Matayo 1
1
Zutu 'ba Yësu
1Wayöru kö'du zutu 'ba Yësu Kurïsïtö wisi 'ba Dawidi, wisi 'ba Abarayama:
2Abarayama ra 'bu 'ba Yisika,
Yisika ra 'bu 'ba Yakoba,
Yakoba ra 'bu 'ba Yuda öndu nï ëtï.
3Yuda ra 'bu 'ba Pereze Zira aba,
ma zë ra Tamara,
Pereze ra 'bu 'ba Ezerona,
Ezerona ra 'bu 'ba Rama,
4Rama ra 'bu 'ba Aminadaba,
Aminadaba ra 'bu 'ba Nasona,
Nasona ra 'bu 'ba Salamono,
5Salamono ra 'bu 'ba Bawoza,
ma mo ra Raba,
Bawoza ra 'bu 'ba Obede,
ma mo ra Ruta,
Obede ra 'bu 'ba Jose.
6Jose ra 'bu 'ba Yere Dawidi vo damöku.
Dawidi ra 'bu 'ba Solomono,
ma mo ra ëdï na mbara 'ba Oriya,
7Solomono ra 'bu 'ba Rebama,
Rebama ra 'bu 'ba Abiya,
Abiya ra 'bu 'ba Asa,
8Asa ra 'bu 'ba Yosopata,
Yosopata ra 'bu 'ba Yoroma,
Yoroma ra 'bu 'ba Uziya,
9Uziya ra 'bu 'ba Yotoma,
Yotoma ra 'bu 'ba Ahaza,
Ahaza ra 'bu 'ba Ezikiya,
10Ezikiya ra 'bu 'ba Manasi,
Manasi ra 'bu 'ba Amona,
Amona ra 'bu 'ba Yosiya,
11Yosiya ra 'bu 'ba Yekoniya
öndu nï ëtï mï kadra 'ba tï'bë Babalönï.
12Tapëtï tï'bë 'ba Babalönï:
Yekoniya ra 'bu 'ba Salatele,
Salatele ra 'bu 'ba Zerobabele,
13Zerobabele ra 'bu 'ba Aboyuda,
Aboyuda ra 'bu 'ba Elikima,
Elikima ra 'bu 'ba Azora,
14Azora ra 'bu 'ba Zadaka,
Zadaka ra 'bu 'ba Ahakimo,
Ahakimo ra 'bu 'ba Eliyuda,
15Eliyuda ra 'bu 'ba Elizara,
Elizara ra 'bu 'ba Matana,
Matana ra 'bu 'ba Yakoba,
16Yakoba ra 'bu 'ba Yosepa
o'di 'ba Mariya mati mo ra o'jo
Yësu, ma ako'jo Kurïsïtö.
17Here kofo vïdï ëdï 'butë dɔmo sowɔ mï biya kazi Abarayama zi Dawidi, 'butë dɔmo sowɔ, kazi Dawidi zi tï'bë zi Babalönï, 'butë dɔmo sowɔ kazi tï'bë dakaŋo leze zi Kurïsïtö.
Ko'jo 'ba Yësu Kurïsïtö
18Nenye ëdï hala kö'du ko'jo 'ba Yësu Kurïsïtö ayi. Ma mo Mariya alïvö zi koze zi Yosepa, mora gba kazi zë tayinnï bi kölö, i'ja mo zi tëdï wisi aba kpuru Lawo Koro. 19Ga kö'du o'di 'bɔmo Yosepa kora vo tëdïja omba dë zi yada mo mï komokaya 'ba vïdï kayo, mo ëdï kö'du aba mï dë nï zi yëyï mo liwo. 20Mora tapëtï mo ëdï sösu kö'du nenye, malayika 'ba Yere ayala zi mo tëmï kisi wïrï iya henye, “Yosepa wisi 'ba Dawidi, ere dë ta bi koba Mariya liŋɔ na mbara 'bëyï, ga kö'du wa mati ɔmɔ mï nï ne ëdï kazi Lawo Koro. 21Mo ako'jo na wisi kora, zi yï kï'dï zi mo ru Yësu, ga kö'du mo akayɔmɔ vïdï 'bënï tëmï kö'du kyënyë 'bëzë.”
22Biya nenye o'dɔ rë nï zi kinde wa mati Yere iya kpuru nëbï: 23Wu'jë ngulu atëdï wisi aba ako'jo na wisi kora, zë akako'jonnï mo Imanowele, mï me'do ne, “Wïrï ëdï ze aba.”
24Mati Yosepa aliro ënyï rïyë, mo o'dɔ wa mati malayika 'ba Yere ï'dï kö'du mo zi nï oba Mariya liŋɔ na mbara 'bënï. 25Mora mo adrɔko rë nnï dë mo aba le mo o'jo na wisi kora. Mo ï'dï zi mo ru Yësu.
Currently Selected:
Matayo 1: MGC
Highlight
Copy
Compare
Share
Want to have your highlights saved across all your devices? Sign up or sign in
© 2023 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/