Jeremiah 45
45
Hay Pangihwangan Apu Dios I Baruk
1Hidi ta'wa an mi'apat hi tawon hi numpatulan Jehoyakim an imbabalen Josiah hi ad Judah ya nalpah an intudo' Baruk an namin nan imbaga' hi itudo'na 2ya waday imbagan Apu Dios hi ibaga' i Baruk 3an alyonay, Nunlili'a Baruk an alyom di, Ngalngalam bo tayyay aton Apu Dios i ha"on ta inudmana nan nunnaud an e' inomnoman. Ta immengleya' mo tayyah nitaguwa'. 4Mu ha"on an Dios ya ibaga' i he"a Baruk an dadago' hituwen boblen imbangon'u ta paddungnay intanom'u ot ahi' ba'guton. 5Ot ma"id ha odamom hi em pumhodan. Mu ihwang da'a damdamah dumadag an ta'on on idanay umayam. Ha"on an Dios di mangalin tuwe.
Currently Selected:
Jeremiah 45: ifa
Highlight
Copy
Compare
Share
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
