Salmo 127
127
Si Diyos Di Kapoan Di Bindisyon
1Mo baken si Diyos di mangibangon sin panbeeyan,
am-in ay inoblan di karpintiro et pag sayang.
Mo baken abe si Diyos di manilsilib sin siyodad,
magay silbin di gowardiya ay naisaad.
2Olay masapan bomangonam ya maladaw di kaseypam
ay en man-an-anap si katagoan,
am-in ay oblam et iwed silbi na,
tan din laylayden Diyos ay ipogaw na,
olay mo mam-is di seyep da,
idawdawtana pay dedan si kasapolan da.
3Din anan-ak et sagot Diyos si daida,
nabanol dana ay bindisyon ay mapo en sisya.
4Din nakay ay babbaro di an-ak na,
maiarig si soldado ay ad-adoy armas na.#127:4 Din kanana sin Hebreo et: pana, tan say esa ay armas di soldado ed idi.
5Nagasat di ipogaw ay ad-adoy anak na.
Adi maabak mo waday mangidarum en sisya,
tan badangan da iman sin isongsongbat na.
Currently Selected:
Salmo 127: KD
Highlight
Copy
Compare
Share
Want to have your highlights saved across all your devices? Sign up or sign in
© 2000, 2017 Wycliffe Bible Translators, Inc. All rights reserved.
