Tɛsalonikə veelɛ 1
1
Túwɔ́-woo
1Polə, Silvain, ɛlɛɛ, da Timote diɛ ɓə ɉɛɓɛ́i ŋɛ̨i tɛɛi Tesalonikə kalan gbɔn ma, diɛi gu Ną́n Yálá da gu Ną́mu Jesus Kristə hu. 2Nąn Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.
Laa na laa mɔ̨nɔ̨ hu
3Ną́n nonnii, mąąnɛ̨ɛ̨ ku Yálá mąmąɓo a yələ kəlee ká mąą mɛ̨nį ɓa, ɛlɛɛ, yili kpɔ ɓə bɛliɛ ɉu, gbala ə tɔɔ, ká wɔɔ laa na laa kaa lɔ yɛ tɛ tɔwɔ, ɛlɛɛ, nwɛlikɛmąą laai ká yəi ka kee mąą mɛ̨nį ɓa, ɉu kaa lɔ mą yɛ kɛnɛ̨ ká kəlee ká yəi; 4yili aa gɛ, káá ɓo a ku wɔɔ kpɔwɔ ɲąąkɛnɛ̨, Yálá ŋą kpɔnŋaai lɔwai, a ká wɔɔ tɔɔ a nwąnąi laa, ɛlɛɛ, ká wɔ laa na laa mɔ̨nɔ̨ɠaa da hukɔɔn mɛ̨nįɠaa hu, diɛi həlii káá.
5Di kaa a Yálá ŋą kiti haŋąąi hu mɛ̨nįɠaa, ɉəli mɛ̨nį káá, nwu maa, di ká kɛ a nuąi di mąąnɛ̨ɛ̨ a Yálá ŋą tɔɔlaa hu nuą, yai ká káá mąą mɔ̨nɔ̨ mįi. 6Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ, 7ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu, 8nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ. 9Di hutɔɔ mɛ̨nį kaa pai kɛi a gahoi kpɛɛ hvo mą, di mąąkwɛaa gu Nąmu ɓa, da ŋą mąąwiɛlaai, 10a ɓɛlɔwai gaa pai pai la, mąą yələi tii, a mąąwiɛlaa hɔlɔɓo ŋą nu mąąhəɠɛɛɠaa yəi, ɛlɛɛ, ə kɛnɛ̨laa hɔlɔɓo nuąi laa na di yəi; ɛlɛɛ yaan, káán, ká wɛi, káá laa ku wɔ kɛla woo la.
11Mɛ̨nįi kwa kɛ Yálá hvɛlii la káá a yələ kəlee, yaa li, ə gɛ, kuɔ Yálá ə ká kaa a nuąi di mąą mɛ̨nį pɛliɛ, dəli ɓoi ə naa həli káá, ɉu; ɛlɛɛ, ŋą huwalawalalaa háálai, ká yee ə pɛli niiɓa mɛ̨nį lɛlɛɛɠaa kɛi, ɛlɛɛ, ká wɔɔ laa na laa bɔ túwɔ́ ə kɛ mą 12Bələ ɓə gu Ną́mu Jesus laa mąą a wiɛ la ká hu, ɛlɛɛ, káá kpɛlimąn, ká kɛ tii ɉu, yɛ bələi gu wɔɔ Yálá da gu Ną́mu Jesus Kristə nwɔ mɛ̨inɛ̨ɛ̨ kaa la.
Currently Selected:
Tɛsalonikə veelɛ 1: BKPDCG
Highlight
Copy
Compare
Share
Want to have your highlights saved across all your devices? Sign up or sign in