Ga banhayam yolŋu yäku Djonnha banha Ḏämbu-ḻupthumandamin yolŋu. Ga nyenanam nhan gayŋan banha guŋnharran yana yolŋunharraŋan ŋirrimaŋa galki banha mayaŋꞌŋa yäkuŋa Djodannha. Ga girriꞌyum nhan bayiŋ gayŋarra dhaṯthunmiyarram gämuḻwuru bulkaꞌyu, ga biralma nhangu djämawuy warrakanꞌkuru barrwaṉdhu. Ga ŋatham nhan bayiŋ gayŋarra guwamarra ḏetjnha ga gukun. [Djonma gayŋan banha nyenan bitjan bitjuwayiŋ banha God-Waŋarrwu djawarrkmi yäku Yilaydja gayŋan nyenan ŋätjil.] Ga bilanyamiyum guḻkun banha yolŋum warra ŋaykan dhawuru Djurutjalamŋurum ga bawalamiŋurun ŋirrimaŋuru bewaḻi Djudiyaŋurun makaŋuru, ŋarranam bitjuwayiŋ balayam Djongum waythuwan. Ga ŋirrimbuwanam dhanal banha, ḻinygu dhanal gayŋan djälmiyin dhanal ŋarru nhäma nhanany, ga ŋäma nhanguŋ dhäwu nhalpiyan nhan gayŋan marŋgikuwan. Ga bitjanan nhan gayŋan dhanaliny garruwanam, “Way, waraparra, rakaraŋan warraŋulkuŋan warra nhumaliŋguway barrakinyma mala, bala ŋanydjaḻaꞌyuwan, bala yana guŋnharruman, mä nhan ŋarru God-Waŋarryum nhumaliŋgu baya-rakaraman. Djalkthuwan warra dhuwan barrakinyma malany bala ḏämbu-ḻupthuwan mä ŋarru banha bayiŋuyam maŋutji-rakaraman banha nhumam ḻinygun bitjuwayiŋ ŋuwakurrun.” Ga banha dhanal ŋarran barrakinyma dhanaliŋguway rakaran warraŋulkuwanam, bala nhan dhanaliny gayŋan ḏämbu-ḻupthumanan ŋunhalayan Djodannha mayaŋꞌŋam.
Share
Read Mäk 1
Save verses, read offline, watch teaching clips, and more!
YouVersion uses cookies to personalize your experience. By using our website, you accept our use of cookies as described in our Privacy Policy
Home
Bible
Plans
Videos