ⴾⵍⴶⵍⵜⵢⴰ 3

ⵤⴶⵤⵏ ⴶⵔⵓⵏ ⵔⴾⵓⵍ

ⵜⵔⵢⵜ ⵜⵏ ⵤⴶⵤⵏ ⵎⵗ ⵜⵏ ⵛⵔⵗⴰ⵰

1ⵈⴰ ⴾⵍⴶⵍⵜⵢⴰ ⵓⵏ ⵍⵌⵂⵍⵏ⵰ ⵎⴰ ⵛⵓⵏ ⵜⵢⵜⵢⵏⵓⵏ⵰ ⵓⴾ ⵓⵔⴶⵗ ⴹⵜ ⵛⵜⵓⵏⵓⵏ ⴹⵓⵏ⵿ⵜⵀⵢⵏ ⵜⵎⵜⵏ⵿ⵜ ⵏ⵿ⵗⵢⵙⴰ ⵍⵎⵙⵈ ⴼⵍ ⵜⴶⵜⵓⵜ ⵜⴰ ⴼⵍ ⵜⵓⵜⵢⵜⵢ⵰ 2ⵙⵙ⵿ⵜⵏ ⵢⵏ⵿ⴹⴰ ⵗⵙ ⵙ ⵔⵗ ⴹⵓⵏ⵿ⵜⴶⴰ ⵜⵎⵙⵏ ⵙ ⵓⴾ ⵍⴾⵎ ⵢⵛⵔⵗⴰ ⵓⵏ ⵜⵓⵔⵜ ⴾⵓⵏⴾⴼⵏ ⵏ⵿ⴼⵙ ⵓⴰ ⵤⴹⴶⵏ ⵎⵗ ⵤⴶⵤⵏ ⵓⴰ ⵜⴶⵎ ⵙ ⵙⵍⵏ ⵏⵍⵏ⵿ⵌⵍ ⵓⵏ ⵙ ⵜⵙⵍⵎ⵰ 3ⵓⴾ ⴶⵔⵓⴾⵓⵏ ⵀⴰ ⵏ⵿ⵜⵢⵜⵢ ⴶⴹⵏ ⴹⴹⵢ⵰ ⵓⴾ ⴹⴼⵔ ⵙ ⵜⵙⵏ⵿ⵜⵎ ⵙ ⵎⵤⵍⵏ ⵓⵏ ⵍⴾⵎ ⵢⵏ⵿ⴼⵙ ⵏⵎⵛⵏⴰ ⵜⵔⴰ ⵜⴶⵎ ⵎⵔⴹⴰ ⴹ ⵜⵙⵏ⵿ⴹⵎ ⵙ ⵎⵤⵍⵏ ⵓⵏ ⵜⴶⵎ ⴾⵓⵏⵢ ⵎⵏⵓⵏ⵰ 4ⵓⴾ ⵔⵜⵏ ⵓⵏ ⵜⵌⵔⵀⵎ ⴹⵗ ⵜⵎⴹⵔ⵿ⵜⵏⵓⵏ ⴾⵍ ⵆⵍⵏ ⵀⵏⵏ⵰ ⵓⵔ ⵜⵍⴰ ⵎⴾ ⵙ ⵤⵀⵏⵏⵏ⵰ 5ⵜⵂⴾⵢ ⵜⴰ ⴾⵓⵏⴶⴰ ⵎⵛⵏⴰ ⵏ⵿ⴼⵙⵏⵜ ⴹⵢ ⵤⴹⴶⵏ ⴶⴰ ⴹⵗⵓⵏ ⴹⵗ ⵜⵍⵎⵗⵌⵌⵜⵏ ⵓⴾ ⵍⴾⵎⵏⵓⵏ ⵢⵛⵔⵗⴰ ⵓⵏ ⵜⵓⵔⵜ ⴼⵍ ⴹⵓⵏⴶⴰ ⵓⵏ ⵎⵗ ⵤⴶⵤⵏⵓⵏ ⵙ ⵙⵍⵏ ⵏⵍⵏ⵿ⵌⵍ ⵓⵏ ⵙ ⵜⵙⵍⵎ⵰ 6ⴾⵜⵓⵜⴹⵓ ⵓⴰ ⵏⵏ ⵍⴾⵜⵀⵏ ⵙⵏⵀⵢ ⵀⵔⵂⵎ ⵙ ⵏⵏ «ⵤⴶⵤⵏ ⵙ ⵎⵛⵏⴰ ⵓⵏ ⴹⵗ ⴼⵍ ⵜⴾⴼⴰ ⵜⵆⵜ⵰»

7ⴹⵗ ⴹⵢ ⵙⵏⵜ ⵙ ⵢⵜⴹⵏ ⵓⵏ ⵤⴶⵤⵏⵏ ⵙ ⵎⵛⵏⴰ ⵏ⵿ⵜⵏⵢ ⵎⵙⵏⵏ ⵀⵔⵔⵏ ⵏⵀⵔⵂⵎ⵰ 8ⴼⴹⴰ ⵍⴾⵜⵀⵏ ⵏⵏ ⵂⵔⵓⴰ ⴹⵜ ⵤⵍ ⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⵙⵀⵀ ⵏⵤⴶⵤⵏⵙⵏ ⴼⵍ ⵤⵆⵀⵍ ⵎⵛⵏⴰ ⵜⵆⵜⵏⵙⵏ⵰ ⵓⵏ ⴹⵗ ⴼⵍⵙ ⵍⴾⵜⵀⵏ ⵎⵍⵏ ⵙⵍⵏ ⵏⵍⵏ⵿ⵌⵍ ⵓⵏ ⵢⵀⵔⵂⵎ ⵔⵓⵏ ⵙ ⵏⵏ «ⴹ ⴶⵔⵓⵏⵜ ⵜⵓⵛⵜⵏ ⴾⵍ ⵏⴹⵏⵜ ⵍⵀⵔⴾⴰ ⵙⵙⵀⵀⵏⴾ⵰» 9ⵎⴾⵏ ⴹⵗ ⵙ ⵢⵜⴹⵏ ⵓⵏ ⵤⴶⵤⵏⵏ ⵙ ⵎⵛⵏⴰ ⵏ⵿ⵜⵏⵢ ⵤⴶⵔⵓⵏⵏ ⵍⵀⵔⴾⴰ ⵓⴰ ⴶⵔⵓ ⵎⵤⴶⵤⵏ ⵀⵔⵂⵎ⵰

10ⵎⵔⵏ ⵢⵜⴹⵏ ⵓⵏ ⵙⴼⵍⵏⵏ ⴼⵍ ⵍⴾⵎⵏⵙⵏ ⵢⵛⵔⵗⴰ ⵓⵏ ⵜⵓⵔⵜ ⵓⵏ ⴹⵢ ⵜⵙⵍⴾⵎ⵿ⵜⵏⵙⵏ ⵜⵍⵗⵏ⵿ⵜ ⴼⵍⵙ ⵏⵏ ⵍⴾⵜⵀⵏ «ⵜⵓⵔⵜ ⵜⵍⵗⵏ⵿ⵜ ⵓⴹⵏ ⴾⵍ ⵓⴰ ⵓⵔ ⵏⵀⵔⴹⴶ ⴼⵓ ⵢⵛⵔⴹⵏ ⴾⵍ ⵓⵏ ⴾⵜⵀⵏⵏ ⴹⵗ ⵜⵓⵔⵜ⵰» 11ⴹⵗ ⴹⵢ ⵓⵔ ⵜⵍⴰ ⵓⴹⵏ ⴶⵔⵓⵏ ⵙ ⵍⴾⵎⵏⵜ ⵢⵛⵔⵗⴰ ⵜⵆⵜ ⵗⵔ ⵎⵛⵏⴰ ⴼⵍⵙ ⵏⵏ ⵍⴾⵜⵀⵏ «ⵓⴹⵏ ⵓⴰ ⵗⴹⵏ ⴹⵗ ⵜⵔⵢⵜ ⵜⵏ ⵤⴶⵤⵏ ⴶⵔⵓⵏ ⵜⵎⴹⵔ⵿ⵜ ⵜⵢⵏⵢⵜ⵰» 12ⵎⵔⵏ ⵛⵔⵗⴰ ⵓⵔ ⴹⵔⵓ ⴹⵤⴶⵤⵏ ⵓⵍⴰ⵰ ⴾⵍⵔ ⵏⵏ ⵍⴾⵜⵀⵏ «ⵛⵔⵗⴰ ⵏ⵿ⵜⴰ ⵤⴾⴼⵏ ⵜⵎⴹⵔ⵿ⵜ ⵢⵢⵜⴹⵏ ⵓⵏ ⴹⵙⵏ⵿ⴹⵏⵏ ⵛⵔⴹⵏⵜ⵰» 13ⵍⵎⵙⵈ ⴾⵙⵏⴹⵓ ⴹⵗ ⵜⵍⵗⵏ⵿ⵜ ⵜⴰ ⴹⵏⵗⵙⵓⵔ ⵛⵔⵗⴰ ⵓⵏ ⵜⵓⵔⵜ ⴹⴾⵍ⵿ⵜⵜ ⴹⵗ ⴹⴶⵏⵏⴰ ⴹ ⵍⴾⵜⵀⵏ ⵏⵏⵏ «ⵜⵓⵔ ⵜⵍⵗⵏ⵿ⵜ ⵓⴹⵏ ⴾⵍ ⵓⴰ ⵜⵓⵛⵍⵢⵏ ⵛⴾ⵰» 14ⵔⵜ ⵓⵏ ⴶⵢ ⵍⵎⵙⵈ ⵗⵢⵙⴰ ⴼⵍ ⴹ ⵆⵍ ⵜⵔⵢⵜ ⵢⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⵢⴹ ⴶⵔⵓⵏ ⴹⵗ ⵍⵀⵔⴾⴰ ⵏⵀⵔⵂⵎ ⵏⴶⵔⵓ ⴾⵜⵏⵏⵗ ⵙ ⵜⵔⵢⵜ ⵏⵤⴶⵤⵏ ⵏ⵿ⴼⵙ ⵓⵙ ⴶⴰ ⵎⵛⵏⴰ ⵔⴾⵓⵍⵏⵜ⵰

15ⵎⴹⵔⵢⵏⵏ ⴹⵓⵏⴶⴰ ⵍⵎⵙⵍ ⵙⵔⵜ ⵜⴶⵏ ⵢⵜⴹⵏ ⵙ ⴾⵜⵀ ⵓⴹⵏ ⵎⵜⵔⵏⵜ ⵙ ⵜⵎⵓⵜ ⵜⵍⴾⵎⵜ ⵢⵛⵔⵗⴰ ⵓⵔ ⵜⵍⴰ ⵢ ⴼⵔⴶⵏ ⴹⵔⵙⵏ ⴹⵆⵍ ⴹⴼⵔ ⴹⵢ ⴶⵔ ⵤⴰ ⵢⴹⵗⵙⵏ ⴼⵏⵤ ⵔⵜ ⵓⵍⴰ ⴹⵗⵙⵏ ⵜⵛⵜⵓ⵰ 16ⵎⵔⵏ ⵀⵔⵂⵎ ⴹⵤⵔⵢⵏⵜ ⵙ ⴶⴰ ⵎⵛⵏⴰ ⵔⴾⵓⵍⵏ⵰ ⵓⵔ ⵜⵓⵏⴰ «ⵢ ⵤⵔⵢⵜⵏⵜ» ⵤⵏ ⵙ ⵍⴰ ⵤⵔⵢⵜⵏ ⴶⵜⵏⵏ ⴾⵍⵔ ⵢⵏ⵿ⴹⴰ ⵗⵙ ⴼⵍⵙ ⴹⵙⵜⵓⵏⵏ «ⵤⵔⵢⵏⴾ» ⵍⵎⵗⵏⴰ ⵍⵎⵙⵈ⵰ 17ⴹⵗ ⴹⵢ ⵏ⵿ⵜⴰ ⴹⴰ ⵓⵙ ⵔⵗ ⵜⵏⵏⵜ ⵔⴾⵓⵍ ⵏ⵿ⵜⵙⵆ ⴶⴰ ⵎⵛⵏⴰ ⴾⵍⴰ ⴹⴰ ⵓⵔ ⵜⵤⵎⵙ ⵛⵔⵗⴰ ⵓⵏ ⵜⵓⵔⵜ ⴹⵙⵏ ⴾⵤⵜ ⵜⵎⴹ ⵏⵓⵜⵢ ⴹⴾⵔⴹⵜ ⵜⵎⵔⵓⵏ ⴹⴼⵔ ⵓⵏ ⵆⵍ ⵙ ⵔⴾⵓⵍ ⵓⵏ ⵀⵙ ⵜⵍⴰ⵰ 18ⵎⵔⵏ ⵙ ⵆⵍ ⵙ ⵛⵔⵗⴰ ⵂⴾⵏ ⵜⴾⵙⵜ ⵜⵏ ⴹⵢ ⵤⴰ ⵀⵙ ⵎⵙ ⵙ ⵔⴾⵓⵍ ⵓⴰ ⴶⴰ ⵎⵛⵏⴰ ⵢⵀⵔⵂⵎ ⵛⵗⵍⵏ⵰ ⵔⴾⵓⵍ ⵓⵏ ⵎⵔⵏ ⵜⵔⵢⵜⵏⵜ ⵙ ⴶⴰ ⵎⵛⵏⴰ ⵔⵈⵎⵜⵏⵜ ⵢⵀⵔⵂⵎ⵰

ⵜⵙⵆ ⴹⵍⵎⵙⵈ

19ⴹⵗ ⴹⵢ ⵎⴼⵍ ⵙⴹⵓ ⵛⵔⵗⴰ ⵓⵏ ⵜⵓⵔⵜ⵰ ⵛⵔⵗⴰ ⵓⴰ ⵜⵓⵛⵜⴹⵓ ⴼⵍ ⴹⵜⵎⵏ ⵜⵎⵤⵔⵢⵜ ⵏⵢⵜⴹⵏ ⴾⵜ ⴹⵢ ⴹⵜⵓⴹ ⵤⵔⵢⴰ ⵏⵀⵔⵂⵎ ⵙⵏ⵿ⵜⴰ ⵙ ⴶⴰ ⵎⵛⵏⴰ ⵔⴾⵓⵍ⵰ ⵛⵔⵗⴰ ⵓⵏ ⵤⵀⵜⴹⵓ ⵙ ⵜⵔⵢⵜ ⵏⵏ⵿ⴶⵍⵙⵏ ⵎⵔⵏ ⴶⴹⵎ ⵎⵙⵏ ⵎⵛⵓⵍ ⴹⵗ ⵀⵜⵓ ⵜⵏ⵰ 20ⵎⵛⵓⵍ ⵎⵔⵏ ⵓⵔ ⵙⵔⵙ ⵜⴶⴰ ⴹⵔⵔⵜ ⵔ ⵙⴹ ⵜⵍⴰ ⵓⴹⵏ ⵢⵏ ⵓⵙ ⵤⵛⵓⵍ ⵎⵛⵏⴰ ⵎⵔⵏ ⵏⵙⵏ ⵙ ⵗⵙⵏⵜ ⵎⵙ⵰

21ⵓⴾ ⵍⵎⵗⵏⴰ ⵏⵓⵏ ⵙ ⵛⵔⵗⴰ ⵎⵤⵔⵢ ⵔⴾⵓⵍⵏ ⵏⵎⵛⵏⴰ⵰ ⴾⵍⴰ ⴾⵍⴰ⵰ ⵓⵔ ⵍⴾⵎ ⴹ ⴶⴰ ⴹⵢ⵰ ⴼⵍⵙ ⵏⵔ ⴹⵜⵓⴾⴼⴰ ⵛⵔⵗⴰ ⵢⵏ ⵂⴾⵏ ⵜⵎⴹⵔ⵿ⵜ ⵜⵢⵏⵢⵜ ⵓⴹⵢ ⵍⴾⵏ ⵙ ⵍⴾⵎ ⵢⵛⵔⵗⴰ ⵙ ⵤⴰ ⵜⵜⵓⴶⵔⵓ ⵜⵆⵜ⵰ 22ⴾⵍⵔ ⵍⴾⵜⵀⵏ ⵎⵍⵏ ⵙ ⵔⵜ ⴾⵜⵏⵜ ⵍⴰ ⴼⵍⵙ ⵀⴾⴹ ⵜⵔⵏⴰ ⴼⵍ ⴹ ⵆⵍ ⵙ ⵔⵜ ⵓⵙ ⴶⴰ ⵎⵛⵏⴰ ⵔⴾⵓⵍⵏⵜ ⴾⵏ⵿ⴹⵀⴰ ⵏ⵿ⴹⴰ ⴼⵍ ⵎⵤⴶⵤⵏ ⴼⵍ ⴹⵍⵍ ⵏ⵿ⵜⵍⵗⴹⵍⴰ ⵏ⵿ⵗⵢⵙⴰ ⵍⵎⵙⵈ⵰

23ⴹⵜ ⵙⴰ ⵏ⵿ⵜⵔⵢⵜ ⵜⵏ ⵤⴶⵤⵏ ⴶⵏⵗ ⵛⵔⵗⴰ ⵎⵙⴾⵙⴰ ⵜⴼⵏⴰ ⵂⵔ ⴹⵓⴹ ⵍⵓⵆ ⵓⴰ ⴹⵗ ⴹⵏⵗⵙⵏⴼⵍⵍ ⵎⵛⵏⴰ ⵜⵔⵢⵜ ⵜⵏ ⵤⴶⵤⵏ ⵙ ⵔⵓ ⵜⵤⵢⴹⵓ⵰ 24ⴹⵗ ⴹⵢ ⵛⵔⵗⴰ ⴹⵏⵗⵙⵙⵗⴹⵏ ⵂⵔ ⴹⵙⴰ ⵍⵎⵙⵈ ⴼⵍ ⴹ ⵏⴶⵔⵓ ⵜⵆⵜ ⵙ ⵜⵔⵢⵜ ⵜⵏ ⵤⴶⵤⵏ⵰ 25ⵎⵔⵏ ⴹⴹ ⵤⵎⵙ ⵜⵔⵢⵜ ⵜⵏ ⵤⴶⵤⵏ ⵜⵙⴹⵓ ⵓⴹⵢ ⵀⵙ ⴹⵏⵗⵙⵙⵗⴹ ⵛⵔⵗⴰ⵰

26ⴼⵍⵙ ⴾⵜⵏⵓⵏ ⵙ ⵜⵎⵙⵎ ⵀⵔⵔⵏ ⵏⵎⵛⵏⴰ ⵙⵙⵀⵀ ⵏⵤⴶⵤⵏ ⵓⴰ ⴹⵗ ⵜⵙⵆ ⴹⵍⵎⵙⵈ ⵗⵢⵙⴰ⵰ 27ⵓⵍⴰ ⴾⵜⵏⵓⵏ ⵓⵏ ⵜⵓⵙⵍⵎⵗⵏⵏ ⴹⵗ ⵎⵏ ⴹⵗ ⵜⵔ⵿ⵜⵢⵜ ⴹⵍⵎⵙⵈ ⵍⵎⵙⵈⵏ ⴹⴰ ⵆⵍⵏ ⵤⵏ ⵜⵍⵙⵢⵏⵓⵏ ⵜⴰ ⵜⵢⵏⵢⵜ⵰ 28ⵀⵙ ⵤⵍⵢⵏ ⴾⵍⵍⵢⵂⴹ ⵓⵍⴰ ⴾⵍⵍⵢⵏⵏ ⵓⵍⴰ ⴾⵍⵏ ⵓⵍⴰ ⵍⵍⵏ ⵓⵍⴰ ⵤⵍⵢⵏ ⵎⴹⵏ ⴹⵜⴹⴹⵏ ⴼⵍⵙ ⴾⵜⵏⵓⵏ ⵓⴹⵏ ⵢⵏ⵿ⴹⴰ ⵜⵎⵙⵎ ⴹⵗ ⵜⵙⵆ ⴹⵍⵎⵙⵈ ⵗⵢⵙⴰ⵰ 29ⴾⴹ ⵍⵎⵙⵈ ⴾⵓⵏⵍⵏ ⵓⴹⵢ ⵀⵔⵔⵏ ⵏⵀⵔⵂⵎ ⵜⵎⵙⵎ ⵜⵎⵙⵎ ⵎⴾⵙⵏⵜ ⵙ ⵜⵔⵢⵜ ⵏⵔⴾⵓⵍ ⵓⴰ ⴹⵙⴶⴰ ⵎⵛⵏⴰ⵰

Currently Selected:

ⴾⵍⴶⵍⵜⵢⴰ 3: TTQtg

Highlight

Copy

Compare