Hechos 13
13
Tachi Akꞌõre Jaurepa Bernabé Saulo ome awara bɨda
1Antioquiadepema Cristode ijãapataarã tꞌãide paraaji Akꞌõre pedee jarapataarã mãikꞌaapa jarateepataarã. Mãgɨɨrã paji Bernabé, Simón (ichiaba tꞌɨ̃jarapata Nerro), Lucio Cirene pꞌuurudepema, Menahem (aukꞌa warida Galilea pidaarã poro Herodes ome) mãikꞌaapa Saulo. 2Ewari aba mãɨrã ɨtꞌaa tꞌɨ̃maa pꞌanɨde nekꞌoda–ee, Akꞌõre Jaurepa mãgaji:
—Awara bɨdapáde aji, Bernabé mãikꞌaapa Saulo, mɨa ãra jɨrɨtꞌerada perã oodamerã mimia mɨa kꞌĩsia iru bɨ ãchi–itꞌee.
3Ɨtꞌaa tꞌɨ̃dapꞌeda nekꞌoda–ee, mãgɨɨrã ɨ̃rɨ jua bɨjida, maapꞌeda pëijida.
Saulo Bernabé ome Chipre islade
4Tachi Akꞌõre Jaurepa mãgá pëida perã, Bernabé Saulo ome wãjida Seleucia pꞌuurudee. Mama barcode bataudapꞌeda, Chipre isladee wãjida. 5Salamina pꞌuurude panadakꞌãri, Tachi Akꞌõrepa ooda Cristo piuda kꞌaurepa judiorãmaa jarateemaa pꞌaneejida, Tachi Akꞌõre Ũraa jarateepata tede. Ichiaba Juan Marcos mama nipaji ãchi ome kꞌaripaitꞌee.
6Chipre isla jõmaweda bɨɨrɨpa wãyaa wãdapa, jaratee wãjida Pafos pꞌuurude panarutamaa. Mama ununajida judío tꞌɨ̃jarapatapꞌedaa Barjesús. Mãgɨpa petau tau kꞌawaa baji. Seewa–idaa bapachi, ichia Tachi Akꞌõre pedee jaraparida apachi perã. 7Mãgɨ́ Romadepema poro Sergio Paulo kꞌõpꞌãyo paji. Sergio Paulo kꞌĩsia kꞌawaa baji. Mapa tꞌɨ̃ pëiji Bernabé mãikꞌaapa Saulo, ũri kꞌinia bada perã ãchia jarateepata Tachi Akꞌõrepa ooda Cristo piuda kꞌaurepa. 8Mamĩda ãchia jarateemaa pꞌanɨ misa, mãgɨ́ petau tau kꞌawaa bɨpa, (griego pedeede Elimas apatapꞌedaa) jarapachi Romadepema poromaa irua ijãanaamerã ãchia jaratee pꞌanɨ. 9Mãpai Saulo, ichiaba Pablo apatapꞌedaapa, Akꞌõre Jaure iru ome bapachi perã, mãgɨ́ petau tau kꞌawaa bɨ kꞌĩra pia akꞌɨji mãikꞌaapa mãgaji:
10—¡Seewa–idaa, netuara warra! ¡Kꞌachia ooyaa bɨ! ¿Chĩara kꞌũra kꞌinia bɨ–ekꞌã seewa jara bɨpa? ¿Sãapꞌeda Akꞌõrepa jarateepida pɨa seewada aparima? 11Ɨ̃raweda Akꞌõrepa pɨ kꞌachia ooitꞌee. Pɨ tau pꞌãriu baibeeitꞌee. Taarã mãgá nipaitꞌeeda aji, akꞌõrejĩru unu–ee.
Aramata Elimas tau pꞌãriudachi mãikꞌaapa pariatua jɨrɨ nipapachi ichi juadeepa jidibai ateedamerã. 12Romadepema poropa mãga unukꞌãri mãikꞌaapa ãchia jaratee pꞌanɨ ũrikꞌãri, kꞌawaaji wãarata pedee pꞌanɨ. Mapa Cristode ijãaji.
Pablo Bernabé ome Antioquía pꞌuurude
13Pablo mãikꞌaapa ichi ome nipapatapꞌedaarã Pafos pꞌuurudeepa barcode wãjida Perge pꞌuurudee. Mãgɨ́ pꞌuuru Panfilia eujãde bɨ. Mama pꞌanɨde Juan Marcopa ãchi atabëiji mãikꞌaapa ãpɨtee wãji Jerusalendee. 14Mamĩda ãchi Pergedeepa wãjida Antioquía pꞌuurudee. Mãgɨ́ pꞌuuru Pisidia eujãde bɨ. Mama pꞌanɨde ɨ̃ipata ewate tꞌĩujida judiorã Tachi Akꞌõre Ũraa jarateepata tede mãikꞌaapa su–akꞌɨ pꞌaneejida. 15Mãgɨ́ tedepema judiorã poroorãpa Moisepa pꞌãda mãikꞌaapa Akꞌõre pedee jarapataarãpa pꞌãdapꞌedaa pedeedapꞌeda, jara pëijida Pablomaa mãikꞌaapa Bernabemaa:
—Tachi aukꞌaarã, parãpa eperãarãmaa pedee pia jara kꞌinia pꞌanɨ pɨrã, ɨ̃raweda jaradapáde aji.
16Mãpai Pablo ɨtꞌa akꞌɨnɨ̃ beepꞌeda mãikꞌaapa juapa jarapꞌeda kꞌĩupꞌee pꞌaneedamerã, mãgaji:
—Ũrítɨ Israel pidaarã mãikꞌaapa parã awaraa eujãdepemaarã, Tachi Akꞌõrede ijãa pꞌanɨɨrã. 17Tai Israel pidaarãpa ijãa pꞌanɨda aji, chonaarãweda Tachi Akꞌõrepa tai chonaarã jɨrɨtꞌeraji ichi–itꞌee. Ãchi ĩwapiji Egiptode, atꞌãri awaraa eujãdepemaarãkꞌa pꞌanajida mĩda. Ichi juapa ãchi mamãikꞌaapa uchiapiji, ichi jõmaarã kꞌãyaara waibɨara bairã. 18Ma awara ãchi akꞌɨpachi cuarenta años eujã pania wẽe bɨde wãyaadakꞌãri. 19Canaán eujãde panadakꞌãri, ichia Canaandepema awara–awaraa to pidaarã siete kꞌiniipiji, ãra eujã tai judiorã chonaarãpa atadamerã. 20Akꞌõrepa tai judiorã jɨrɨtꞌeradakꞌãriipa mãgɨ́ eujã Canaánde atarutamaa cuatrocientos cincuenta años paji.
ʼMa tꞌẽepai Tachi Akꞌõrepa eperãarã charraarãkꞌa bɨji aba–abaa, ãchi akꞌɨpataadamerã, ichi pedee jarapari Samuel ãchi poro waibɨa parumaa. 21Mãpai ãchia iidijida Samuelmaa rey bɨmerã ãchi akꞌɨpari. Mapa Tachi Akꞌõrepa Saúl ãchi rey papiji cuarenta años. Mãgɨ́ Quis warra paji, Benjamín ëreerãdepema. 22Aɨ tꞌẽepai Saúl uchiapipꞌeda, Tachi Akꞌõrepa Rey David bɨji iru pari. Mãgaji:
‘Mɨa Jesé warra David unujida aji, mɨa kꞌinia bɨkꞌa. Ichiaba mɨa kꞌawa bɨda aji, irua ooitꞌee mɨa oopi kꞌinia bɨkꞌa.’ (1 Samuel 13.14)
23ʼRey David ëreerãdeepa uchiaji Tachi Kꞌaripapari. Mãgɨ́ Jesús, Tachi Akꞌõrepa pëida Israel pidaarã kꞌaripamerã, ichia naaweda jaradakꞌa ichi pedee jarapataarã itꞌaideepa. 24Mãgɨ́ Jesús chei naaweda, Juan Bautistapa jarateepachi jõmaweda Israel pidaarãmaa ãchi pꞌekꞌau kꞌachia oo amaadamerã mãikꞌaapa poro choopidamerã. 25Mãpai Juanpa, ichi mimia aupa wãkꞌãri, mãgaji:
‘Mɨ parã poro waibɨa–e, parãpa kꞌĩsia pꞌanɨkꞌa. Mamĩda mɨ tꞌẽepai cheitꞌeeda aji, eperãarã poro waibɨara bɨ. Mɨa iru chancla jida ẽraikꞌaraa bɨda aji, iru mɨ kꞌãyaara waibɨara bairã.’ (Marcos 1.7)
26ʼMɨchi aukꞌaarã, Abrahamdeepa uchiadapꞌedaarã, ichiaba parã judio–eerã, ¡ũrítɨ! Tachi Akꞌõrepa tachi jõmaarãmaa jara pëi bɨ sãga ichia tachi o kꞌachiadeepa kꞌaripa ata kꞌinia bɨ. 27Eperãarã Jerusalende pꞌanapatapꞌedaarãpa mãikꞌaapa ãchi poroorãpa kꞌawada–e pꞌanajida Jesús Tachi Akꞌõrepa pëida eperãarã kꞌaripamerã. Ichiaba kꞌawadakꞌaa paji Tachi Akꞌõrepa jara kꞌinia bada chonaarãwedapema Akꞌõre pedee jarapataarãpa pꞌãdapꞌedaade, ɨ̃ipata ewari chaa judiorãpa mãgɨ́ leepata mĩda Akꞌõre Ũraa jarateepata tede. Maperã ãchiata oojida ma ũraade jaradapꞌedaakꞌa Jesús peepidakꞌãri. 28Irua maarepida kꞌachia oo–e paji. Mamĩda ãchia iru pee kꞌinia pꞌanajida. Mapa Pilatomaa iidinajida peepitꞌaamerã. 29Maapꞌeda jõma oodapꞌeda iru ome Tachi Akꞌõre Ũraa pꞌãdade jara badakꞌa, awaraarãpa kurusodeepa ɨrabai atadapꞌeda, ɨanajida. 30Mamĩda Tachi Akꞌõrépata chokꞌai pꞌirabaipiji. 31Aɨ tꞌẽepai iru ome chedapꞌedaarãpa Galileadeepa Jerusalendee unuda chokꞌara unupachida, mãikꞌaapa ɨ̃rá tai aukꞌaarãmaa ãchia unudapꞌedaa jara pꞌanɨ.
32ʼMapa taipa parãmaa nãgɨ́ pedee pia jara kꞌinia pꞌanɨ. Tai judiorã chonaarãmaa Tachi Akꞌõrepa jaraji 33aba pëiitꞌee eperãarã kꞌaripade. Mamĩda ichia mãgɨ́ pëi–e paji tai chonaarã chokꞌai pꞌanɨ weda. Jĩpꞌa pëiji ãchideepa uchiadapꞌedaarã, tachi ɨ̃rapemaarã chokꞌai pꞌanɨde. Mãgɨ́ pëida paji ichi Warra Jesús, ichia chokꞌai pꞌirabaipida. Kꞌawa pꞌanɨ ichi Warra pëiji ichi ũraa pꞌãdadepema Salmode jara bairã:
‘Mɨa idi jõmaarãmaa jara bɨ pɨ mɨ Warra.’ (Salmos 2.7)
34Tachi Akꞌõrepa jaraji ichi Warra chokꞌai pꞌirabaipiitꞌee, waa piu–e paitꞌee ichi ũraa pꞌãdade jara bɨkꞌa:
‘Rey Davidmaa jaradakꞌa mɨa ooitꞌee, mɨa wãarata jarapari perã.’ (Isaías 55.3)
35Ichiaba jara bɨ awaraa Salmo pꞌãdade:
‘Pɨa mɨ kꞌapꞌɨa beraupi–e paitꞌee, mɨa oopari perã pɨa mɨmaa oopi bɨkꞌa.’ (Salmos 16.10)
36ʼWãara na eujãde bakꞌãri, Rey Davidpa ooji Tachi Akꞌõrepa kꞌĩsia iru badakꞌa. Maapꞌeda jai–idaaji. Ɨajida chi akꞌõreerã ikꞌaawa mãikꞌaapa ichi kꞌapꞌɨa beraudachi. 37Mamĩda Tachi Akꞌõrepa Jesús chokꞌai pꞌirabaipida kꞌapꞌɨa berau–e paji. 38Maperãpɨ, tachi aukꞌaarã, kꞌawaadaipia bɨ Tachi Akꞌõrepa tachia pꞌekꞌau kꞌachia oopata wẽpapipari Jesús piuda kꞌaurepa. 39Ma kꞌaurepa ichide ijãapataarã pꞌekꞌau kꞌachia wẽe pꞌanɨ Tachi Akꞌõre kꞌĩrapite. Moisepa pꞌãdakꞌa oodapꞌedaa kꞌaurepa pꞌekꞌau kꞌachia wẽpakꞌaa paji mĩda, Tachi Akꞌõrepa Jesude ijãapataarã pꞌekꞌau kꞌachia wẽpapipari, Jesupa ooda kꞌaurepa. 40Kꞌĩrakꞌaupai pꞌanadai Tachi Akꞌõre pedee jarapataarãpa pꞌãdapꞌedaade jara bɨkꞌa:
41‘Ũrítɨ parã chi oo iru pꞌanapataarãpa Tachi Akꞌõrepa jara bɨ. Akꞌɨ́tɨ mãikꞌaapa akꞌɨtrua para bátɨ. Parã atꞌãri chokꞌai pꞌanɨde mɨa ooitꞌee ne–inaa parãpa ijãada–e pai, aɨ naaweda abaapa parãmaa mãga jararu pɨjida.’ (Habacuc 1.5)
42Pablo Bernabé ome judiorã Akꞌõre Ũraa jarateepata tedeepa uchiadakꞌãri, chi waa kꞌawa kꞌinia pꞌanadapꞌedaarãpa chupɨria iidijida ɨ̃ipata ewate pakꞌãri waya jaratee chedamerã. 43Judiorã mãikꞌaapa judio–eerã Tachi Akꞌõrede ijãapataarã uchiadapꞌeda, chokꞌara wãjida Pablo mãikꞌaapa Bernabé tꞌẽe. Maperã ãchia ma Akꞌõrede ijãapatapꞌedaarãmaa ũraajida kꞌirãpadamerã Tachi Akꞌõrepa ãchi kꞌaripada Cristo piuda kꞌaurepa.
44Apema tomiade ɨ̃ipata ewate, perá jõmaweda pꞌuuru pidaarã cheepurujida Akꞌõrepa jarapida ũride. 45Mamĩda judiorãpa unudakꞌãri eperãarã chokꞌara see nɨ̃bɨ, kꞌĩraudachida mãikꞌaapa Pablomaa ikꞌachia jaramaa pꞌaneejida, Cristo ãpɨte paara. 46Mãpai Pablopa Bernabé ome waawee–ee pꞌanaujida:
—Tachi Akꞌõrepa tai naapɨara pëijida ajida, parã judiorãmaa ichia jara pëida Cristode jarateedamerã. Mamĩda parãpa ũri kꞌiniada–e pꞌanadairã, pãchi kꞌĩradoopa atuadaitꞌee. Mãga pꞌanadairã, tai wãdaitꞌee judio–eerãmaa jarateede. 47Mãga oodaitꞌee Tachi Akꞌõre Ũraa pꞌãdade jara bairã:
‘Kꞌõpꞌãyoorã ome lámpara pëipatakꞌa ɨ̃daamerã ode pꞌãrikꞌua nipadakꞌãri, mãga pɨkꞌa mɨa pɨ pëiru mɨ o akꞌɨpimerã na pꞌekꞌau eujãdepemaarãmaa. Mɨa mãgá pëiru kꞌinia bairã pɨa chi tꞌɨmɨara beerã paara o kꞌachiadeepa kꞌaripa atamerã.’ (Isaías 49.6)
48Judio–eerãpa mãga ũridakꞌãri, o–ĩa para beeji mãikꞌaapa Tachi Akꞌõrepa jara pëida pia bɨda apachida. Mãpai Cristode ijãajida chi Tachi Akꞌõrepa kꞌĩsia iru bada ichita chokꞌai pꞌanapataadamerã. 49Mãgɨɨrãpa Tachi Akꞌõrepa ooda jaratee wãpachida ãchi wãrutamaa. Cristo piuda kꞌaurepa irua tachi o kꞌachiadeepa kꞌaripa ataji. 50Mamĩda judiorãpa pedeejida wẽraarã ãchikꞌa Tachi Akꞌõre waaweepataarã ome. Pablo Bernabé ome ãpɨte ikꞌachia pedeejida. Maperã ma pꞌaratꞌara beerãpa mãikꞌaapa ɨmɨkꞌĩraarã chi pꞌuuru pidaarã poroorãpa Pablo Bernabé ome ma eujãdeepa jëretꞌaajida. 51Mãɨrãpa mãga oodakꞌãri, Pablo Bernabé ome ãchi bɨɨrɨ pꞌora nẽepꞌejida akꞌɨpidaitꞌee waa jarateeda–e paitꞌee ma judiorãmaa, Cristode ijãadakꞌaa pꞌanadapꞌedaa perã. Maapꞌeda wãjida Iconio pꞌuurudee. 52Pablo Bernabé ome mãgá jërekꞌoojida mĩda, chi Cristode ijãapataarã ma eujãde o–ĩa pꞌanajida, Tachi Akꞌõre Jaure ãchi ome bada perã.
Currently Selected:
Hechos 13: sjaB
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.
Hechos 13
13
Tachi Akꞌõre Jaurepa Bernabé Saulo ome awara bɨda
1Antioquiadepema Cristode ijãapataarã tꞌãide paraaji Akꞌõre pedee jarapataarã mãikꞌaapa jarateepataarã. Mãgɨɨrã paji Bernabé, Simón (ichiaba tꞌɨ̃jarapata Nerro), Lucio Cirene pꞌuurudepema, Menahem (aukꞌa warida Galilea pidaarã poro Herodes ome) mãikꞌaapa Saulo. 2Ewari aba mãɨrã ɨtꞌaa tꞌɨ̃maa pꞌanɨde nekꞌoda–ee, Akꞌõre Jaurepa mãgaji:
—Awara bɨdapáde aji, Bernabé mãikꞌaapa Saulo, mɨa ãra jɨrɨtꞌerada perã oodamerã mimia mɨa kꞌĩsia iru bɨ ãchi–itꞌee.
3Ɨtꞌaa tꞌɨ̃dapꞌeda nekꞌoda–ee, mãgɨɨrã ɨ̃rɨ jua bɨjida, maapꞌeda pëijida.
Saulo Bernabé ome Chipre islade
4Tachi Akꞌõre Jaurepa mãgá pëida perã, Bernabé Saulo ome wãjida Seleucia pꞌuurudee. Mama barcode bataudapꞌeda, Chipre isladee wãjida. 5Salamina pꞌuurude panadakꞌãri, Tachi Akꞌõrepa ooda Cristo piuda kꞌaurepa judiorãmaa jarateemaa pꞌaneejida, Tachi Akꞌõre Ũraa jarateepata tede. Ichiaba Juan Marcos mama nipaji ãchi ome kꞌaripaitꞌee.
6Chipre isla jõmaweda bɨɨrɨpa wãyaa wãdapa, jaratee wãjida Pafos pꞌuurude panarutamaa. Mama ununajida judío tꞌɨ̃jarapatapꞌedaa Barjesús. Mãgɨpa petau tau kꞌawaa baji. Seewa–idaa bapachi, ichia Tachi Akꞌõre pedee jaraparida apachi perã. 7Mãgɨ́ Romadepema poro Sergio Paulo kꞌõpꞌãyo paji. Sergio Paulo kꞌĩsia kꞌawaa baji. Mapa tꞌɨ̃ pëiji Bernabé mãikꞌaapa Saulo, ũri kꞌinia bada perã ãchia jarateepata Tachi Akꞌõrepa ooda Cristo piuda kꞌaurepa. 8Mamĩda ãchia jarateemaa pꞌanɨ misa, mãgɨ́ petau tau kꞌawaa bɨpa, (griego pedeede Elimas apatapꞌedaa) jarapachi Romadepema poromaa irua ijãanaamerã ãchia jaratee pꞌanɨ. 9Mãpai Saulo, ichiaba Pablo apatapꞌedaapa, Akꞌõre Jaure iru ome bapachi perã, mãgɨ́ petau tau kꞌawaa bɨ kꞌĩra pia akꞌɨji mãikꞌaapa mãgaji:
10—¡Seewa–idaa, netuara warra! ¡Kꞌachia ooyaa bɨ! ¿Chĩara kꞌũra kꞌinia bɨ–ekꞌã seewa jara bɨpa? ¿Sãapꞌeda Akꞌõrepa jarateepida pɨa seewada aparima? 11Ɨ̃raweda Akꞌõrepa pɨ kꞌachia ooitꞌee. Pɨ tau pꞌãriu baibeeitꞌee. Taarã mãgá nipaitꞌeeda aji, akꞌõrejĩru unu–ee.
Aramata Elimas tau pꞌãriudachi mãikꞌaapa pariatua jɨrɨ nipapachi ichi juadeepa jidibai ateedamerã. 12Romadepema poropa mãga unukꞌãri mãikꞌaapa ãchia jaratee pꞌanɨ ũrikꞌãri, kꞌawaaji wãarata pedee pꞌanɨ. Mapa Cristode ijãaji.
Pablo Bernabé ome Antioquía pꞌuurude
13Pablo mãikꞌaapa ichi ome nipapatapꞌedaarã Pafos pꞌuurudeepa barcode wãjida Perge pꞌuurudee. Mãgɨ́ pꞌuuru Panfilia eujãde bɨ. Mama pꞌanɨde Juan Marcopa ãchi atabëiji mãikꞌaapa ãpɨtee wãji Jerusalendee. 14Mamĩda ãchi Pergedeepa wãjida Antioquía pꞌuurudee. Mãgɨ́ pꞌuuru Pisidia eujãde bɨ. Mama pꞌanɨde ɨ̃ipata ewate tꞌĩujida judiorã Tachi Akꞌõre Ũraa jarateepata tede mãikꞌaapa su–akꞌɨ pꞌaneejida. 15Mãgɨ́ tedepema judiorã poroorãpa Moisepa pꞌãda mãikꞌaapa Akꞌõre pedee jarapataarãpa pꞌãdapꞌedaa pedeedapꞌeda, jara pëijida Pablomaa mãikꞌaapa Bernabemaa:
—Tachi aukꞌaarã, parãpa eperãarãmaa pedee pia jara kꞌinia pꞌanɨ pɨrã, ɨ̃raweda jaradapáde aji.
16Mãpai Pablo ɨtꞌa akꞌɨnɨ̃ beepꞌeda mãikꞌaapa juapa jarapꞌeda kꞌĩupꞌee pꞌaneedamerã, mãgaji:
—Ũrítɨ Israel pidaarã mãikꞌaapa parã awaraa eujãdepemaarã, Tachi Akꞌõrede ijãa pꞌanɨɨrã. 17Tai Israel pidaarãpa ijãa pꞌanɨda aji, chonaarãweda Tachi Akꞌõrepa tai chonaarã jɨrɨtꞌeraji ichi–itꞌee. Ãchi ĩwapiji Egiptode, atꞌãri awaraa eujãdepemaarãkꞌa pꞌanajida mĩda. Ichi juapa ãchi mamãikꞌaapa uchiapiji, ichi jõmaarã kꞌãyaara waibɨara bairã. 18Ma awara ãchi akꞌɨpachi cuarenta años eujã pania wẽe bɨde wãyaadakꞌãri. 19Canaán eujãde panadakꞌãri, ichia Canaandepema awara–awaraa to pidaarã siete kꞌiniipiji, ãra eujã tai judiorã chonaarãpa atadamerã. 20Akꞌõrepa tai judiorã jɨrɨtꞌeradakꞌãriipa mãgɨ́ eujã Canaánde atarutamaa cuatrocientos cincuenta años paji.
ʼMa tꞌẽepai Tachi Akꞌõrepa eperãarã charraarãkꞌa bɨji aba–abaa, ãchi akꞌɨpataadamerã, ichi pedee jarapari Samuel ãchi poro waibɨa parumaa. 21Mãpai ãchia iidijida Samuelmaa rey bɨmerã ãchi akꞌɨpari. Mapa Tachi Akꞌõrepa Saúl ãchi rey papiji cuarenta años. Mãgɨ́ Quis warra paji, Benjamín ëreerãdepema. 22Aɨ tꞌẽepai Saúl uchiapipꞌeda, Tachi Akꞌõrepa Rey David bɨji iru pari. Mãgaji:
‘Mɨa Jesé warra David unujida aji, mɨa kꞌinia bɨkꞌa. Ichiaba mɨa kꞌawa bɨda aji, irua ooitꞌee mɨa oopi kꞌinia bɨkꞌa.’ (1 Samuel 13.14)
23ʼRey David ëreerãdeepa uchiaji Tachi Kꞌaripapari. Mãgɨ́ Jesús, Tachi Akꞌõrepa pëida Israel pidaarã kꞌaripamerã, ichia naaweda jaradakꞌa ichi pedee jarapataarã itꞌaideepa. 24Mãgɨ́ Jesús chei naaweda, Juan Bautistapa jarateepachi jõmaweda Israel pidaarãmaa ãchi pꞌekꞌau kꞌachia oo amaadamerã mãikꞌaapa poro choopidamerã. 25Mãpai Juanpa, ichi mimia aupa wãkꞌãri, mãgaji:
‘Mɨ parã poro waibɨa–e, parãpa kꞌĩsia pꞌanɨkꞌa. Mamĩda mɨ tꞌẽepai cheitꞌeeda aji, eperãarã poro waibɨara bɨ. Mɨa iru chancla jida ẽraikꞌaraa bɨda aji, iru mɨ kꞌãyaara waibɨara bairã.’ (Marcos 1.7)
26ʼMɨchi aukꞌaarã, Abrahamdeepa uchiadapꞌedaarã, ichiaba parã judio–eerã, ¡ũrítɨ! Tachi Akꞌõrepa tachi jõmaarãmaa jara pëi bɨ sãga ichia tachi o kꞌachiadeepa kꞌaripa ata kꞌinia bɨ. 27Eperãarã Jerusalende pꞌanapatapꞌedaarãpa mãikꞌaapa ãchi poroorãpa kꞌawada–e pꞌanajida Jesús Tachi Akꞌõrepa pëida eperãarã kꞌaripamerã. Ichiaba kꞌawadakꞌaa paji Tachi Akꞌõrepa jara kꞌinia bada chonaarãwedapema Akꞌõre pedee jarapataarãpa pꞌãdapꞌedaade, ɨ̃ipata ewari chaa judiorãpa mãgɨ́ leepata mĩda Akꞌõre Ũraa jarateepata tede. Maperã ãchiata oojida ma ũraade jaradapꞌedaakꞌa Jesús peepidakꞌãri. 28Irua maarepida kꞌachia oo–e paji. Mamĩda ãchia iru pee kꞌinia pꞌanajida. Mapa Pilatomaa iidinajida peepitꞌaamerã. 29Maapꞌeda jõma oodapꞌeda iru ome Tachi Akꞌõre Ũraa pꞌãdade jara badakꞌa, awaraarãpa kurusodeepa ɨrabai atadapꞌeda, ɨanajida. 30Mamĩda Tachi Akꞌõrépata chokꞌai pꞌirabaipiji. 31Aɨ tꞌẽepai iru ome chedapꞌedaarãpa Galileadeepa Jerusalendee unuda chokꞌara unupachida, mãikꞌaapa ɨ̃rá tai aukꞌaarãmaa ãchia unudapꞌedaa jara pꞌanɨ.
32ʼMapa taipa parãmaa nãgɨ́ pedee pia jara kꞌinia pꞌanɨ. Tai judiorã chonaarãmaa Tachi Akꞌõrepa jaraji 33aba pëiitꞌee eperãarã kꞌaripade. Mamĩda ichia mãgɨ́ pëi–e paji tai chonaarã chokꞌai pꞌanɨ weda. Jĩpꞌa pëiji ãchideepa uchiadapꞌedaarã, tachi ɨ̃rapemaarã chokꞌai pꞌanɨde. Mãgɨ́ pëida paji ichi Warra Jesús, ichia chokꞌai pꞌirabaipida. Kꞌawa pꞌanɨ ichi Warra pëiji ichi ũraa pꞌãdadepema Salmode jara bairã:
‘Mɨa idi jõmaarãmaa jara bɨ pɨ mɨ Warra.’ (Salmos 2.7)
34Tachi Akꞌõrepa jaraji ichi Warra chokꞌai pꞌirabaipiitꞌee, waa piu–e paitꞌee ichi ũraa pꞌãdade jara bɨkꞌa:
‘Rey Davidmaa jaradakꞌa mɨa ooitꞌee, mɨa wãarata jarapari perã.’ (Isaías 55.3)
35Ichiaba jara bɨ awaraa Salmo pꞌãdade:
‘Pɨa mɨ kꞌapꞌɨa beraupi–e paitꞌee, mɨa oopari perã pɨa mɨmaa oopi bɨkꞌa.’ (Salmos 16.10)
36ʼWãara na eujãde bakꞌãri, Rey Davidpa ooji Tachi Akꞌõrepa kꞌĩsia iru badakꞌa. Maapꞌeda jai–idaaji. Ɨajida chi akꞌõreerã ikꞌaawa mãikꞌaapa ichi kꞌapꞌɨa beraudachi. 37Mamĩda Tachi Akꞌõrepa Jesús chokꞌai pꞌirabaipida kꞌapꞌɨa berau–e paji. 38Maperãpɨ, tachi aukꞌaarã, kꞌawaadaipia bɨ Tachi Akꞌõrepa tachia pꞌekꞌau kꞌachia oopata wẽpapipari Jesús piuda kꞌaurepa. 39Ma kꞌaurepa ichide ijãapataarã pꞌekꞌau kꞌachia wẽe pꞌanɨ Tachi Akꞌõre kꞌĩrapite. Moisepa pꞌãdakꞌa oodapꞌedaa kꞌaurepa pꞌekꞌau kꞌachia wẽpakꞌaa paji mĩda, Tachi Akꞌõrepa Jesude ijãapataarã pꞌekꞌau kꞌachia wẽpapipari, Jesupa ooda kꞌaurepa. 40Kꞌĩrakꞌaupai pꞌanadai Tachi Akꞌõre pedee jarapataarãpa pꞌãdapꞌedaade jara bɨkꞌa:
41‘Ũrítɨ parã chi oo iru pꞌanapataarãpa Tachi Akꞌõrepa jara bɨ. Akꞌɨ́tɨ mãikꞌaapa akꞌɨtrua para bátɨ. Parã atꞌãri chokꞌai pꞌanɨde mɨa ooitꞌee ne–inaa parãpa ijãada–e pai, aɨ naaweda abaapa parãmaa mãga jararu pɨjida.’ (Habacuc 1.5)
42Pablo Bernabé ome judiorã Akꞌõre Ũraa jarateepata tedeepa uchiadakꞌãri, chi waa kꞌawa kꞌinia pꞌanadapꞌedaarãpa chupɨria iidijida ɨ̃ipata ewate pakꞌãri waya jaratee chedamerã. 43Judiorã mãikꞌaapa judio–eerã Tachi Akꞌõrede ijãapataarã uchiadapꞌeda, chokꞌara wãjida Pablo mãikꞌaapa Bernabé tꞌẽe. Maperã ãchia ma Akꞌõrede ijãapatapꞌedaarãmaa ũraajida kꞌirãpadamerã Tachi Akꞌõrepa ãchi kꞌaripada Cristo piuda kꞌaurepa.
44Apema tomiade ɨ̃ipata ewate, perá jõmaweda pꞌuuru pidaarã cheepurujida Akꞌõrepa jarapida ũride. 45Mamĩda judiorãpa unudakꞌãri eperãarã chokꞌara see nɨ̃bɨ, kꞌĩraudachida mãikꞌaapa Pablomaa ikꞌachia jaramaa pꞌaneejida, Cristo ãpɨte paara. 46Mãpai Pablopa Bernabé ome waawee–ee pꞌanaujida:
—Tachi Akꞌõrepa tai naapɨara pëijida ajida, parã judiorãmaa ichia jara pëida Cristode jarateedamerã. Mamĩda parãpa ũri kꞌiniada–e pꞌanadairã, pãchi kꞌĩradoopa atuadaitꞌee. Mãga pꞌanadairã, tai wãdaitꞌee judio–eerãmaa jarateede. 47Mãga oodaitꞌee Tachi Akꞌõre Ũraa pꞌãdade jara bairã:
‘Kꞌõpꞌãyoorã ome lámpara pëipatakꞌa ɨ̃daamerã ode pꞌãrikꞌua nipadakꞌãri, mãga pɨkꞌa mɨa pɨ pëiru mɨ o akꞌɨpimerã na pꞌekꞌau eujãdepemaarãmaa. Mɨa mãgá pëiru kꞌinia bairã pɨa chi tꞌɨmɨara beerã paara o kꞌachiadeepa kꞌaripa atamerã.’ (Isaías 49.6)
48Judio–eerãpa mãga ũridakꞌãri, o–ĩa para beeji mãikꞌaapa Tachi Akꞌõrepa jara pëida pia bɨda apachida. Mãpai Cristode ijãajida chi Tachi Akꞌõrepa kꞌĩsia iru bada ichita chokꞌai pꞌanapataadamerã. 49Mãgɨɨrãpa Tachi Akꞌõrepa ooda jaratee wãpachida ãchi wãrutamaa. Cristo piuda kꞌaurepa irua tachi o kꞌachiadeepa kꞌaripa ataji. 50Mamĩda judiorãpa pedeejida wẽraarã ãchikꞌa Tachi Akꞌõre waaweepataarã ome. Pablo Bernabé ome ãpɨte ikꞌachia pedeejida. Maperã ma pꞌaratꞌara beerãpa mãikꞌaapa ɨmɨkꞌĩraarã chi pꞌuuru pidaarã poroorãpa Pablo Bernabé ome ma eujãdeepa jëretꞌaajida. 51Mãɨrãpa mãga oodakꞌãri, Pablo Bernabé ome ãchi bɨɨrɨ pꞌora nẽepꞌejida akꞌɨpidaitꞌee waa jarateeda–e paitꞌee ma judiorãmaa, Cristode ijãadakꞌaa pꞌanadapꞌedaa perã. Maapꞌeda wãjida Iconio pꞌuurudee. 52Pablo Bernabé ome mãgá jërekꞌoojida mĩda, chi Cristode ijãapataarã ma eujãde o–ĩa pꞌanajida, Tachi Akꞌõre Jaure ãchi ome bada perã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2005, 2010, 2015 Wycliffe Bible Translators, Inc. All rights reserved.