1Tesalonikea 1
1
1Ya Pol, Silas a Timote ni.
N co sɛbɔɔ ho sɛvaa le vanaa Krista-aa co Tesalonike-a, á co le Hala Fuɲaa a le Maalii Yeesu Krista-a pɛɛn. Màá la sɔla dɛnɛ kɛndɔɔ a kɔlɲuloo!
Laalan Tesalonikea a kela ndaa
2N co Hala balikaa mello le niaa lɔ́ɔ́-lɔ́ɔ̀, n co vɛlɛ yiyanndo a niaa o kɔɔ tuŋ o piɛile naalen nin. 3Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o. 4Puapilɛa naa, n sínà maa Hala kaola niaa, n sínà vɛlɛ maa o cii niaa hɛli, 5kani o co a sondo daama le naa n tiiyal niaa Yoongu kɛndɔɔ le, kɛ a kpaayaa a á mala Hala Kɔl-Diandaa mala naa-o. Nduyɛ, la sínà mɛɛ naa n va niaa kelaa tɛɛn le dɛnɛ kɛndɛ niaa yɛ. 6Niaa yɛ, a sanga bɛndu niaa sɔla-o kpede, mí la vial naa, mí la vial vɛlɛ Maalii o dɛnndan nin, mí la cɛl sɔɛi Hala-e a ɲaaloo, ɲaale Hala Kɔl-Diandaa yɔngu niaa-o pɛɛn. 7O kon mí la siŋnun tɔɔmaseloo le vanaa laalannda Maseduan a le haa Akaii. 8Kani sɔɛi Mɛlɛka-e tiw o niaa lo, o co ka Maseduan a Akaii le, mì tɔ́ɔ́ niaa laalan Hala-o kɔa nɛɛ-nɛɛ ka. Hali mì n suu bɛɛ a ken o kɔɔ le. 9Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo. 10Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.
Currently Selected:
1Tesalonikea 1: BKG
Highlight
Copy
Compare
Share
Want to have your highlights saved across all your devices? Sign up or sign in
© Alliance Biblique en Guinée
