Mateo 24
24
Pinaꞌal weꞌ si Isa pamagkaꞌat langgal hadjehin
(Markus 13:1-2; Lukas 21:5-6)
1Pagluwas si Isa amban dem langgal hadjehin, hap pī si iye meꞌ tindegnen duk pinakitehan weꞌ de si iye langgalin. 2Paꞌin si Isa si siye, “Aweꞌ, payamanun bi ne iyan, peggeꞌ sabennal akahante kaꞌam, niyaꞌ ellew si pasōngan gaꞌ du iyan niyaꞌ talebbi tuꞌu meꞌ batu magbangkat-bangkat iyan, saguwaꞌ kēmon kinanat-kanat du.”
Meꞌ kasasewan duk kabinasahan
(Markus 13:3-13; Lukas 21:7-19)
3Manjari sasang si Isa ningkoloꞌ si kūd Jaitun, hap pī si iye meꞌ tindegnen, siye-siye hadja duk paꞌinde, “Akahanun kami, sumiyan umantag meꞌ pinaꞌinnu iyan, duk me tandaꞌ mapaguwaꞌin bang sōng pitu ne kew balik duk bang sōng kiyamat ne dunyahin?” 4Nambung si Isa, paꞌinne, “Pahatul-hatul kaꞌam duk kaꞌam gaꞌi kaꞌakkalan. 5Peggeꞌ ekka iyan pitu magēnan ēnkun magpaꞌin weꞌ siye ne Almasihin. Duk ekka iyan kaꞌakkalande. 6Makakale kaꞌam iyan sabab magbonoꞌ dem lahat duk suwi-suwi sabab magbonoꞌ si lahat tala, saguwaꞌ daꞌa kaꞌam tinalew. Kēmon inin subey umantag saguwaꞌ dumaꞌin pe inin ellew kiyamat. 7Dambuwaꞌ bangsa magbonoꞌ duk bangsa seddili, duk dambuwaꞌ pagsultanan magbonoꞌ duk pagsultanan seddili. Niyaꞌ iyan meꞌ unus duk meꞌ linug si meꞌ kalahat-lahatan si dunya. 8Saguwaꞌ kēmon inin panagnaꞌan meꞌ katiksaꞌanin hadja, kuweꞌ dalil dende sōng nganak duk nagnaꞌ peddiꞌan ne.
9“Ubus siggew meꞌ aꞌa du kaꞌam duk sōngande kaꞌam ilegga duk pinapatey. Kabunsihan du kaꞌam weꞌ kēmon manusiyaꞌ peggeꞌ nuhut kaꞌam aku. 10Ellew iyan ekka gaꞌi ne nuhut aku. Pagbuddihande saweꞌden duk kabunsihande saweꞌden. 11Ekka iyan aꞌa tekka magmā-mā nabi siye pinapitu weꞌ Tuhanin duk ekka aꞌa kaꞌakkalande. 12Peggeꞌ lumanduꞌ ne kalaꞌatan dem dunyahin, meꞌ aꞌa maꞌekkahin gaꞌi ne malasa si saweꞌde. 13Saguwaꞌ sine-sine nandal sampay si tamanan kabinasahan inin, taga umul du si surgaꞌ gaꞌ niyaꞌ tamananne. 14Duk meꞌ aka-aka mahāp sabab pagbayaꞌ Tuhanin minahalayak du iyan si tibuꞌukan dunya, supaya kataꞌuhan manusiyaꞌin kēmon. Ubus iyan kiyamat ne dunyahin.”
Katiksaꞌan manggaꞌ niyaꞌ saliꞌnen
(Markus 13:14-23; Lukas 21:20-24)
15“Bakas pinaꞌal andang weꞌ Nabi Daniyel weꞌ si pasōngan niyaꞌ laꞌi dem langgal hadje makapagkaꞌat, duk ngandiyawaꞌan Tuhanin. (Ambat mamatsa inin sabutanne.) 16Bang takitebi inin subey ne meꞌ aꞌa malaꞌi si Yahudiyahin lahi pī si meꞌ kapunuhan. 17Bang niyaꞌ aꞌa si luwasan lumaꞌne subey ne iye gaꞌi padiyalem ngeddoꞌ panyapnen. 18Duk malaꞌi si tanaꞌnen subey ne gaꞌi balik pī si lumaꞌne ngeddoꞌ semmeknen, saguwaꞌ subey ne iye lahi. 19Andūꞌ, makaꞌaseꞌ-aseꞌ meꞌ mabettengin duk meꞌ maganak dikiꞌin laꞌi si meꞌ ellew īꞌ. 20Māku-māku kaꞌam si Tuhan karayaw ellew palahibin dumaꞌin si tempo gaꞌi hāp lahatin atawa si ellew liꞌi. 21Peggeꞌ si meꞌ ellew īꞌ,” paꞌin si Isa, “niyaꞌ iyan katiksaꞌan hadje, gaꞌ niyaꞌ saliꞌne kemuwe tagnaꞌ dunyahin sampay kuweꞌitu. Duk puwas inin, gaꞌi ne teꞌed kabalikan. 22Bang gaꞌi kulangan Tuhanin meꞌ ellew katiksaꞌan īꞌ, gaꞌ niyaꞌ aꞌa ellum. Saguwaꞌ sabab meꞌ aꞌa tapeneꞌnen kulangan Tuhanin du meꞌ ellew īꞌ.
23“Bang niyaꞌ si ellew īꞌ magpaꞌin si kaꞌam, ‘Oy, payamanun bi, tiyaꞌ Almasihin,’ atawa ‘īꞌ iye laꞌi,’ daꞌa teꞌed kahagadun bi. 24Peggeꞌ si meꞌ ellew īꞌ, niyaꞌ iyan paguwaꞌ meꞌ aꞌa magpaꞌin weꞌ Almasihin siye bu gaꞌi bennal. Niyaꞌ isab iyan meꞌ aꞌa magpaꞌin weꞌ nabi siye bu gaꞌi toꞌo. Duk magpakite siye iyan meꞌ tandaꞌ balakatan duk meꞌ hinangan makaꞌulaliꞌ supaya bang makajari taboꞌode pasapeꞌ bisan meꞌ aꞌa tapeneꞌ Tuhanin. 25Pakale kaꞌam,” paꞌin si Isa, “bakas ne kaꞌam akahanku andang sabab meꞌ inin pādpād gaꞌ pe umantag. 26Hangkan hep bang paꞌinde si kaꞌam, ‘Payamanun be, īꞌ iye laꞌi si lahat makagindew-gindew,’ daꞌa kaꞌam hap pī. Bang paꞌinde, ‘Payamanun be, tiyaꞌ iye patapuk tuꞌu,’ daꞌa kaꞌam kahagad. 27Peggeꞌ aku, Anak Manusiyaꞌin, bang ne ku pitu, takite papitukun kuweꞌ lalat ninagan langitin amban silangan tudju seddepan.” 28Manjari mageliꞌan si Isa, paꞌinne, “Antag-antag kaniyaꞌan bangkeyin laꞌi magtipun meꞌ owakin.”
Papitu Anak Manusiyaꞌin
(Markus 13:24-27; Lukas 21:25-28)
29“Manjari si meꞌ ellew īꞌ,” paꞌin si Isa, “pagubus meꞌ katiksaꞌan miyaꞌan, ngalindem mata ellewin duk bulanin gaꞌi ne dantaꞌ, duk meꞌ poteꞌanin magkalaboꞌ-laboꞌ amban diyataꞌ langit duk meꞌ bayuꞌan diyataꞌ langitin tahalaꞌ amban lugalden. 30Manjari pagubus inin, kitede du ku, Anak Manusiyaꞌin, pitu dem inalak. Takite meꞌ aꞌahin du sahayakun duk balakatku mahadjehin, duk magmatey kēmon aꞌa amban kabangsa-bangsahan si dunyahin. 31Ubus niyaꞌ iyan helling kuweꞌ helling tabuliꞌ pales manamal duk daꞌakku pitu meꞌ malaꞌikatkun nipun meꞌ aꞌa tapeneꞌkun amban kaꞌampat pidjū alamin.”
Pamintangan si poꞌon kayuhin
(Markus 13:28-31; Lukas 21:29-33)
32“Pandogahanun bi kayu igirahin,” paꞌin si Isa. “Bang numbuꞌ ne dawennen, kataꞌuhanbi weꞌ sōng baytu panas ne. 33Damikkiyan isab bang takitebi ne umantag meꞌ pinaꞌinku miyaꞌan, kataꞌuhanbi weꞌ asal tapit ne teꞌed pabalikkun. 34Sabennal akahante kaꞌam,” paꞌin si Isa, “gaꞌi pe ubus matey kēmon aꞌa maꞌellum kuweꞌitu inin, tekka ne meꞌ bakas pinaꞌinku inin. 35Palabey hadja langitin duk dunyahin, saguwaꞌ bang bissākun asal gaꞌi usaꞌ.”
Gaꞌi kataꞌuhan waktunen
(Markus 13:32-37; Lukas 17:26-30, 34-36)
36“Saguwaꞌ gaꞌ niyaꞌ ngataꞌu bang ellew ine atawa waktu ine papituku balik si pasōnganin. Bisan meꞌ malaꞌikat si surgaꞌin gaꞌi kataꞌuhande. Bisan aku, Anak Tuhanin, gaꞌi du isab kataꞌuhanku. Luwal Samaku Tuhanin mangataꞌuhin. 37Bang ne ku pitu balik si dunya, meꞌ hinangan meꞌ aꞌahin kuweꞌ du hinangan meꞌ aꞌa masa si Nu ley. 38Masa miyaꞌan, gaꞌ pe tekka laseyin, gaꞌ niyaꞌ tapikil meꞌ aꞌahin luwal mangan duk nginum, maganda duk magella sampay taꞌabut ellew padiyalem si Nu dem kappalin. 39Gaꞌ kataꞌuhande bang ine maꞌumantagin duk bessuwang hadja tekka laseyin duk lambo siye kēmon. Na, kuweꞌ iyan du isab meꞌ aꞌahin bang aku, Anak Manusiyaꞌin, pitu balik. 40Ellew pabalikkun niyaꞌ iyan duwangan lella maghinang si tanaꞌ, dambuwaꞌin ineddoꞌ duk dambuwaꞌin taꞌamban. 41Niyaꞌ iyan duwangan dende magtabang maggiling, dambuwaꞌin ineddoꞌ duk dambuwaꞌin taꞌamban. 42Hangkan papateng-pateng kaꞌam, peggeꞌ gaꞌi kataꞌuhanbi bang ellew ine papitukun. 43Saguwaꞌ essebun bi inin, weꞌ bang kataꞌuhan dapuꞌ lumaꞌin bang waktu ine katekka panangkewin, tapagjaga iye duk gaꞌi tapasagadanne lumaꞌnen ilangkat duk inasek. 44Damikkiyan isab kaꞌam, subey kaꞌam luwal papateng-pateng peggeꞌ aku, Anak Manusiyaꞌin, tekka du ku pitu baytu gaꞌi ku ase-asebi.”
Daraꞌakan tapangandelan duk daraꞌakan gaꞌi tapangandelan
(Lukas 12:41-48)
45“Bang niyaꞌ daraꞌakan tapangandelan duk hantap maghinang, iye iyan tahinang amunen nakuraꞌ meꞌ daraꞌakanne sinduwehin. Bang taꞌabut gantaꞌ pagurung-urungin, iye mangurung bānyaꞌ si meꞌ daraꞌakanin. 46Pagtekka amunen balik, sinna manamal daraꞌakan miyaꞌan bang takite amunen weꞌ tuhutne kēmon pangandaꞌakan iyehin. 47Sabennal akahante kaꞌam weꞌ pangandel amunen du si iye kēmon alataꞌnen. 48Saguwaꞌ bang saꞌupama laꞌat daraꞌakan miyaꞌan, duk paꞌinne dem ateyne weꞌ tiggel pe du tekka amunen, 49ubus papeddiꞌanne meꞌ pagkasine daraꞌakanin, duk iye bahannen, magkakan duk maginuman duk meꞌ luwal maglangohanin. 50Manjari bessuwang tekka amunen ellew gaꞌ ase-asene duk waktu gaꞌ kataꞌuhanne. 51Na, manjari bininasa teꞌed iye weꞌ amunen duk pinatuhut iye pī si lugal pinasukuꞌ si meꞌ aꞌa magmā-mā manuhut Tuhanin. Laꞌi magmatey meꞌ aꞌahin duk magtageꞌot impenden.”
Currently Selected:
Mateo 24: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Mateo 24
24
Pinaꞌal weꞌ si Isa pamagkaꞌat langgal hadjehin
(Markus 13:1-2; Lukas 21:5-6)
1Pagluwas si Isa amban dem langgal hadjehin, hap pī si iye meꞌ tindegnen duk pinakitehan weꞌ de si iye langgalin. 2Paꞌin si Isa si siye, “Aweꞌ, payamanun bi ne iyan, peggeꞌ sabennal akahante kaꞌam, niyaꞌ ellew si pasōngan gaꞌ du iyan niyaꞌ talebbi tuꞌu meꞌ batu magbangkat-bangkat iyan, saguwaꞌ kēmon kinanat-kanat du.”
Meꞌ kasasewan duk kabinasahan
(Markus 13:3-13; Lukas 21:7-19)
3Manjari sasang si Isa ningkoloꞌ si kūd Jaitun, hap pī si iye meꞌ tindegnen, siye-siye hadja duk paꞌinde, “Akahanun kami, sumiyan umantag meꞌ pinaꞌinnu iyan, duk me tandaꞌ mapaguwaꞌin bang sōng pitu ne kew balik duk bang sōng kiyamat ne dunyahin?” 4Nambung si Isa, paꞌinne, “Pahatul-hatul kaꞌam duk kaꞌam gaꞌi kaꞌakkalan. 5Peggeꞌ ekka iyan pitu magēnan ēnkun magpaꞌin weꞌ siye ne Almasihin. Duk ekka iyan kaꞌakkalande. 6Makakale kaꞌam iyan sabab magbonoꞌ dem lahat duk suwi-suwi sabab magbonoꞌ si lahat tala, saguwaꞌ daꞌa kaꞌam tinalew. Kēmon inin subey umantag saguwaꞌ dumaꞌin pe inin ellew kiyamat. 7Dambuwaꞌ bangsa magbonoꞌ duk bangsa seddili, duk dambuwaꞌ pagsultanan magbonoꞌ duk pagsultanan seddili. Niyaꞌ iyan meꞌ unus duk meꞌ linug si meꞌ kalahat-lahatan si dunya. 8Saguwaꞌ kēmon inin panagnaꞌan meꞌ katiksaꞌanin hadja, kuweꞌ dalil dende sōng nganak duk nagnaꞌ peddiꞌan ne.
9“Ubus siggew meꞌ aꞌa du kaꞌam duk sōngande kaꞌam ilegga duk pinapatey. Kabunsihan du kaꞌam weꞌ kēmon manusiyaꞌ peggeꞌ nuhut kaꞌam aku. 10Ellew iyan ekka gaꞌi ne nuhut aku. Pagbuddihande saweꞌden duk kabunsihande saweꞌden. 11Ekka iyan aꞌa tekka magmā-mā nabi siye pinapitu weꞌ Tuhanin duk ekka aꞌa kaꞌakkalande. 12Peggeꞌ lumanduꞌ ne kalaꞌatan dem dunyahin, meꞌ aꞌa maꞌekkahin gaꞌi ne malasa si saweꞌde. 13Saguwaꞌ sine-sine nandal sampay si tamanan kabinasahan inin, taga umul du si surgaꞌ gaꞌ niyaꞌ tamananne. 14Duk meꞌ aka-aka mahāp sabab pagbayaꞌ Tuhanin minahalayak du iyan si tibuꞌukan dunya, supaya kataꞌuhan manusiyaꞌin kēmon. Ubus iyan kiyamat ne dunyahin.”
Katiksaꞌan manggaꞌ niyaꞌ saliꞌnen
(Markus 13:14-23; Lukas 21:20-24)
15“Bakas pinaꞌal andang weꞌ Nabi Daniyel weꞌ si pasōngan niyaꞌ laꞌi dem langgal hadje makapagkaꞌat, duk ngandiyawaꞌan Tuhanin. (Ambat mamatsa inin sabutanne.) 16Bang takitebi inin subey ne meꞌ aꞌa malaꞌi si Yahudiyahin lahi pī si meꞌ kapunuhan. 17Bang niyaꞌ aꞌa si luwasan lumaꞌne subey ne iye gaꞌi padiyalem ngeddoꞌ panyapnen. 18Duk malaꞌi si tanaꞌnen subey ne gaꞌi balik pī si lumaꞌne ngeddoꞌ semmeknen, saguwaꞌ subey ne iye lahi. 19Andūꞌ, makaꞌaseꞌ-aseꞌ meꞌ mabettengin duk meꞌ maganak dikiꞌin laꞌi si meꞌ ellew īꞌ. 20Māku-māku kaꞌam si Tuhan karayaw ellew palahibin dumaꞌin si tempo gaꞌi hāp lahatin atawa si ellew liꞌi. 21Peggeꞌ si meꞌ ellew īꞌ,” paꞌin si Isa, “niyaꞌ iyan katiksaꞌan hadje, gaꞌ niyaꞌ saliꞌne kemuwe tagnaꞌ dunyahin sampay kuweꞌitu. Duk puwas inin, gaꞌi ne teꞌed kabalikan. 22Bang gaꞌi kulangan Tuhanin meꞌ ellew katiksaꞌan īꞌ, gaꞌ niyaꞌ aꞌa ellum. Saguwaꞌ sabab meꞌ aꞌa tapeneꞌnen kulangan Tuhanin du meꞌ ellew īꞌ.
23“Bang niyaꞌ si ellew īꞌ magpaꞌin si kaꞌam, ‘Oy, payamanun bi, tiyaꞌ Almasihin,’ atawa ‘īꞌ iye laꞌi,’ daꞌa teꞌed kahagadun bi. 24Peggeꞌ si meꞌ ellew īꞌ, niyaꞌ iyan paguwaꞌ meꞌ aꞌa magpaꞌin weꞌ Almasihin siye bu gaꞌi bennal. Niyaꞌ isab iyan meꞌ aꞌa magpaꞌin weꞌ nabi siye bu gaꞌi toꞌo. Duk magpakite siye iyan meꞌ tandaꞌ balakatan duk meꞌ hinangan makaꞌulaliꞌ supaya bang makajari taboꞌode pasapeꞌ bisan meꞌ aꞌa tapeneꞌ Tuhanin. 25Pakale kaꞌam,” paꞌin si Isa, “bakas ne kaꞌam akahanku andang sabab meꞌ inin pādpād gaꞌ pe umantag. 26Hangkan hep bang paꞌinde si kaꞌam, ‘Payamanun be, īꞌ iye laꞌi si lahat makagindew-gindew,’ daꞌa kaꞌam hap pī. Bang paꞌinde, ‘Payamanun be, tiyaꞌ iye patapuk tuꞌu,’ daꞌa kaꞌam kahagad. 27Peggeꞌ aku, Anak Manusiyaꞌin, bang ne ku pitu, takite papitukun kuweꞌ lalat ninagan langitin amban silangan tudju seddepan.” 28Manjari mageliꞌan si Isa, paꞌinne, “Antag-antag kaniyaꞌan bangkeyin laꞌi magtipun meꞌ owakin.”
Papitu Anak Manusiyaꞌin
(Markus 13:24-27; Lukas 21:25-28)
29“Manjari si meꞌ ellew īꞌ,” paꞌin si Isa, “pagubus meꞌ katiksaꞌan miyaꞌan, ngalindem mata ellewin duk bulanin gaꞌi ne dantaꞌ, duk meꞌ poteꞌanin magkalaboꞌ-laboꞌ amban diyataꞌ langit duk meꞌ bayuꞌan diyataꞌ langitin tahalaꞌ amban lugalden. 30Manjari pagubus inin, kitede du ku, Anak Manusiyaꞌin, pitu dem inalak. Takite meꞌ aꞌahin du sahayakun duk balakatku mahadjehin, duk magmatey kēmon aꞌa amban kabangsa-bangsahan si dunyahin. 31Ubus niyaꞌ iyan helling kuweꞌ helling tabuliꞌ pales manamal duk daꞌakku pitu meꞌ malaꞌikatkun nipun meꞌ aꞌa tapeneꞌkun amban kaꞌampat pidjū alamin.”
Pamintangan si poꞌon kayuhin
(Markus 13:28-31; Lukas 21:29-33)
32“Pandogahanun bi kayu igirahin,” paꞌin si Isa. “Bang numbuꞌ ne dawennen, kataꞌuhanbi weꞌ sōng baytu panas ne. 33Damikkiyan isab bang takitebi ne umantag meꞌ pinaꞌinku miyaꞌan, kataꞌuhanbi weꞌ asal tapit ne teꞌed pabalikkun. 34Sabennal akahante kaꞌam,” paꞌin si Isa, “gaꞌi pe ubus matey kēmon aꞌa maꞌellum kuweꞌitu inin, tekka ne meꞌ bakas pinaꞌinku inin. 35Palabey hadja langitin duk dunyahin, saguwaꞌ bang bissākun asal gaꞌi usaꞌ.”
Gaꞌi kataꞌuhan waktunen
(Markus 13:32-37; Lukas 17:26-30, 34-36)
36“Saguwaꞌ gaꞌ niyaꞌ ngataꞌu bang ellew ine atawa waktu ine papituku balik si pasōnganin. Bisan meꞌ malaꞌikat si surgaꞌin gaꞌi kataꞌuhande. Bisan aku, Anak Tuhanin, gaꞌi du isab kataꞌuhanku. Luwal Samaku Tuhanin mangataꞌuhin. 37Bang ne ku pitu balik si dunya, meꞌ hinangan meꞌ aꞌahin kuweꞌ du hinangan meꞌ aꞌa masa si Nu ley. 38Masa miyaꞌan, gaꞌ pe tekka laseyin, gaꞌ niyaꞌ tapikil meꞌ aꞌahin luwal mangan duk nginum, maganda duk magella sampay taꞌabut ellew padiyalem si Nu dem kappalin. 39Gaꞌ kataꞌuhande bang ine maꞌumantagin duk bessuwang hadja tekka laseyin duk lambo siye kēmon. Na, kuweꞌ iyan du isab meꞌ aꞌahin bang aku, Anak Manusiyaꞌin, pitu balik. 40Ellew pabalikkun niyaꞌ iyan duwangan lella maghinang si tanaꞌ, dambuwaꞌin ineddoꞌ duk dambuwaꞌin taꞌamban. 41Niyaꞌ iyan duwangan dende magtabang maggiling, dambuwaꞌin ineddoꞌ duk dambuwaꞌin taꞌamban. 42Hangkan papateng-pateng kaꞌam, peggeꞌ gaꞌi kataꞌuhanbi bang ellew ine papitukun. 43Saguwaꞌ essebun bi inin, weꞌ bang kataꞌuhan dapuꞌ lumaꞌin bang waktu ine katekka panangkewin, tapagjaga iye duk gaꞌi tapasagadanne lumaꞌnen ilangkat duk inasek. 44Damikkiyan isab kaꞌam, subey kaꞌam luwal papateng-pateng peggeꞌ aku, Anak Manusiyaꞌin, tekka du ku pitu baytu gaꞌi ku ase-asebi.”
Daraꞌakan tapangandelan duk daraꞌakan gaꞌi tapangandelan
(Lukas 12:41-48)
45“Bang niyaꞌ daraꞌakan tapangandelan duk hantap maghinang, iye iyan tahinang amunen nakuraꞌ meꞌ daraꞌakanne sinduwehin. Bang taꞌabut gantaꞌ pagurung-urungin, iye mangurung bānyaꞌ si meꞌ daraꞌakanin. 46Pagtekka amunen balik, sinna manamal daraꞌakan miyaꞌan bang takite amunen weꞌ tuhutne kēmon pangandaꞌakan iyehin. 47Sabennal akahante kaꞌam weꞌ pangandel amunen du si iye kēmon alataꞌnen. 48Saguwaꞌ bang saꞌupama laꞌat daraꞌakan miyaꞌan, duk paꞌinne dem ateyne weꞌ tiggel pe du tekka amunen, 49ubus papeddiꞌanne meꞌ pagkasine daraꞌakanin, duk iye bahannen, magkakan duk maginuman duk meꞌ luwal maglangohanin. 50Manjari bessuwang tekka amunen ellew gaꞌ ase-asene duk waktu gaꞌ kataꞌuhanne. 51Na, manjari bininasa teꞌed iye weꞌ amunen duk pinatuhut iye pī si lugal pinasukuꞌ si meꞌ aꞌa magmā-mā manuhut Tuhanin. Laꞌi magmatey meꞌ aꞌahin duk magtageꞌot impenden.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.