YAKUB 5

Tebaraa' ngan kelunan kaya'

1O kekat kelunan kaya', jian keh menéng ha' ké'. Jian keh mangaa' ngan nirau uban kekat pengeketa éh juk teneng tong keh. 2#Mat. 6:19 Pengekaya' keh juk béé ngan kekat pakai keh kinan lipah. 3Kekat mas ngan pirek keh juk tedéng; Tedéng néh inah seleket kelunan bara' tong penyala' keh ngan penyala' keh inah juk motong usah keh barei' Luten. Pu'un keh tipun kekat pengekaya' tong tana' iteu' éh bé' lebéé' La'ah juk béé. 4#Ula. 24:14-15 Bé' keh mena' gaji kelunan éh kereja' tong térék keh. Nenéng keh ha' réh pesala' keh. Ha' kangaa' irah éh tai majau térék keh, nenéng Allah, Tuhan éh ja'au penyukat. 5Urip keh tong tana' iteu' penoo' neu' pengekaya' ngan ngida ka'ah barei' ka'an éh lemek éh juk penatai kelunan. 6Pu'un keh ngukum ngan mematai kelunan éh bé' pu'un penyala' ngan irah ngerera' awah.

Kebit kenin ngan sebayang

7O kekat padéé' ké', jian keh kebit kenin pah avéé' Tuhan tuai kepéh. Jian keh seruh tong kelunan éh nérék ngan kebit kenin néh mena térék néh ngebuaa'. Ngan kebit kenin néh mena taa' tong bu'un néh ngan taa' tong ga' néh. 8Kenat péh ka'ah, jian ka'ah kebit kenin. Jian keh ngelan mu'un, uban dau Tuhan juk tuai kepéh lepah danii'.

9O kekat padéé' ké' mai ka'ah pané selem ngesa'at jah usah ngan jah usah, dai Allah petuneng keh. Iah éh petuneng nah danii' juk tuai mu'un. 10O kekat padéé' ké' nesen keh tong irah nabi sahau éh pané palaa' ngaran Tuhan. Jian keh nyavuu' pengekebit kenin ngan pengenetep réh dalem kekat pengeketa éh teneng tong réh. 11#Ayb. 1:21-22, 2:10, Msm. 103:8 Uleu' omok mateng irah kelunan éh murung kenin, uban réh omok ngeretep kenat. Ka'ah lepah menéng ha' tosok tong pengekebit kenin Ayub uleu' jam la'o kekat anak ngan olong néh matai, Tuhan mena' anak ngan olong ngan néh kepéh uban jalan pengasi ngan penika Tuhan ngan néh.

12 # Mat. 5:34-37 O kekat padéé' ké', mai keh pesupa hun keh maneu' jajii', mai keh pesupa palaa' ineu'-ineu' tong langit kenat péh palaa' ineu'-ineu' péh. Tekep keh mipa oo' hun néh oo' bé' hun néh bé' boh keh bé' kenukum Allah.

13Séé' jin belah ka'ah éh pu'un tusah? Jian iah sebayang. Séé' éh jian kenin? Jian iah nyanyi mejing Allah. 14#Mrk. 6:13 Séé' jin belah ka'ah éh sakit? Jian iah tebai irah pengeja'au tong sidang, dokoo' réh sebayang tong néh ngan mosoo' nyak Saitun tong néh dalem ngaran Tuhan. 15Hun réh sebayang kenat ngan ngelan Tuhan, omok kelunan sakit inah ma'o jin kesakit néh, Tuhan omok peka'o éh, ngan kekat penyala' néh omok Tuhan mega' éh. 16Uban néh kenat tekep ka'ah ngakun penyala' jah usah ngan jah usah, ngan sebayang jah usah ngan jah usah, dokoo' Tuhan omok peka'o keh. Hun kelunan éh teneng kenin tong jumen Tuhan sebayang, ja'au mu'un penyukat ha' sebayang néh. 17#1 Raj. 17:1, 18:1 Élia rai, iah péh jah kelunan pekua' barei' uleu' iteu', iah sebayang mu'un dokoo' taa' bé' pu'un, la'ah bé' pu'un taa' teleu' ta'un nem laséh kelebéé' néh. 18#1 Raj. 18:42-45 La'o inah iah sebayang kepéh dokoo' taa' pu'un, boh taa' pu'un kepéh, boh tana' iteu' pepurip buaa' pinaa' kepéh.

19O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah, 20Jian keh nesen ayat iteu'; séé'-séé' éh mihin kelunan penyala' nelikut kekat kesa'at néh, kelunan inah purip sahéé' kelunan éh penyala' inah jin pematai ngan penyala' néh lepah pega'.

Currently Selected:

YAKUB 5: PNT

Highlight

Copy

Compare