Osee 10
10
Kaannden a masalen le tiiya o mɛɛlulan
1«Israɛlla va maa nakɔ n'rɛsɛn koam taw-vo,
a va kuiyo taw-taw.
Kɛ mɛɛ nda va kɔlan a kuiyo faw,
lende koni nda va fondala-loamaa-lasálàlan vangalaa ni.
Mɛɛ lɛŋnde ndalen le va naŋɔɔ yɛ,
lende koni nda va powta sálàlan baŋɔɔ ni.
2Kɔl ndaa co o piɔvan-ndo,
lelan sanga kon co nda tolɔɔ coo ni.
Mɛlɛka co fondala-loamaa-lasálàla ndalan pesipesi
mò puusiaa powta sálàla ndalan.
3O kon a diminin aa: «N nɔ masa le,
kani n ke Mɛlɛka lebɛɛ le.
Kɛ náà n nɔ bɛɛ masaa,
kpeku yɛɛ o solul-lɛnin naa?»
4À co tombolaa tuŋ, tombola laa tombola,
à co mɛɛniannda lacòòvalan,
mà va kpemalan yiiyo.
Kɛ mɛɛ bil vɔɔn vul o ciɛɔn nin-ndo
nɛinun vanaa váà yɛ,
lende dɛnɛ sandaa nɛinun Israɛlla ni.
5Vanaa co icali Samari-a co a mɔnɛi
le navaa téndéa Bɛt-Avɛn.
Vannda tosanin biisi piɔm sialaa kon.
Vanaa-solia-lasálàà ndɔa va ɲaaloo
dɔwnɔnndo o ndu nin-nda
a tosanin biisi ndɔɔ,
kani biilu ndɔɔ faŋannin nda tɛɛn
mì vannda kɔɛ a ndu o biyɔɔ nin nda levil polon.
6Kani vannda cuanin ndu
mà kɔɛnnun a ndu Asiri,
mà kɔ ke masa bɛndoo ndu.
Siɛmbulan la biinin polale Efraim-nden,
mì Israɛlla kel suei le tuula ndala lan.
7Samari cuu itambu.
Masa Samaria lo o ɲánndávàà
mɛɛ yɔm bingi hiŋnun
o mɛnndan coo-o lo nuaa yɛ#10.7 mɛɛ yɔm bingi hiŋnun o mɛnndan coo-o…: Fondaa ho dindu taw o hebrei nin te. Vannda pum a bii ndu bila aa: «mɛɛ hii cal o mɛnndan coo-o lo nuaa yɛ»..
8Sooluulan Avɛn,
nɛɛ Israɛlla va hakilan tosaa-a
la tambunin kpow.
Hɛinndon a siɛmbullon vulnin,
o fondala-loamaa-lasálàla ndalan coo.
A dimulnin pembon aa:
«La kuumbun naa coo»,
mà dimul pembun pɔmbɔn aa:
«La deli naa coo!».
Israɛlla koawnin yɛyii nda saŋ-nde
9Niaa Israɛlla,
kabi o palɛi niaa va Kibea-e,
la co hakilan tosaa tuŋ,
la mangalan-ndɔ le.
Vɛ̀ɛ̀ o co Kibea lon kpeekpei le
cɔwvo toalnin vanaa yɔŋ vɔɔnda coo le?
10I soaŋnin nda mɛɛ ya yeema yɛ.
Vanaa súúla celennda cuungiannin
mà del nda coo, mà yiw nda a yɔlɔn
le hakila ndala tiɔnndan.
11Maa naw téndé sɔla manda kɛndɔɔ-o,
óò yeema maalon nɛiyo-o
polale Efraim-nden le va ni.
Mɛɛ ya ce kɛsii ndɛi kɛndɛi,
mi vow nda yɔm lebollo o labolo le baalaa,
mì polale Yuda len le vàá,
mì cuavaa-imamaa Yakɔb-a koŋ ɲɛ vàà kon.
12La sáŋ dɛnɛ sandaa,
mì la kow vanakɛndɛyɛi.
La fɛɛya ciɛi sɛnɛiye le niaa pila.
Telenndo tiiya le muungoo ya Mɛlɛka o ibuŋ,
háá mì hun saŋ dɛnɛ sandaa niaa coo.
13Nduyɛ, la vàá dɛnɛ vɔɔndo
mí la koaw kɔlvesɛiyo,
mí la dia kɔmnde lacòòvalen.
Kani la tiindan taasila niaalan,
mí la kɔngan kuubaa cɔvaa niaa sɛ́lɛ́a.
14Lelan, vɔkɔ-vɔkɔ bɛndu-bɛndoo
tosannin vanaa niaa tɛɛn,
mì kobila mayoomula
niaalan kpow la piɔsipiɔsi
mɛɛ Salman pesi Bɛt-Arbɛl
o paale cɔwlen coo yɛ.
Paale len, mó vɔɔciaa kalaa
a cuavaa ndɔa latulu.
15Lende ya tosanin a niaa co Betɛl-la ni
le kɔlvesɛi niaa bɛndu-bɛndoo.
A telen ɲɛ-tengaa paale siaa,
Mɛɛlulan la vanin lan
le masa Israɛlla ni.»
Currently Selected:
Osee 10: BKG
Highlight
Share
Copy
Want to have your highlights saved across all your devices? Sign up or sign in
© Alliance Biblique en Guinée
