Ezekiyɛle 19

Maawɔin wuyei

1«Ɗa ʋe, maawɔin wuyei loo Izilayɛle ɠundiɠiiti ma. 2Ɗa ɠɛ ti ma:

‹Wo-lee ɠɛni ga zala zaai.

É ʋɛɛni sakpamaalegai zala zinɛiti saama,

zala yiʋoiti saama é ná-ziʋoiti kulazu su ná.

3É ná-ziʋoi taɠila maaɠoloni,

naa ɠɛni ga zala ɓokpagi.

É zooni daamianigi zosu,

é ɗa nuiti suʋaliʋali.

4Zii ɠiligiti ti maawooi mɛnini.

Ti soni ga ta-ʋalii,

ti kalagi lɔ sokpayeɠei zu.

Ti liini la Ezipete yooi zu.

5Siɛgi zu zala zaai kaani la ga

ná-maaɓɔungi zuɠooza wafuun,

kitosuʋɛ ɠoloɠologa.

É ná-ziʋoi taɠili seɠeni,

é kpɛtɛ ga zala ɓokpagi.

6É ɠɛni leʋeteʋesu zalaiti saama,

é ɠɛni ga zala ɓokpagi.

É zooni daamianigi zosu,

é ɗa nuiti suʋaliʋali.

7É ta-masa pɛlɛi woloni,

é ta-laa wolai ɠoloɠolo.

Zooi ta gaa nuɓusɛiti ti luani

sikɔ lugi ʋa ti mɛnini.

8Zii ɠiligiti ti maaɠoolii zu,

ti wuzeɠeni daalɔɠɔma.

Ti maaɠoolini ga ta-lumɔiti,

ti soni ga ta-ʋaliiti.

9Ti kalagi ʋilini sokpa zu,

ti pili sasa goi zu kɛai eɠɛ sekagi.

Ti liini la Ɓaɓilɔne masagi ʋɔ.

Ti pilini kasoi ɠa, nu a ʋa goomɛni,

é ɗa zikɔ Izilayɛle ɠizeiti ma.› »

Dɔɔɓɔi gului ta ma ɓekegiti

10« ‹Wo-lee ɠɛni eɠɛ leezɛn ansaɠɔgi siingai ziɛlaʋɛ.

Ma waaiti ti ɠɛni ga ta gaalaagiti,

ziɛi zaɓu zu é ɠɛni sɔlɔɔsu.

11Ma ɓekegiti ti ɠɛ ba, ti maayikiai,

naati ti ɠɛɛni ga masa tukpɔiti.

É loni gulu wolaiti maazu.

Gaaɠooza ʋelei ta ma ɓekegiti mɔin ʋelei

ɛsɛ pɛ ge ɠɛni kaazu.

12Kɛlɛ tɔɔɠulani ga ziiɠaawanai,

é ʋili ya zooi ma.

Folo ɠulazu ʋele viilɛi fɔɔni ta ma waaiti,

naati ti looni bu.

Ma ɓekegiti ti maayikini, ti vɔɔni,

abui ti ɠalani.

13Leezɛn ansaɠɔgi tɛi siinga ɠɛni de teʋebai zu,

zou vɔɔi zu, ziɛ la ná.

14Abui ɠulani ma lɔkulugi zu,

é ma ɓekegiti ta ma waaiti koloɠolo.

Ma ɓeke maayikia la mɔ ba,

nii a ɠɛ ga masa tukpɔi.› »

Maawɔin wuyei ɠana, maanɛai é loo ɠana.

Currently Selected:

Ezekiyɛle 19: GDZ

Highlight

Copy

Compare

Want to have your highlights saved across all your devices? Sign up or sign in

This work is licensed under the Creative Commons Attribution-NonCommercial-NoDerivatives 4.0 International.

https://creativecommons.org/licenses/by-nc-nd/4.0/

Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.

Learn More About GALA Daawoo Zɛʋɛi

Ezekiyɛle 19

Maawɔin wuyei

1«Ɗa ʋe, maawɔin wuyei loo Izilayɛle ɠundiɠiiti ma. 2Ɗa ɠɛ ti ma:

‹Wo-lee ɠɛni ga zala zaai.

É ʋɛɛni sakpamaalegai zala zinɛiti saama,

zala yiʋoiti saama é ná-ziʋoiti kulazu su ná.

3É ná-ziʋoi taɠila maaɠoloni,

naa ɠɛni ga zala ɓokpagi.

É zooni daamianigi zosu,

é ɗa nuiti suʋaliʋali.

4Zii ɠiligiti ti maawooi mɛnini.

Ti soni ga ta-ʋalii,

ti kalagi lɔ sokpayeɠei zu.

Ti liini la Ezipete yooi zu.

5Siɛgi zu zala zaai kaani la ga

ná-maaɓɔungi zuɠooza wafuun,

kitosuʋɛ ɠoloɠologa.

É ná-ziʋoi taɠili seɠeni,

é kpɛtɛ ga zala ɓokpagi.

6É ɠɛni leʋeteʋesu zalaiti saama,

é ɠɛni ga zala ɓokpagi.

É zooni daamianigi zosu,

é ɗa nuiti suʋaliʋali.

7É ta-masa pɛlɛi woloni,

é ta-laa wolai ɠoloɠolo.

Zooi ta gaa nuɓusɛiti ti luani

sikɔ lugi ʋa ti mɛnini.

8Zii ɠiligiti ti maaɠoolii zu,

ti wuzeɠeni daalɔɠɔma.

Ti maaɠoolini ga ta-lumɔiti,

ti soni ga ta-ʋaliiti.

9Ti kalagi ʋilini sokpa zu,

ti pili sasa goi zu kɛai eɠɛ sekagi.

Ti liini la Ɓaɓilɔne masagi ʋɔ.

Ti pilini kasoi ɠa, nu a ʋa goomɛni,

é ɗa zikɔ Izilayɛle ɠizeiti ma.› »

Dɔɔɓɔi gului ta ma ɓekegiti

10« ‹Wo-lee ɠɛni eɠɛ leezɛn ansaɠɔgi siingai ziɛlaʋɛ.

Ma waaiti ti ɠɛni ga ta gaalaagiti,

ziɛi zaɓu zu é ɠɛni sɔlɔɔsu.

11Ma ɓekegiti ti ɠɛ ba, ti maayikiai,

naati ti ɠɛɛni ga masa tukpɔiti.

É loni gulu wolaiti maazu.

Gaaɠooza ʋelei ta ma ɓekegiti mɔin ʋelei

ɛsɛ pɛ ge ɠɛni kaazu.

12Kɛlɛ tɔɔɠulani ga ziiɠaawanai,

é ʋili ya zooi ma.

Folo ɠulazu ʋele viilɛi fɔɔni ta ma waaiti,

naati ti looni bu.

Ma ɓekegiti ti maayikini, ti vɔɔni,

abui ti ɠalani.

13Leezɛn ansaɠɔgi tɛi siinga ɠɛni de teʋebai zu,

zou vɔɔi zu, ziɛ la ná.

14Abui ɠulani ma lɔkulugi zu,

é ma ɓekegiti ta ma waaiti koloɠolo.

Ma ɓeke maayikia la mɔ ba,

nii a ɠɛ ga masa tukpɔi.› »

Maawɔin wuyei ɠana, maanɛai é loo ɠana.

Currently Selected:

Highlight

Copy

Compare

Want to have your highlights saved across all your devices? Sign up or sign in

This work is licensed under the Creative Commons Attribution-NonCommercial-NoDerivatives 4.0 International.

https://creativecommons.org/licenses/by-nc-nd/4.0/

Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.

Learn More About GALA Daawoo Zɛʋɛi