ⴾⵍⵗⵀⵔⵢ 6

1ⴹⵗ ⴹⵢ ⴾⵢⵜⵏⵗ ⴹⴶ ⵓⵏ ⵙⵏ⵿ⵜⵢ ⵏ⵿ⵜⵗⵔⵢ ⴹⵗ ⵀⵜⵓ ⵏⵍⵎⵙⵈ⵰ ⴾⵓⵜⵏⴰ ⴹⵜ ⵢⴹ ⵏⵓⴹ ⵍⴾⵎⵍⵜ ⴹⴰ ⵓⵔ ⵏⵍⵙ ⵜⵓⵗⵍⵢ ⵏⵙⵏ⵿ⵜⵢ ⵢⵏ ⵢⵏⵢⵏ ⵍⵎⵗⵏⴰ ⵏⵓⵏ ⵜⵜⵀⵜ ⴹⵎⵤⵢ ⴹⵔⴾ ⵎⵤⵍⵏ ⵜⵓⵢⵏⵏ ⴶⴹⵎ ⵙⵂⵍⴾ ⴹⵤⴶⵤⵏ ⵙ ⵎⵛⵏⴰ 2ⴹⵙⵙⵗⵔⵢ ⴶⵏ ⴹⵗ ⵀⵜⵓ ⵏⵤⵤⴹⴶ ⴹⵙⵓⵔ ⵏⵢⵜⴹⵏ ⴼⵙⵏ ⴹⵙⵏ⵿ⴾⵔ ⵏⵎⵜⵏ ⴹⵛⵔⵗⴰ ⵓⵏ ⵤⵍ ⵓⵏ ⵜⵀⴹⵢ⵰ 3ⵎⵔⵏ ⵓⵏ ⴹⵗ ⵤⴰ ⵏⴶⵓ ⴾⴹ ⵔⴹⴰ ⵎⵛⵏⴰ⵰

4-6ⵢⵜⴹⵏ ⵓⵏ ⵌⵓⵔⵏⵏ ⴶⵔⵓⵏ ⵏⵔ ⵏⵎⵛⵏⴰ ⵙⵎⵜⵎⵏ ⵜⵂⴾⵜ ⵏⵎⵛⵏⴰ ⴶⵔⵓⵏ ⵏ⵿ⴼⵙ ⵓⴰ ⵤⴹⴶⵏ ⵏⵢⵏ ⵙ ⵓⵍ ⵏⵎⵛⵏⴰ ⵂⵙⵢ ⵏⵢⵏ ⴹⵗ ⵜⵔⵏⴰ ⵜⴰ ⵜⵙⴾⵏⵜ ⴹⵏⵜ ⵜⴰ ⴹⵜⵤⵢⵜ ⵎⵔⵏ ⵎⵤⵔⵢⵏ ⵜⵔⵢⵜ ⵜⴰ ⵜⵍⵗⵜ ⵓⵏ ⴹⵢ ⵓⵔ ⵜⵍⴰ ⵎⴾ ⵙ ⵍⵙⵏ ⵜⵜⵀⵜ⵰ ⴼⵍⵙ ⴶⵎⵢ ⵏ⵿ⵜⵏ⵿ⴼⴰ ⵏⵎⵏⵙⵏ ⴼⵍ ⵍⵙⵏ ⵜⵢⵜⵢ ⵏⵀⵔⵔ ⵏⵎⵛⵏⴰ ⴼⵍ ⵜⴶⵜⵓⵜ ⵙⵎⴹⵔⵢⵏ⵿ⵜⵓ ⴹⵜ ⵓⴹⵏ ⴾⵍ⵰ 7ⵎⴹⵍ ⴶⵔⵓⵏ ⴾⵏⴾ ⵍⵗⵏ ⵎⵔⵏ ⵜⵔⵓⴹⵓ ⵏⵀⵜⵏ ⵜⵂⴰ ⵜⵏ⵿ⴼⴰ ⵢ ⵓⵏ ⵜⴶⵢⴾⵏⵏ ⵎⴹⵍ ⵓⴹⵢ ⴶⵔⵓ ⵍⵀⵔⴾⴰ ⵏⵎⵛⵏⴰ⵰ 8ⵎⵛⵏ ⵎⴹⵍ ⵓⴰ ⴹⵔⵓⵏ ⵢⵢⵜⴹⵏ ⵏⵀⵜⵏ ⵛⵔⵏⵏ ⵓⴹⵢ ⵓⵔ ⵏ⵿ⴼⴰ ⵓⵍⴰ⵰ ⵜⵍⵗⵏ⵿ⵜ ⵜⵤⵜⵓⵔⵜ ⵎⵔⵏ ⵜⵙⵍⴾⵎ⵿ⵜⵏⵜ ⵂⵍⴾ ⴶⵏ ⵙ ⵜⵎ⵿ⵙⵢ⵰

9ⵢⴰ ⵎⵔⵏⵏ ⴾⴹ ⵎⵙ ⵙ ⵏⵛⵓⵍⵓⵏ ⵙⵎⴾ ⵓⴰ ⴹⴰ ⵏⴾⵙ ⵛⴾ ⵙ ⵤⵢⴾⵓⵏ⵿ⴹⵓ ⵔⵜ ⴾⵏⵏ ⵍⵗ ⵜⵎⵙⵏ ⵍⵗⵍⵙ⵰ 10ⵓⵍⴰ ⵎⵛⵏⴰ ⵎⵍⵢ ⵗⴹⵏ ⵎⵙ ⴹⵗ ⴹⵢ ⵓⵔ ⴹⵏ⵿ⵤⵜⵓ ⵎⵤⵍⵏⵓⵏ ⵓⵍⴰ ⵜⵔⴰ ⵜⴰ ⵜⵜⵙⴾⵏⵎ ⴹⵗ ⵛⵗⵍ ⵓⴰ ⵜⴶⵎ ⴼⵍ ⵙⵗⵎⵔ ⵏⵙⵎⵏⵜ ⵢ ⵎⵤⴶⵤⵏ ⵙ ⵂⵔⵓⴹⴰ ⵜⵜⴶⵎ⵿ⵜⵓ⵰ 11ⵎⵛⵏ ⵏⵙⴹⵔⵏ ⵙ ⴾⵢⵏ ⴹⵗⵓⵏ ⴹ ⵙⴾⵏⵓ ⴶⵍⵢⵜ ⵜⴹⵢ ⴹⴰ ⵂⵔ ⵜⵤⵔⵙ⵿ⵜ ⴼⵍ ⴹ ⵜⴶⵔⵓⵎ ⴶⵢ ⵏⵜⵎⴰ ⵏ⵿ⴹⵏ⵰ 12ⵙ ⵜⴶⵎ ⴹⵢ ⵓⵔ ⵤⴰ ⵜⵆⵍⵎ ⵎⵙⵏ⵿ⴹⴹ ⴾⵍⵔ ⴹ ⵜⵜⵍⵍⵎ ⵓⵏ ⴶⵔⵓⵏⵏ ⵔⵈⵎⵜ ⵜⵙ ⵜⵓⴶⴰ ⵔⴾⵓⵍⵏⵜ ⵙ ⵜⵔⵢⵜ ⵏⵤⴶⵤⵏⵙⵏ ⴹⵜⵤⵢⴹⵔ⵿ⵜⵏⵙⵏ⵰

13ⵎⵔⵏ ⵙⵗⴰ ⵓⴹ ⴶⴰ ⵎⵛⵏⴰ ⵔⴾⵓⵍ ⵢⵏⵀⵢ ⵀⵔⵂⵎ ⵓⵔ ⵜⵍⴰ ⵙⵎ ⵢⵏ ⴶⵔⵏ ⵓⵏ ⵎⵛⵏⴰ ⵏ⵿ⴶⵎ ⵂⴹ ⵙⵔⵙ⵰ ⵓⵏ ⴹⵗ ⴼⵍ ⵂⴹ ⵎⵛⵏⴰ ⵙⵤⵜⵏⵜ 14ⵏⴰ ⵍⴾⵏ ⵙ ⴾⵢ ⵙⵏⵂⵍⵗ ⵜⵂⴾⵢ ⵏⵍⵀⵔⴾⴰ ⴾⵏⴰ ⴹⵗ ⵙⴶⵜ ⵏⵤⵔⵢⵏⴾ⵰ 15ⵎⴾⵏ ⴹⵗ ⵙ ⴹⴼⵔ ⵙ ⵙⴾⵏⴰ ⵀⵔⵂⵎ ⵜⵤⵢⴹⵔ⵿ⵜⵏⵜ ⴶⵔⵓ ⵔⵜ ⵓⵙ ⴹⵙⵜⵓⴶⴰ ⵔⴾⵓⵍⵏⵜ⵰ 16ⵢⵜⴹⵏ ⵜⵂⴹⵢ ⵜⴶⵏ ⵙⵙⵎ ⵓⴰ ⴶⵔⵏ ⵓⵏⵙⵏ ⵎⵔⵏ ⵜⵂⴹⵢ ⵜⵏ ⵏ⵿ⵜⴰ ⵜⵙⵜⴹⵜ ⵀⵜⵏⵙⵏ ⵜⴶⴹⵍ ⴹⵔⵙ ⴹⵆⵍ ⵓⴹⵏ ⵓⵍⵢⵏ⵰ 17ⵎⴾⵏ ⴹⵗ ⵙ ⵎⵛⵏⴰ ⵙⴶⵜⴾⵜ ⵢⴹ ⵙⵙⵏ ⵢⵜⴹⵏ ⵓⵏ ⵙ ⴶⴰ ⵔⴾⵓⵍ ⵙ ⵔⵜⵏ ⵓⵏ ⵙⵀⴹⴹ ⵓⵔ ⵜⵎⵜⵢⵏ⵰ ⵓⵏ ⴹⵗ ⴼⵍ ⵂⴹ ⵎⵛⵏⴰ ⴹⵗ ⵀⵜⵓ ⵜⵏ⵰ 18ⴹⵗ ⴹⵢ ⵛⵏ ⵔⵜⵏ ⵜⵍⵏⵏ ⵓⵔ ⵏⵜⵎⵜⵢ ⵎⵔⵏ ⵓⵔ ⵜⵍⴰ ⵎⴾ ⵙ ⴹⵗⵙⵏ ⴶⴰ ⵎⵛⵏⴰ ⵀⵂⵓ⵰ ⵔⵜⵏ ⵓⵏ ⵏ⵿ⵜⵏⵢ ⴹⵏⵤⵙⵙⵂⵜⵏⵏ ⵓⵍⵏ ⵏⴾⵏⵢ ⵢⵏⵏ ⵔⵜ ⴾⵍ ⵏⴶⵎⵢ ⵜⴶⵙ⵿ⵜ ⵙⵤⵤⵓⵏⵏⴰ ⴹⵗ ⵜⵎⴰ ⵓⴰ ⴹⵏⵗⵜⵓⴾⴼⵏ⵰ 19ⵜⵎⴰ ⵓⵏ ⵏ⵿ⵜⴰ ⴹⵏⵗⵎⵙⵏ ⵛⵙⵜⵢⵜⵢ ⵙⴼⵍⵙⵏⵏ ⵙⵂⵜⵏⵜ ⵎⵔⵏ ⵏ⵿ⵜⴰ ⴹⵏⵗⵓⵢⵏ ⵂⵔ ⴹⵏⴶ ⵏⵗⵔ ⵓⴰ ⵍⵏ ⴶⵔ ⴹⴶ ⵓⴰ ⵤⴹⴶⵏ ⴹⵓⴰ ⴶⵔⵏ ⵜⵤⴹⴾ⵰ 20ⴹⴶ ⵓⵏ ⵏ⵿ⵜⴰ ⴶⵤ ⵗⵢⵙⴰ ⴼⵍ ⴹⵍⵍⵏⵏⴰ ⵤⵔⵏⵗⵏ ⵙⵔⵙ ⵆⵍ ⵍⵎⵎ ⵓⴰ ⵤⵓⵔⵏ ⵂⵔ ⴼⵓ ⴹⵗ ⵜⴶⵢⵜ ⵜⵏ ⵎⵍⴾⵙⴹⵆ⵰

Currently Selected:

ⴾⵍⵗⵀⵔⵢ 6: TTQtg

Highlight

Copy

Compare