Hechos 14
14
Pablo Bernabé ome Iconio pꞌuurude
1Iconiode panadakꞌãri, oojida Antioquiade oodapꞌedaakꞌa. Tꞌĩujida judiorã Akꞌõre Ũraa jarateepata tede mãikꞌaapa jarajida Tachi Akꞌõre Jaurepa jarapidakꞌa. Mapa judiorã chokꞌara Cristode ijãajida, judio–eerã jida ichiaba. 2Mamĩda judiorã Cristode ijãa kꞌiniada–ee pꞌanadapꞌedaarãpa pedee kꞌachia jaramaa pꞌaneejida Pablo mãikꞌaapa Bernabé ãpɨte. Mapa judio–eerã kꞌĩraudachida ãra ome. 3Mãga pꞌanajida mĩda, ãchi omé arii taarãjida mãikꞌaapa waawee–ee jarateepachida Tachi Akꞌõrepa jarapidakꞌa, Cristopa ãchi kꞌaripa bapachi perã. Jarateepachida Tachi Akꞌõrepa eperãarã pia ooda Cristo piuda kꞌaurepa. Maperã Akꞌõrepa ãchimaa oopiji ne–inaa eperãarãpa pꞌoyaa oodakꞌaa ãchi juadoopa. 4Mamĩda, mãga oo pꞌanajida mĩda, ma pꞌuuru pidaarã kꞌĩsia awara–awaraa pꞌanajida. Ũkꞌuru judiorã eere pꞌanajida, jõdee chi apemaarã Cristopa jɨrɨtꞌeradaarã eere. 5Maapai ũkꞌuru judiorã mãikꞌaapa judio–eerã pedeeteejida ãchi poroorã ome miapidaitꞌee; mãupa batꞌa peedaitꞌee. 6Mamĩda Pablopa Bernabé ome kꞌawaadakꞌãri, mirudachida Licaonia eujãdee, Listra pꞌuurude mãikꞌaapa Derbe pꞌuurude, ichiaba ma pꞌuuru ikꞌaawa. 7Mama ichiaba Jesupa ooda eperãarã kꞌaripaitꞌee jarateepachida.
Listrade Pablomaa mãupa batꞌadapꞌedaa
8Listra pꞌuurude pꞌanɨde unujida eperã pꞌoyaa tꞌɨakꞌaa bɨ, ichi tꞌoru weda chiwa bada perã. Ma eperã su–akꞌɨ baji 9ũrimaa Pablopa jarateemaa bɨ. Pablopa irumaa akꞌɨkꞌãri mãikꞌaapa unukꞌãri wãara ijãa bɨ, kꞌawaji jɨpaipia bɨ. 10Mapa ma eperãmaa golpe pedeeji:
—Pꞌirabáiji mãikꞌaapa jĩpꞌa bainɨ̃ béeji.
Aramata ma eperã pꞌinajɨ̃tɨ bainɨ̃ beeji mãikꞌaapa pꞌɨrrɨa beeji. 11Pablopa ooda unudakꞌãri, arii pꞌanadapꞌedaarã biukꞌa nɨ̃beeji Licaonia pidaarã pedeede. Mamĩda Pablopa Bernabé ome ãrapa jara pꞌanɨ kꞌawada–e paji. Ãrapa mãgajida:
—¡Nãgɨɨrã akꞌõre waibɨarã, ɨtꞌariipa edaa che pꞌanɨ tachi tꞌãide eperãarãkꞌa!
12Mãpai Bernabé tꞌɨ̃ bɨjida Greciadepemaarã akꞌõre waibɨa Zeus. Jõdee Pablo tꞌɨ̃ bɨjida Hermes, ichiata pedee bapachi perã. 13Ma pꞌuuru tꞌĩupata kꞌaitꞌa Zeumaa ɨtꞌaa tꞌɨ̃pata te iru pꞌanajida. Maperã atapijida Zeus pꞌaaremaa aneemerã pꞌakꞌa ɨmɨkꞌĩra, paadaitꞌee Pablo mãikꞌaapa Bernabé kꞌĩrapite; ma awara nepꞌono aneemerã teedaitꞌee Pablomaa mãikꞌaapa Bernabemaa, ãchi akꞌõre waibɨarã jĩakꞌaapa. 14Mamĩda Bernabé Pablo ome kꞌawaadakꞌãri mãgá oo pꞌanɨ ɨtꞌaa tꞌɨ̃daitꞌee ãchi kꞌĩrapite, ãchi pꞌaru jẽtꞌaajida tꞌãri pꞌuapa. Maapꞌeda nãga bia tꞌĩudachida eperãarã tꞌãide:
15—Eperãarã, ¿sãapꞌeda nãga oorutama? ajida. Tai ichiaba eperãarãpɨ parãkꞌa. Ma–itꞌeepɨ tai che pꞌanɨ jaradaitꞌee nãgee netꞌaa vale–ee baibɨde ijãa amaadamerã; ma kꞌãyaara Tachi Akꞌõrede ijãadamerã, iru ichita bapari perã. Tachi Akꞌõrepa ooji pajã, na eujã, pꞌusa mãikꞌaapa ne–inaa jõmaweda aɨde nɨ̃bɨ. 16Naaweda Tachi Akꞌõrepa na pꞌekꞌau eujãdepemaarãmaa ita–aria ãchia oo kꞌiniata oopiji. 17Mamĩda ichia ãra akꞌɨ baji. Mãga oo bɨpa akꞌɨpiji ichi Tachi Akꞌõre. Ichiata parã–itꞌee kꞌoi chepipari ne–uu pia chaumerã. Mãgá iru pꞌanɨ nekꞌodaitꞌee mãikꞌaapa o–ĩa pꞌanadaitꞌee.
18Pablopa Bernabé ome ma jõma jarajida mĩda, perá pꞌoyaada–e paji eperãarã pꞌakꞌa ɨmɨkꞌĩra peenaadamerã mãikꞌaapa ɨtꞌaa tꞌɨ̃naadamerã ãchi kꞌĩrapite.
19Aɨ tꞌẽepai pachejida judiorã Antioquía pꞌuurudeepa mãikꞌaapa Iconio pꞌuurudeepa. Eperãarã ãchi eere pa atadapꞌeda, Pablomaa mãupa batꞌajida peetꞌaadaitꞌee. Piu bɨ jĩakꞌaapa, pꞌuuru kꞌidaa jidiu baibɨnajida. 20Mamĩda Cristode ijãapataarã Pablomãi seedaidakꞌãri, waya pꞌirabaiji. Maapꞌeda waya wãji pꞌuurudee mãikꞌaapa aɨ norema wãji Bernabé ome Derbe pꞌuurudee.
21Cristopa ooda eperãarã kꞌaripaitꞌee jarateedakꞌãri Derbede, eperãarã chokꞌara ijãajida. Mama bapꞌeda, ãpɨtee chejida Listradee, Iconiodee mãikꞌaapa Antioquiadee. 22Ma nipadapꞌedaa chaa ũraajida Cristode ijãapataarã waapɨara ijãa pꞌaneedamerã mãikꞌaapa mãgajida:
—Ɨtꞌaa wãdai naaweda, tachi ichita miadaitꞌeeda ajida, Cristode ijãapata perã.
23Ichiaba ijãapataarã para bee chaa ũkꞌuru jɨrɨtꞌerajida ijãapataarã akꞌɨ pꞌanapataadamerã. Mãpai ɨtꞌaa tꞌɨ̃dapꞌeda nekꞌoda–ee, ijãapataarã jõmaweda Akꞌõre juade bɨjida.
Pablo Bernabé ome Antioquía pꞌuurudee wãdapꞌedaa
24Maapꞌeda Pisidia eujãde wãyaajida Panfilia eujãde panarutamaa. 25Mama bɨde Akꞌõrepa jarapidakꞌa jarateejida Perge pꞌuurude. Mamãikꞌaapa wãjida Atalía pꞌuurudee. 26Mama barcode bataudapꞌeda, wãjida Antioquía pꞌuurudee, chi ijãapataarãpa Akꞌõre juade bɨdapꞌedaamãi, irua ãchi pia akꞌɨ bapariimerã. Mãgá irua kꞌaripapachi perã, ãchia oojida jõma irua kꞌinia badakꞌa oodamerã ma wãdade. 27Pachedakꞌãri Antioquiade, Cristode ijãapataarã tꞌɨ̃ pꞌejida mãikꞌaapa nepɨrɨjida Tachi Akꞌõrepa ãchi pari ooda. Ichiaba nepɨrɨjida Akꞌõrepa judio–eerãmaa ijãapida. 28Maapꞌeda Pablo Bernabé ome mama taarã pꞌaneejida Cristode ijãapataarã ome.
Currently Selected:
Hechos 14: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 14
14
Pablo Bernabé ome Iconio pꞌuurude
1Iconiode panadakꞌãri, oojida Antioquiade oodapꞌedaakꞌa. Tꞌĩujida judiorã Akꞌõre Ũraa jarateepata tede mãikꞌaapa jarajida Tachi Akꞌõre Jaurepa jarapidakꞌa. Mapa judiorã chokꞌara Cristode ijãajida, judio–eerã jida ichiaba. 2Mamĩda judiorã Cristode ijãa kꞌiniada–ee pꞌanadapꞌedaarãpa pedee kꞌachia jaramaa pꞌaneejida Pablo mãikꞌaapa Bernabé ãpɨte. Mapa judio–eerã kꞌĩraudachida ãra ome. 3Mãga pꞌanajida mĩda, ãchi omé arii taarãjida mãikꞌaapa waawee–ee jarateepachida Tachi Akꞌõrepa jarapidakꞌa, Cristopa ãchi kꞌaripa bapachi perã. Jarateepachida Tachi Akꞌõrepa eperãarã pia ooda Cristo piuda kꞌaurepa. Maperã Akꞌõrepa ãchimaa oopiji ne–inaa eperãarãpa pꞌoyaa oodakꞌaa ãchi juadoopa. 4Mamĩda, mãga oo pꞌanajida mĩda, ma pꞌuuru pidaarã kꞌĩsia awara–awaraa pꞌanajida. Ũkꞌuru judiorã eere pꞌanajida, jõdee chi apemaarã Cristopa jɨrɨtꞌeradaarã eere. 5Maapai ũkꞌuru judiorã mãikꞌaapa judio–eerã pedeeteejida ãchi poroorã ome miapidaitꞌee; mãupa batꞌa peedaitꞌee. 6Mamĩda Pablopa Bernabé ome kꞌawaadakꞌãri, mirudachida Licaonia eujãdee, Listra pꞌuurude mãikꞌaapa Derbe pꞌuurude, ichiaba ma pꞌuuru ikꞌaawa. 7Mama ichiaba Jesupa ooda eperãarã kꞌaripaitꞌee jarateepachida.
Listrade Pablomaa mãupa batꞌadapꞌedaa
8Listra pꞌuurude pꞌanɨde unujida eperã pꞌoyaa tꞌɨakꞌaa bɨ, ichi tꞌoru weda chiwa bada perã. Ma eperã su–akꞌɨ baji 9ũrimaa Pablopa jarateemaa bɨ. Pablopa irumaa akꞌɨkꞌãri mãikꞌaapa unukꞌãri wãara ijãa bɨ, kꞌawaji jɨpaipia bɨ. 10Mapa ma eperãmaa golpe pedeeji:
—Pꞌirabáiji mãikꞌaapa jĩpꞌa bainɨ̃ béeji.
Aramata ma eperã pꞌinajɨ̃tɨ bainɨ̃ beeji mãikꞌaapa pꞌɨrrɨa beeji. 11Pablopa ooda unudakꞌãri, arii pꞌanadapꞌedaarã biukꞌa nɨ̃beeji Licaonia pidaarã pedeede. Mamĩda Pablopa Bernabé ome ãrapa jara pꞌanɨ kꞌawada–e paji. Ãrapa mãgajida:
—¡Nãgɨɨrã akꞌõre waibɨarã, ɨtꞌariipa edaa che pꞌanɨ tachi tꞌãide eperãarãkꞌa!
12Mãpai Bernabé tꞌɨ̃ bɨjida Greciadepemaarã akꞌõre waibɨa Zeus. Jõdee Pablo tꞌɨ̃ bɨjida Hermes, ichiata pedee bapachi perã. 13Ma pꞌuuru tꞌĩupata kꞌaitꞌa Zeumaa ɨtꞌaa tꞌɨ̃pata te iru pꞌanajida. Maperã atapijida Zeus pꞌaaremaa aneemerã pꞌakꞌa ɨmɨkꞌĩra, paadaitꞌee Pablo mãikꞌaapa Bernabé kꞌĩrapite; ma awara nepꞌono aneemerã teedaitꞌee Pablomaa mãikꞌaapa Bernabemaa, ãchi akꞌõre waibɨarã jĩakꞌaapa. 14Mamĩda Bernabé Pablo ome kꞌawaadakꞌãri mãgá oo pꞌanɨ ɨtꞌaa tꞌɨ̃daitꞌee ãchi kꞌĩrapite, ãchi pꞌaru jẽtꞌaajida tꞌãri pꞌuapa. Maapꞌeda nãga bia tꞌĩudachida eperãarã tꞌãide:
15—Eperãarã, ¿sãapꞌeda nãga oorutama? ajida. Tai ichiaba eperãarãpɨ parãkꞌa. Ma–itꞌeepɨ tai che pꞌanɨ jaradaitꞌee nãgee netꞌaa vale–ee baibɨde ijãa amaadamerã; ma kꞌãyaara Tachi Akꞌõrede ijãadamerã, iru ichita bapari perã. Tachi Akꞌõrepa ooji pajã, na eujã, pꞌusa mãikꞌaapa ne–inaa jõmaweda aɨde nɨ̃bɨ. 16Naaweda Tachi Akꞌõrepa na pꞌekꞌau eujãdepemaarãmaa ita–aria ãchia oo kꞌiniata oopiji. 17Mamĩda ichia ãra akꞌɨ baji. Mãga oo bɨpa akꞌɨpiji ichi Tachi Akꞌõre. Ichiata parã–itꞌee kꞌoi chepipari ne–uu pia chaumerã. Mãgá iru pꞌanɨ nekꞌodaitꞌee mãikꞌaapa o–ĩa pꞌanadaitꞌee.
18Pablopa Bernabé ome ma jõma jarajida mĩda, perá pꞌoyaada–e paji eperãarã pꞌakꞌa ɨmɨkꞌĩra peenaadamerã mãikꞌaapa ɨtꞌaa tꞌɨ̃naadamerã ãchi kꞌĩrapite.
19Aɨ tꞌẽepai pachejida judiorã Antioquía pꞌuurudeepa mãikꞌaapa Iconio pꞌuurudeepa. Eperãarã ãchi eere pa atadapꞌeda, Pablomaa mãupa batꞌajida peetꞌaadaitꞌee. Piu bɨ jĩakꞌaapa, pꞌuuru kꞌidaa jidiu baibɨnajida. 20Mamĩda Cristode ijãapataarã Pablomãi seedaidakꞌãri, waya pꞌirabaiji. Maapꞌeda waya wãji pꞌuurudee mãikꞌaapa aɨ norema wãji Bernabé ome Derbe pꞌuurudee.
21Cristopa ooda eperãarã kꞌaripaitꞌee jarateedakꞌãri Derbede, eperãarã chokꞌara ijãajida. Mama bapꞌeda, ãpɨtee chejida Listradee, Iconiodee mãikꞌaapa Antioquiadee. 22Ma nipadapꞌedaa chaa ũraajida Cristode ijãapataarã waapɨara ijãa pꞌaneedamerã mãikꞌaapa mãgajida:
—Ɨtꞌaa wãdai naaweda, tachi ichita miadaitꞌeeda ajida, Cristode ijãapata perã.
23Ichiaba ijãapataarã para bee chaa ũkꞌuru jɨrɨtꞌerajida ijãapataarã akꞌɨ pꞌanapataadamerã. Mãpai ɨtꞌaa tꞌɨ̃dapꞌeda nekꞌoda–ee, ijãapataarã jõmaweda Akꞌõre juade bɨjida.
Pablo Bernabé ome Antioquía pꞌuurudee wãdapꞌedaa
24Maapꞌeda Pisidia eujãde wãyaajida Panfilia eujãde panarutamaa. 25Mama bɨde Akꞌõrepa jarapidakꞌa jarateejida Perge pꞌuurude. Mamãikꞌaapa wãjida Atalía pꞌuurudee. 26Mama barcode bataudapꞌeda, wãjida Antioquía pꞌuurudee, chi ijãapataarãpa Akꞌõre juade bɨdapꞌedaamãi, irua ãchi pia akꞌɨ bapariimerã. Mãgá irua kꞌaripapachi perã, ãchia oojida jõma irua kꞌinia badakꞌa oodamerã ma wãdade. 27Pachedakꞌãri Antioquiade, Cristode ijãapataarã tꞌɨ̃ pꞌejida mãikꞌaapa nepɨrɨjida Tachi Akꞌõrepa ãchi pari ooda. Ichiaba nepɨrɨjida Akꞌõrepa judio–eerãmaa ijãapida. 28Maapꞌeda Pablo Bernabé ome mama taarã pꞌaneejida Cristode ijãapataarã ome.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.