Leviticus 12

Menuircallerkaat Arnat Irnillermeng Kinguani

1 Atanrem qanrutaa Moses-aaq, 2“Qanruski Israel-aam yui: Arnaq qingaquni tan'gaurlurmek-llu irniluni, menuulriaruarkauguq malrunlegni ernerni agelrumallermi nalliinicetun. 3Tan'gaurluq-llu irniara nuugiumaarkauguq pingayunelgatni erenret. 4Arnaq-llu uitaarkauguq cali ernerni yuinaq qula pingayunek cipluku (33) menuirutnatkaminun aunrallerminek; agturarkauvkenaki-llu qigcignarqelriit iterngaunani-llu Agayuvigmun menuircallni iquklitnatkaanun.

5“Tau͡gken nasaurlurmek irnikuni menuugarkauguq malrugni nitiligni agelrumaaqami pilaucirmitun; menuircararkauluni-llu aunrallerminek ernerni yuinarni pingayuni arvinlegnek cipluku (66).

6“Menuircallermi-llu erenri qaqiskuniki, irnillrung'e'rmi angutmek wall'u arnamek, taiciarkauguq agayulirtem̄un amiiganun Pelatekam Agayuviim ataucimek allrakungellermek qusngiyagarmek ekualuku elliitnguarkamek, cali-llu dove-amek wall'u turtledove-amek assiilnguum au͡gautekaanun elliitekamek. 7Agayulirtem-llu cikiutekciqaa elliitii Atanermun, menuullra au͡g'arluku; ellii-llu menuiruciiqluni aunrallerminek. Una waniwa picirkiutnguluni arnamun irniangellermun angutmek wall'u arnamek. 8Qusngiyagarmek-llu pisciigalkuni taiciarkauguq malrugnek yaquleyagaagnek, atauciq ekualuku cikiutnguarkamek aipaa-llu assiilnguum au͡gautekaanun elliitnguarkamek; elliitii ekuaciqaa menuullra au͡g'arluku, nutaan-llu menuirutarkauluni.”

Currently Selected:

Leviticus 12: YPK

Highlight

Copy

Compare