Salmo 123
123
Kararag Ta Maseg-ang Si Diyos Sin Ipogaw Na
1Sik-a, Apo, ay tinmotokdo ed daya
sin tokdoan mo ay mangituray sin daga,
mantangad kami ay mankararag en sik-a.
2Kaman din iyat di mansilsilbi ay mantalek sin apo da,
kanayon abe ay mantalek kamin sik-a
enggana ay someg-ang ka.
3Apo, maseg-ang ka paabe en dakami,
tan enggay nalabes di ligat ay linak-am mi.
4Enggay adi mi maanosan
din lomaslasoyan ya pomalpaligatan
di mangipapangatos awak da ya babaknang.
Currently Selected:
Salmo 123: KD
Highlight
Copy
Compare
Share
Want to have your highlights saved across all your devices? Sign up or sign in
© 2000, 2017 Wycliffe Bible Translators, Inc. All rights reserved.
