Mampaantsi 51
51
Mampaantsi
Rojankinari David, ikantanaka Kamantantaniri Natán ishintsineentanakiri, tema riyotakoetakirowa rantakiro kaariperori imayempitakiro Betsabé
1¡Tajorentsi! Eeroka neshironkatantaniri, pikaminthahaena.
Tema eerokataki etakotantaniri, pipeyakoteenawo okaatzi nantakiri. 2Pipakaa-kahaenawo okaatzi kariperotakaakinari.
Poetenteena nokaariperotakira.
3Niyotzi osheki nopiyathawaetakimi.
Tee omata nomaejantero nokaariperotakira.
4Apatziro nokaariperotzimotakimi eeroka.
Nantashitakawo okaatzi pipinkakaanari.
Tema okaate pikanteeri eeroka, kametha otampatzikate,
Eeroka kiteshireri pimatantawori pipiyakowentantzi.
5Tema kaariperotakina naaka, ari nokantzita owakira notzimapaaki.
Nokaariperotzita inthomoeki omotziki ashitanari, jaka anteetzirowa kaariperoyitatsiri.
6Pineshironkatziri eeroka kameethashireri,
Piyo-shiryaakahaa-nawo piyotaninka.
7Pikimitakaena poetetantyeenawomi kaawoshirontsi, eero nopitsiwaetanta.
Pikaawoshiteena, aritaki nokitamaatanee kameetha, ari nawijanakiro okaatzi okitamaatzi jiriniki.#51.7 kaawoshirontsi = hisopo
8Pikantakaeyaawo nokemanteeyaawori jempe ikimoshireteetzi, eejatzi jempe ithaamenteeta.
Piwiriintapookiteena powatsinaawaetakina.
9Pomanapithatyaawo nowaariperonka eero piñaantaawo,
Posheteenawo maawoeni owaariperotakinari.
10¡Tajorentsí! Poeteshireteena.
Powakirateenawo noshire, notampatzi-kashiretan-teeyaari.
11Eero pookawentana,
Eero paapithatanawo Pitajorenka.
12Papiiteero pinintaakahaena pikimitaakiro paerani owakira powawijaakotakina.
Potapi-shire-tantenawo roopirori Pitajorenka.
13Rootaki niyotaanteeyaariri theenkimawaetzimiri okantakantziro tee ikemijanteemi eeroka,
Ipiyashitanteemiri eeroka kaariperoripaeni.
14¡Apaa Tajorentsi, Owawijaakotantaniri! Pipeyakoteenawo okaatzi nompojantaki.
Ari nomampaawenteemi riyoetantyaari eeroka tampatzikashireri.
15¡Tajorentsi! Pithaamenta-cheratakaena.
Nopinkatha-waante-tanteemiro nomampaani.
16Tema te inimoteeme namashiwaetzimiri notayimiri natsipe-takaani.
Te pikowaeri okatziyeenkata iyachaarinka notaashiwaetzimiri.
17Tema rootaki pikowaperoteeri eeroka Tajorentsi piñiina okatsi-tzimo-shire-teena okaatzi nantzimotzimiri.
Tema ikaatzi ikemitakaanteetari riiperori ratsipetakaetani itahaetziniriri Tajorentsi, riitaki atziri okatsi-tzimo-shiretziri iyaariperonka.
18Paakameethateeri Kijakowentoni-jatzi, pineshironkateeri.
Papiiteero pipiriinteero otantopaeni Apatziyaweni.
19Ari rinimoteemiri itahaetziri ratsipe-takaetani kameetha-pero-tatsiri,
Riitaki mapero-teeroni okatziyeenkate iyachaarinka itahaetemiri, maaroni ikaatzi rashitakaetzimiri itahaetziri.
Tema itahaeteemiri ipiraetari tahaerontsiki.#51.19 ipiraetari = becerro
Currently Selected:
Mampaantsi 51: cpyB
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved
