Malasi Sɛʋɛi lɔɔzeizuʋɛ ma woo mɔungiti
Sɛʋɛi lɔɔzeizuʋɛ ma woo mɔungiti
Malasi ná-GALA gooiti ka ti sɛʋɛi nii zu. Eɓulu wooi zu Malasi laaseigi ʋoluʋɛ ɠa ga «nà-keelai». Naa maaʋele ma, faaɠwɛ nu wolai tanigaa ti ɠɛ Malasi ɠa ga woo ungi ta, kɛlɛ nu laasei taade. GALA goo wo nui laasei pɛɛʋɛ «nà-keelai» (2:7). GALA gooiti ti sɛʋɛi nii zu, ti leʋega ɠɛni de Izilayɛle nuɓusɛiti ma, siɛgi zu ti ɠaleni la ma, ti ɠula duɔlai zu Ɓaɓilɔne, ta ti ɓegai ma ga GALA sei ʋɛlɛi lo.
Malasi ná-GALA gooiti su, goomaaɠaali mɔinmɔin ná GALA ta Izilayɛle nuɓusɛiti zɔɠɔzu. Naa ta ɠa ga GALA ge dɛɛʋɛ ga Izilayɛle nuiti ta ga wooʋalada nuiti, siɛgi zu ti togani ɠaɲaiti kulazu la ga zalaɠai (1:8), ta ti ɗa anzanuiti fulu, niiti ti nɔkɔsu kɔɔɠɔ ganigiti bu (2:11). Kɛlɛ Izilayɛle nui mɔtai tanigaa ti ti-ziɛ ʋeleiti maavaliboni. GALA gooi Malasi boni, naa ɠa bosu ga GALA ná-tukpɔɠaaleʋe voloi ɠa ʋaazu. Naama voloi telebo nuiti ta undaanɛɛi zɔlɔɔ, kɛlɛ nu ɲɔiti ta ɠala.
Unsosuʋɛ
1. Malasi ná-GALA gooi ma woo lɔɔzei mɔungiti bogɛ (1:1).
2. Goomaaɠaaliiti ti GALA ta Izilayɛle nuɓusɛiti zɔɠɔzu (1:2—3:18).
3. Maliɠii ná-tukpɔɠaaleʋe voloi ʋaa vai (3:19-24).
Currently Selected:
Malasi Sɛʋɛi lɔɔzeizuʋɛ ma woo mɔungiti: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.