Azé Sɛʋɛi lɔɔzeizuʋɛ ma woo mɔungiti
Sɛʋɛi lɔɔzeizuʋɛ ma woo mɔungiti
Keela woo naanigɔ ɠa é sɛʋɛi nii zu, nii GALA ge boni GALA goo wo nui Azé ma. Yeeɠɛɠalai niiti Azé ti ɠilagilagi zɔlɔɔni ma, é naati bogɛ (1:1; 2:1, 10, 20). Keela wooiti feeʋɛ zea alu naanigɔ laawu, kona undɔɔlugɔ puufelegɔ (520) ma, aisa Yesu Kilista ʋa zɔlɔɔ. Naama ziɛgi zu Pɛɛlese masadai pilɛ sɔlɔɔni Ɓaɓilɔne masadai ma, tama Pɛɛlese nuiti ti vaani bu ga Zuifuiti ti ɠale ma Zeluzalɛme.
Azé ná-keela wooi ɠɛni zelii losu Zuifuiti ma, ga ti ɠaaɓaaʋɛ ti-ɓɔɠɔ ʋɛlɛiti to fai nɔ ma, ti ʋoluave GALA sei ʋɛlɛi lo fai ʋa, Maliɠii ná-pɛlɛi (1:4). GALA ge ɠɛ naa ɠa é kɛai ti la tuya zɔlɔɔni, ta ta-molo leʋeiti, ta-wulu waaiti kula vai, naa ʋɛɛ lɔɔ ɓɛtɛ vaiti, gola maalɔiɗai. Naama vaiti poluma Izilayɛle nuɓusɛiti ti ɠoloni Maliɠii ʋɛ, ti GALA sei ʋɛlɛi lo fai ɠaaɓela. GALA ge minazeɠeni ga GALA sei ʋɛlɛ niinɛi ná-lɛbiyai ɠa wɔɔlɔzu ma mɔungi nɔnɔi ʋa (2:9). É minazeɠeni ɓalaa ga toɠa tuya loozu ti ʋɛ.
Unsosuʋɛ
1. Azé ná-keela woo mɔungi, naa ʋɛɛ nuɓusɛiti ta-wooɠaaʋotegi ʋa (1:1-15).
2. Azé ná-keela wooi velesiɛi (2:1-9).
3. Azé ná-keela wooi zaʋasiɛi (2:10-19).
4. Azé ná-keela wooi naanisiɛi (2:20-23).
Currently Selected:
Azé Sɛʋɛi lɔɔzeizuʋɛ ma woo mɔungiti: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.