Hinangan 16
16
Si Timoteo nuhut si Paul duk si Silas
1Manjari palanjal si Paul hap Derbe ubus bu hap Listara. Laꞌi si Listara, niyaꞌ dambuwaꞌ aꞌa sandel pu si Isa inēnan Timoteo. Saꞌinen bangsa Yahudi, sandel du isab pu si Isa. Samanen bangsa Girik. 2Kēmon masandel pu si Isa si lahat Listarahin duk si lahat Ikonihin, hāp bissāde sabab Timoteohin. 3Bayaꞌ si Paul moꞌo Timoteo hinangne saweꞌne maglengngan. Saguwaꞌ kēmon Yahudi si kalahatan miyaꞌan, kataꞌuhande weꞌ sama Timoteohin bangsa Girik, hangkan inislam dahuꞌ weꞌ si Paul si Timoteo supaya iye pagaddatan meꞌ Yahudihin. 4Manjari lumengngan ne disi Paul pī si meꞌ kalahat-lahatan duk inaka weꞌ de si meꞌ masandel pu si Isahin meꞌ daꞌakan amban meꞌ kawakilanin duk meꞌ kabahiꞌan si Awrusalamin. Dinaꞌak weꞌ de tinuhut meꞌ daꞌakan miyaꞌan. 5Hangkan hep meꞌ masandelin ngabasag sandelden duk pasōng ellewin, pasōng isab ekkaden.
Niyaꞌ pabagala pu si Paul laꞌi si Toroas
6Na, lumengngan disi Paul pabutas si lahat Pirigiya duk lahat Galatiya peggeꞌ gaꞌ siye dinaꞌak weꞌ Niyawa Sutsihin pī si lahat Asiya magmahalayak lapal Tuhanin. 7Pagtekkade si sīng lahat Misiya, sōng siye palanjal pī si lahat Bitiniya. Saguwaꞌ gaꞌ isab siye dinaꞌak weꞌ Niyawa Sutsihin. 8Hangkan pabutas siye amban tengngaꞌ lahat Misiya bu padurul tudju lahat Toroas. 9Manjari inin, laꞌi si Toroas sangem miyaꞌan, niyaꞌ pinabagala pu si Paul weꞌ Tuhanin dambuwaꞌ aꞌa amban Makedoniya makitabang si iye. Paꞌin aꞌa miyaꞌan, “Palipag kew pitu si Makedoniya duk tabangun kami.” 10Pagubus takite si Paul mapabagala miyaꞌan, magtawus kami magmemes peggeꞌ tahāti kami weꞌ tinawag kami weꞌ Tuhanin hap Makedoniya magmahalayak si meꞌ aꞌa malaꞌihin aka-aka mahāp sabab si Isahin.
Patindeg si Lidiya pu si Isa laꞌi si Pilipi
11Patulak kami amban Toroas nalus tudju pūꞌ Samotarake. Pagellew dambuwaꞌin, patulak ne isab kami amban pūꞌ miyaꞌan tudju Neapolis. 12Tekka laꞌi pataked kami hap Pilipi, puweblo hadje laꞌi si Makedoniya. Ekka meꞌ aꞌa bangsa Roma patennaꞌ laꞌi. Padeheng kami laꞌi bang piyem bahangi pe. 13Pagellew Sabtuꞌ, paluwas kami amban puweblo miyaꞌan pī si ubey boheꞌ peggeꞌ tatokod kami weꞌ niyaꞌ laꞌi lugal pangampunan meꞌ Yahudihin. Ningkoloꞌ kami laꞌi duk missā kami si meꞌ dende magtipun malaꞌihin. 14Dambuwaꞌ meꞌ dende mapakale si kamihin, dende inēnan Lidiya amban puweblo Tatira. Bahannen magdagang-dagang semmek taluk mahalgaꞌ teꞌed. Dende inin magsambahayang si Tuhan. Sābune mapakale si kamihin, inurungan iye pikilan weꞌ si Isa, Panuhutanin, duk kinahagad weꞌ ne binissā si Paulin. 15Pinandi disi Lidiya duk meꞌ saweꞌne dambuwaꞌ lumaꞌin, tandaꞌ weꞌ sukuꞌ pu si Isa ne siye. Ubus miyaꞌan, inohotan kami weꞌ si Lidiya, paꞌinne, “Bang pikilbi du weꞌ aku asal bennal ne teꞌed sandel pu si Isa, Panuhutanin, nuhut dahuꞌ kaꞌam patennaꞌ si lumaꞌku.” Duk boꞌone teꞌed kami.
Kinalabusu disi Paul laꞌi si Pilipi
16Dambuwaꞌ ellew, sābu kami hap pī si lugal pangampunan, niyaꞌ talanggal kami banyagaꞌ dende pasayedan seyitan, hangkan taꞌu iye magpayam. Ekka sīn kasuwaꞌ meꞌ amunen sabab pagpayamne miyaꞌan. 17Paturul-turul iye si kami duk si Paul duk ngalingan-ngalingan iye, paꞌinne, “Meꞌ aꞌa inin daraꞌakan Tuhan Tamanan Malangkewin. Akahande kaꞌam bang saꞌingge katimbulbin.” 18Bang piyem bahangi luwal iye ngalingan kuweꞌ miyaꞌan. Ujudnen jumuꞌ ne si Paul pakale si iye. Hangkan hinarap iye weꞌ si Paul duk missā iye si seyitanin, paꞌinne, “Si ēn Isa Almasi daꞌakte kew paluwas amban dende iyan.” Magtawus seyitanin paluwas. Hangkan gaꞌi ne taꞌu dendehin magpayam. 19Pagkite meꞌ amunen weꞌ gaꞌ ne niyaꞌ usahade, siniggew weꞌ de si Paul duk si Silas duk ilalas weꞌ de binoꞌo pī si meꞌ nakuraꞌin laꞌi si tabuꞌan. 20Pinaharap siye weꞌ de si meꞌ bagellal bangsa Romahin bu tinuntutan weꞌ de. “Meꞌ aꞌa inin moꞌo sasew si lahatte bi,” paꞌinde. “Dagun siye inin meꞌ bangsa Yahudi. 21Magtoloꞌ siye meꞌ addat gaꞌi makajari tuhut meꞌ aꞌa bangsa Roma kuweꞌ kitehin bi. Meꞌ panoloꞌden kuntara si saraꞌte bi.” 22Meꞌ aꞌa magtipun malaꞌihin patuhut isab nguntarahan siye. Manjari ilarut weꞌ meꞌ bagellalin meꞌ semmek si Paul duk si Silasin, duk dinaꞌak siye ilagutan. 23Pagubus siye ilagutan manamal, kinalabusu siye. Dinaꞌak weꞌ meꞌ bagellalin pinahaget teꞌed gawang kalabusuhin si guwaldiyahin. 24Pagkale guwaldiyahin uldin miyaꞌan, binoꞌo weꞌ ne disi Paul pī si kalabusu diyalem teꞌedin duk pinasungan siye weꞌ ne.
25Manjari inin, pagnengaꞌ bahangi ne, māku-māku disi Paul si Tuhan duk magkalangan siye meꞌ kalangan mudji Tuhanin. Pakale si siye meꞌ pilisu sinduwehin. 26Bessuwang niyaꞌ linug basag teꞌed hangkan jedjeg pabettadan kalabusu miyaꞌan. Magtawus paluka kēmon gawangin duk tantang meꞌ karena pilisuhin kēmon. 27Manjari ngape guwaldiyahin duk pagkitene weꞌ luka ne meꞌ gawang kalabusuhin, kannalne weꞌ lumahi ne meꞌ pilisuhin. Hangkan inurus weꞌ ne bessinen sōng mapatey dine. 28Saguwaꞌ ngalingan si Paul papales paꞌinne, “Daꞌa kew minasa dinu. Tiyaꞌ du kami kēmon.” 29Ngalingan guwaldiyahin māku tiyew bu padayiꞌ iye padiyalem. Pahebbaꞌ iye migpid si antag bettis si Paul duk si Silas. 30Manjari binoꞌo siye weꞌ ne paluwas duk paꞌinne si siye, “Meꞌ tuwan, ine subey hinangku duk ku timbul?” 31Paꞌin disi Paul, “Sandel kew pu si Isa Almasi, Panuhutanin, duk timbul du kew sampay meꞌ saweꞌnu dambuwaꞌ lumaꞌin.” 32Ubus bu minahalayak weꞌ de lapal sabab si Isa, Panuhutanin, si guwaldiyahin duk si kēmon saweꞌne dambuwaꞌ lumaꞌin. 33Duk bisan lalem bahangi ne, binoꞌo siye weꞌ guwaldiyahin paluwas duk kinosoꞌan weꞌ ne meꞌ bakatden. Pagubus miyaꞌan, pinandi weꞌ de guwaldiyahin duk kēmon siye dambuwaꞌ lumaꞌin, tandaꞌ weꞌ sukuꞌ pu si Isa ne siye. 34Ubus binoꞌo weꞌ guwaldiyahin si Paul duk si Silas pī diyataꞌ lumaꞌne duk pinakan siye weꞌ ne. Kēgan teꞌed siye dambuwaꞌ lumaꞌin peggeꞌ Tuhanin ne pangandelanden.
35Pagsalung ne, dinaꞌak weꞌ meꞌ bagellalin meꞌ pulisin moꞌo uldin pī si kalabusu, pinaꞌin, “Paluwasun ne meꞌ aꞌa iyuꞌ.” 36Inaka inin weꞌ guwaldiyahin pu si Paul. Paꞌinne, “Masan meꞌ bagellalin dinaꞌak ne kaꞌam pinaluwas. Hangkan paluwas ne kaꞌam duk karayaw hāp du lengnganbin.” 37Saguwaꞌ paꞌin si Paul si meꞌ pulisin, “Diꞌilew ilagutan kami weꞌ de si kaꞌekkahan aꞌa bisan kami gaꞌ tapaliksaꞌde. Bu kami inin, aꞌa Roma kami. Ubus kinalabusu pe kami weꞌ de. Hatiꞌ kuweꞌitu kabayaꞌanden patahalaꞌde kami sipuk? Gaꞌi makajari,” paꞌin si Paul. “Subey meꞌ bagellal miyaꞌan pitu maluwas kami.” 38Meꞌ bissā si Paul miyaꞌan inaka weꞌ meꞌ pulisin si meꞌ bagellalin. Pagkalede weꞌ si Paul duk si Silas taga sulat weꞌ siye bangsa Roma, tinalew siye. 39Hangkan hap pī siye māku ampun pu disi Paul. Ubus binoꞌo weꞌ de disi Paul paluwas amban dem kalabusu duk binuyuꞌ-buyuꞌ siye weꞌ de dinaꞌak tahalaꞌ ne amban puweblo miyaꞌan. 40Manjari hap pī si Paul duk si Silas si lumaꞌ si Lidiya. Magkasuwaꞌ siye duk meꞌ katindegan si Isahin laꞌi duk missā disi Paul si siye pangasig ateyden. Ubus bu tahalaꞌ ne siye.
Currently Selected:
Hinangan 16: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Hinangan 16
16
Si Timoteo nuhut si Paul duk si Silas
1Manjari palanjal si Paul hap Derbe ubus bu hap Listara. Laꞌi si Listara, niyaꞌ dambuwaꞌ aꞌa sandel pu si Isa inēnan Timoteo. Saꞌinen bangsa Yahudi, sandel du isab pu si Isa. Samanen bangsa Girik. 2Kēmon masandel pu si Isa si lahat Listarahin duk si lahat Ikonihin, hāp bissāde sabab Timoteohin. 3Bayaꞌ si Paul moꞌo Timoteo hinangne saweꞌne maglengngan. Saguwaꞌ kēmon Yahudi si kalahatan miyaꞌan, kataꞌuhande weꞌ sama Timoteohin bangsa Girik, hangkan inislam dahuꞌ weꞌ si Paul si Timoteo supaya iye pagaddatan meꞌ Yahudihin. 4Manjari lumengngan ne disi Paul pī si meꞌ kalahat-lahatan duk inaka weꞌ de si meꞌ masandel pu si Isahin meꞌ daꞌakan amban meꞌ kawakilanin duk meꞌ kabahiꞌan si Awrusalamin. Dinaꞌak weꞌ de tinuhut meꞌ daꞌakan miyaꞌan. 5Hangkan hep meꞌ masandelin ngabasag sandelden duk pasōng ellewin, pasōng isab ekkaden.
Niyaꞌ pabagala pu si Paul laꞌi si Toroas
6Na, lumengngan disi Paul pabutas si lahat Pirigiya duk lahat Galatiya peggeꞌ gaꞌ siye dinaꞌak weꞌ Niyawa Sutsihin pī si lahat Asiya magmahalayak lapal Tuhanin. 7Pagtekkade si sīng lahat Misiya, sōng siye palanjal pī si lahat Bitiniya. Saguwaꞌ gaꞌ isab siye dinaꞌak weꞌ Niyawa Sutsihin. 8Hangkan pabutas siye amban tengngaꞌ lahat Misiya bu padurul tudju lahat Toroas. 9Manjari inin, laꞌi si Toroas sangem miyaꞌan, niyaꞌ pinabagala pu si Paul weꞌ Tuhanin dambuwaꞌ aꞌa amban Makedoniya makitabang si iye. Paꞌin aꞌa miyaꞌan, “Palipag kew pitu si Makedoniya duk tabangun kami.” 10Pagubus takite si Paul mapabagala miyaꞌan, magtawus kami magmemes peggeꞌ tahāti kami weꞌ tinawag kami weꞌ Tuhanin hap Makedoniya magmahalayak si meꞌ aꞌa malaꞌihin aka-aka mahāp sabab si Isahin.
Patindeg si Lidiya pu si Isa laꞌi si Pilipi
11Patulak kami amban Toroas nalus tudju pūꞌ Samotarake. Pagellew dambuwaꞌin, patulak ne isab kami amban pūꞌ miyaꞌan tudju Neapolis. 12Tekka laꞌi pataked kami hap Pilipi, puweblo hadje laꞌi si Makedoniya. Ekka meꞌ aꞌa bangsa Roma patennaꞌ laꞌi. Padeheng kami laꞌi bang piyem bahangi pe. 13Pagellew Sabtuꞌ, paluwas kami amban puweblo miyaꞌan pī si ubey boheꞌ peggeꞌ tatokod kami weꞌ niyaꞌ laꞌi lugal pangampunan meꞌ Yahudihin. Ningkoloꞌ kami laꞌi duk missā kami si meꞌ dende magtipun malaꞌihin. 14Dambuwaꞌ meꞌ dende mapakale si kamihin, dende inēnan Lidiya amban puweblo Tatira. Bahannen magdagang-dagang semmek taluk mahalgaꞌ teꞌed. Dende inin magsambahayang si Tuhan. Sābune mapakale si kamihin, inurungan iye pikilan weꞌ si Isa, Panuhutanin, duk kinahagad weꞌ ne binissā si Paulin. 15Pinandi disi Lidiya duk meꞌ saweꞌne dambuwaꞌ lumaꞌin, tandaꞌ weꞌ sukuꞌ pu si Isa ne siye. Ubus miyaꞌan, inohotan kami weꞌ si Lidiya, paꞌinne, “Bang pikilbi du weꞌ aku asal bennal ne teꞌed sandel pu si Isa, Panuhutanin, nuhut dahuꞌ kaꞌam patennaꞌ si lumaꞌku.” Duk boꞌone teꞌed kami.
Kinalabusu disi Paul laꞌi si Pilipi
16Dambuwaꞌ ellew, sābu kami hap pī si lugal pangampunan, niyaꞌ talanggal kami banyagaꞌ dende pasayedan seyitan, hangkan taꞌu iye magpayam. Ekka sīn kasuwaꞌ meꞌ amunen sabab pagpayamne miyaꞌan. 17Paturul-turul iye si kami duk si Paul duk ngalingan-ngalingan iye, paꞌinne, “Meꞌ aꞌa inin daraꞌakan Tuhan Tamanan Malangkewin. Akahande kaꞌam bang saꞌingge katimbulbin.” 18Bang piyem bahangi luwal iye ngalingan kuweꞌ miyaꞌan. Ujudnen jumuꞌ ne si Paul pakale si iye. Hangkan hinarap iye weꞌ si Paul duk missā iye si seyitanin, paꞌinne, “Si ēn Isa Almasi daꞌakte kew paluwas amban dende iyan.” Magtawus seyitanin paluwas. Hangkan gaꞌi ne taꞌu dendehin magpayam. 19Pagkite meꞌ amunen weꞌ gaꞌ ne niyaꞌ usahade, siniggew weꞌ de si Paul duk si Silas duk ilalas weꞌ de binoꞌo pī si meꞌ nakuraꞌin laꞌi si tabuꞌan. 20Pinaharap siye weꞌ de si meꞌ bagellal bangsa Romahin bu tinuntutan weꞌ de. “Meꞌ aꞌa inin moꞌo sasew si lahatte bi,” paꞌinde. “Dagun siye inin meꞌ bangsa Yahudi. 21Magtoloꞌ siye meꞌ addat gaꞌi makajari tuhut meꞌ aꞌa bangsa Roma kuweꞌ kitehin bi. Meꞌ panoloꞌden kuntara si saraꞌte bi.” 22Meꞌ aꞌa magtipun malaꞌihin patuhut isab nguntarahan siye. Manjari ilarut weꞌ meꞌ bagellalin meꞌ semmek si Paul duk si Silasin, duk dinaꞌak siye ilagutan. 23Pagubus siye ilagutan manamal, kinalabusu siye. Dinaꞌak weꞌ meꞌ bagellalin pinahaget teꞌed gawang kalabusuhin si guwaldiyahin. 24Pagkale guwaldiyahin uldin miyaꞌan, binoꞌo weꞌ ne disi Paul pī si kalabusu diyalem teꞌedin duk pinasungan siye weꞌ ne.
25Manjari inin, pagnengaꞌ bahangi ne, māku-māku disi Paul si Tuhan duk magkalangan siye meꞌ kalangan mudji Tuhanin. Pakale si siye meꞌ pilisu sinduwehin. 26Bessuwang niyaꞌ linug basag teꞌed hangkan jedjeg pabettadan kalabusu miyaꞌan. Magtawus paluka kēmon gawangin duk tantang meꞌ karena pilisuhin kēmon. 27Manjari ngape guwaldiyahin duk pagkitene weꞌ luka ne meꞌ gawang kalabusuhin, kannalne weꞌ lumahi ne meꞌ pilisuhin. Hangkan inurus weꞌ ne bessinen sōng mapatey dine. 28Saguwaꞌ ngalingan si Paul papales paꞌinne, “Daꞌa kew minasa dinu. Tiyaꞌ du kami kēmon.” 29Ngalingan guwaldiyahin māku tiyew bu padayiꞌ iye padiyalem. Pahebbaꞌ iye migpid si antag bettis si Paul duk si Silas. 30Manjari binoꞌo siye weꞌ ne paluwas duk paꞌinne si siye, “Meꞌ tuwan, ine subey hinangku duk ku timbul?” 31Paꞌin disi Paul, “Sandel kew pu si Isa Almasi, Panuhutanin, duk timbul du kew sampay meꞌ saweꞌnu dambuwaꞌ lumaꞌin.” 32Ubus bu minahalayak weꞌ de lapal sabab si Isa, Panuhutanin, si guwaldiyahin duk si kēmon saweꞌne dambuwaꞌ lumaꞌin. 33Duk bisan lalem bahangi ne, binoꞌo siye weꞌ guwaldiyahin paluwas duk kinosoꞌan weꞌ ne meꞌ bakatden. Pagubus miyaꞌan, pinandi weꞌ de guwaldiyahin duk kēmon siye dambuwaꞌ lumaꞌin, tandaꞌ weꞌ sukuꞌ pu si Isa ne siye. 34Ubus binoꞌo weꞌ guwaldiyahin si Paul duk si Silas pī diyataꞌ lumaꞌne duk pinakan siye weꞌ ne. Kēgan teꞌed siye dambuwaꞌ lumaꞌin peggeꞌ Tuhanin ne pangandelanden.
35Pagsalung ne, dinaꞌak weꞌ meꞌ bagellalin meꞌ pulisin moꞌo uldin pī si kalabusu, pinaꞌin, “Paluwasun ne meꞌ aꞌa iyuꞌ.” 36Inaka inin weꞌ guwaldiyahin pu si Paul. Paꞌinne, “Masan meꞌ bagellalin dinaꞌak ne kaꞌam pinaluwas. Hangkan paluwas ne kaꞌam duk karayaw hāp du lengnganbin.” 37Saguwaꞌ paꞌin si Paul si meꞌ pulisin, “Diꞌilew ilagutan kami weꞌ de si kaꞌekkahan aꞌa bisan kami gaꞌ tapaliksaꞌde. Bu kami inin, aꞌa Roma kami. Ubus kinalabusu pe kami weꞌ de. Hatiꞌ kuweꞌitu kabayaꞌanden patahalaꞌde kami sipuk? Gaꞌi makajari,” paꞌin si Paul. “Subey meꞌ bagellal miyaꞌan pitu maluwas kami.” 38Meꞌ bissā si Paul miyaꞌan inaka weꞌ meꞌ pulisin si meꞌ bagellalin. Pagkalede weꞌ si Paul duk si Silas taga sulat weꞌ siye bangsa Roma, tinalew siye. 39Hangkan hap pī siye māku ampun pu disi Paul. Ubus binoꞌo weꞌ de disi Paul paluwas amban dem kalabusu duk binuyuꞌ-buyuꞌ siye weꞌ de dinaꞌak tahalaꞌ ne amban puweblo miyaꞌan. 40Manjari hap pī si Paul duk si Silas si lumaꞌ si Lidiya. Magkasuwaꞌ siye duk meꞌ katindegan si Isahin laꞌi duk missā disi Paul si siye pangasig ateyden. Ubus bu tahalaꞌ ne siye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.