2 ⴾⵍⴾⵔⵏ⵿ⵜ 3
3
ⵀⵍⵙ ⵎⵛⵗⵍ ⵎⵙ ⵏⵔⴾⵓⵍ ⵏ⵿ⵜⵙⵆ ⵓⴰ ⵢⵏⵢⵏ
1ⵓⴾ ⵎⵍⵏ ⵓⵢⴹ ⵏⵜⴶⵓ ⵎⵏⵏⴰ⵰ ⵎⵗ ⴾ ⴹⵔⵔⵜ ⵏⴶⴰ ⵙ ⵛⵔⴰ ⴹⵏⵗⵤⴾⴼⵏⵏ ⵗⵔⵓⵏ ⴹⵎ ⵎⴹⵗ ⵏⴹⵔⵔ ⵙⴹⵏⵜⵏⵜⴶⵎ ⵓⴰ ⵜⴶⵏ ⵢⵜⴹⵏ ⵓⵢⴹ⵰ 2ⴾⵍⴰ ⴾⵍⵔ ⴾⵓⵏⵢ ⵎⵏⵓⵏ ⵙ ⵜⵎⵙⵎ ⵛⵔⵓⵜⵏⵏⴰ ⵜⴾⵜⵀⵜ ⴹⵗ ⵓⵍⵏⵏⴰ ⵙⵏ ⵓⴹⵏ ⴾⵍ ⵗⵔⵜ ⴹⵗ ⵓⴹⵏ ⴾⵍ⵰ 3ⵜⵙⴾⵏⵎ ⴹⵗ ⵜⵛⵜⵏⵓⵏ ⵛⵔⵓⵜ ⵏⵍⵎⵙⵈ ⵜⴾⵜⵀⵜ ⵙⵛⵗⵍⵏⵏⴰ ⵓⵔ ⵏⴾⵜⵀ ⵙ ⵜⴹⵓⵜ ⴾⵍⵔ ⵏ⵿ⴼⵙ ⵏⵎⵛⵏⴰ ⴹⵢ ⴹⵔⵏ ⵙ ⵜⴾⵜⵀ⵰ ⵓⵔ ⵜⴾⵜⵀ ⴼⵍ ⵙⵍⵎ ⵏ⵿ⵜⵂⵏ⵿ⵜ ⴾⵍⵔ ⵓⵍⵏ ⴹⵗ ⵜⴾⵜⵀ⵰ 4ⵛⴹⵜ ⵏⵜⵎⴰ ⵓⴰ ⵏⴶⴰ ⴹⵗ ⵎⵛⵏⴰ ⵙ ⵜⵔⵢⵜ ⵏⵍⵎⵙⵈ ⴼⵍ ⵏⵏⵗ ⴹⵢ⵰ 5ⵓⵔⴶⵗ ⵛⴹⵜ ⵏⵙ ⵍⵢ ⵔⵜ ⵓⵍⵢⵏ ⵙ ⵏⴼⵔⴶ ⴶⵏⵜ ⴶⵔⵏⴰ ⴹⵎⵏⵏⴰ ⴾⵍⵔ ⵎⵛⵏⴰ ⴹⵏⵗⵂⴾⵏ ⴼⵔⴶⵜ ⵏⴶⵏⵜ⵰ 6ⵏ⵿ⵜⴰ ⴹⵗ ⴹⵏⵗⵙⴼⵔⴶⵏ ⴹ ⵏⵆⵍ ⵎⵛⵗⵍⵏ ⵏⵔⴾⵓⵍ ⵏ⵿ⵜⵙⵆ ⵜⴰ ⵜⵢⵏⵢⵜ ⵓⵔ ⵏⵎⵙ ⵍⵆⵏⵏ ⴾⵜⵀⵏ ⴼⵍ ⵙⵍⵎⵏ ⴾⵍⵔ ⵜⵙⵆ ⵎⵙ ⴾⵜⵀ ⵏ⵿ⴼⵙ ⵓⴰ ⵤⴹⴶⵏ ⴹⵗ ⵓⵍⵏ ⵏⵢⵜⴹⵏ⵰ ⴼⵍⵙ ⵍⵆⵏⵏ ⵓⴰ ⵔⵓⵏ ⴾⵜⵀⵏ ⴼⵍ ⵙⵍⵎⵏ ⵜⵎⵜⵏ⵿ⵜ ⴹⵜⵓⵢ ⵙⵢⵜⴹⵏ ⵎⵔⵏ ⵜⵙⵆ ⵜⴰ ⴾⵜⵀ ⵏ⵿ⴼⵙ ⵓⴰ ⵤⴹⴶⵏ ⴹⵗ ⵓⵍ ⵜⵎⴹⵔ⵿ⵜ ⵙⵔⵙⵏ ⴹⵜⵜⵓⵢ⵰
ⵀⵍⵙ ⵎⵍ ⴹⴹ ⵎⵤⵔⵢ ⵔⴾⵓⵍ ⵏ⵿ⵜⵙⵆ ⵓⴰ ⵔⵓⵏ ⴹⵔⴾⵓⵍ ⵏ⵿ⵜⵙⵆ ⵓⴰ ⵢⵏⵢⵏ
7ⵏⵤⵎ ⵏⵍⵆⵏⵏ ⵎⵔⵏ ⵓⴰ ⴹⵜⵓⵢⵏ ⵜⵎⵜⵏ⵿ⵜ ⵙⵢⵜⴹⵏ ⵙⵍⵎⵏ ⵏ⵿ⵜⵂⵏ ⴼⵍ ⴾⵜⵀ⵰ ⵤⵤⵀⵜⴹⵓ ⵎⵛⵏⴰ ⴼⵍ ⵎⵙⴰ ⴹⵗ ⵏⵔ ⵙⵓⴰ ⴶⴰ ⴹⵗ ⵙⵂⵜ ⵏ⵿ⴹⵔ ⵢ ⴾⵍⵙⵔⵢⵍ ⴹ ⵙⵓⴹⵏ ⴹⵗ ⴹⵎⵏⵜ⵰ ⵏⵔⵏ ⴹⴰ ⵤⴰ ⵔⵜ ⵍⴾⵢⵏ ⵎⵙ⵰ 8ⵏ⵿ⴶⵎⵏ ⵤⴰ ⵏⵤⵎ ⵓⴰ ⴹⴼⵍⵏ ⵏ⵿ⴼⵙ ⵓⴰ ⵤⴹⴶⵏ ⴾⵜⵀⵏ ⴹⵗ ⵓⵍⵏ ⵏⵢⵜⴹⵏ ⵛⵆⵍ ⴹⵗⵙⵏ⵰ ⵎⵏⵎⴾ ⵙ ⵓⵔ ⵤⴶⵔ ⵓⵏ ⵜⵏⵢⴰ⵰ 9ⴼⵍⵙ ⴾⴹ ⵏⵤⵎ ⵏⵍⵆⵏⵏ ⵓⴰ ⴹⵜⵓⵢⵏ ⵙⵢⵜⴹⵏ ⵜⴹⵀ ⵍⴰ ⵜⵏⵢⴰ ⵓⴹⵢ ⵎⴰ ⴹⵔ ⵤⴰ ⵜⴶⴹⵓ ⵛⴶⵔⵜ ⵏ⵿ⵜⵏⵢⴰ ⵜⴰ ⵜⵤⴶⵓ ⵏⵤⵎ ⵏ⵿ⵜⵔⵢⵜ ⵜⴰ ⵜⵢⵏⵢⵜ ⵓⴰ ⴹⵜⵓⵢⵏ ⵙⵢⵜⴹⵏ ⵜⵆⵜ⵰ 10ⵆⵍ ⵙ ⵔⵜ ⵓⵏⴹ ⴾⵏⵏ ⵜⵍⴰ ⵏ⵿ⵜⵏⵢⴰ ⵀⵙ ⵍⴰ ⵜⵏⵢⴰ ⵎⵔⴹⴰ ⴼⵍ ⵓⴰ ⴹⵙ⵿ⵜⴶⴰ ⵜⵔⵢⵜ ⵜⴰ ⵜⵢⵏⵢⵜ ⴹⵗ ⵛⴶⵔⵜ ⵏ⵿ⵜⵏⵢⴰ⵰ 11ⴼⵍⵙ ⴾⴹ ⵔⵜ ⵍⴾⵢⵏ ⵙⴹⵓ ⵙ ⵜⵏⵢⴰ ⴹⵢ ⵤⴰ ⵎⴰ ⴹⵔ ⵤⴰ ⵜⴶⴹⵓ ⵛⴶⵔⵜ ⵜⴰ ⵜⵤⴶⵓ ⵓⴰ ⵜⵍⵏ ⴼⵓ ⵜⵏⵢⴰ⵰
12ⴹⴹ ⵏⴶⴰ ⵜⵎⴰ ⴶⴹⵏ ⴹⵓⵏ ⵓⴹⵢ ⵏⵂⵍ ⴹ ⵏⵎⵤⵍ ⵓⴰ ⵏⵔⴰ ⵛⵢ ⵓⵍⴰ ⵜⵙⴰ⵰ 13ⵏⴾⵏⵢ ⵓⵔ ⵏⴶⴰ ⵓⴰ ⴶⴰ ⵏⵀⵢ ⵎⵙⴰ ⵙⵍⵙⵏ ⴹⵎⵏⵜ ⴼⵔ ⴼⵍ ⴹⵗⵙ ⵓⵔ ⵙⵓⴹⵏ ⴾⵍⵙⵔⵢⵍ ⴾⵜ ⴹⵢ ⴹ ⵜⴶⵎⴹ ⵏⵔ ⵓⴰ ⵎⵍⵓⵍⵓⵏ ⴹⵗ ⴹⵎⵏⵜ⵰ 14ⵎⵛⵏ ⵜⵓⵙⵗⵔⵏ ⵓⵍⵏⵙⵏ ⵢⵓⵏ ⴹ ⵂⵔ ⵤⵍⴹⴰ ⵙ ⵗⵔⵏ ⵍⴾⵜⵀⵏ ⵓⵏ ⵔⴾⵓⵍ ⵏ⵿ⵜⵙⵆ ⵓⴰ ⵔⵓⵏ ⵛⵍⵜ ⵏⵙ ⵂⵔⵓⴹⴰ ⵍⵢ ⴶⴹⵍⵙⵏ ⴶⵔⵢ ⵏⵍⴾⵜⵀⵏ ⴹ ⴼⵔ ⵓⵏ ⵜⵙⵆ ⴹⵍⵎⵙⵈ ⵗⵙ ⴼⵔⴶⵏ ⴾⵙⵏⵜ⵰ 15ⵓⵍⴰ ⵂⵔ ⵤⵍⴹⴰ ⵗⵔⵏ ⵍⴾⵜⵀⵏ ⵏⵏⵀⵢ ⵎⵙⴰ ⵎⵛⵏ ⵓⵔ ⵜⵏⴶⵔⵏ ⴼⵍⵙ ⴼⵔ ⵓⵏ ⵍⵙⵏ ⵓⵍⵏⵙⵏ⵰ 16ⵜⵜⵀⵜ ⵗⵙ ⵙⵎⵍⵢ ⵜⴾⵙⵏ ⴼⵔ ⵓⵏ⵰ 17ⵎⵔⵏ ⵎⵍⵢ ⵏ⵿ⴼⵙ ⵎⵙ⵰ ⵓⴹⵏ ⴹⵗ ⵓⴰ ⴶⵤ ⵏ⵿ⴼⵙ ⵏⵎⵍⵢ ⵓⴹⵢ ⵍⵍⵜ⵰ 18ⵏⴾⵏⵢ ⴾⵜⵏⵏⴰ ⵓⵏ ⵙ ⵜⵓⴾⵙ ⴼⵔ ⵓⵏ ⴼⵍ ⴹⵎⵓⵏⵏⴰ ⵏⵙⵓⴹ ⴹⵗ ⵜⵏⵢⴰ ⵏⵎⵍⵢ ⵛⵍⵏ ⵏⵙ ⵙⵓⴹ ⵓⴹⵏ ⴹⵗ ⵛⵛⵜ⵰ ⵙⵎⵜⵢⵏⴰ ⵎⵍⵢ ⵙⵏ⵿ⵜⴰ ⵏ⵿ⴼⵙ ⵎⵙ ⵙⵛⵗⵍ ⵓⴰ ⵜⴶⵓ ⴹⵗ ⵓⵍⵏⵏⴰ ⵛⵛⵍⵏⴰ ⴹⵎⵏⵜ ⵜⵜⵜⵢ ⴹⵗⵏⴰ ⵜⵏⵢⵏⵜ⵰
Currently Selected:
2 ⴾⵍⴾⵔⵏ⵿ⵜ 3: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
