ⴾⵍⵗⵀⵔⵢ 5

ⵗⵢⵙⴰ ⵍⵎⵙⵈ ⵜⵓⵙⵏⴼⵔⵏ ⵎⵙ ⵍⵎⵎ ⴹⵗ ⵜⴶⵢⵜ ⵜⵏ ⵎⵍⴾⵙⴹⵆ

1ⴾⵍⴾ ⵏⵍⵎⵎ ⵓⴰ ⵤⵓⵔⵏ ⵜⵓⵙⵏⴼⵔⵏ ⴹⵗ ⵢⵜⴹⵏ ⵎⵔⵏ ⵜⵏ⵿ⴼⴰ ⵏⵢⵜⴹⵏⵏ ⴹⴰ ⴼⵍ ⵜⵓⵤⵤⵔ ⵢⴹ ⴶⵓ ⵛⵗⵍ ⵏⵎⵛⵏⴰ ⴶⵓ ⵛⵂⴾⵜⵏ ⴹⵜⴾⵜⵓⵏ ⴼⵍ ⴶⵎⵢ ⵏ⵿ⵜⵙⵔⴼ⵿ⵜ ⵏⵀⴾⴹⵏⵙⵏ⵰ 2ⵍⵎⵎ ⵓⵏ ⴼⵔⴶ ⴶⵔⵢ ⵏⵍⵌⵂⵍⵏ ⴹⵢⵜⴹⵏ ⵓⵏ ⵈⵔⴾⵏⵏ ⴹ ⵏ⵿ⵜⴰ ⵎⵏⵜ ⴹⴰ ⵔⴾⵎ⵰ 3ⵔⴾⵎⵏⵜⵏ ⴹⵗ ⴼⵍⵙ ⵓⵔ⵿ⵜⵓ ⴹ ⴶⵓ ⵛⴾⵜⵓⵏ ⴼⵍ ⴶⵎⵢ ⵏ⵿ⵜⵙⵔⴼ⵿ⵜ ⵏⵀⴾⴹⵏ ⵓⵏⵜ ⵂⵔⴾⴹ ⵓⵏ ⵜⵎⵜⵢ⵰ 4ⵎⵔⵏ ⵓⵔ ⵜⵍⴰ ⵓⴹⵏ ⴼⵔⴶⵏ ⴹ ⴾⴼⵓ ⵎⵏⵜ ⵍⵎⵆⵎ ⵏ⵿ⵜⵛⵜ ⵏⵍⵎⵎ ⵓⴰ ⵤⵓⵔⵏ⵰ ⴾⵍⵔ ⵎⵛⵏⴰ ⵙⵔⵙ ⴹⵗⵔⵏ ⵢⵜⴹⵏ ⵤⵏ⵿ⴹ ⵎⴾ ⵙ ⵙⵔⵙ ⴹⵗⵔⴰ ⵂⵔⵏ⵰

5ⵎⴾⵏ ⴹⵗ ⵙ ⵍⵎⵙⵈ ⵓⵔⴶⵗ ⵏ⵿ⵜⴰ ⴾⴼⵏ ⵎⵏⵜ ⵜⵏⵢⴰ ⵏ⵿ⵜⵛⵜ ⵏⵍⵎⵎ ⵓⴰ ⵤⵓⵔⵏ⵰ ⴾⵍⵔ ⵎⵛⵏⴰ ⵗⵔ ⴶⵔⵓ ⵜⵏⵢⴰ ⵜⵏ ⵙⵏ⵿ⵜⴰ ⴹⵙⵏⵏ ⵀⵔⵔⵏ ⵜⵎⵙⵗ⵰ ⵤⵍⴹⴰ ⵆⵍⵗ ⵀⵏⴾ⵰ 6ⵤⵏ⵿ⴹ ⵎⴾ ⵓⵙ ⵏⴰ ⵎⵛⵏⴰ ⴹⵗ ⵍⴾⵜⵀⵏ ⵍⵎⵎ ⵜⵎⵙⴰ ⵂⵔ ⴼⵓ ⴹⵗ ⵜⴶⵢⵜ ⵜⵏ ⵎⵍⴾⵙⴹⵆ⵰ 7ⵍⵎⵙⵈ ⵂⵔⵓⴰ ⴹ ⵂⴰ ⴹⵏⵜ ⵜⵔ ⵙ ⵜⴾⵍⵍ⵿ⵜ ⴹⵎⵜⵓⵏ ⵏ⵿ⵙⵢ ⵎⵛⵏⴰ ⵙⵏ⵿ⵜⴰ ⴼⵔⴶⵏ ⴹ ⵜⵗⵍⵙ ⴹⵗ ⵜⵎⵜⵏ⵿ⵜ⵰ ⵆⵀⵍ ⵎⵛⵏⴰ ⵜⵓⵜⵔⵢⵏⵜ ⴼⵍⵙ ⵎⴾⵙⴹ ⵏⵎⵛⵏⴰ ⵎⵙ⵰ 8ⵍⵎⵙⵈ ⵀⵔⵔ ⵏⵎⵛⵏⴰ ⵎⵙ ⵎⵛⵏ ⵍⵎⴹ ⵀⵔⴹⴶ ⴹ ⵍⵗⵤⵀ ⴶⴰ⵰ 9ⵎⴾⵏ ⴹⴰ ⵙ ⴶⵔⵓ ⵍⴾⵎⵍⵜ ⴾⵍ ⵆⵍ ⵓⴰ ⵂⴾⵏ ⵍⵗⵍⵙ ⵗⵍⵍⵏ ⵢ ⵓⵏ ⴹⵙⵀⵔⴹⴶⵏⵏ 10ⴹ ⵎⵛⵏⴰ ⵜⴾⴼⵏ ⵜⵛⵜ ⵏⵍⵎⵎ ⵓⴰ ⵤⵓⵔⵏ ⴹⵗ ⵜⴶⵢⵜ ⵜⵏ ⵎⵍⴾⵙⴹⵆ⵰

ⵎⵔ ⵙⵤⴶⵤⵏ ⴾⵎⵍⵏ ⴹⵎⵔ ⵙⴹ ⵓⵔ ⵏⵆⵍ ⴹⴼⵔⵏⴰ

11ⵔⵜⵏ ⴶⵜⵏⵏ ⵙ ⵏⴼⵔⴶ ⵜⵏⵏⵓ ⴹⵗ ⵀⵜⵓ ⵜⴰ ⵙ ⵤⵓⵜ ⵙⵙⴶⵔⵏⵙⵏ ⴹ ⵢⵜⴹⵏ ⵜⵆⵍⵎ ⴼⵍ ⵤⵓⵜ ⴶⵔⵢ⵰ 12ⴹⴶ ⵏ ⵙ ⵜⵔⵓⵎ ⵙ ⵜⵆⵍⵎ ⵎⵙⵙⵗⵔⴰ ⴾⵍⵔ ⵂⵔ ⵂⵔⵓⴹⴰ ⵜⴹⵔⵔⵎ ⵙⴹ ⵜⵜⵓⵙⵙⵗⵔⵎ ⵔⵜⵏ ⵓⵏ ⵜⵙⵏ⵿ⵜⵜ ⵏⵓⵍ ⵏⵎⵛⵏⴰ⵰ ⵜⵂⵎ ⴹⴶ ⵓⵙ ⵓⵔⴶⵗ ⵎⵏ⵿ⵙⵓⵏ ⵓⵏ ⵆⵔⵏⵏ ⵙ ⵜⴹⵔⵔⵎ ⴾⵍⵔ ⵂⵔⵓⴹⴰ ⵜⴹⵔⵔⵎ ⵙⵈ⵰ 13ⵎⵔⵏ ⵓⴹⵏ ⵓⵙ ⵂⵔⵓⴹⴰ ⴹⵔⵔ ⵙⵈ ⵓⴹⵢ ⵂⵔⵓⴹⴰ ⵓⵔ ⴼⵔⴶ ⵤⵍⵢ ⴶⵔ ⵓⴰ ⵍⵗⵏ ⴹⵓⴰ ⵓⵔ ⵏⵍⵗ⵰ ⵓⴹⵏ ⵓⴰ ⵎⵙ ⵤⵏ ⵌⵏ⵿ⵗⵢ⵰ 14ⵎⵏ⵿ⵙⵓⵏ ⵓⵏ ⵆⵔⵏⵏ ⵢ ⵏⵢⵜⴹⵏ ⵓⵏ ⴹⵓⵍⵏⵏ⵰ ⵢⵜⴹⵏ ⵓⵏ ⵏ⵿ⵜⵏⵢ ⴶⵔⵓⵏⵏ ⵎⵙⵏⵜ ⵜⴰ ⵜⵏ⵿ⵜⴾⴼⵜ ⵤⵍⵢ ⵏⵓⴰ ⵍⵗⵏ ⴹⵓⴰ ⵓⵔ ⵏⵍⵗ ⴼⵍⵙ ⵌⵔⵀⵏ ⵔⵜⵏ ⵓⵏ ⴹⵢ⵰

Currently Selected:

ⴾⵍⵗⵀⵔⵢ 5: TTQtg

Highlight

Copy

Compare