Oseas 2
2
Nan Layad Apo Dios Isnan Ipogawna
2:14-23
14Kankanan nan apo en, “Iyeyko kasin si asawak isnan pondag
daket ay-ayaken siya isdi isnan makaawis ay kali.
15Awnitko isagong nan onasana
daket esten nan nadidiyok ay makwani en kad-an di napaligatan is segpan di namnama.
Awnitna owenan sak-en isdi
ay kaneg din inikkana isdin kababassangna ay nagapowana id Egipto.
16Et awnitna kasin pangadnan sak-en is ‘Asawak’
imbis ay pangwanina et ‘Baal’.#2:16 Nan Baal nan ngadan nan dios di Cananeo. “Apo” ya “asawa” nan tap-in di kayat ay kanan nan kali ay “Baal”.
17Awnitna adi kankanan wenno dengdengen kasin nan ngadan ay Baal.
18Isnan deey ay timpo et awnitak makitolag isnan am-in ay atap ay animal ya koyat
tapno adida paeg-egyaten nan ipogawko.
Awnitko gedan kaanen am-in ay maosal isnan gobat, am-in ay gamig ya pana isnan iliyo
tapno menlamlamnin nan ipogawko isnan matatagowanda ay maid iyeg-egyatda.
19Israel, awnitak asawaen sik-a
daket adi taytaynan sik-a.
Dakpay itoltoloy ay manglaylayad ya mangsegseg-ang ken sik-a
ya awnitak menkowa sik-a ay eng-enggana.
20Awnitko tongpalen nan inkalik
et mangtekam et ay sak-en nan apo.
21-22Isnan deey ay timpo et awnitko idnge nan lowalon nan ipogawko ay Israelita.
Daket ipaodan ta tomobo nan pagpagey, obas ya olibo isnan batawa.
23Dakpay olnosen nan ipogawko isnan dagada ya pasikaek daida.
Et nan ipogaw ay egay kalaylayad
et awnitak ipaila nan layadko ken daida.
Nan makwani en bakenko ipogaw
et awnitak kanan en ipogawko.
Dadat et kanan ken sak-en en,
‘Sik-a nan tet-ewa ay Diosmi.’ ”
Currently Selected:
Oseas 2: xnn
Highlight
Copy
Compare
Share
Want to have your highlights saved across all your devices? Sign up or sign in
© 1984 (NT), Wycliffe Bible Translators, Inc. All rights reserved.
© 2005 (OT), Wycliffe Bible Translators, Inc. All rights reserved.
