Ezekiyɛle 41
41
1Zunui liini ga ze naazu GALA sei ʋɛlɛi ma ʋɛlɛ wolai wu, é kpɛdɛgiti kɔɠɔni ná, gaaɠilini ga zeezakpa lɔzita, kakamaʋɛ ɠilagilagi pɛ. 2Nu lɛɛzuʋɛ ɠɛni ga zeezakpa puugɔ, nu lɛɛzuʋɛ ma ziɠigiti gaaɠilini ga zeezakpa lɔɔlugɔ. Pɛlɛwuʋɛ ɓɔɠɔi zakpai ɠɛni ga zeezakpa ʋuunaanigɔ (40), kogi ɠɛ ga zeezakpa ʋuufelegɔ (20). 3É lɛɛni pɛlɛ ɠoozuʋɛ, é pɛlɛlaʋɛ ma ɓɛdɛgiti kɔɠɔni, ti ɠɛni ga zeezakpa felegɔ, pɛlɛlaʋɛ ɠogi ɠɛni ga zeezakpa lɔzita, nu lɛɛzuʋɛ ɠogi ɠɛni ga zeezakpa lɔfela. 4É pɛlɛwuʋɛ ɓɔɠɔi ɠɔɠɔni, sakpai ɠɛ ga zeezakpa ʋuufelegɔ, kogi zeezakpa ʋuufelegɔ. É ɠɛni mà, ʋɛ ɠa ná ga: «Ada ɲadega wolai.»
5Zunui GALA sei ʋɛlɛi ma ziɠigi ɠaaʋɛ ɠɔɠɔni, gaaɠilini ga zeezakpa lɔzita. Ti pɛlɛ goiti toni gaaʋɛ, é ɠaku ma, ti ga zeezakpa naanigɔ ti ɠilagilagi. 6Sangaso saʋagɔ ɠɛni ná, ti ɠilagilagi su ga puuzaʋasaʋa (30), ti ʋoluzeiɗai siɠigi ʋa, GALA sei ʋɛlɛi maaɠoolii zu, nii a kɛ ti mina zei GALA sei ʋɛlɛi ma ziɠigi ɓɔɠɔi ʋa. 7Nu lɛɛ laa ɠilagila è zeɠe zɔɔma zangasoi zu, è lati è lɛ zɔi zu, pɛlɛ goiti ti gaawɔɔlɔni ga maazu ʋelei, é ɠaku GALA sei ʋɛlɛi ma. Pelei zuwɔɔlɔni ga maazu ʋelei. Nu ɠɛni lɛɛzu sangasoi ɠa, è zeɠe buu ʋelei, è leʋe zaamazuʋɛ, è lɛ maazuʋɛ.
8Gè pɛtɛni ɓalaa ga GALA sei ʋɛlɛi maaɠoolii zu, dooɠo bosuʋɛ wuzeɠeni ná pɛlɛ goiti buuʋɛ niiti ti-zakpai ɠɛni ga zeezakpa lɔzita lɔzita. 9Pɛlɛ goiti poluʋɛ siɠigi ɠa, miná ɠaaɠilini ga zeezakpa lɔɔlugɔ. Pelei é yɛni suɠalagai é lo GALA sei ʋɛlɛi ʋa, 10ti yɔɠɔzu ta zɔɔma ʋɛlɛiti é ɠɛni ga zeezakpa ʋuufelegɔ (20), é ɠaku GALA sei ʋɛlɛi ma. 11Pɛlɛ goiti daaʋɛ ɠɛni ga felefele, ti zɔɠɔ nu ziɛzuʋɛ ma, gilagi ɠɛni nu ɠɔʋɛzuʋɛ, gilagi ɠɛ nu yeezazuʋɛ. Nu ziɛzuʋɛ ɠɛni ga zeezakpa lɔɔlugɔ, é ɠaku ma ná pɛ. 12Pɛlɛi ta ɠɛni loni folo liizu ʋelei, gaaʋotegai koizuʋɛ ma, sakpai ɠɛni ga zeezakpa ʋuutaaʋuugɔ (90), kogi ɠɛ ga zeezakpa ʋuulɔfela (70). Pɛlɛi ɓɔɠɔi ɠaaɠilini ga zeezakpa lɔɔlugɔ.
13Zunui GALA sei ʋɛlɛi ɠɔɠɔni, é ɠɛni ga zeezakpa ungila (100). Koi, ta pɛlɛi, ta siɠigiti, ti zakpai ɠɛni ga zeezakpa ungila (100). 14Pɛlɛi ɠaaʋotesu ʋelei, ta koizuʋɛ é lo folo ɠulazu ʋelei ʋa, miná ɠogi ɠɛni ga zeezakpa ungila (100). 15Zunui pɛlɛi zakpai ɠɔɠɔni, koizuʋɛ ɠobaʋɛ é ʋoluzuʋɛ, ta nu ziɛzuʋɛti ti naa yɔɠɔzuʋɛti, é ɠɛni ga zeezakpa ungila (100).
Pɛlɛ wolai é koozuʋɛ, ta tɛɛ wosuʋɛti, 16ta pɛlɛlaʋɛti, ta fenɛtɛlɛiti ti ga giliyazegiti, ta dooɠo bosuʋɛti é ɠaku ma, sangaso saʋagɔi pɛ su, gului ʋɛɛni ti pɛ maaʋɛ, é zo zooi ma, é lɛ, é zei fenɛtɛlɛiti ba. Gulu zɛʋɛi ɠɛni laani fenɛtɛlɛiti maaʋɛ. 17GALA sei ʋɛlɛi maaʋɛ, ta koozuʋɛ, é zo kpogi ma nu lɛɛzuʋɛ, é zeeli pɛlɛ ɠoozuʋɛ, 18ti ná pɛ maaʋɛlupɛluni ga dɔɔ wuluiti ta seeluɓɛinti maaniinigiti, ti zɔɠɔzu ɠɛ ti ʋa. Seeluɓɛn ɠilagilagi ɠaazuʋɛ ɠɛni ba fele, 19nuɓusɛ ɠaazuʋɛ, naa ɠaaʋoteni dɔɔ wului ma, zala ɠaazuʋɛ, naa ɠaaʋoteni zɔɔla ʋelei zɔɔma lɔɔ wului ma. Zenɔ ɠana é ɠɛɛni la, é ɠaku GALA sei ʋɛlɛi ma. 20É zo zooi ma, é lɛ kpogi maazuʋɛ, seeluɓɛinti ta dɔɔ wuluiti maaniinigiti ka ti ɠɛni GALA sei ʋɛlɛi maaʋɛ.
21GALA sei ʋɛlɛi laaʋɛti ma laamasagiti ti ɠɛni ga seki naanigiti. Ada ɲadegai ɠakalaʋɛ, nu ɠɛni anii ta ɠaazu ná, kulaai ga 22zalaɠa ɠulazuʋɛ é ga gului, gaaɠoozaai ga zeezakpa saʋagɔ, kogi ga zeezakpa felegɔ. Goizuʋɛti ta kɔɠɔi ta koozuʋɛti, ti ɠɛni ga gului. Zunui ɠɛni ma: «Taɓalii ɠa é Ɠɔoɠɔ GALAGI ɠakalaʋɛ.»
23Pɛlɛ wolai ta ada ɲadega wolai, kpo felefelegi ɠa é ɠɛni naati da. 24Pɛlɛlaʋɛ naati pɛ, kpogi ɠɛni ti la ga felegɔ, ti ɗa ziɛ su. 25Ti seeluɓɛinti ta dɔɔ wuluiti maaniinigi zaɠani ga yeei GALA sei ʋɛlɛi ma ɓogiti ma, eɠɛʋelei nɔ ti kɛɛni la pɛlɛi ɠoozuʋɛ. Poluʋelei, kavagi ɠɛni ná ga gului, gaaʋotegai tɛɛ wosuʋɛ ma. 26Giliyaze venɛtɛlɛiti kakamaʋɛti, ta tɛɛ wosuʋɛ, dɔɔ wului maaniinigi ɠɛni ti ma ná pɛ, ta pɛlɛ wolai ma, ta kavagiti maaʋɛ.
Currently Selected:
Ezekiyɛle 41: GDZ
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Ezekiyɛle 41
41
1Zunui liini ga ze naazu GALA sei ʋɛlɛi ma ʋɛlɛ wolai wu, é kpɛdɛgiti kɔɠɔni ná, gaaɠilini ga zeezakpa lɔzita, kakamaʋɛ ɠilagilagi pɛ. 2Nu lɛɛzuʋɛ ɠɛni ga zeezakpa puugɔ, nu lɛɛzuʋɛ ma ziɠigiti gaaɠilini ga zeezakpa lɔɔlugɔ. Pɛlɛwuʋɛ ɓɔɠɔi zakpai ɠɛni ga zeezakpa ʋuunaanigɔ (40), kogi ɠɛ ga zeezakpa ʋuufelegɔ (20). 3É lɛɛni pɛlɛ ɠoozuʋɛ, é pɛlɛlaʋɛ ma ɓɛdɛgiti kɔɠɔni, ti ɠɛni ga zeezakpa felegɔ, pɛlɛlaʋɛ ɠogi ɠɛni ga zeezakpa lɔzita, nu lɛɛzuʋɛ ɠogi ɠɛni ga zeezakpa lɔfela. 4É pɛlɛwuʋɛ ɓɔɠɔi ɠɔɠɔni, sakpai ɠɛ ga zeezakpa ʋuufelegɔ, kogi zeezakpa ʋuufelegɔ. É ɠɛni mà, ʋɛ ɠa ná ga: «Ada ɲadega wolai.»
5Zunui GALA sei ʋɛlɛi ma ziɠigi ɠaaʋɛ ɠɔɠɔni, gaaɠilini ga zeezakpa lɔzita. Ti pɛlɛ goiti toni gaaʋɛ, é ɠaku ma, ti ga zeezakpa naanigɔ ti ɠilagilagi. 6Sangaso saʋagɔ ɠɛni ná, ti ɠilagilagi su ga puuzaʋasaʋa (30), ti ʋoluzeiɗai siɠigi ʋa, GALA sei ʋɛlɛi maaɠoolii zu, nii a kɛ ti mina zei GALA sei ʋɛlɛi ma ziɠigi ɓɔɠɔi ʋa. 7Nu lɛɛ laa ɠilagila è zeɠe zɔɔma zangasoi zu, è lati è lɛ zɔi zu, pɛlɛ goiti ti gaawɔɔlɔni ga maazu ʋelei, é ɠaku GALA sei ʋɛlɛi ma. Pelei zuwɔɔlɔni ga maazu ʋelei. Nu ɠɛni lɛɛzu sangasoi ɠa, è zeɠe buu ʋelei, è leʋe zaamazuʋɛ, è lɛ maazuʋɛ.
8Gè pɛtɛni ɓalaa ga GALA sei ʋɛlɛi maaɠoolii zu, dooɠo bosuʋɛ wuzeɠeni ná pɛlɛ goiti buuʋɛ niiti ti-zakpai ɠɛni ga zeezakpa lɔzita lɔzita. 9Pɛlɛ goiti poluʋɛ siɠigi ɠa, miná ɠaaɠilini ga zeezakpa lɔɔlugɔ. Pelei é yɛni suɠalagai é lo GALA sei ʋɛlɛi ʋa, 10ti yɔɠɔzu ta zɔɔma ʋɛlɛiti é ɠɛni ga zeezakpa ʋuufelegɔ (20), é ɠaku GALA sei ʋɛlɛi ma. 11Pɛlɛ goiti daaʋɛ ɠɛni ga felefele, ti zɔɠɔ nu ziɛzuʋɛ ma, gilagi ɠɛni nu ɠɔʋɛzuʋɛ, gilagi ɠɛ nu yeezazuʋɛ. Nu ziɛzuʋɛ ɠɛni ga zeezakpa lɔɔlugɔ, é ɠaku ma ná pɛ. 12Pɛlɛi ta ɠɛni loni folo liizu ʋelei, gaaʋotegai koizuʋɛ ma, sakpai ɠɛni ga zeezakpa ʋuutaaʋuugɔ (90), kogi ɠɛ ga zeezakpa ʋuulɔfela (70). Pɛlɛi ɓɔɠɔi ɠaaɠilini ga zeezakpa lɔɔlugɔ.
13Zunui GALA sei ʋɛlɛi ɠɔɠɔni, é ɠɛni ga zeezakpa ungila (100). Koi, ta pɛlɛi, ta siɠigiti, ti zakpai ɠɛni ga zeezakpa ungila (100). 14Pɛlɛi ɠaaʋotesu ʋelei, ta koizuʋɛ é lo folo ɠulazu ʋelei ʋa, miná ɠogi ɠɛni ga zeezakpa ungila (100). 15Zunui pɛlɛi zakpai ɠɔɠɔni, koizuʋɛ ɠobaʋɛ é ʋoluzuʋɛ, ta nu ziɛzuʋɛti ti naa yɔɠɔzuʋɛti, é ɠɛni ga zeezakpa ungila (100).
Pɛlɛ wolai é koozuʋɛ, ta tɛɛ wosuʋɛti, 16ta pɛlɛlaʋɛti, ta fenɛtɛlɛiti ti ga giliyazegiti, ta dooɠo bosuʋɛti é ɠaku ma, sangaso saʋagɔi pɛ su, gului ʋɛɛni ti pɛ maaʋɛ, é zo zooi ma, é lɛ, é zei fenɛtɛlɛiti ba. Gulu zɛʋɛi ɠɛni laani fenɛtɛlɛiti maaʋɛ. 17GALA sei ʋɛlɛi maaʋɛ, ta koozuʋɛ, é zo kpogi ma nu lɛɛzuʋɛ, é zeeli pɛlɛ ɠoozuʋɛ, 18ti ná pɛ maaʋɛlupɛluni ga dɔɔ wuluiti ta seeluɓɛinti maaniinigiti, ti zɔɠɔzu ɠɛ ti ʋa. Seeluɓɛn ɠilagilagi ɠaazuʋɛ ɠɛni ba fele, 19nuɓusɛ ɠaazuʋɛ, naa ɠaaʋoteni dɔɔ wului ma, zala ɠaazuʋɛ, naa ɠaaʋoteni zɔɔla ʋelei zɔɔma lɔɔ wului ma. Zenɔ ɠana é ɠɛɛni la, é ɠaku GALA sei ʋɛlɛi ma. 20É zo zooi ma, é lɛ kpogi maazuʋɛ, seeluɓɛinti ta dɔɔ wuluiti maaniinigiti ka ti ɠɛni GALA sei ʋɛlɛi maaʋɛ.
21GALA sei ʋɛlɛi laaʋɛti ma laamasagiti ti ɠɛni ga seki naanigiti. Ada ɲadegai ɠakalaʋɛ, nu ɠɛni anii ta ɠaazu ná, kulaai ga 22zalaɠa ɠulazuʋɛ é ga gului, gaaɠoozaai ga zeezakpa saʋagɔ, kogi ga zeezakpa felegɔ. Goizuʋɛti ta kɔɠɔi ta koozuʋɛti, ti ɠɛni ga gului. Zunui ɠɛni ma: «Taɓalii ɠa é Ɠɔoɠɔ GALAGI ɠakalaʋɛ.»
23Pɛlɛ wolai ta ada ɲadega wolai, kpo felefelegi ɠa é ɠɛni naati da. 24Pɛlɛlaʋɛ naati pɛ, kpogi ɠɛni ti la ga felegɔ, ti ɗa ziɛ su. 25Ti seeluɓɛinti ta dɔɔ wuluiti maaniinigi zaɠani ga yeei GALA sei ʋɛlɛi ma ɓogiti ma, eɠɛʋelei nɔ ti kɛɛni la pɛlɛi ɠoozuʋɛ. Poluʋelei, kavagi ɠɛni ná ga gului, gaaʋotegai tɛɛ wosuʋɛ ma. 26Giliyaze venɛtɛlɛiti kakamaʋɛti, ta tɛɛ wosuʋɛ, dɔɔ wului maaniinigi ɠɛni ti ma ná pɛ, ta pɛlɛ wolai ma, ta kavagiti maaʋɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.