1 Korinto 11
11
1Hangkan hep meꞌ kapungtinaꞌihanku, batukanun bi ku kuweꞌ akuhin batukanku isab Isa Almasi.
Sabab magturung bang nambahayang
2Asal sanglitante kaꞌam peggeꞌ luwal ku taꞌessebbi duk tinuhut du weꞌ bi meꞌ panoloꞌku si kaꞌam matuꞌuhin. 3Saguwaꞌ niyaꞌ pe kabayaꞌanku tahātibi. Pagkōkan meꞌ lellahin kēmon Almasi. Meꞌ lellahin pagkōkan andaden duk Tuhanin pagkōkan Almasihin. 4Bang kaꞌam magtipun dem langgalbi bu niyaꞌ lella sōng ngampun atawa magpalataꞌ bissā Tuhanin, bang iye magturung, hātinen gaꞌi pagaddatanne Almasi, iye pagkōkannen. 5Saguwaꞌ dendehin bang ngampun iye atawa magpalataꞌ bissā Tuhanin dem langgal bu gaꞌi iye magturung, hātinen gaꞌi pagaddatanne ellanen, iye pagkōkannen. Dende iyan gaꞌi du magbiddaꞌ duk dende bakas magurut. 6Bang dendehin gaꞌi bayaꞌ magturung dem langgal, na, gam pe kultihanne kōknen. Saguwaꞌ peggeꞌ asal makaꞌiyaꞌ-iyaꞌ bang dendehin magurut atawa magkulti kōk, na, subey iye magturung. 7Saguwaꞌ lellahin gaꞌi subey magturung peggeꞌ pinapanjari lellahin neppu Tuhanin duk takite si iye kapatut Tuhanin, saguwaꞌ si dendehin takite kapatut lellahin. 8Peggeꞌ tagnaꞌ pamapanjari Tuhan manusiyaꞌin, dumaꞌin lellahin pinapanjari amban baran dendehin, saguwaꞌ dendehin pinapanjari amban baran lellahin. 9Duk dumaꞌin hangkan pinapanjari lellahin sabab dendehin, saguwaꞌ pinapanjari dendehin supaya saweꞌanne lellahin. 10Hangkan dendehin subey magturung supaya kataꞌuhan meꞌ malaꞌikatin weꞌ magbayaꞌ si iye ellanen. 11Saguwaꞌ bisan ne kuweꞌ miyaꞌan, bang kite bi meꞌ masandel pu si Isa Almasihin, gaꞌi makajari bang lellahin hadja atawa dendehin hadja, saguwaꞌ subey ne paꞌin lellahin duk dendehin magtabang-tinabang. 12Peggeꞌ bisan ne tagnaꞌley dendehin pinapanjari amban baran lellahin, saguwaꞌ kuweꞌitu lellahin inanakan du weꞌ dendehin. Duk kēmon-kēmonin amban Tuhanin du.
13Na, pikilun bi si dibi bang patut ke bang dendehin ngampun si Tuhan dem pagtipunan bu gaꞌi iye magturung. 14Kataꞌuhante bi weꞌ kemuwe tagnaꞌ makaꞌiyaꞌ-iyaꞌ bang lellahin magtahaꞌ kōk, 15saguwaꞌ bang dendehin, mannisan teꞌed bang tahaꞌ kōknen. Inurungan iye kōk tahaꞌ pagturungne. 16Bang niyaꞌ luꞌu mabayaꞌ nganjawab pasal ininen, iye inin paꞌinku si iye: iye inin addat kamihin duk meꞌ masandel si Tuhan sinduwehin bisan si lahat ingge-ingge bang kami nambahayang.
Mangan pangesseban kamatey Isa Almasihin
(Mateo 26:26-29; Markus 14:22-25; Lukas 22:14-20)
17Niyaꞌ pe seddili pangandaꞌakanku kaꞌam. Saguwaꞌ gaꞌi kaꞌam patut sanglitanku sabab inin. Peggeꞌ bang kaꞌam magtipun-tipun nambahayang, dumaꞌin makahāp kaꞌam saguwaꞌ makalaꞌat kaꞌam. 18Kaꞌissaꞌnen, bakas takaleku weꞌ bang kaꞌam magtipun dem langgal, magpaꞌil kaꞌam. Hatu toꞌo inin, kuweꞌ-kuweꞌ kahagadku inin. 19Hatu hāp isab bang kaꞌam magpaꞌil, peggeꞌ bang upama gaꞌi kaꞌam magpaꞌil, gaꞌi isab kataꞌuhan bang sine-sine makasulut Tuhanin. 20Bang kaꞌam magtipun mangan pangessebanbi kamatey Isa Almasihin, kuweꞌ dumaꞌin Almasi taꞌessebbin. 21Peggeꞌ mangan kaꞌam padehellu kinakan binoꞌobin duk gaꞌi ne kalebbihan saweꞌbin. Niyaꞌ ne kaꞌinusanan duk niyaꞌ ne isab kalango-langohan. 22Weꞌey? Gaꞌ ke niyaꞌ lumaꞌbi pamangananbi? Pagtuꞌuranbi gaꞌi ngaddatan meꞌ pagkasibi masandel si Tuhanin duk paꞌiyaꞌbi pe meꞌ saweꞌbi mamiskinin. Ine inase-asebi pinaꞌinku sabab inin? Weꞌ sanglitante pe kaꞌam? Asal gaꞌi du.
23Bakas panoloꞌku ne si kaꞌam panoloꞌ Isa Almasi si akuhin. Si Isa Almasi, sangem pamuddi si iyehin, ngeddoꞌ iye pan sasangde mamanganin, 24duk pagubus iye magpasalamat si Tuhan, kinepak-kepak weꞌ ne panin duk paꞌinne si meꞌ tindegnen, “Pan inin barankun paglillaꞌku sabab kaꞌam. Hinangun bi inin supaya ku luwal taꞌessebbi.” 25Damikkiyan isab ubus siye mangan, ineddoꞌ weꞌ ne sawanin duk paꞌinne, “Ininum inin tandaꞌ janjiꞌ Tuhan si kaꞌam mabaꞌahuhin. Kabugtuꞌan janjiꞌ Tuhanin weꞌ lahaꞌku mabuꞌusin. Kahabaꞌ kaꞌam nginum kuweꞌ inin, inumun bi supaya ku taꞌessebbi.”
26Peggeꞌ kahabaꞌ kaꞌam mangan kuweꞌ inin pan duk nginum kuweꞌ inin amban dem sawan, magaka-aka du kaꞌam sabab kamatey Almasihin samantaꞌan gaꞌ pe iye pitu balik. 27Hangkan hep sine-sine mangan pan duk nginum amban dem sawan pangessebande Isa Almasi bu gaꞌi patut hatulannen, na, aꞌa miyaꞌan kapagduse ne peggeꞌ gaꞌ addatanne baran Almasihin duk lahaꞌnen. 28Hangkan hep bang kaꞌam magtipun-tipun mangan duk nginum pangessebanbi si Isa Almasi, subey dahuꞌ tapikilbi meꞌ bakas hinanganbin dangan-dangan meke ne kaꞌam mangan duk nginum. 29Peggeꞌ bang aꞌahin mangan panin duk nginum ininumin bu gaꞌi tapikilne baran Almasihin, bang ine hātinen, matekkahan dine hukuman sabab pamangannen duk panginumnen. 30Iye inin jānnen hangkan ekka kaꞌam lamma duk saki duk sinduwehin ubus ne matey. 31Bang pikilte bi dahuꞌ diten, duk dambūs-būs ne kite, gaꞌi kite bi laboꞌan Tuhanin hukuman. 32Saguwaꞌ hinukum kite duk legga Tuhanin kuweꞌitu, supaya gaꞌi du kite hinukum pinadem narkaꞌ magsumbayaꞌ duk meꞌ manggaꞌi manuhut Tuhanin.
33Hangkan hep, meꞌ kapungtinaꞌihanku, bang kaꞌam magtipun-tipun mangan pangessebanbi kamatey Isa Almasihin, agadun bi dahuꞌ meꞌ saweꞌbin. 34Bang niyaꞌ kaꞌam inusan, subey ne iye mangan andang si lumaꞌne, manjari bang kaꞌam magtipun, gaꞌi du kaꞌam tewwaꞌ hukuman Tuhanin. Niyaꞌ pe panoloꞌku si kaꞌam saguwaꞌ ngagad ku dahuꞌ sampay tapiyu ku si kaꞌam.
Currently Selected:
1 Korinto 11: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
1 Korinto 11
11
1Hangkan hep meꞌ kapungtinaꞌihanku, batukanun bi ku kuweꞌ akuhin batukanku isab Isa Almasi.
Sabab magturung bang nambahayang
2Asal sanglitante kaꞌam peggeꞌ luwal ku taꞌessebbi duk tinuhut du weꞌ bi meꞌ panoloꞌku si kaꞌam matuꞌuhin. 3Saguwaꞌ niyaꞌ pe kabayaꞌanku tahātibi. Pagkōkan meꞌ lellahin kēmon Almasi. Meꞌ lellahin pagkōkan andaden duk Tuhanin pagkōkan Almasihin. 4Bang kaꞌam magtipun dem langgalbi bu niyaꞌ lella sōng ngampun atawa magpalataꞌ bissā Tuhanin, bang iye magturung, hātinen gaꞌi pagaddatanne Almasi, iye pagkōkannen. 5Saguwaꞌ dendehin bang ngampun iye atawa magpalataꞌ bissā Tuhanin dem langgal bu gaꞌi iye magturung, hātinen gaꞌi pagaddatanne ellanen, iye pagkōkannen. Dende iyan gaꞌi du magbiddaꞌ duk dende bakas magurut. 6Bang dendehin gaꞌi bayaꞌ magturung dem langgal, na, gam pe kultihanne kōknen. Saguwaꞌ peggeꞌ asal makaꞌiyaꞌ-iyaꞌ bang dendehin magurut atawa magkulti kōk, na, subey iye magturung. 7Saguwaꞌ lellahin gaꞌi subey magturung peggeꞌ pinapanjari lellahin neppu Tuhanin duk takite si iye kapatut Tuhanin, saguwaꞌ si dendehin takite kapatut lellahin. 8Peggeꞌ tagnaꞌ pamapanjari Tuhan manusiyaꞌin, dumaꞌin lellahin pinapanjari amban baran dendehin, saguwaꞌ dendehin pinapanjari amban baran lellahin. 9Duk dumaꞌin hangkan pinapanjari lellahin sabab dendehin, saguwaꞌ pinapanjari dendehin supaya saweꞌanne lellahin. 10Hangkan dendehin subey magturung supaya kataꞌuhan meꞌ malaꞌikatin weꞌ magbayaꞌ si iye ellanen. 11Saguwaꞌ bisan ne kuweꞌ miyaꞌan, bang kite bi meꞌ masandel pu si Isa Almasihin, gaꞌi makajari bang lellahin hadja atawa dendehin hadja, saguwaꞌ subey ne paꞌin lellahin duk dendehin magtabang-tinabang. 12Peggeꞌ bisan ne tagnaꞌley dendehin pinapanjari amban baran lellahin, saguwaꞌ kuweꞌitu lellahin inanakan du weꞌ dendehin. Duk kēmon-kēmonin amban Tuhanin du.
13Na, pikilun bi si dibi bang patut ke bang dendehin ngampun si Tuhan dem pagtipunan bu gaꞌi iye magturung. 14Kataꞌuhante bi weꞌ kemuwe tagnaꞌ makaꞌiyaꞌ-iyaꞌ bang lellahin magtahaꞌ kōk, 15saguwaꞌ bang dendehin, mannisan teꞌed bang tahaꞌ kōknen. Inurungan iye kōk tahaꞌ pagturungne. 16Bang niyaꞌ luꞌu mabayaꞌ nganjawab pasal ininen, iye inin paꞌinku si iye: iye inin addat kamihin duk meꞌ masandel si Tuhan sinduwehin bisan si lahat ingge-ingge bang kami nambahayang.
Mangan pangesseban kamatey Isa Almasihin
(Mateo 26:26-29; Markus 14:22-25; Lukas 22:14-20)
17Niyaꞌ pe seddili pangandaꞌakanku kaꞌam. Saguwaꞌ gaꞌi kaꞌam patut sanglitanku sabab inin. Peggeꞌ bang kaꞌam magtipun-tipun nambahayang, dumaꞌin makahāp kaꞌam saguwaꞌ makalaꞌat kaꞌam. 18Kaꞌissaꞌnen, bakas takaleku weꞌ bang kaꞌam magtipun dem langgal, magpaꞌil kaꞌam. Hatu toꞌo inin, kuweꞌ-kuweꞌ kahagadku inin. 19Hatu hāp isab bang kaꞌam magpaꞌil, peggeꞌ bang upama gaꞌi kaꞌam magpaꞌil, gaꞌi isab kataꞌuhan bang sine-sine makasulut Tuhanin. 20Bang kaꞌam magtipun mangan pangessebanbi kamatey Isa Almasihin, kuweꞌ dumaꞌin Almasi taꞌessebbin. 21Peggeꞌ mangan kaꞌam padehellu kinakan binoꞌobin duk gaꞌi ne kalebbihan saweꞌbin. Niyaꞌ ne kaꞌinusanan duk niyaꞌ ne isab kalango-langohan. 22Weꞌey? Gaꞌ ke niyaꞌ lumaꞌbi pamangananbi? Pagtuꞌuranbi gaꞌi ngaddatan meꞌ pagkasibi masandel si Tuhanin duk paꞌiyaꞌbi pe meꞌ saweꞌbi mamiskinin. Ine inase-asebi pinaꞌinku sabab inin? Weꞌ sanglitante pe kaꞌam? Asal gaꞌi du.
23Bakas panoloꞌku ne si kaꞌam panoloꞌ Isa Almasi si akuhin. Si Isa Almasi, sangem pamuddi si iyehin, ngeddoꞌ iye pan sasangde mamanganin, 24duk pagubus iye magpasalamat si Tuhan, kinepak-kepak weꞌ ne panin duk paꞌinne si meꞌ tindegnen, “Pan inin barankun paglillaꞌku sabab kaꞌam. Hinangun bi inin supaya ku luwal taꞌessebbi.” 25Damikkiyan isab ubus siye mangan, ineddoꞌ weꞌ ne sawanin duk paꞌinne, “Ininum inin tandaꞌ janjiꞌ Tuhan si kaꞌam mabaꞌahuhin. Kabugtuꞌan janjiꞌ Tuhanin weꞌ lahaꞌku mabuꞌusin. Kahabaꞌ kaꞌam nginum kuweꞌ inin, inumun bi supaya ku taꞌessebbi.”
26Peggeꞌ kahabaꞌ kaꞌam mangan kuweꞌ inin pan duk nginum kuweꞌ inin amban dem sawan, magaka-aka du kaꞌam sabab kamatey Almasihin samantaꞌan gaꞌ pe iye pitu balik. 27Hangkan hep sine-sine mangan pan duk nginum amban dem sawan pangessebande Isa Almasi bu gaꞌi patut hatulannen, na, aꞌa miyaꞌan kapagduse ne peggeꞌ gaꞌ addatanne baran Almasihin duk lahaꞌnen. 28Hangkan hep bang kaꞌam magtipun-tipun mangan duk nginum pangessebanbi si Isa Almasi, subey dahuꞌ tapikilbi meꞌ bakas hinanganbin dangan-dangan meke ne kaꞌam mangan duk nginum. 29Peggeꞌ bang aꞌahin mangan panin duk nginum ininumin bu gaꞌi tapikilne baran Almasihin, bang ine hātinen, matekkahan dine hukuman sabab pamangannen duk panginumnen. 30Iye inin jānnen hangkan ekka kaꞌam lamma duk saki duk sinduwehin ubus ne matey. 31Bang pikilte bi dahuꞌ diten, duk dambūs-būs ne kite, gaꞌi kite bi laboꞌan Tuhanin hukuman. 32Saguwaꞌ hinukum kite duk legga Tuhanin kuweꞌitu, supaya gaꞌi du kite hinukum pinadem narkaꞌ magsumbayaꞌ duk meꞌ manggaꞌi manuhut Tuhanin.
33Hangkan hep, meꞌ kapungtinaꞌihanku, bang kaꞌam magtipun-tipun mangan pangessebanbi kamatey Isa Almasihin, agadun bi dahuꞌ meꞌ saweꞌbin. 34Bang niyaꞌ kaꞌam inusan, subey ne iye mangan andang si lumaꞌne, manjari bang kaꞌam magtipun, gaꞌi du kaꞌam tewwaꞌ hukuman Tuhanin. Niyaꞌ pe panoloꞌku si kaꞌam saguwaꞌ ngagad ku dahuꞌ sampay tapiyu ku si kaꞌam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.