Azã 18
18
Ba yõkɛ Azezi
(Amatie 26:47-56, Amarkɩ 14:43-50, Aluki 22:47-53)
1Azezi n tɔgɛ bɛla ba'asɛ la, ẽŋa la a karẽnbiisi la yese dooge la Sedrõ kʋlga ke bɔba, gaarɛ n daan boe mĩ, tɩ ba sẽŋɛ ka kẽ bilam. 2La Azudaasɩ n de sɛka n wʋn pa'alɛ tɩ ba yõkɛ ẽ na daan mi zẽ'a la mɛ, se'ere n soe la, Azezi la a karẽnbiisi la daan ẽn lagsra taaba bilam mɛ. 3Bɛla tɩ kãabgɔ kẽma nẽŋadõma, la Farisi dõma daan tõm gu'urba tɩ ba doose la sʋdaasɩ, tɩ Azudaasɩ tarɩ ba sẽŋɛ mĩ. Ba daan tarɩ la zɛbrɛ lɔgrɔ, la fɩtladõma, dee lasʋm bugum zɛɛra.
4La Azezi mi bõn-sɛba wuu n wʋn ẽŋɛ ẽ mɛ, bɛla tɩ a sẽŋɛ lɛm ba soke ba yetɩ: «Yãma eerɩ la ãne?» 5Tɩ ba lerge ẽ yetɩ: «Tõma eerɩ la Azezi n de Nazarɛtɩ nẽra la.» Tɩ Azezi yele ba yetɩ: «La de la mam.» La Azudaasɩ n daan yetɩ a pa'alɛ tɩ ba yõkɛ ẽ na daan ze mĩ mɛ. 6La Azezi n yetɩ: «La de la mam» na, ba sẽŋɛ la abilimpoore lebe lui tẽŋa. 7Tɩ Azezi le soke ba yetɩ: «Ãne tɩ yãma eerɩ?» Tɩ ba yetɩ: «Azezi n de Nazarɛtɩ nẽra la.» 8Tɩ Azezi lerge ba yetɩ: «Mam yele ya tɩ la de la mam. La sãn dɛna la mam tɩ ya eerɩ, basɛ-ya nẽr-bãna tɩ ba fõrgɛ.» 9A yele bɛla tɩ a yetɔga tɩ a tɔgɛ la n ẽŋɛ, a yetɩ: «Nẽr-sɛba tɩ fõn bɔ mam na, nẽra baa ayɩla ka bɔɩ.»
10La Asimõ-pɩyɛɛrɩ daan tarɩ la sʋkɔbgɔ, fooge sʋkɔbgɔ la sɛ kãabgɔ kẽma nẽŋadãana tõntõnna zʋʋgɔ tʋbrɛ fiige. Tõntõnna la yʋ'ʋrɛ de la Amalkusi. 11Tɩ Azezi yele Apɩyɛɛrɩ yetɩ: «Lebe sũm fʋ sʋ'a la a fʋʋgɔ pʋam. Fõn tẽ'esɛ tɩ mam kãn sakɛ nãmsgɔ sɛka tɩ mam Sɔ bɔ mam na mɛ bɩɩ?»
12Tɩ sʋdaasɩ la, la ba kɛ'ɛma, la Zifdõma gu'urba la yõkɛ Azezi lʋ ẽ, 13tarɩ ẽ dẽŋɛ sẽŋɛ A'annɩ zẽ'am. A'annɩ daan de la Akayifu n de kãabgɔ kẽma nẽŋadãana yʋʋn-ẽŋa la dɛɛm-bʋraa. 14La de la Akayifu n daan yele Zifdõma tɩ nẽra ayɩla sãn ki nẽrba wuu ĩyã n sõɩ.
Apɩyɛɛrɩ sɩ'ɩsɛ tɩ ẽŋa ka mi Azezi
(Amatie 26:69-70, Amarkɩ 14:66-68, Aluki 22:55-57)
15La Asimõ-pɩyɛɛrɩ la karẽnbia ayɩla n daan dolɩ Azezi. La kãabgɔ kẽma nẽŋadãana la daan mi karẽnbi-ẽŋa mɛ, tɩ a po doose la Azezi kẽ kãabgɔ kẽma nẽŋadãana la yire. 16La Apɩyɛɛrɩ weege zɛ la yẽŋa, yaŋa nõorʋm, tɩ karẽnbi-sɛka tɩ kãabgɔ kẽma nẽŋadãana mi la, yese ka tɔgɛ la pɔka la n gu'uri zanõrɛ la, dee botɩ Apɩyɛɛrɩ kẽ. 17Tɩ tõntõn-pɔka la n gu'uri zanõrɛ la, soke Apɩyɛɛrɩ yetɩ: «Fõn dagɩ la bʋra-ẽna karẽnbia ayɩla?» Tɩ Apɩyɛɛrɩ lerge yetɩ: «Mam dagɩ a karẽnbia.»
18La ɔɔrɔ n daan boe, tɩ tõntõnɩba, la gu'urba la tʋʋrɛ bugum kaagɛ ɔɔsra. Tɩ Apɩyɛɛrɩ daan po bɔna mĩ ɔɔsra bugum na.
Kãabgɔ kẽma nẽŋadãana soke Azezi a zãsŋɔ la yelle
(Amatie 26:59-66, Amarkɩ 14:55-64, Aluki 22:66-71)
19Tɩ kãabgɔ kẽma nẽŋadãana la soke Azezi a karẽnbiisi la, la a zãsŋɔ la yelle. 20Tɩ Azezi lerge ẽ yetɩ: «Mam tɔgɛ la nẽr-kʋʋŋɔ la pʋam bɔ nẽrba, mam zãsʋm nẽrba Zifdõma wẽndeto pʋam, la Wẽnde-kãtʋm na, zẽ'e-sɛba tɩ Zifdõma wuu ẽn lagsrɩ taaba la mɛ, mam ka sʋgɛ tɔgɛ sɛla sɛla. 21Bẽm tɩ fʋ sɔkra mam? Soke sɛba n wõm mam yetɔga la, bãma mi mam n yele se'em na mɛ.» 22Azezi n tɔgɛ bɛla la, tɩ tõntõnna n ze mĩ, wẽ a pɛka, dee yetɩ: «Fõn lerge la kãabgɔ kẽma nẽŋadãana la bɛla?» 23Tɩ Azezi yele ẽ yetɩ: «Mam sãn tɔgɛ la be'em, pa'alɛ sɛla tɩ mam tɔgɛ be'em na, la mam sãn tɔgɛ la sõŋa, bẽm tɩ fʋ wẽ'era ma?» 24Tɩ A'annɩ botɩ ba tarɩ ẽ ban lʋ ẽ se'em na, sẽŋɛ kãabgɔ kẽma nẽŋadãana Akayifu zẽ'am.
Apɩyɛɛrɩ le sɩ'ɩsɛ tɩ ẽŋa ka mi Azezi
(Amatie 26:71-75, Amarkɩ 14:69-72, Aluki 22:58-62)
25La Asimõ-pɩyɛɛrɩ daan ken zɛ ɔɔsra la bugum na. Tɩ ba soke ẽ yetɩ: «Fõn mẽ dagɩ la bʋra-ẽna karẽnbia ayɩla?» Tɩ a sɩ'ɩsɛ yetɩ: «Mam dagɩ a karẽnbia.» 26Tɩ kãabgɔ kẽma nẽŋadãana tõntõnna ayɩla n de nẽr-sɛka tɩ Apɩyɛɛrɩ daan sɛ a tʋbrɛ fiige la sɔbia, soke ẽ yetɩ: «Dagɩ fõn tɩ mam yẽ la bʋraa la gaarɛ la pʋam na?» 27Tɩ Apɩyɛɛrɩ le sɩ'ɩsɛ. Wakat-ẽŋa mẽŋa tɩ nõ-rɔɔgɔ kaasɛ.
Ba tarɩ Azezi sẽŋɛ gɔmna Apilatɩ zẽ'am
(Amatie 27:1-2,11-31, Amarkɩ 15:1-20, Aluki 23:1-5,13-25)
28Tɩ ba daan tarɩ Azezi Akayifu yire sẽŋɛ gɔmna yire. La daan de la bulika yʋ'ʋŋɔ yʋ'ʋŋɔ. La Zifdõma la mẽŋa ka kẽ gɔmna la yire, ba ẽŋɛ bɛla tɩ ba da dẽgɛ la ba mẽŋa, tã'agɛ di Zɔɔg-basɛ kibsa la. 29Tɩ Apilatɩ yese sẽŋɛ ba zẽ'am ka soke ba yetɩ: «Bẽm yelle tɩ yãma tarɩ bʋra-ẽna wã wa'am?» 30Tɩ ba lerge ẽ yetɩ: «A sãn ka ẽŋɛ nɩ be'em, tõma kãn yõkɛ ẽ wa'am wa bɔ fõn.» 31Tɩ Apilatɩ yele ba yetɩ: «Tara-ya ẽ ya mẽŋa sẽŋɛ ka di a sarɩya wʋ ya lɔɔ la n de se'em na.» Tɩ Zifdõma la yele ẽ yetɩ: «Tõma ka tarɩ nõorɛ tɩ tɩ kʋ nẽra.» 32La de la bɛla tɩ Azezi n daan tɔgɛ pa'alɛ kũm sɛka buuri tɩ ẽŋa wʋn ki la ẽŋɛ.
33Tɩ Apilatɩ lebe kẽ deem ka wi Azezi soke ẽ yetɩ: «Fõn de Zifdõma naba la?» 34Tɩ Azezi lerge ẽ yetɩ: «Fõn mẽŋa pʋtẽ'erɛ tɩ fõn sɔkra bɛla bɩɩ, la de la nẽrba basɛba n tɔgɛ mam yelle bɛla bɔ fõn?» 35Tɩ Apilatɩ lerge ẽ yetɩ: «Mam dagɩ Zifu. Fʋ mẽŋa buuri, la ba kãabgɔ kẽma nẽŋadõma n yõkɛ fʋ tarɩ wa bɔ mam. Bẽm tɩ fõn ẽŋɛ?» 36Tɩ Azezi lerge ẽ yetɩ: «Mam so'olʋm dagɩ dũnia wã bõnɔ. Mam so'olʋm sãn de nɩ dũnia wã bõnɔ, mam tõntõnɩba la wʋn zɛbɛ nɩ mɛ tɩ ba da yõkɛ mam bɔ Zifdõma la. La lɛɛlɛ wã, mam so'olʋm dagɩ dũnia wã bõnɔ.» 37Tɩ Apilatɩ soke ẽ yetɩ: «Bɛla fõn de la naba?» Tɩ Azezi lerge yetɩ: «La de la fõn yele se'em na, mam de la naba. Mam dɔgɛ wa'am dũnia wã tɩ m tɔgɛ la sɩra kaseto. La sɛka woo n dolɩ sɩra selsrɩ la mam kõa.» 38Tɩ Apilatɩ soke ẽ yetɩ: «Sɩra de la bẽm?»
Apilatɩ n yele bɛla la, a le yese sẽŋɛ la Zifdõma la zẽ'am ka yele ba yetɩ: «Mam ka yẽ sɛla n de be'em bʋraa wã zẽ'am. 39La yãma malʋm mɛ tɩ Zɔɔg-basɛ kibsa wakatɛ woo m yese yʋ'a deem nẽra ayɩla basɛ. Yãma boorɩ tɩ m yese la Zifdõma naba la basɛ bɩɩ?» 40Tɩ ba tɔgra ke'enke'em yetɩ: «Da kãn basɛ ẽŋa. Tõma boorɩ tɩ fʋ basɛ la Abarabasɩ.» La Abarabasɩ daan de la fãara.
Currently Selected:
Azã 18: gurDBL
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.
Azã 18
18
Ba yõkɛ Azezi
(Amatie 26:47-56, Amarkɩ 14:43-50, Aluki 22:47-53)
1Azezi n tɔgɛ bɛla ba'asɛ la, ẽŋa la a karẽnbiisi la yese dooge la Sedrõ kʋlga ke bɔba, gaarɛ n daan boe mĩ, tɩ ba sẽŋɛ ka kẽ bilam. 2La Azudaasɩ n de sɛka n wʋn pa'alɛ tɩ ba yõkɛ ẽ na daan mi zẽ'a la mɛ, se'ere n soe la, Azezi la a karẽnbiisi la daan ẽn lagsra taaba bilam mɛ. 3Bɛla tɩ kãabgɔ kẽma nẽŋadõma, la Farisi dõma daan tõm gu'urba tɩ ba doose la sʋdaasɩ, tɩ Azudaasɩ tarɩ ba sẽŋɛ mĩ. Ba daan tarɩ la zɛbrɛ lɔgrɔ, la fɩtladõma, dee lasʋm bugum zɛɛra.
4La Azezi mi bõn-sɛba wuu n wʋn ẽŋɛ ẽ mɛ, bɛla tɩ a sẽŋɛ lɛm ba soke ba yetɩ: «Yãma eerɩ la ãne?» 5Tɩ ba lerge ẽ yetɩ: «Tõma eerɩ la Azezi n de Nazarɛtɩ nẽra la.» Tɩ Azezi yele ba yetɩ: «La de la mam.» La Azudaasɩ n daan yetɩ a pa'alɛ tɩ ba yõkɛ ẽ na daan ze mĩ mɛ. 6La Azezi n yetɩ: «La de la mam» na, ba sẽŋɛ la abilimpoore lebe lui tẽŋa. 7Tɩ Azezi le soke ba yetɩ: «Ãne tɩ yãma eerɩ?» Tɩ ba yetɩ: «Azezi n de Nazarɛtɩ nẽra la.» 8Tɩ Azezi lerge ba yetɩ: «Mam yele ya tɩ la de la mam. La sãn dɛna la mam tɩ ya eerɩ, basɛ-ya nẽr-bãna tɩ ba fõrgɛ.» 9A yele bɛla tɩ a yetɔga tɩ a tɔgɛ la n ẽŋɛ, a yetɩ: «Nẽr-sɛba tɩ fõn bɔ mam na, nẽra baa ayɩla ka bɔɩ.»
10La Asimõ-pɩyɛɛrɩ daan tarɩ la sʋkɔbgɔ, fooge sʋkɔbgɔ la sɛ kãabgɔ kẽma nẽŋadãana tõntõnna zʋʋgɔ tʋbrɛ fiige. Tõntõnna la yʋ'ʋrɛ de la Amalkusi. 11Tɩ Azezi yele Apɩyɛɛrɩ yetɩ: «Lebe sũm fʋ sʋ'a la a fʋʋgɔ pʋam. Fõn tẽ'esɛ tɩ mam kãn sakɛ nãmsgɔ sɛka tɩ mam Sɔ bɔ mam na mɛ bɩɩ?»
12Tɩ sʋdaasɩ la, la ba kɛ'ɛma, la Zifdõma gu'urba la yõkɛ Azezi lʋ ẽ, 13tarɩ ẽ dẽŋɛ sẽŋɛ A'annɩ zẽ'am. A'annɩ daan de la Akayifu n de kãabgɔ kẽma nẽŋadãana yʋʋn-ẽŋa la dɛɛm-bʋraa. 14La de la Akayifu n daan yele Zifdõma tɩ nẽra ayɩla sãn ki nẽrba wuu ĩyã n sõɩ.
Apɩyɛɛrɩ sɩ'ɩsɛ tɩ ẽŋa ka mi Azezi
(Amatie 26:69-70, Amarkɩ 14:66-68, Aluki 22:55-57)
15La Asimõ-pɩyɛɛrɩ la karẽnbia ayɩla n daan dolɩ Azezi. La kãabgɔ kẽma nẽŋadãana la daan mi karẽnbi-ẽŋa mɛ, tɩ a po doose la Azezi kẽ kãabgɔ kẽma nẽŋadãana la yire. 16La Apɩyɛɛrɩ weege zɛ la yẽŋa, yaŋa nõorʋm, tɩ karẽnbi-sɛka tɩ kãabgɔ kẽma nẽŋadãana mi la, yese ka tɔgɛ la pɔka la n gu'uri zanõrɛ la, dee botɩ Apɩyɛɛrɩ kẽ. 17Tɩ tõntõn-pɔka la n gu'uri zanõrɛ la, soke Apɩyɛɛrɩ yetɩ: «Fõn dagɩ la bʋra-ẽna karẽnbia ayɩla?» Tɩ Apɩyɛɛrɩ lerge yetɩ: «Mam dagɩ a karẽnbia.»
18La ɔɔrɔ n daan boe, tɩ tõntõnɩba, la gu'urba la tʋʋrɛ bugum kaagɛ ɔɔsra. Tɩ Apɩyɛɛrɩ daan po bɔna mĩ ɔɔsra bugum na.
Kãabgɔ kẽma nẽŋadãana soke Azezi a zãsŋɔ la yelle
(Amatie 26:59-66, Amarkɩ 14:55-64, Aluki 22:66-71)
19Tɩ kãabgɔ kẽma nẽŋadãana la soke Azezi a karẽnbiisi la, la a zãsŋɔ la yelle. 20Tɩ Azezi lerge ẽ yetɩ: «Mam tɔgɛ la nẽr-kʋʋŋɔ la pʋam bɔ nẽrba, mam zãsʋm nẽrba Zifdõma wẽndeto pʋam, la Wẽnde-kãtʋm na, zẽ'e-sɛba tɩ Zifdõma wuu ẽn lagsrɩ taaba la mɛ, mam ka sʋgɛ tɔgɛ sɛla sɛla. 21Bẽm tɩ fʋ sɔkra mam? Soke sɛba n wõm mam yetɔga la, bãma mi mam n yele se'em na mɛ.» 22Azezi n tɔgɛ bɛla la, tɩ tõntõnna n ze mĩ, wẽ a pɛka, dee yetɩ: «Fõn lerge la kãabgɔ kẽma nẽŋadãana la bɛla?» 23Tɩ Azezi yele ẽ yetɩ: «Mam sãn tɔgɛ la be'em, pa'alɛ sɛla tɩ mam tɔgɛ be'em na, la mam sãn tɔgɛ la sõŋa, bẽm tɩ fʋ wẽ'era ma?» 24Tɩ A'annɩ botɩ ba tarɩ ẽ ban lʋ ẽ se'em na, sẽŋɛ kãabgɔ kẽma nẽŋadãana Akayifu zẽ'am.
Apɩyɛɛrɩ le sɩ'ɩsɛ tɩ ẽŋa ka mi Azezi
(Amatie 26:71-75, Amarkɩ 14:69-72, Aluki 22:58-62)
25La Asimõ-pɩyɛɛrɩ daan ken zɛ ɔɔsra la bugum na. Tɩ ba soke ẽ yetɩ: «Fõn mẽ dagɩ la bʋra-ẽna karẽnbia ayɩla?» Tɩ a sɩ'ɩsɛ yetɩ: «Mam dagɩ a karẽnbia.» 26Tɩ kãabgɔ kẽma nẽŋadãana tõntõnna ayɩla n de nẽr-sɛka tɩ Apɩyɛɛrɩ daan sɛ a tʋbrɛ fiige la sɔbia, soke ẽ yetɩ: «Dagɩ fõn tɩ mam yẽ la bʋraa la gaarɛ la pʋam na?» 27Tɩ Apɩyɛɛrɩ le sɩ'ɩsɛ. Wakat-ẽŋa mẽŋa tɩ nõ-rɔɔgɔ kaasɛ.
Ba tarɩ Azezi sẽŋɛ gɔmna Apilatɩ zẽ'am
(Amatie 27:1-2,11-31, Amarkɩ 15:1-20, Aluki 23:1-5,13-25)
28Tɩ ba daan tarɩ Azezi Akayifu yire sẽŋɛ gɔmna yire. La daan de la bulika yʋ'ʋŋɔ yʋ'ʋŋɔ. La Zifdõma la mẽŋa ka kẽ gɔmna la yire, ba ẽŋɛ bɛla tɩ ba da dẽgɛ la ba mẽŋa, tã'agɛ di Zɔɔg-basɛ kibsa la. 29Tɩ Apilatɩ yese sẽŋɛ ba zẽ'am ka soke ba yetɩ: «Bẽm yelle tɩ yãma tarɩ bʋra-ẽna wã wa'am?» 30Tɩ ba lerge ẽ yetɩ: «A sãn ka ẽŋɛ nɩ be'em, tõma kãn yõkɛ ẽ wa'am wa bɔ fõn.» 31Tɩ Apilatɩ yele ba yetɩ: «Tara-ya ẽ ya mẽŋa sẽŋɛ ka di a sarɩya wʋ ya lɔɔ la n de se'em na.» Tɩ Zifdõma la yele ẽ yetɩ: «Tõma ka tarɩ nõorɛ tɩ tɩ kʋ nẽra.» 32La de la bɛla tɩ Azezi n daan tɔgɛ pa'alɛ kũm sɛka buuri tɩ ẽŋa wʋn ki la ẽŋɛ.
33Tɩ Apilatɩ lebe kẽ deem ka wi Azezi soke ẽ yetɩ: «Fõn de Zifdõma naba la?» 34Tɩ Azezi lerge ẽ yetɩ: «Fõn mẽŋa pʋtẽ'erɛ tɩ fõn sɔkra bɛla bɩɩ, la de la nẽrba basɛba n tɔgɛ mam yelle bɛla bɔ fõn?» 35Tɩ Apilatɩ lerge ẽ yetɩ: «Mam dagɩ Zifu. Fʋ mẽŋa buuri, la ba kãabgɔ kẽma nẽŋadõma n yõkɛ fʋ tarɩ wa bɔ mam. Bẽm tɩ fõn ẽŋɛ?» 36Tɩ Azezi lerge ẽ yetɩ: «Mam so'olʋm dagɩ dũnia wã bõnɔ. Mam so'olʋm sãn de nɩ dũnia wã bõnɔ, mam tõntõnɩba la wʋn zɛbɛ nɩ mɛ tɩ ba da yõkɛ mam bɔ Zifdõma la. La lɛɛlɛ wã, mam so'olʋm dagɩ dũnia wã bõnɔ.» 37Tɩ Apilatɩ soke ẽ yetɩ: «Bɛla fõn de la naba?» Tɩ Azezi lerge yetɩ: «La de la fõn yele se'em na, mam de la naba. Mam dɔgɛ wa'am dũnia wã tɩ m tɔgɛ la sɩra kaseto. La sɛka woo n dolɩ sɩra selsrɩ la mam kõa.» 38Tɩ Apilatɩ soke ẽ yetɩ: «Sɩra de la bẽm?»
Apilatɩ n yele bɛla la, a le yese sẽŋɛ la Zifdõma la zẽ'am ka yele ba yetɩ: «Mam ka yẽ sɛla n de be'em bʋraa wã zẽ'am. 39La yãma malʋm mɛ tɩ Zɔɔg-basɛ kibsa wakatɛ woo m yese yʋ'a deem nẽra ayɩla basɛ. Yãma boorɩ tɩ m yese la Zifdõma naba la basɛ bɩɩ?» 40Tɩ ba tɔgra ke'enke'em yetɩ: «Da kãn basɛ ẽŋa. Tõma boorɩ tɩ fʋ basɛ la Abarabasɩ.» La Abarabasɩ daan de la fãara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2008, 2010, Wycliffe Bible Translators, Inc. All rights reserved.