Salmo 133
133
Din Maoolnos Ay Siag-i
1Mapmapteng tet-ewa mo din siag-i yan maoolnos da!
2Kaman din nangina ay lana
ay naisoyat sin toktok Aaron sin naisaadana#133:2 Din ibagbaga nas na et din seremonia ay naisaadan Aaron ay kangatoan ay padi.
yan inmoyas sin emeng na enggana sin bado na.
3Maiarig abe sin dono ay mag-as sin dontog ay Hermon,
dono ay mag-as sin kadondontogan ed Zion.
Tan isdi ay inkarin Diyos din bindisyona
ay biyag ay magay pap-eng na.
Currently Selected:
Salmo 133: KD
Highlight
Copy
Compare
Share
Want to have your highlights saved across all your devices? Sign up or sign in
© 2000, 2017 Wycliffe Bible Translators, Inc. All rights reserved.
