Matie 9
9
Yeesu singi langbanɔ falun vílɛ́iyo
(Marke 2.1-12, Luke 5.17-26)
1Mí Yeesu luɛi o dɛ̀ndɔ̀ɔ́ nin, mó kei vɛlɛ o dalaa tɛɛn, mó kɔa o kobi ndɔɔ#9.1 kobi ndɔɔ: Kobio Kapɛrnaum nda veelu nanu ni aa kobi Yeesu-o, kani lon o va icali o telenndan lapum ni. nin. 2Má cuu ndu vana falun vílɛ́iyo ihini o yalaa nin. Yeesu ndóò cɔu laalan ndaa, mó dimul vana nàà kon aa: «Kindi diallon, po nuu! Hakila nɔmndan la malnun haki.» 3O kon mí vanaa pɛɛkaa latɔŋnda pum a dimulan aa: «Langbanɔɔ ho dimi sɔɛi tanɛi.» 4Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl? 5I kuɛɛ hiow yɛ va bɛɛn-bɛɛn o sɔɔn miunndon mun nin, dimio aa: ‹Hakila nɔmndan la malnun haki›, a dimio aa: ‹Cɔn ma kela?› 6Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.» 7Mí langbanɔɔ can, mó kɔannun o ndu lo. 8Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.
Yeesu veelu Matie
(Marke 2.13-17, Luke 5.27-32)
9Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli. 10Mɛɛ Yeesu cal ɲɛdiaa dioo cɛinin nda kaandeŋaa ndɔa, mí vanaa biyaa mulua taw a vanaa lahakia kɔ cal nda ikɛi. 11Faliisia cɔu lende, má ɲuna kaandeŋaa Yeesu-a aa: «Le yɛɛ vana niaa bɛndoo co yɛ dioo nda vanaa biyaa mulua a vanaa lahakia latulu?» 12Mɛɛ Yeesu tuei ɲuna kon, mó dimi aa: «O co vanaa connun kɛndia-a le a nɔ makoo a vana singia n'vanndo le, fɔ vanaa co a nààlan-nda. 13La kɔ nuwviaa kɔlɔ sɔɛi he aa:
‹Vannda ɲííye tuinɔnndo hɛnan ya ni,
o co sálàlan solio le.›
Kani o co vanaa sandaa le ya hin veelu le, kɛ vanaa lahakia.»
O Yeesu soo a sumndo biyɔɔ o kɔɔ-o
(Marke 2.18-22, Luke 5.33-39)
14Tuma pum, mí kaandeŋaa Nsaŋ-nda hun o Yeesu lo, má ɲuna ndu aa: «Le yɛɛ nɛ naa a Faliisia n co yɛ sumndo biyɔɔ, kɛ kaandeŋaa nɔmnda nda co sum biyɔɔ le?» 15Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.
16Vana-vana cue pɛngɛi kola sɛnɛiyo ma hol ndi pɛɛmaa o volɔɔ cuɛinan paandoo le, kani te pɛngɛi kola sɛnɛii ken i kindu pɛ volɔɔ cuɛinan paandu kon, ɲɔɔ cɔɔlu sɛɛsa taw. 17Vana vow vɛlɛ mɔima sɛnɛiyan o bɔlɔla yáwla paandulan nin te, yɔŋii bɔlɔla yáwla lan la piɔsi, mì mɔiyan ma coŋ, mì bɔlɔlan bɛɛ la tambu. O bɔlɔla yáwla sɛnɛilan nin vana vow mɔima sɛnɛiyan ni, mì ma mandan latulu.»
Yeesu singi vanalanɔ va paangii ndɔɛi cɔu tuŋ-tuŋ-ndo, mó mingi cua Yairus-o yoomu
(Marke 5.21-43, Luke 8.40-56)
18Yeesu lo nda sɔɔn mun dimullo, mí simlacinɔɔ pum hun, mó baŋ vulan ndu o labɛngunin, mó dimi aa: «Cua nuu langa vu, kɛ hun mà handu ndu balan coo, o kon mo muungu yoomu!» 19Mí Yeesu can, mó kɔa ndu kɔɔli nda kaandeŋaa ndɔa.
20Fɔ́ɔ́fɔ̀, mí vanalanɔɔ pum sɔɔnguu Yeesu a makɔɔ, vanalanɔ kon va pulɔn ivanalanɔyaa cɔu le vɔsilan tɔ́ a latiɔn, mó pilan bɔɔle doma bɛndu Yeesu-o. 21Kani mó dimin o kɔl nin aa: «Doma ndɔɔ kínɛí bɛɛ ya pilan ni, i co siongɔɔ.» 22Yeesu mulinndo, mó ca ndu, mó dimi aa: «Kindikindin, cuanndo! Laalan nɔmndo cii nɔm singi.» Mí cua kon siangu dɔ́ɔ́ o foofo kon.
23Yeesu tiiyaa o langbanɔ simlacinɔɔ lo bɛɛ, mó ca vanaa hɔŋaa masɛ̀ŋnda a sɛ́lɛ́ va vɔngaa-o. Mó dimul nda aa: 24«La fula vɔ! Kani cuaambɔɔ vi le, o lɔan o co ni.» Kɛ má va ndu mamɔɔ. 25Sɛ́lɔ́ɔ́ fulaa kpede, mó luɛi, mó saa cuaambɔɔ baa, o kon mí cuaambɔɔ can. 26Mí tɔ́ɔ́ kon tiw o bungɛi ken nin kpow.
Yeesu singi vanaa sumɛiya nda ŋiɔn
27Mɛɛ Yeesu cɛn kɔnndan landan, mí vanaa sumɛiya pum nda ŋiɔn a del ndu kɔɔli a yoondaa aa: «Tuinun naa iɲíí, Po David-o!»
28Ndóò tiiyaa, mó luɛi cɛinin, mí vanaa sumɛyaa kan a sɔɔnguu ndu ikɛi. Mó ɲuna nda aa: «La laalan maa i nɔla kon tosa?» Má mulul ndu aa: «Oi Maalii!» 29O kon, mó pilan nda hɔltan, mó dimi aa: «Màá o tosalan niaa mɛɛ laalan niaa co yɛ!» 30Mí hɔlta ndalan la kumbin. Mí Yeesu dimul nda kpéŋ-kpéŋ aa: «La caa dɛ! Vana-vana tuɛi ndi lei!» 31Kɛ ndáà fulaa dɔ́ɔ́, má sɛŋi ndu tɔ́ɔ́ o tɛɛn kon nin kpede.
Yeesu singi bobonɔɔ
32Telen langbaa ŋiɔŋaa kan a va kɔnndan-ndo, má cuu ndu vana ɲinaa vɔɔnda siinguu bobonɔɔ-o. 33Mó toaw ɲinaa, mí bobonɔ kalaa soaa. Mí kaamaa bɛndoo bii sɛ́lɛ́ va lon-ndo, má dimi aa: «Kabi bɛɛ n ci dɛnɛ vaa nuaa Israɛl te.» 34Kɛ mí Faliisia va dimio aa: «A kpaaya bolle ɲinaa vɔɔnda o co ɲinaa vɔɔnda tovɔɔ ni.»
Ɲííye bii Yeesu a sɛ́lɛ́ o va cɔnnɔnndo o hɔl-lo
35Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio. 36Ndóò cɔu sɛ́lɔ́ɔ́, mí ɲííye bii ndu a nda, kani a va a sangaa taw, má vu diallon maa saa nɔ vana mandaa le-a. 37O kon mó dimul kaandeŋaa ndɔa aa: «Cɛi vesa taw le kovɔɔ, kɛ vanaa koavaa co sɛ́lɛ́ le. 38Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»
Currently Selected:
Matie 9: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Matie 9
9
Yeesu singi langbanɔ falun vílɛ́iyo
(Marke 2.1-12, Luke 5.17-26)
1Mí Yeesu luɛi o dɛ̀ndɔ̀ɔ́ nin, mó kei vɛlɛ o dalaa tɛɛn, mó kɔa o kobi ndɔɔ#9.1 kobi ndɔɔ: Kobio Kapɛrnaum nda veelu nanu ni aa kobi Yeesu-o, kani lon o va icali o telenndan lapum ni. nin. 2Má cuu ndu vana falun vílɛ́iyo ihini o yalaa nin. Yeesu ndóò cɔu laalan ndaa, mó dimul vana nàà kon aa: «Kindi diallon, po nuu! Hakila nɔmndan la malnun haki.» 3O kon mí vanaa pɛɛkaa latɔŋnda pum a dimulan aa: «Langbanɔɔ ho dimi sɔɛi tanɛi.» 4Yeesu ndóò sina nin yiyan ndaa, mó ɲuna nda aa: «Le yɛɛ niaa nɔ yɛ yiyannda vɔɔnndan o lakɔl? 5I kuɛɛ hiow yɛ va bɛɛn-bɛɛn o sɔɔn miunndon mun nin, dimio aa: ‹Hakila nɔmndan la malnun haki›, a dimio aa: ‹Cɔn ma kela?› 6Nduyɛ mɛɛ mì la sina maa Po vanacieo nɔ kpaayaa le hakilan malɔɔ o lɛŋnden coo.» Mí Yeesu dimul langbanɔ falun vílɛ́i kon aa: «Cɔn, cua yala nɔmndo mà muungun o nɔm ndo.» 7Mí langbanɔɔ can, mó kɔannun o ndu lo. 8Sɛ́lɛ́ va lon-ndo cɔu dɛnɛ kon, mí siòònde bii nda, má biilu Hala le vanndacieea kpaaya vaa lende yɔngoo.
Yeesu veelu Matie
(Marke 2.13-17, Luke 5.27-32)
9Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli. 10Mɛɛ Yeesu cal ɲɛdiaa dioo cɛinin nda kaandeŋaa ndɔa, mí vanaa biyaa mulua taw a vanaa lahakia kɔ cal nda ikɛi. 11Faliisia cɔu lende, má ɲuna kaandeŋaa Yeesu-a aa: «Le yɛɛ vana niaa bɛndoo co yɛ dioo nda vanaa biyaa mulua a vanaa lahakia latulu?» 12Mɛɛ Yeesu tuei ɲuna kon, mó dimi aa: «O co vanaa connun kɛndia-a le a nɔ makoo a vana singia n'vanndo le, fɔ vanaa co a nààlan-nda. 13La kɔ nuwviaa kɔlɔ sɔɛi he aa:
‹Vannda ɲííye tuinɔnndo hɛnan ya ni,
o co sálàlan solio le.›
Kani o co vanaa sandaa le ya hin veelu le, kɛ vanaa lahakia.»
O Yeesu soo a sumndo biyɔɔ o kɔɔ-o
(Marke 2.18-22, Luke 5.33-39)
14Tuma pum, mí kaandeŋaa Nsaŋ-nda hun o Yeesu lo, má ɲuna ndu aa: «Le yɛɛ nɛ naa a Faliisia n co yɛ sumndo biyɔɔ, kɛ kaandeŋaa nɔmnda nda co sum biyɔɔ le?» 15Mí Yeesu mulul nda aa: «Mialaa hin vana yil lanɔɔ sɛnɛi-yo o bɛngu coo-a nɔla pá mà yii hɔlla, te vana yil kon lanɔɔ sɛnɛi-yo co vɔ pɛ nda tɛɛn? Telen vanin mà faŋa ndu nda tɛɛn, o kon nda biinin sumndo ni.
16Vana-vana cue pɛngɛi kola sɛnɛiyo ma hol ndi pɛɛmaa o volɔɔ cuɛinan paandoo le, kani te pɛngɛi kola sɛnɛii ken i kindu pɛ volɔɔ cuɛinan paandu kon, ɲɔɔ cɔɔlu sɛɛsa taw. 17Vana vow vɛlɛ mɔima sɛnɛiyan o bɔlɔla yáwla paandulan nin te, yɔŋii bɔlɔla yáwla lan la piɔsi, mì mɔiyan ma coŋ, mì bɔlɔlan bɛɛ la tambu. O bɔlɔla yáwla sɛnɛilan nin vana vow mɔima sɛnɛiyan ni, mì ma mandan latulu.»
Yeesu singi vanalanɔ va paangii ndɔɛi cɔu tuŋ-tuŋ-ndo, mó mingi cua Yairus-o yoomu
(Marke 5.21-43, Luke 8.40-56)
18Yeesu lo nda sɔɔn mun dimullo, mí simlacinɔɔ pum hun, mó baŋ vulan ndu o labɛngunin, mó dimi aa: «Cua nuu langa vu, kɛ hun mà handu ndu balan coo, o kon mo muungu yoomu!» 19Mí Yeesu can, mó kɔa ndu kɔɔli nda kaandeŋaa ndɔa.
20Fɔ́ɔ́fɔ̀, mí vanalanɔɔ pum sɔɔnguu Yeesu a makɔɔ, vanalanɔ kon va pulɔn ivanalanɔyaa cɔu le vɔsilan tɔ́ a latiɔn, mó pilan bɔɔle doma bɛndu Yeesu-o. 21Kani mó dimin o kɔl nin aa: «Doma ndɔɔ kínɛí bɛɛ ya pilan ni, i co siongɔɔ.» 22Yeesu mulinndo, mó ca ndu, mó dimi aa: «Kindikindin, cuanndo! Laalan nɔmndo cii nɔm singi.» Mí cua kon siangu dɔ́ɔ́ o foofo kon.
23Yeesu tiiyaa o langbanɔ simlacinɔɔ lo bɛɛ, mó ca vanaa hɔŋaa masɛ̀ŋnda a sɛ́lɛ́ va vɔngaa-o. Mó dimul nda aa: 24«La fula vɔ! Kani cuaambɔɔ vi le, o lɔan o co ni.» Kɛ má va ndu mamɔɔ. 25Sɛ́lɔ́ɔ́ fulaa kpede, mó luɛi, mó saa cuaambɔɔ baa, o kon mí cuaambɔɔ can. 26Mí tɔ́ɔ́ kon tiw o bungɛi ken nin kpow.
Yeesu singi vanaa sumɛiya nda ŋiɔn
27Mɛɛ Yeesu cɛn kɔnndan landan, mí vanaa sumɛiya pum nda ŋiɔn a del ndu kɔɔli a yoondaa aa: «Tuinun naa iɲíí, Po David-o!»
28Ndóò tiiyaa, mó luɛi cɛinin, mí vanaa sumɛyaa kan a sɔɔnguu ndu ikɛi. Mó ɲuna nda aa: «La laalan maa i nɔla kon tosa?» Má mulul ndu aa: «Oi Maalii!» 29O kon, mó pilan nda hɔltan, mó dimi aa: «Màá o tosalan niaa mɛɛ laalan niaa co yɛ!» 30Mí hɔlta ndalan la kumbin. Mí Yeesu dimul nda kpéŋ-kpéŋ aa: «La caa dɛ! Vana-vana tuɛi ndi lei!» 31Kɛ ndáà fulaa dɔ́ɔ́, má sɛŋi ndu tɔ́ɔ́ o tɛɛn kon nin kpede.
Yeesu singi bobonɔɔ
32Telen langbaa ŋiɔŋaa kan a va kɔnndan-ndo, má cuu ndu vana ɲinaa vɔɔnda siinguu bobonɔɔ-o. 33Mó toaw ɲinaa, mí bobonɔ kalaa soaa. Mí kaamaa bɛndoo bii sɛ́lɛ́ va lon-ndo, má dimi aa: «Kabi bɛɛ n ci dɛnɛ vaa nuaa Israɛl te.» 34Kɛ mí Faliisia va dimio aa: «A kpaaya bolle ɲinaa vɔɔnda o co ɲinaa vɔɔnda tovɔɔ ni.»
Ɲííye bii Yeesu a sɛ́lɛ́ o va cɔnnɔnndo o hɔl-lo
35Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio. 36Ndóò cɔu sɛ́lɔ́ɔ́, mí ɲííye bii ndu a nda, kani a va a sangaa taw, má vu diallon maa saa nɔ vana mandaa le-a. 37O kon mó dimul kaandeŋaa ndɔa aa: «Cɛi vesa taw le kovɔɔ, kɛ vanaa koavaa co sɛ́lɛ́ le. 38Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée