Matie 25
25
Tale felengia laandua n'van tɔ́a
1Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a. 2Felengia nɔ taasi le-a va nda tɛɛn nda ŋuɛɛnu, a nɔ taasio-a nda ŋuɛɛnu. 3Mí felengia nɔ taasi le-a a cua fitinala ndalan, kɛ a kue a cuɛima celen o ba le. 4Mí á nɔ taasio-a nda cua fitinala ndalan, má cua vɛlɛ cuɛima celen. 5Nuyɛ, vana yil lanɔɔ sɛnɛi-yo yala hunɔɔ le. Mí nda kpow a yinda, má hiawnun o lɔan. 6A di-tɛɛndo, má tuɛi yondaa aa: ‹Má cè vana lanɔ sɛnɛiyo hunɔɔ! La fula le ndu bɔŋaa.› 7O kon mí felengia laandua kan kpow a can, má toosiaa fitinala ndalan. 8Mí á nɔ taasi le-a dimul á nɔ taasio-a aa: ‹La ke naa cuɛima nian ɲɛ-pɔmbɔ. Fitinala naalan la cɛn ɲumndo.› 9Kɛ mí felengia nɔ taasio-a muli aa: ‹Ɛ-ɛ, ma tiwnin le naa niaa le, o co fisa mì la kɔɛ o vanaa co man pisio-a lo, mì la kɔ piondu ma niaan.› 10Telen nda va kon kɔlan man piondɔɔ-o, mí vana lanɔ sɛnɛiyo tiiya. Mí felengia ŋuɛɛnua va a bɛɛndiannda-a luɛi nda ndaa latulu o ciɛi kafo liilaa lanɔ sɛnɛi kon nin, mí vannda kinda dioo. 11Ɲɔɔ viovɔɔ ká-ká, mí felengia laandua pilla bɛɛ a hun, má dimi aa: ‹Maalii! Maalii! Kumbil naa dioo!› 12Kɛ mó muli aa: ‹I co niaa toɲaa dimul, i sina niaa le.› 13Lelan, la va o lapɔɛyɔn nin te, kani la sina paale len te, la sina telen kon te#25.13 la sina paale len te, la sina telen kon te: Nanu, Yeesu yeema mò dimul vannda maa a sina paale Po vanacieo, ó co ndu Yeesu pila-o muungunin o ceendo ho coo len te. Lelan a bɛnda ma va a bɛɛndiannda lɔ́ɔ́-lɔ́ɔ̀, yɔŋii hunɔɔ ndɔɔ voolu vana..»
Tale buɛyaa yáá-a
(Luke 19.11-27)
14«Masale halataala len le vanin maa langbanɔ va kɔlan kelaa, mó veelu buɛyaa ndɔa, mó yɔngu nda bolofaa le mandaa-o. 15Mó ke o pilɛ sianin n'kpungban kɛmɛ leŋuɛɛnu, mó yɔngu o diinndɔɔ sianin n'kpungban kɛmɛ lediin, mó yɔngu o yàándɔɔ sianin n'kpungban kɛmɛ. Mó yɔngu vana-vana mɛɛ o nɔla yɛ. O kon kɔɔli, mó kɔannun. 16Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo. 17Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo. 18Kɛ mí vana sɔla sianin n'kpungban kɛmɛ-o kɔ toaw soondo lɛŋ, mó vian sianin vana ndɔ bɛndoo lon.
19Ɲɔɔ viovɔɔ ká-ká, mí vana nda bɛndoo hun, mó ɲuna nda le konaa dɔwnɔnndo. 20Mí vana sɔla sianin n'kpungban kɛmɛ leŋuɛɛnu-o sɔɔnguu, mó cɔm sianin n'kpungban ŋuɛɛnun o sɔla tɔnɔɔ-on, mó dimi aa: ‹Vana bɛndoo! Sianin n'kpungban kɛmɛ leŋuɛɛnu nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ leŋuɛɛnu. Má cè mun!› 21Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.› 22Mí vana sɔla sianin n'kpungban kɛmɛ lediin-ndo bɛɛ sɔɔnguu, mó dimi aa: ‹Vana bɛndoo! Sianin n'kpungban kɛmɛ lediin nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ lediin. Má cè mun!› 23Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.› 24O mɛɛlulan, mí vana sɔla sianin n'kpungban kɛmɛ-o sɔɔnguu, mó dimi aa: ‹Vana bɛndoo! Yáà sina maa vana n co-o, dɛnɛ nɔmndo kendu bɔɔ. Nɛɛ n seŋ te-a lon n koaw ni, nɛɛ n tol te-a lon n kiandu ni. 25Siòònde bii ya ni, mí kɔ vian sianin nɔmndon lɛŋ. Má cè mun! Bii ɲɛ co le nɔm-ndo.› 26Mí vana ndɔ bɛndoo mulul ndu aa: ‹Vana baala vɔɔndo a vana siɛlɛiyo n co ni. Nɔm óò sina maa nɛɛ ya seŋ te-a lon ya koaw ni, nɛɛ ya tol te-a lon ya kiandu ni. 27Le hee, ndóò va fisa mí nɔm óò kɔ vow sianin nun o cɛi mandaa bolofaa nin. O kon mɛɛ yáà muungu nanu nuaa yɛ, yáà soli mun a tɔnɔɔ lecoo. 28La hiɔlu sianin mun ndu o ba, mì la yɔngu vana nɔ sianin n'kpungan vaa pilɛ-o. 29Kani vana nɔ ɲɛ o ba-o, a cɔɔlunnin ndu yɔngu, mì ɲɔɔn kui ndu o ba. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba. 30Vana baala nɛŋi hoo vana mako loo ndu, la soli ndu o bɛ́ɛ̀ o ɲumndan nin, nɛɛ caŋndan a ciŋndon sɔmndo vanin-nda.›»
Yamɛi mɛɛlɛi
31Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin. 32Vanaa-mangalaa-isɔɔa kpow a cuungiannin ndu o hɔl. O sɛinin nda mɛɛ vana mandaa n'cɔloo sɛi saa a cuinnda nuaa yɛ. 33O hivinnin saa o ba kɛndɔɔ coo, mì cuinnda va ndu o ba mɛllo coo. 34O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len. 35Kani mɛɛ yiaan ma nɛi ya, mí la ke ya ɲɛdiaa. Mɛɛ kolɔɔ bii ya, mí la ke ya mí kol. I va miallo, mí la yiya ya. 36I va a fɛ́lio, mí la cuɛi ya. I va a nàá, mí la yil-la. I va o kaasoo, mí la sɔɔnguu ya ikɛi.› 37O kon vanaa sandaa mululnin ndu aa: ‹Maalii, lɔ́ɔ́ kuɛɛ naa n ce yɛ nɔm a yiaan mí n ke nɔm ɲɛdiaa, te kon te mí kolɔɔ bii nɔm, mí n ke nɔm má kol? 38Lɔ́ɔ́ kuɛɛ n hin yɛ sumialii naa, mí n yiya nɔm, te kon te ma va a fɛ́lio, mí n cuɛi nɔm? 39Lɔ́ɔ́ kuɛɛ naa n ce yɛ nɔm a nàá te kon te o kaasoo, mí n kɔa nɔm yilɔɔ?› 40O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›
41O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn! 42Kani yiaan ma va ya nɛiyo, la ke ya ɲɛdiaa le. Mí kolɔɔ bii ya, la ke ya mì kol te. 43I va miallo, kɛ la yiya ya le. Fɛlio va ya, la cuɛi ya le. I va a nàá a o kaasoo, la kue ya yilɔɔ le.› 44O kon nda bɛɛ a ɲunanin aa: ‹Maalii, lɔ́ɔ́ kuɛɛ naa n ce yɛ nɔm a yiaan te kon te mí kolɔɔ bii nɔm, ma va miallo te kon te a fɛ́lio te kon te a nàá, te kon te o kaasoo, mí n kɛɛ nɔm malaa?› 45Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.› 46Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»
Currently Selected:
Matie 25: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
Matie 25
25
Tale felengia laandua n'van tɔ́a
1Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a. 2Felengia nɔ taasi le-a va nda tɛɛn nda ŋuɛɛnu, a nɔ taasio-a nda ŋuɛɛnu. 3Mí felengia nɔ taasi le-a a cua fitinala ndalan, kɛ a kue a cuɛima celen o ba le. 4Mí á nɔ taasio-a nda cua fitinala ndalan, má cua vɛlɛ cuɛima celen. 5Nuyɛ, vana yil lanɔɔ sɛnɛi-yo yala hunɔɔ le. Mí nda kpow a yinda, má hiawnun o lɔan. 6A di-tɛɛndo, má tuɛi yondaa aa: ‹Má cè vana lanɔ sɛnɛiyo hunɔɔ! La fula le ndu bɔŋaa.› 7O kon mí felengia laandua kan kpow a can, má toosiaa fitinala ndalan. 8Mí á nɔ taasi le-a dimul á nɔ taasio-a aa: ‹La ke naa cuɛima nian ɲɛ-pɔmbɔ. Fitinala naalan la cɛn ɲumndo.› 9Kɛ mí felengia nɔ taasio-a muli aa: ‹Ɛ-ɛ, ma tiwnin le naa niaa le, o co fisa mì la kɔɛ o vanaa co man pisio-a lo, mì la kɔ piondu ma niaan.› 10Telen nda va kon kɔlan man piondɔɔ-o, mí vana lanɔ sɛnɛiyo tiiya. Mí felengia ŋuɛɛnua va a bɛɛndiannda-a luɛi nda ndaa latulu o ciɛi kafo liilaa lanɔ sɛnɛi kon nin, mí vannda kinda dioo. 11Ɲɔɔ viovɔɔ ká-ká, mí felengia laandua pilla bɛɛ a hun, má dimi aa: ‹Maalii! Maalii! Kumbil naa dioo!› 12Kɛ mó muli aa: ‹I co niaa toɲaa dimul, i sina niaa le.› 13Lelan, la va o lapɔɛyɔn nin te, kani la sina paale len te, la sina telen kon te#25.13 la sina paale len te, la sina telen kon te: Nanu, Yeesu yeema mò dimul vannda maa a sina paale Po vanacieo, ó co ndu Yeesu pila-o muungunin o ceendo ho coo len te. Lelan a bɛnda ma va a bɛɛndiannda lɔ́ɔ́-lɔ́ɔ̀, yɔŋii hunɔɔ ndɔɔ voolu vana..»
Tale buɛyaa yáá-a
(Luke 19.11-27)
14«Masale halataala len le vanin maa langbanɔ va kɔlan kelaa, mó veelu buɛyaa ndɔa, mó yɔngu nda bolofaa le mandaa-o. 15Mó ke o pilɛ sianin n'kpungban kɛmɛ leŋuɛɛnu, mó yɔngu o diinndɔɔ sianin n'kpungban kɛmɛ lediin, mó yɔngu o yàándɔɔ sianin n'kpungban kɛmɛ. Mó yɔngu vana-vana mɛɛ o nɔla yɛ. O kon kɔɔli, mó kɔannun. 16Fɔ́ɔ́fɔ̀, mí vana sɔla sianin n'kpungban kɛmɛ leŋuɛɛnu-o kɔa, mó kɔ tosa yulalen a mun, mó sɔla tɔnɔɔ sianin n'kpungban kɛmɛ leŋuɛɛnu lecoo. 17Mí vana sɔla sianin n'kpungban kɛmɛ lediin-ndo bɛɛ kɔ tosa lende, mó sɔla tɔnɔɔ sianin n'kpungban kɛmɛ lediin lecoo. 18Kɛ mí vana sɔla sianin n'kpungban kɛmɛ-o kɔ toaw soondo lɛŋ, mó vian sianin vana ndɔ bɛndoo lon.
19Ɲɔɔ viovɔɔ ká-ká, mí vana nda bɛndoo hun, mó ɲuna nda le konaa dɔwnɔnndo. 20Mí vana sɔla sianin n'kpungban kɛmɛ leŋuɛɛnu-o sɔɔnguu, mó cɔm sianin n'kpungban ŋuɛɛnun o sɔla tɔnɔɔ-on, mó dimi aa: ‹Vana bɛndoo! Sianin n'kpungban kɛmɛ leŋuɛɛnu nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ leŋuɛɛnu. Má cè mun!› 21Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.› 22Mí vana sɔla sianin n'kpungban kɛmɛ lediin-ndo bɛɛ sɔɔnguu, mó dimi aa: ‹Vana bɛndoo! Sianin n'kpungban kɛmɛ lediin nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ lediin. Má cè mun!› 23Mí vana ndɔ bɛndoo dimul ndu aa: ‹Nuvali, vana baala kɛndɔɔ a vana baala lo o lediom coo-o n co ni. A yɔŋnun vana lo o lediom coo-o o ɲɛm pɔmbɔn nin, i sɔaanin ɲɔɔn taw nɔm o ba. Sɔɔnguu mì n dɔwnun ɲaale latulu naa nɔm.› 24O mɛɛlulan, mí vana sɔla sianin n'kpungban kɛmɛ-o sɔɔnguu, mó dimi aa: ‹Vana bɛndoo! Yáà sina maa vana n co-o, dɛnɛ nɔmndo kendu bɔɔ. Nɛɛ n seŋ te-a lon n koaw ni, nɛɛ n tol te-a lon n kiandu ni. 25Siòònde bii ya ni, mí kɔ vian sianin nɔmndon lɛŋ. Má cè mun! Bii ɲɛ co le nɔm-ndo.› 26Mí vana ndɔ bɛndoo mulul ndu aa: ‹Vana baala vɔɔndo a vana siɛlɛiyo n co ni. Nɔm óò sina maa nɛɛ ya seŋ te-a lon ya koaw ni, nɛɛ ya tol te-a lon ya kiandu ni. 27Le hee, ndóò va fisa mí nɔm óò kɔ vow sianin nun o cɛi mandaa bolofaa nin. O kon mɛɛ yáà muungu nanu nuaa yɛ, yáà soli mun a tɔnɔɔ lecoo. 28La hiɔlu sianin mun ndu o ba, mì la yɔngu vana nɔ sianin n'kpungan vaa pilɛ-o. 29Kani vana nɔ ɲɛ o ba-o, a cɔɔlunnin ndu yɔngu, mì ɲɔɔn kui ndu o ba. Kɛ vana nɔ ɲɛ o ba loo, hali o pɔmbɔ co ndu o ba-o, a hialunin kon ndu o ba. 30Vana baala nɛŋi hoo vana mako loo ndu, la soli ndu o bɛ́ɛ̀ o ɲumndan nin, nɛɛ caŋndan a ciŋndon sɔmndo vanin-nda.›»
Yamɛi mɛɛlɛi
31Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin. 32Vanaa-mangalaa-isɔɔa kpow a cuungiannin ndu o hɔl. O sɛinin nda mɛɛ vana mandaa n'cɔloo sɛi saa a cuinnda nuaa yɛ. 33O hivinnin saa o ba kɛndɔɔ coo, mì cuinnda va ndu o ba mɛllo coo. 34O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len. 35Kani mɛɛ yiaan ma nɛi ya, mí la ke ya ɲɛdiaa. Mɛɛ kolɔɔ bii ya, mí la ke ya mí kol. I va miallo, mí la yiya ya. 36I va a fɛ́lio, mí la cuɛi ya. I va a nàá, mí la yil-la. I va o kaasoo, mí la sɔɔnguu ya ikɛi.› 37O kon vanaa sandaa mululnin ndu aa: ‹Maalii, lɔ́ɔ́ kuɛɛ naa n ce yɛ nɔm a yiaan mí n ke nɔm ɲɛdiaa, te kon te mí kolɔɔ bii nɔm, mí n ke nɔm má kol? 38Lɔ́ɔ́ kuɛɛ n hin yɛ sumialii naa, mí n yiya nɔm, te kon te ma va a fɛ́lio, mí n cuɛi nɔm? 39Lɔ́ɔ́ kuɛɛ naa n ce yɛ nɔm a nàá te kon te o kaasoo, mí n kɔa nɔm yilɔɔ?› 40O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›
41O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn! 42Kani yiaan ma va ya nɛiyo, la ke ya ɲɛdiaa le. Mí kolɔɔ bii ya, la ke ya mì kol te. 43I va miallo, kɛ la yiya ya le. Fɛlio va ya, la cuɛi ya le. I va a nàá a o kaasoo, la kue ya yilɔɔ le.› 44O kon nda bɛɛ a ɲunanin aa: ‹Maalii, lɔ́ɔ́ kuɛɛ naa n ce yɛ nɔm a yiaan te kon te mí kolɔɔ bii nɔm, ma va miallo te kon te a fɛ́lio te kon te a nàá, te kon te o kaasoo, mí n kɛɛ nɔm malaa?› 45Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.› 46Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée