Yonas 2
2
Suw bɛndoo mel Yonas
1Mɛɛ nda mal dɔ́ɔ́ Yonas o mɛnndan nin, mí Mɛlɛka yaa suw bɛndoo pum, mó mial ndu. Palɛi ndii yáá, niinoo a lɔan, Yonas va suwvo o dembe.
Piɛile Yonas piɛi suwvo o dembe len
2Yonas lo suwvo o dembe, mó soli diomndo le Mɛlɛka Hala ndɔɔ piɛiyo. Mó dimi aa:
3«O mɔnɛi nii nin, mí koŋul Mɛlɛka o lani,
mí Mɛlɛka mulul-la.
A toɲa i va ciee-piɔ́m dí,
mí yonda le malaa sɔlaa.
Nɔm Mɛlɛka, má tuɛi ya diom.
4Nɔm óò viow ya o soon nɔ lamɛɛlu loo nin,
o mɛmma ihɛllan bɛngu,
mí tindima mamɛnndan máà balu ya sɔ́,
mɛmndan ma va tolɔɔ a yoomuan ya coo.
5I va dimio maa i townun nɔm levil.
Kɛ nduyɛ i canin vɛlɛ Cɛi nɔm diandaa.
6Mɛnndan máà tiiya nin ya o labolo dí,
mɛmma ihɛllan máà simbu nin ya,
cɔ́ɔ́cɔ́ɔ̀an máà muungu nin ya o lebol.
7Mi toal o mɛmma ihɛllan bɛngu,
nɛɛ pembon cɛn tum-nda dí.
Ciee-piɔ́m ndóò va nin sɔkɔma ndɔan
kindaa ya kɔɔli le lɔ́ɔ́-lɔ́ɔ̀.
Kɛ nɔm Mɛlɛka Hala nuu,
ma kɔ soli ya o soon bɛndu kon nin.
8Tuma yoomoo va faŋanndo ya o milinndo,
mí yiyan a nɔm Mɛlɛka o kɔɔ,
o kon mí piɛile nilen le hel háá o nɔm ndo,
o calta nɔmndan nin dí.
9Vanaa co piɔmaa fondoa sooloo-a,
a nɔ dí le cindaa sɔla le.
10Kɛ ya, i solulnin nɔm sálàlan,
mì soli condei le kɛndɛi nɔmnde sinaa,
mì tosa mɛɛ ya cua ciɛ́ɔn yɛ.
Kani Mɛlɛka o ba cindaa fula ni.»
11O kon kɔɔli, mí Mɛlɛka soaa o suwvo lo, mí suwvo kɔ kuisi Yonas o kɔngɔ vesɛiyo.
Currently Selected:
Yonas 2: BKG
Highlight
Share
Compare
Copy
Want to have your highlights saved across all your devices? Sign up or sign in
© Alliance Biblique en Guinée
