aarɔn-nda a poaa Moise-a telen Mɛlɛka soo o Moise lo o pembei Sinai coo-o ni. 2Poaa Aarɔn-nda yɔŋnun haa ni: po ndɔ tasoo diolan Nadab, o Nadab kɔɔli, mó vialu Abihu, Eleasar a Itamar. 3Kan yɔŋnun poaa Aarɔn-nda ni, vanaa-solia-lasálàá sɔla pɔlaa le vali solia lasálàá tosaa-a nda va ni. 4Kɛ mí Nadab nda Abihu a sɔla piɔ́mndo Mɛlɛka o hɔl#3.4 mí Nadab nda Abihu sɔla piɔ́mndo Mɛlɛka o hɔl: Nadab nda Abihu, tofa vɔ Tɔŋ lasálàá 10.1-2. o lɛŋnde veselɛile balu Sinai len nin, le tùú nda luɛi a yinnde súú celennden Mɛlɛka o hɔl-lo. Ndáà vilu n'cuaw le. Mí Eleasar nda Itamar lo vali solia lasálàá tosaa Aarɔn fuɲa nda o labɛngunin.
5Mí Mɛlɛka soaa o Moise lo, mó dimul ndu aa: 6«Cua vanaa fula o polale Levii len nin-nda, ma sɔɔ nda Aarɔn vana-solia-lasálàá o ba le ndu malaa o vali kon nin. 7A vanin Aarɔn o ba bɛngu mà tosa baala le sɛ́lɔ́ɔ́ kpow o cɛi-kola-toandaa-labɔɔŋianndo sondoo le baalala co a Calta Mɛlɛka lan o kɔɔ lan tosaa. 8Nda bɛnda ni mà landu hɔlla o ɲɛm-laandun co o cɛi-kola-toandaa-labɔɔŋianndo nin-ndon coo, ma va vallo tosaa o Calta Mɛlɛka la lan nin le Israɛlla. 9Lelan, cua nda ma sɔɔ nda Aarɔn nda poaa ndɔa o ba. Kan bɛnda ni mà yɔngun Aarɔn, mì nda va hɔlte Israɛlaa tɔ̀a kpede. 10Mì nɔm Moise va mɛɛndanndo haliko mi Aarɔn nda poaa ndɔa kínɛí a tosa vali solia lasálàá. Te vana celen, vana fula o yungu Aarɔn-ndo nin too sɔɔnguu pɛ ikɛi, o bɛnda mò sɔla piɔ́mndo.»
11Mí Mɛlɛka soaa vɛlɛ o Moise lo, mó dimul ndu aa: 12«Yaŋ-ndɔ nilan, i hɛli leviia o Israɛlla tɛɛn, haliko ma muungu o fonda poaa tasea vanlaandua Israɛl co violɔɔ-a. Lelan, a nia nda co nin ni. 13Kani poaa tasea kpow, le ya nda co ni. Paale ya diw poaa tasea a cɔlua piaandua tasea Esiptea len, mí siinguu ɲinkon poaa tasea a cɔlua piaandua tasea Israɛlla teengen le ya Mɛlɛka pila. Kandɔɔ a po tasoo, kɔ bii a cɔlu piaandu tasoo, le ya nda co nin ni. Ya co Mɛlɛka ni.»
Sɛvan leviia sɛvan kpow-kpow-vo
14O kon kɔɔli, mí Mɛlɛka soaa o Moise lo o lɛŋnde veselɛilen Sinai nin, mó dimul ndu aa: 15«Cɔ́m polale Levii len mɛɛ nda co a kundala ndala n'vanayalan a á yungula ndalan a pilɛn-pilɛnnda yɛ, ma cɔm vanpiaandua nɔ paangei ipilɛ-a a á hiow nin paangii pilɛ coo-a.» 16O kon, mí Moise cɔm nda mɛɛ Mɛlɛka pila vem ndu le tosaa yɛ.
17Diola poaa Levii velu-a la co lan ni: Kɛrsɔn, Kehat a Merari. 18Poaa Kɛrsɔn velu-a va Libni nda Simei ni, nda yɔŋnun fuɲaa-mamaa le yungula ndalan ni. 19Poaa Kehat velu-a yɔŋnun Amram, Yisehar, Hebrɔn a Usiɛl ni, nda yɔŋnun fuɲaa-mamaa le yungala ndalan ni. 20Mí Merari ndu vialu Mahli a Musi, nda yɔŋnun fuɲaa-mamaa le yungula ndalan ni. Vanaa fula o polale Levii len nin-nda yɔŋnun kan ni.
21Polale Kɛrsɔn-nden le yɔŋnun yungu Libni-o a yungu Simei-yo ni, yungula lan la yɔŋnun cuavaa-imamaa Kɛrsɔn-nda ni. 22Tuma nda sɛva nda-o, a va vanpiaandua vàálan tan ŋɔmmɛw a kɛmɛ leŋuɛɛnu (7 500), kandɔɔ a nɔ paangei ipilɛ-a, kɔ bii a hiow paangei ipilɛ-a. 23O dɔ́ɔ́ngɔ́ɔ̀ nin nda va icali o Calta Mɛlɛka lan kɔɔli a ba paalen le del-lo ni. 24Vana va bolle pangale ndalen-ndo va Eliasaf, po Laɛl-lo ni. 25O cɛi-kola-toandaa-labɔɔŋianndo nin, vali ndaa va hoo ni: hɔlla landɔɔ o Calta Mɛlɛka la va lenin-ndan coo, o kolala nda vii ndu lan coo, o kola-landaa va o cɛi-kola-toandaa kon sondoo-o coo, 26o kolala kunga balu cɛi-kola-toandaa kon-ndan coo, o kola-landaa va o dio bɛɛ balu Calta Mɛlɛka la lan a fonda-loamaa-lasálàá-o coo a o yoei va le baalalan-nde kpow coo.
27Yungula fula o cuavaa-imamaa Kehat-a nin-ndan la va yungu Amram-ndo, yungu Yisehar-o, yungu Hebrɔn-ndo a yungu Usiɛl-lo ni. Yungula fula Kehat o ipulu lan la yɔŋnun ndan ni. 28A va vannda vàála ŋɔmaa a kɛmɛ leŋɔmpum (8 600)#3.28 vàála ŋɔmaa a kɛmɛ leŋɔmpum (8 600): Sɛbɛlan lapum la dimi aa «vàála ŋɔmaa a kɛmɛ leyáá (8 300)»., vanpiaandua kposon, vanaa nɔ kandɔɔ paangei ipilɛ háá hiovɔɔ paangei pilɛ coo-a. Nda va hɔlla landɔɔ o Cɛi-Diandaa coo ni. 29O Calta Mɛlɛka lan a ba too yungula fula o Kehat nin-ndan la va icali ni. 30Elisafan, po Usiɛl-lo yɔŋnun bolle pangale ndalen ni. 31Ɲɛm nda va mandaa-on va mun ni: kesu kpemaa, tabali bulu toosian a lɛvɛn too va coo-o, ɲɛ kɛsiaa lafitinaa, fondala-loamaa-lasálàlan, ɲɛm diandan va le sálàlan solio-on a kola-landaa kelu Fonda-Diandaa a Fonda Diandaa-Diandaa tɛɛn-ndo. Ndáà tosa valta va a ɲɛm mun o kɔɔ lan ni.
32Vana bɛndu va leviia kpow bollen-ndo va Eleasar, po Aarɔn vana-solia-lasálàá ni. Ndu óò mɛɛndan vali nda va tosaa o Cɛi-Diandaa nin-ndo ni.
33Yungula fula o cuavaa-imamaa Merari-a nin-ndan la yɔŋnun yungu Mahli-o a yungu Musi-o ni. 34A va vannda vàálan tan ŋɔmpum a kɛmɛ lediin (6 200), vanpiaandua nɔ paangei ipilɛ-a a á nɔ hiovɔɔ pangei pilɛ coo-a. 35Bolle pangale ndalen le va Turiɛl, po Abihayil-lo ni. Fonda nda calaa va o Calta Mɛlɛka lan a maluaŋ ni. 36Polale Merari len, vali ndaa va hoo ni: hɔlla landɔɔ o pɛngɛn Calta Mɛlɛka lan coo, o kandola ndɔlan coo, o sungbuma ndɔan coo, o fondala sungbuan ma kɛsi tumndan nin-ndan coo a o ɲɛm-laandon kpow coo. A ɲɛm mun ndáà tosa vallo ni. 37Ndáà tosa vɛlɛ vallo a sungbuma balu kunga bɛɔ-van, a fondala sungbuma man ma kɛsi tumndan nin-ndan, a pikin ndan a á yoei ndɛi ni.
38Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.
39Leviaa Mɛlɛka vem Moise nda Aarɔn sɛvaa-a va vaalan bidiin a latiɔn (22 000), vanpiaandua kposon, a nɔ paangei ipilɛ-a a á nɔ hiovɔɔ paangei pilɛ coo-a.
Silaa le poaa tasea baŋaa
40Mí Mɛlɛka dimul Moise aa: «Sɛva poaa tasea kpow o Israɛlla tɛɛn, kandɔɔ a nɔ paangei ipilɛ-a a á nɔ hiovɔɔ paangei pilɛ coo-a, ma sɛva nda diolan a pilɛn-pilɛnnda. 41Ma yɔngu ya leviia sɔ̀ngɔ́ poaa tasea kan. Ya co Mɛlɛka ni. Cɔlua leviia vanin vɛlɛ le ya Mɛlɛka sɔ̀ngɔ́ cɔlua piaandua tasea Israɛlla kpow.» 42O kon mí Moise sɛva diola poaa tasea Israɛlla kpow mɛɛ Mɛlɛka dimul ndu yɛ kpafii. 43Poaa tasea o sɛva diolan-nda, kandɔɔ a nɔ paangei ipilɛ-a kɔ bii a nɔ hiovɔɔ paangei pilɛ coo-a, a va vaalan bidiin a latiɔn a kɛmɔɔ lediin a belaŋɔmmɛw a à yaa (22 273).
44Mí Mɛlɛka soaa o Moise lo, mó dimul ndu aa: 45«Yɔngu ya leviia mì nda va le ya sɔ̀ngɔ́ poaa tasea Israɛlla, ma yɔngu ya vɛlɛ cɔlua piaandua ndaa sɔ̀ngɔ́ cɔlua piaandua tasea Israɛlaa tɔ̀a. O kon, mì leviia va le ya. Ya co Mɛlɛka ni. 46Kɛ a kon kpede, poaa tasea kɛmɛ lediin a belaŋɔmmɛw a à yaa (273) Israɛlla a co le baŋaa, kani leviia siow ciŋa le kan baŋaa le. 47Le kan o pilɛ baŋaa, a bɛnda ma kelu vɔngoo volin latámán mún ŋuɛɛnu, mɛɛ volin latámán co dionnɔnndo o Cɛi-Diandaa nin-ndon co yɛ, volin mún i pilɛ lusul ndɔɔ co le kalamulan tɔ́. 48Ma cua volin mun, ma yɔngu Aarɔn nda poaa ndɔa maa vɔngu baŋaa le poaa tasea hiow vaa sɛ́lɛ́ a kunda leviia-o.» 49Mí Moise sɔla volin vɔngu baŋaa kon le poaa tasea, à vana baŋaa sɔlan kan o leviia tɛɛn le nda baŋa le-a. 50A ba poaa tasea Israɛlla, mó sɔla volin latámán vàá pilɛ a kɛmɛ leyáá a belaŋɔmpum a ŋuɛɛnu (1 365) mɛɛ volin latámán va o Cɛi-Diandaa nin-ndon va yɛ. 51Mó cua volin vɔngu baŋan mun, mó sɔaa Aarɔn nda poaa ndɔa o ba, mɛɛ Mɛlɛka dimul ndu le tosaa yɛ.
Currently Selected:
Kundalan 3: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Kundalan 3
3
Vali vanaa-solia-lasálàá
1Haa yɔŋnun poaa Aarɔn-nda a poaa Moise-a telen Mɛlɛka soo o Moise lo o pembei Sinai coo-o ni. 2Poaa Aarɔn-nda yɔŋnun haa ni: po ndɔ tasoo diolan Nadab, o Nadab kɔɔli, mó vialu Abihu, Eleasar a Itamar. 3Kan yɔŋnun poaa Aarɔn-nda ni, vanaa-solia-lasálàá sɔla pɔlaa le vali solia lasálàá tosaa-a nda va ni. 4Kɛ mí Nadab nda Abihu a sɔla piɔ́mndo Mɛlɛka o hɔl#3.4 mí Nadab nda Abihu sɔla piɔ́mndo Mɛlɛka o hɔl: Nadab nda Abihu, tofa vɔ Tɔŋ lasálàá 10.1-2. o lɛŋnde veselɛile balu Sinai len nin, le tùú nda luɛi a yinnde súú celennden Mɛlɛka o hɔl-lo. Ndáà vilu n'cuaw le. Mí Eleasar nda Itamar lo vali solia lasálàá tosaa Aarɔn fuɲa nda o labɛngunin.
5Mí Mɛlɛka soaa o Moise lo, mó dimul ndu aa: 6«Cua vanaa fula o polale Levii len nin-nda, ma sɔɔ nda Aarɔn vana-solia-lasálàá o ba le ndu malaa o vali kon nin. 7A vanin Aarɔn o ba bɛngu mà tosa baala le sɛ́lɔ́ɔ́ kpow o cɛi-kola-toandaa-labɔɔŋianndo sondoo le baalala co a Calta Mɛlɛka lan o kɔɔ lan tosaa. 8Nda bɛnda ni mà landu hɔlla o ɲɛm-laandun co o cɛi-kola-toandaa-labɔɔŋianndo nin-ndon coo, ma va vallo tosaa o Calta Mɛlɛka la lan nin le Israɛlla. 9Lelan, cua nda ma sɔɔ nda Aarɔn nda poaa ndɔa o ba. Kan bɛnda ni mà yɔngun Aarɔn, mì nda va hɔlte Israɛlaa tɔ̀a kpede. 10Mì nɔm Moise va mɛɛndanndo haliko mi Aarɔn nda poaa ndɔa kínɛí a tosa vali solia lasálàá. Te vana celen, vana fula o yungu Aarɔn-ndo nin too sɔɔnguu pɛ ikɛi, o bɛnda mò sɔla piɔ́mndo.»
11Mí Mɛlɛka soaa vɛlɛ o Moise lo, mó dimul ndu aa: 12«Yaŋ-ndɔ nilan, i hɛli leviia o Israɛlla tɛɛn, haliko ma muungu o fonda poaa tasea vanlaandua Israɛl co violɔɔ-a. Lelan, a nia nda co nin ni. 13Kani poaa tasea kpow, le ya nda co ni. Paale ya diw poaa tasea a cɔlua piaandua tasea Esiptea len, mí siinguu ɲinkon poaa tasea a cɔlua piaandua tasea Israɛlla teengen le ya Mɛlɛka pila. Kandɔɔ a po tasoo, kɔ bii a cɔlu piaandu tasoo, le ya nda co nin ni. Ya co Mɛlɛka ni.»
Sɛvan leviia sɛvan kpow-kpow-vo
14O kon kɔɔli, mí Mɛlɛka soaa o Moise lo o lɛŋnde veselɛilen Sinai nin, mó dimul ndu aa: 15«Cɔ́m polale Levii len mɛɛ nda co a kundala ndala n'vanayalan a á yungula ndalan a pilɛn-pilɛnnda yɛ, ma cɔm vanpiaandua nɔ paangei ipilɛ-a a á hiow nin paangii pilɛ coo-a.» 16O kon, mí Moise cɔm nda mɛɛ Mɛlɛka pila vem ndu le tosaa yɛ.
17Diola poaa Levii velu-a la co lan ni: Kɛrsɔn, Kehat a Merari. 18Poaa Kɛrsɔn velu-a va Libni nda Simei ni, nda yɔŋnun fuɲaa-mamaa le yungula ndalan ni. 19Poaa Kehat velu-a yɔŋnun Amram, Yisehar, Hebrɔn a Usiɛl ni, nda yɔŋnun fuɲaa-mamaa le yungala ndalan ni. 20Mí Merari ndu vialu Mahli a Musi, nda yɔŋnun fuɲaa-mamaa le yungula ndalan ni. Vanaa fula o polale Levii len nin-nda yɔŋnun kan ni.
21Polale Kɛrsɔn-nden le yɔŋnun yungu Libni-o a yungu Simei-yo ni, yungula lan la yɔŋnun cuavaa-imamaa Kɛrsɔn-nda ni. 22Tuma nda sɛva nda-o, a va vanpiaandua vàálan tan ŋɔmmɛw a kɛmɛ leŋuɛɛnu (7 500), kandɔɔ a nɔ paangei ipilɛ-a, kɔ bii a hiow paangei ipilɛ-a. 23O dɔ́ɔ́ngɔ́ɔ̀ nin nda va icali o Calta Mɛlɛka lan kɔɔli a ba paalen le del-lo ni. 24Vana va bolle pangale ndalen-ndo va Eliasaf, po Laɛl-lo ni. 25O cɛi-kola-toandaa-labɔɔŋianndo nin, vali ndaa va hoo ni: hɔlla landɔɔ o Calta Mɛlɛka la va lenin-ndan coo, o kolala nda vii ndu lan coo, o kola-landaa va o cɛi-kola-toandaa kon sondoo-o coo, 26o kolala kunga balu cɛi-kola-toandaa kon-ndan coo, o kola-landaa va o dio bɛɛ balu Calta Mɛlɛka la lan a fonda-loamaa-lasálàá-o coo a o yoei va le baalalan-nde kpow coo.
27Yungula fula o cuavaa-imamaa Kehat-a nin-ndan la va yungu Amram-ndo, yungu Yisehar-o, yungu Hebrɔn-ndo a yungu Usiɛl-lo ni. Yungula fula Kehat o ipulu lan la yɔŋnun ndan ni. 28A va vannda vàála ŋɔmaa a kɛmɛ leŋɔmpum (8 600)#3.28 vàála ŋɔmaa a kɛmɛ leŋɔmpum (8 600): Sɛbɛlan lapum la dimi aa «vàála ŋɔmaa a kɛmɛ leyáá (8 300)»., vanpiaandua kposon, vanaa nɔ kandɔɔ paangei ipilɛ háá hiovɔɔ paangei pilɛ coo-a. Nda va hɔlla landɔɔ o Cɛi-Diandaa coo ni. 29O Calta Mɛlɛka lan a ba too yungula fula o Kehat nin-ndan la va icali ni. 30Elisafan, po Usiɛl-lo yɔŋnun bolle pangale ndalen ni. 31Ɲɛm nda va mandaa-on va mun ni: kesu kpemaa, tabali bulu toosian a lɛvɛn too va coo-o, ɲɛ kɛsiaa lafitinaa, fondala-loamaa-lasálàlan, ɲɛm diandan va le sálàlan solio-on a kola-landaa kelu Fonda-Diandaa a Fonda Diandaa-Diandaa tɛɛn-ndo. Ndáà tosa valta va a ɲɛm mun o kɔɔ lan ni.
32Vana bɛndu va leviia kpow bollen-ndo va Eleasar, po Aarɔn vana-solia-lasálàá ni. Ndu óò mɛɛndan vali nda va tosaa o Cɛi-Diandaa nin-ndo ni.
33Yungula fula o cuavaa-imamaa Merari-a nin-ndan la yɔŋnun yungu Mahli-o a yungu Musi-o ni. 34A va vannda vàálan tan ŋɔmpum a kɛmɛ lediin (6 200), vanpiaandua nɔ paangei ipilɛ-a a á nɔ hiovɔɔ pangei pilɛ coo-a. 35Bolle pangale ndalen le va Turiɛl, po Abihayil-lo ni. Fonda nda calaa va o Calta Mɛlɛka lan a maluaŋ ni. 36Polale Merari len, vali ndaa va hoo ni: hɔlla landɔɔ o pɛngɛn Calta Mɛlɛka lan coo, o kandola ndɔlan coo, o sungbuma ndɔan coo, o fondala sungbuan ma kɛsi tumndan nin-ndan coo a o ɲɛm-laandon kpow coo. A ɲɛm mun ndáà tosa vallo ni. 37Ndáà tosa vɛlɛ vallo a sungbuma balu kunga bɛɔ-van, a fondala sungbuma man ma kɛsi tumndan nin-ndan, a pikin ndan a á yoei ndɛi ni.
38Moise, Aarɔn a poaa ndɔa nda, fonda nda calaa va o Calta Mɛlɛka lan hɔl-ndɔ a ba paalen le can-ndo ni, o cɛi-kola-toandaa-labɔɔŋianndo sondoo pɛɛn. Nda va vallo o Cɛi-Diandaa nin o diola Israɛlla ni. Te vana celen ndóò sɔɔnguu pɛ ikɛi maa nda, ndóò sɔla piɔ́mndo.
39Leviaa Mɛlɛka vem Moise nda Aarɔn sɛvaa-a va vaalan bidiin a latiɔn (22 000), vanpiaandua kposon, a nɔ paangei ipilɛ-a a á nɔ hiovɔɔ paangei pilɛ coo-a.
Silaa le poaa tasea baŋaa
40Mí Mɛlɛka dimul Moise aa: «Sɛva poaa tasea kpow o Israɛlla tɛɛn, kandɔɔ a nɔ paangei ipilɛ-a a á nɔ hiovɔɔ paangei pilɛ coo-a, ma sɛva nda diolan a pilɛn-pilɛnnda. 41Ma yɔngu ya leviia sɔ̀ngɔ́ poaa tasea kan. Ya co Mɛlɛka ni. Cɔlua leviia vanin vɛlɛ le ya Mɛlɛka sɔ̀ngɔ́ cɔlua piaandua tasea Israɛlla kpow.» 42O kon mí Moise sɛva diola poaa tasea Israɛlla kpow mɛɛ Mɛlɛka dimul ndu yɛ kpafii. 43Poaa tasea o sɛva diolan-nda, kandɔɔ a nɔ paangei ipilɛ-a kɔ bii a nɔ hiovɔɔ paangei pilɛ coo-a, a va vaalan bidiin a latiɔn a kɛmɔɔ lediin a belaŋɔmmɛw a à yaa (22 273).
44Mí Mɛlɛka soaa o Moise lo, mó dimul ndu aa: 45«Yɔngu ya leviia mì nda va le ya sɔ̀ngɔ́ poaa tasea Israɛlla, ma yɔngu ya vɛlɛ cɔlua piaandua ndaa sɔ̀ngɔ́ cɔlua piaandua tasea Israɛlaa tɔ̀a. O kon, mì leviia va le ya. Ya co Mɛlɛka ni. 46Kɛ a kon kpede, poaa tasea kɛmɛ lediin a belaŋɔmmɛw a à yaa (273) Israɛlla a co le baŋaa, kani leviia siow ciŋa le kan baŋaa le. 47Le kan o pilɛ baŋaa, a bɛnda ma kelu vɔngoo volin latámán mún ŋuɛɛnu, mɛɛ volin latámán co dionnɔnndo o Cɛi-Diandaa nin-ndon co yɛ, volin mún i pilɛ lusul ndɔɔ co le kalamulan tɔ́. 48Ma cua volin mun, ma yɔngu Aarɔn nda poaa ndɔa maa vɔngu baŋaa le poaa tasea hiow vaa sɛ́lɛ́ a kunda leviia-o.» 49Mí Moise sɔla volin vɔngu baŋaa kon le poaa tasea, à vana baŋaa sɔlan kan o leviia tɛɛn le nda baŋa le-a. 50A ba poaa tasea Israɛlla, mó sɔla volin latámán vàá pilɛ a kɛmɛ leyáá a belaŋɔmpum a ŋuɛɛnu (1 365) mɛɛ volin latámán va o Cɛi-Diandaa nin-ndon va yɛ. 51Mó cua volin vɔngu baŋan mun, mó sɔaa Aarɔn nda poaa ndɔa o ba, mɛɛ Mɛlɛka dimul ndu le tosaa yɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée