1 Korinto 12
12
Meꞌ kapandeyan pangurung Niyawa Tuhanin
1Na, meꞌ kapungtinaꞌihanku, bayaꞌ kaꞌam pahātihanku sabab meꞌ kapandeyan pangurung Niyawa Tuhan si kaꞌamin. 2Taꞌessebbi du weꞌ matuꞌuhin masa gaꞌ pe kaꞌam sandel pu si Isa Almasi, binoꞌo-boꞌo kaꞌam weꞌ seyitanin ngisbat si meꞌ tuhan-tuhan gaꞌi ellum. 3Subey kataꞌuhanbi weꞌ bang aꞌahin asal boꞌo-boꞌo Niyawa Tuhanin, gaꞌi bissā-bissāhanne Isa Almasi. Duk bang dumaꞌin weꞌ Niyawa Tuhanin, gaꞌi isab iye kapagbennal weꞌ Isa Almasi magbayaꞌ si iyehin.
4Na, gaꞌi magsaliꞌ meꞌ kapandeyan amban Tuhanin. Saguwaꞌ masi du Niyawa Tuhanin mangurungan kite meꞌ kapandeyanten bi. 5Gaꞌi magsaliꞌ meꞌ hinangten bi panabangte bi pagkasite bi masandel pu si Isa Almasihin, saguwaꞌ masi du dambuwaꞌ hadja amu paghinanganten bi, si Isa Almasi. 6Gaꞌi magsaliꞌ pangahinangte meꞌ hinangte bi si Tuhanin, saguwaꞌ masi du Tuhanin manabangan kitehin bi kēmon supaya tahinangte bi meꞌ hinangte si iyehin. 7Kite bi meꞌ masandel pu si Isa Almasihin, dangan-dangan kite bi kaꞌurungan kapandeyan, hangkan kataꞌuhan weꞌ mamoꞌo-moꞌo kitehin bi Niyawa Tuhanin. Pangurung si kite kapandeyan miyaꞌan, supaya tatabangante meꞌ pagkasite bi masandel pu si Isa Almasihin. 8Niyaꞌ meꞌ aꞌa inurungan weꞌ Niyawa Tuhanin kapandeyan magmahalayak aka-aka mahāp amban Tuhanin. Niyaꞌ isab kaꞌurungan kapandeyan magpahāti meꞌ toloꞌ Tuhan malalemin. 9Masi du Niyawa Tuhanin mangurungan siye meꞌ kapandeyan inin. Niyaꞌ urungan Niyawa Tuhanin sandel basag manamal duk niyaꞌ isab urunganne kapandeyan magpakawuliꞌ meꞌ masakihin. 10Niyaꞌ urunganne balakat maghinang meꞌ hinangan balakatan. Sinduwehin isab urunganne kapandeyan magtoloꞌ bissā Tuhanin; niyaꞌ pe isab sinduwe pinakataꞌu si siye bang kapandeyan aꞌahin amban Niyawa Tuhanin ke atawa amban seddili. Duk niyaꞌ isab urungan Niyawa Tuhanin kapandeyan duk makabissā siye meꞌ bissāhan manggaꞌi tasabut weꞌ meꞌ aꞌahin. Niyaꞌ isab inurungan kapandeyan magpahāti bang ine bakas binissā miyaꞌan. 11Saguwaꞌ dambuwaꞌ du hadja mangurung meꞌ bayuꞌ-bayuꞌan kapandeyanin duk iye inin Niyawa Tuhanin. Iye magbayaꞌin bang kapandeyan ine pangurungnen duk bang pu sine pangurungne.
Baran aꞌahin hinang dalilan
12Bisan ne gaꞌi magsaliꞌ meꞌ kapandeyanten bi, saguwaꞌ dambuwaꞌ du hadja kite bi. Kuweꞌ baranten bi. Baran aꞌahin dambuwaꞌ du hadja saguwaꞌ ekka bayuꞌ-bayuꞌan si barannen kuweꞌ tangannen, bettisnen, behenen duk meꞌ sinduwehin pe. Bisan ekka bayuꞌ-bayuꞌan inin saguwaꞌ dambuwaꞌ baran du hadja. Damikkiyan du isab kēmon meꞌ masandel pu si Isa Almasihin dalil barannen siye duk dangan-dangan siye dalil meꞌ bayuꞌ-bayuꞌan si barannen. 13Damikkiyan kēmon isab kite bi masandel pu si Isa Almasihin, Yahudi ke kite atawa dumaꞌin Yahudi, banyagaꞌ ke atawa dumaꞌin, pinandi kite bi, hātinen saliꞌ-saliꞌ kite bi kēmon pinasakup weꞌ Niyawa Tuhanin si baran inin. Hangkan kuweꞌ dambuwaꞌ baran du hadja kite bi peggeꞌ saliꞌ-saliꞌ kite bi paꞌasekan weꞌ Niyawa Tuhanin.
14Dambuwaꞌ hadja baran aꞌahin saguwaꞌ ekka bayuꞌ-bayuꞌan si baran miyaꞌan. 15Bang upama, paꞌin bettisin, “Dumaꞌin ku sukuꞌ si baran inin peggeꞌ dumaꞌin ku tanganin,” bisan pe iye missā sa miyaꞌan, masi du iye sukuꞌ si baran miyaꞌan. 16Duk bang upama paꞌin tayingehin, “Dumaꞌin ku sukuꞌ si baran inin peggeꞌ dumaꞌin ku matahin,” masi du iye sukuꞌ si baran miyaꞌan. 17Bang tibuꞌukan baran aꞌahin mata lunglun, inumey pakakalenen? Duk bang tayinge lunglun, inumey pangūknen? 18Saguwaꞌ pamapanjari Tuhan baran manusiyaꞌin, ekka bayuꞌ-bayuꞌan pinapī weꞌ ne si baran miyaꞌan sasuku kinabayaꞌannen. 19Dumaꞌin ne baran manusiyaꞌ bang mata lunglun atawa bang tayinge lunglun. 20Bu barante bi inin, ekka bayuꞌ-bayuꞌanne, saguwaꞌ dambuwaꞌ baran du.
21Hangkan gaꞌi makajari paꞌin matahin si tanganin, “Gaꞌ niyaꞌ kagunahanku si kaꞌu.” Damikkiyan gaꞌi makajari paꞌin kōkin si bettisin, “Gaꞌ niyaꞌ kagunahanku si kaꞌu.” 22Saguwaꞌ iye matoꞌohin, meꞌ tapikilte kuweꞌ manggaꞌ niyaꞌ tantu kagunahannen, niyaꞌ isab kagunahanne, peggeꞌ gaꞌi jukup baranin bang gaꞌ siye laꞌi. 23Meꞌ bayuꞌan si barante kinimmatante manggaꞌ niyaꞌ tantu kagunahannen, miyaꞌan hinatulte pinahāp-hāpin. Meꞌ bayuꞌan manggaꞌi hāp takitehin, semmekante pahāp-hāp duk gaꞌi takite. 24Bu meꞌ bayuꞌan mahāp pinayamanin gaꞌi du subey pinahāpan. Pangahinang Tuhan baranten, pagtuꞌuranne weꞌ meꞌ bayuꞌan manggaꞌ tantu kagunahannen hinatul pahāp-hāp, 25supaya gaꞌi magsaggaꞌ meꞌ bayuꞌ-bayuꞌan si baranin, saguwaꞌ kēmon magtabang-tinabang. 26Bang upama niyaꞌ da bayuꞌ si barante peddiꞌan, gaꞌi hāp lessa tibuꞌukan baranten. Damikkiyan bang upama niyaꞌ da bayuꞌ sinanglitan, kēgan isab tibuꞌukan baranin.
27Iye inin hāti meꞌ bakas pinaꞌinku miyaꞌan: kaꞌam meꞌ masandel pu si Isa Almasihin dalil baran Isa Almasihin, duk dangan-dangan kaꞌam meꞌ bayuꞌan si barannen. 28Magseddili-seddili hinang pinangurung Tuhan si kite bi meꞌ masakup si baran si Isa Almasihin. Kaꞌissaꞌnen, niyaꞌ kawakilan weꞌ ne dinaꞌak magmahalayak aka-aka mahāp sabab Isa Almasihin. Kaduwenen, niyaꞌ inurungan weꞌ ne kapandeyan magpalataꞌ duk magpahāti bissā Tuhanin. Katellunen, pinasukuhan weꞌ ne meꞌ sinduwehin hinang, dinaꞌak magusihat. Meꞌ sinduwehin isab, niyaꞌ inurungan weꞌ ne kapandeyan maghinang meꞌ hinangan balakatan, niyaꞌ inurungan weꞌ ne balakat magpakoleꞌ meꞌ masakihin, duk niyaꞌ isab inurungan weꞌ ne kapandeyan nabangan meꞌ saweꞌnen, niyaꞌ inurungan weꞌ ne kapandeyan magbahiꞌ si pagtipunan duk niyaꞌ pe isab inurungan weꞌ ne kapandeyan missā si bissāhan manggaꞌi tasabut weꞌ meꞌ aꞌahin. 29Dumaꞌin kēmon tapeneꞌ dinaꞌak magmahalayak. Dumaꞌin kēmon taꞌu magpalataꞌ duk magpahāti bissā Tuhanin. Dumaꞌin kēmon taꞌu magusihat. Dumaꞌin kēmon kaꞌurungan balakat maghinang meꞌ hinangan balakatan, 30atawa magpakoleꞌ meꞌ masakihin atawa missā si bissāhan manggaꞌi tasabut weꞌ meꞌ aꞌahin atawa magpahāti meꞌ bakas binissā si bissāhan miyaꞌan. 31Amban meꞌ kapandeyan pangurung Niyawa Tuhanin subey pāku-pākute si Tuhan weꞌ urunganne kite kapandeyan makatabangan meꞌ pagkasiten bi.
Saguwaꞌ niyaꞌ pe teꞌed palabi amban kēmon kapandeyanin, hātinen lasate si saweꞌten.
Currently Selected:
1 Korinto 12: yakV
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
1 Korinto 12
12
Meꞌ kapandeyan pangurung Niyawa Tuhanin
1Na, meꞌ kapungtinaꞌihanku, bayaꞌ kaꞌam pahātihanku sabab meꞌ kapandeyan pangurung Niyawa Tuhan si kaꞌamin. 2Taꞌessebbi du weꞌ matuꞌuhin masa gaꞌ pe kaꞌam sandel pu si Isa Almasi, binoꞌo-boꞌo kaꞌam weꞌ seyitanin ngisbat si meꞌ tuhan-tuhan gaꞌi ellum. 3Subey kataꞌuhanbi weꞌ bang aꞌahin asal boꞌo-boꞌo Niyawa Tuhanin, gaꞌi bissā-bissāhanne Isa Almasi. Duk bang dumaꞌin weꞌ Niyawa Tuhanin, gaꞌi isab iye kapagbennal weꞌ Isa Almasi magbayaꞌ si iyehin.
4Na, gaꞌi magsaliꞌ meꞌ kapandeyan amban Tuhanin. Saguwaꞌ masi du Niyawa Tuhanin mangurungan kite meꞌ kapandeyanten bi. 5Gaꞌi magsaliꞌ meꞌ hinangten bi panabangte bi pagkasite bi masandel pu si Isa Almasihin, saguwaꞌ masi du dambuwaꞌ hadja amu paghinanganten bi, si Isa Almasi. 6Gaꞌi magsaliꞌ pangahinangte meꞌ hinangte bi si Tuhanin, saguwaꞌ masi du Tuhanin manabangan kitehin bi kēmon supaya tahinangte bi meꞌ hinangte si iyehin. 7Kite bi meꞌ masandel pu si Isa Almasihin, dangan-dangan kite bi kaꞌurungan kapandeyan, hangkan kataꞌuhan weꞌ mamoꞌo-moꞌo kitehin bi Niyawa Tuhanin. Pangurung si kite kapandeyan miyaꞌan, supaya tatabangante meꞌ pagkasite bi masandel pu si Isa Almasihin. 8Niyaꞌ meꞌ aꞌa inurungan weꞌ Niyawa Tuhanin kapandeyan magmahalayak aka-aka mahāp amban Tuhanin. Niyaꞌ isab kaꞌurungan kapandeyan magpahāti meꞌ toloꞌ Tuhan malalemin. 9Masi du Niyawa Tuhanin mangurungan siye meꞌ kapandeyan inin. Niyaꞌ urungan Niyawa Tuhanin sandel basag manamal duk niyaꞌ isab urunganne kapandeyan magpakawuliꞌ meꞌ masakihin. 10Niyaꞌ urunganne balakat maghinang meꞌ hinangan balakatan. Sinduwehin isab urunganne kapandeyan magtoloꞌ bissā Tuhanin; niyaꞌ pe isab sinduwe pinakataꞌu si siye bang kapandeyan aꞌahin amban Niyawa Tuhanin ke atawa amban seddili. Duk niyaꞌ isab urungan Niyawa Tuhanin kapandeyan duk makabissā siye meꞌ bissāhan manggaꞌi tasabut weꞌ meꞌ aꞌahin. Niyaꞌ isab inurungan kapandeyan magpahāti bang ine bakas binissā miyaꞌan. 11Saguwaꞌ dambuwaꞌ du hadja mangurung meꞌ bayuꞌ-bayuꞌan kapandeyanin duk iye inin Niyawa Tuhanin. Iye magbayaꞌin bang kapandeyan ine pangurungnen duk bang pu sine pangurungne.
Baran aꞌahin hinang dalilan
12Bisan ne gaꞌi magsaliꞌ meꞌ kapandeyanten bi, saguwaꞌ dambuwaꞌ du hadja kite bi. Kuweꞌ baranten bi. Baran aꞌahin dambuwaꞌ du hadja saguwaꞌ ekka bayuꞌ-bayuꞌan si barannen kuweꞌ tangannen, bettisnen, behenen duk meꞌ sinduwehin pe. Bisan ekka bayuꞌ-bayuꞌan inin saguwaꞌ dambuwaꞌ baran du hadja. Damikkiyan du isab kēmon meꞌ masandel pu si Isa Almasihin dalil barannen siye duk dangan-dangan siye dalil meꞌ bayuꞌ-bayuꞌan si barannen. 13Damikkiyan kēmon isab kite bi masandel pu si Isa Almasihin, Yahudi ke kite atawa dumaꞌin Yahudi, banyagaꞌ ke atawa dumaꞌin, pinandi kite bi, hātinen saliꞌ-saliꞌ kite bi kēmon pinasakup weꞌ Niyawa Tuhanin si baran inin. Hangkan kuweꞌ dambuwaꞌ baran du hadja kite bi peggeꞌ saliꞌ-saliꞌ kite bi paꞌasekan weꞌ Niyawa Tuhanin.
14Dambuwaꞌ hadja baran aꞌahin saguwaꞌ ekka bayuꞌ-bayuꞌan si baran miyaꞌan. 15Bang upama, paꞌin bettisin, “Dumaꞌin ku sukuꞌ si baran inin peggeꞌ dumaꞌin ku tanganin,” bisan pe iye missā sa miyaꞌan, masi du iye sukuꞌ si baran miyaꞌan. 16Duk bang upama paꞌin tayingehin, “Dumaꞌin ku sukuꞌ si baran inin peggeꞌ dumaꞌin ku matahin,” masi du iye sukuꞌ si baran miyaꞌan. 17Bang tibuꞌukan baran aꞌahin mata lunglun, inumey pakakalenen? Duk bang tayinge lunglun, inumey pangūknen? 18Saguwaꞌ pamapanjari Tuhan baran manusiyaꞌin, ekka bayuꞌ-bayuꞌan pinapī weꞌ ne si baran miyaꞌan sasuku kinabayaꞌannen. 19Dumaꞌin ne baran manusiyaꞌ bang mata lunglun atawa bang tayinge lunglun. 20Bu barante bi inin, ekka bayuꞌ-bayuꞌanne, saguwaꞌ dambuwaꞌ baran du.
21Hangkan gaꞌi makajari paꞌin matahin si tanganin, “Gaꞌ niyaꞌ kagunahanku si kaꞌu.” Damikkiyan gaꞌi makajari paꞌin kōkin si bettisin, “Gaꞌ niyaꞌ kagunahanku si kaꞌu.” 22Saguwaꞌ iye matoꞌohin, meꞌ tapikilte kuweꞌ manggaꞌ niyaꞌ tantu kagunahannen, niyaꞌ isab kagunahanne, peggeꞌ gaꞌi jukup baranin bang gaꞌ siye laꞌi. 23Meꞌ bayuꞌan si barante kinimmatante manggaꞌ niyaꞌ tantu kagunahannen, miyaꞌan hinatulte pinahāp-hāpin. Meꞌ bayuꞌan manggaꞌi hāp takitehin, semmekante pahāp-hāp duk gaꞌi takite. 24Bu meꞌ bayuꞌan mahāp pinayamanin gaꞌi du subey pinahāpan. Pangahinang Tuhan baranten, pagtuꞌuranne weꞌ meꞌ bayuꞌan manggaꞌ tantu kagunahannen hinatul pahāp-hāp, 25supaya gaꞌi magsaggaꞌ meꞌ bayuꞌ-bayuꞌan si baranin, saguwaꞌ kēmon magtabang-tinabang. 26Bang upama niyaꞌ da bayuꞌ si barante peddiꞌan, gaꞌi hāp lessa tibuꞌukan baranten. Damikkiyan bang upama niyaꞌ da bayuꞌ sinanglitan, kēgan isab tibuꞌukan baranin.
27Iye inin hāti meꞌ bakas pinaꞌinku miyaꞌan: kaꞌam meꞌ masandel pu si Isa Almasihin dalil baran Isa Almasihin, duk dangan-dangan kaꞌam meꞌ bayuꞌan si barannen. 28Magseddili-seddili hinang pinangurung Tuhan si kite bi meꞌ masakup si baran si Isa Almasihin. Kaꞌissaꞌnen, niyaꞌ kawakilan weꞌ ne dinaꞌak magmahalayak aka-aka mahāp sabab Isa Almasihin. Kaduwenen, niyaꞌ inurungan weꞌ ne kapandeyan magpalataꞌ duk magpahāti bissā Tuhanin. Katellunen, pinasukuhan weꞌ ne meꞌ sinduwehin hinang, dinaꞌak magusihat. Meꞌ sinduwehin isab, niyaꞌ inurungan weꞌ ne kapandeyan maghinang meꞌ hinangan balakatan, niyaꞌ inurungan weꞌ ne balakat magpakoleꞌ meꞌ masakihin, duk niyaꞌ isab inurungan weꞌ ne kapandeyan nabangan meꞌ saweꞌnen, niyaꞌ inurungan weꞌ ne kapandeyan magbahiꞌ si pagtipunan duk niyaꞌ pe isab inurungan weꞌ ne kapandeyan missā si bissāhan manggaꞌi tasabut weꞌ meꞌ aꞌahin. 29Dumaꞌin kēmon tapeneꞌ dinaꞌak magmahalayak. Dumaꞌin kēmon taꞌu magpalataꞌ duk magpahāti bissā Tuhanin. Dumaꞌin kēmon taꞌu magusihat. Dumaꞌin kēmon kaꞌurungan balakat maghinang meꞌ hinangan balakatan, 30atawa magpakoleꞌ meꞌ masakihin atawa missā si bissāhan manggaꞌi tasabut weꞌ meꞌ aꞌahin atawa magpahāti meꞌ bakas binissā si bissāhan miyaꞌan. 31Amban meꞌ kapandeyan pangurung Niyawa Tuhanin subey pāku-pākute si Tuhan weꞌ urunganne kite kapandeyan makatabangan meꞌ pagkasiten bi.
Saguwaꞌ niyaꞌ pe teꞌed palabi amban kēmon kapandeyanin, hātinen lasate si saweꞌten.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.