2 ⴾⵍⴾⵔⵏ⵿ⵜ 2

1ⴹⵢ ⴼⵍ ⴶⵗ ⵜⵏⵜ ⵜⵎⵙⵜ ⵙ ⵏⵗ ⵓⵔ ⵤⵍⵙⵗ ⵗⵛⴹ ⵏⵎⵏⵓⵏ ⵙⵢⵏ ⵙⴰ⵰ 2ⴼⵍⵙ ⵏⴾ ⵙ ⵗⵛⴹⴰ ⵎⵏⵓⵏ ⵓⴾ ⵎⴰ ⴹⵤⵙⴹⵓⵏ ⵔ ⴾⵓⵏⵢ ⵓⵏ ⵙ ⵗⵛⴹⵗ ⵎⵏ⵰ 3ⴹⵢ ⴹⵓⵢⵏ ⵙ ⴹⵓⵏⵏⴾⵜⵀⴰ ⵛⵔⵓⵜ ⴼⵍⵙ ⵓⵔ ⵔⵗ ⴾⵓⵏⵏⵙⴰ ⵜⵗⵛⴹⵎ ⵎⵏⵏ ⴾⵓⵏⵢ ⵓⵏ ⵙ ⵂⵔ ⴹⵜⵙⴼⵍⵓⵙⵎ⵰ ⴼⵍⵙ ⴾⵙⵗ ⵛⴾ ⵙ ⵔⵜ ⵓⴰ ⴹⵙⴼⵍⵓⵙⵏ ⴾⵓⵏⵢ ⴹⴰ ⵙⴼⵍⵓⵙⴾⵓⵏ ⴾⵜⵏⵓⵏ⵰ 4ⵙ ⴹⵓⵏⵏⴾⵜⵀⵗ ⵛⵔⵓⵜ ⵜⴹⵢ ⵜⴶⴰ ⴼⵍⵢ ⵜⵙⵙ⵿ⵜ ⵍⵀⵙⵜ ⵙⵙⵢ ⵓⵍⵏ ⴼⵢⵏ ⴹⵗⵢ ⵎⵜⵓⵏ⵰ ⵎⵔⵏ ⵓⵔ ⴹⵓⵏ⵿ⵜⵜⵏⴾⵜⵀⵗ ⴼⵍ ⴹ ⵗⵛⴹⴰ ⵢ ⵎⵏⵓⵏ ⴾⵍⵔ ⴼⵍ ⴹ ⵜⵙⵏⵎ ⴹⵗ ⵜⵤⵓⵔ⵿ⵜ ⵏ⵿ⵜⵔⴰ ⵜⴰ ⴹⵓⵏⴶⵗ⵰

ⵜⵙⵔⴼ⵿ⵜ ⵢ ⵏⴹⵍⵎⵏ

5ⵎⵔⵏ ⴾⴹ ⵢⵏ ⴹⵗⵓⵏ ⴹⵓⵢⵏ ⵗⵛⴹ ⵏⵎⵏ ⴹⵗ ⵏⵎⴹ ⵢⵏ ⵓⵔⴶⵗ ⵏⴾ ⵙ ⵗⵛⴹ ⵎⵏ ⴾⵍⵔ ⴾⵜⵏⵓⵏ ⵙ ⴹⵓⵏ⵿ⵜⵏⵗⵛⴹ ⵎⴹ ⵤⵏⴰ ⴼⵍ ⵜⴾⵙⴹⴰ ⵏ⵿ⵜⵙⵙⴾⵢⵜ ⵗⵛⴹⵜⵏ ⵢⵔⵜ ⴹⵗⵓⵏ⵰ 6ⵓⴹⵏ ⵓⴹⵢ ⴶⴹⵙ ⵙⵏⵔⵗⵎ ⵓⴰ ⴹⵙ⵿ⵜⴶⴰ ⵜⵛⵎⵏⵓⵏ⵰ 7ⵎⵔⴹⴰ ⴼⴰ ⴹⵙ⵿ⵜⵙⵔⴼⵎ ⵜⵙⵙⵎⴹⵎ ⵓⵍⵏⵜ ⴼⵍ ⵜⵓⵔⵗⵍⵀ ⵗⵛⴹ ⵏⵎⵏ ⵂⵍⴾ⵰ 8ⴹⵗ ⴹⵢ ⵏ⵿ⵙⵢⵆⵓⵏ ⵜⵜⵙⴾⵏⵎ ⵜⵔⴰ ⵜⴰ ⴹⵙ⵿ⵜⴶⵎ⵰ 9ⴹ ⵢⵏ ⴹⵍⵍ ⵓⴰ ⴼⵍ ⴹⵓⵏⵏⴾⵜⵀⴰ ⵛⵔⵓⵜ ⵜⴹⵢ ⵜⵔⴰ ⴶⵗ ⴾⵓⵏⵌⵔⵀⴰ ⵙⵏⵗ ⴾⴹ ⵜⵍⴾⵎⵎ ⵢⵔⵜ ⴾⵍ ⵓⴰ ⴹⵓⵏⵏⵗ ⵓⵍⴰ⵰ 10ⵎⵔⵏ ⵓⴹⵏ ⴾⵍ ⵓⵙ ⵜⵙⵔⴼⵎ ⵏⴾ ⴹⴰ ⵙⵔⴼⵗⵙ⵰ ⵔⵜ ⴹⵗ ⵓⴰ ⵙⵔⴼⴰ ⴹⵏ ⴾⴹ ⵏ⵿ⵜⴰ ⵍⵢ ⴼⴹⴰ ⵙⵔⴼⵗ ⵢⵓⴹⵏ ⴹⵙⵙⵔⴼⵗ ⵔⵜ ⴾⵍ ⵓⵙ ⴾⵍⴰ ⴹⵜⴶⴰ ⴼⵍ ⴹⵍⵍⵏⵓⵏ ⴹⵜ ⵍⵎⵙⵈ 11ⴼⵍ ⴹ ⵓⵔ ⴶⵔⵓ ⵛⵢⵜⵏ ⵜⵔⵢⵜ ⵓⵍⵢⵜ ⵏ⵿ⴹⵏⵗⴾⵔⵙ ⴹ ⵓⵔ ⴹⵏⵗⴹⵔⴶⵏⵜ ⵜⵎⵔⴾⵙⵏⵜ⵰

ⵀⵍⵙ ⴹⵗ ⵗⵔⵎ ⵏ⵿ⵜⵔⵓⵙ

12ⵍⵓⵆ ⵓⴰ ⴹⵏⵙⵗ ⵗⵔⵎ ⵏ⵿ⵜⵔⵓⵙ ⵢⴹⵗⵙ ⵈⵜⵀⵗ ⵙⵍⵏ ⵏⵍⵏ⵿ⵌⵍ ⵏⵍⵎⵙⵈ ⵔⵢ ⴹⵗⵙ ⵎⵍⵢ ⵜⵔⵢⵜ ⵏⴹⵢ 13ⵎⵛⵏ ⵂⵔⴾⴹ ⵓⵏ ⵓⵔ ⵜⵏ⵿ⵙⴰ ⵏⵢⵜⵏ ⴼⵍⵙ ⵓⵔ ⴹⵗⵙ ⴶⵔⵓⵗ ⵎⴹⵔⵢⵏⵏ ⵜⵜⵙ⵰ ⴹⵢ ⴼⵍ ⵏⵎⴶⴰ ⴹⵏⵍⴾⵎⵏ ⵓⵏ ⵂⵏⵏ ⵜⵔⵓⵙ ⵛⵓⵜⵔⵓⵏ ⴶⵎⴹⵆⵏ ⵙⴾⵍ ⵏⵎⵙⴹⵏⵢⴰ⵰

ⵀⵍⵙ ⵙⵙⴶⵔⵓ ⵛⵗⵍⵏⵜ ⵓⵏ ⵔⴾⵓⵍ ⵏ⵿ⵜⵙⵆ ⵓⴰ ⵢⵏⵢⵏ

ⵀⵍⵙ ⵙⵙⴶⵔⵓ ⵛⵗⵍⵏⵜ

ⵜⵔⵏⴰ ⵜⴰ ⴶⵔⵓ ⵍⵎⵙⵈ

14ⵏⵜⴶⵓ ⴶⴹⵏ ⵢ ⵎⵛⵏⴰ ⴹⵏⵗⵜⴶⵏ ⴼⵓ ⵢⴹⵏⵜ ⵙⴾⵏⵢ ⵜⴶⵓ ⵎⵏⴾⵍ ⴾⴼⵍⵏ ⴹⵗⴰ⵰ ⵔⵜ ⵓⵏ ⴶⵏⵆⵓ ⴼⵍ ⴹⵍⵍ ⵏ⵿ⵜⵙⵆⵏⵏⴰ ⴹⵍⵎⵙⵈ ⵙⴾⵏⵏ ⴶⵔⵓⵏⵜ ⵜⵔⵏⴰ ⴼⵍ ⵀⵍⵙ⵰ ⵏ⵿ⵜⴰ ⴹⵗ ⵤⵓⵤⵓⵤⵏ ⵙ ⵜⵔⵢⵜⵏⵏⴰ ⴹⵗ ⴹⴶ ⴾⵍ ⴹⵓ ⵤⴹⵏ ⵓⴰ ⵜⵎⵙ ⵎⵙⵏⵜ ⵏⵍⵎⵙⵈ⵰ 15ⴹ ⴹⵓ ⵤⴹⵏ ⵏⵎⵙ ⵙ ⵎⵛⵏⴰ ⵙⵔⵙ ⵏⴶⵎⴹⵏ ⵍⵎⵙⵈ⵰ ⴹⵓ ⵓⴰ ⵓⵤⵓⵤ ⴹⵗ ⵢⵜⴹⵏ ⵓⵏ ⵂⵏⵏ ⵜⵔⵢⵜ ⵜⵏ ⵍⵗⵍⵙ ⴹⵓⵏ ⵂⵏⵏ ⵜⵔⵢⵜ ⵜⵏ ⵂⵍⴾ⵰ 16ⵢⵜⴹⵏ ⵤⴰ ⵓⵏ ⵂⵏⵏ ⵜⵔⵢⵜ ⵜⵏ ⵂⵍⴾ ⵏⵎⵙⵙⵏ ⴹⵓ ⵏ⵿ⵜⵎⵜⵏ⵿ⵜ ⴹⵜⵓⵢⵏ ⵙⵔⵙⵏ ⵜⵎⵜⵏ⵿ⵜ⵰ ⵢⵜⴹⵏ ⵎⵔⵏ ⵓⵏ ⵂⴹⵜⵏⵏ ⵏⵎⵙⵙⵏ ⴹⵓ ⵏ⵿ⵜⵎⴹⵔ⵿ⵜ ⵜⵏⵙⴹⵔⵏ⵰ ⵓⴾ ⵎⴰ ⴼⵔⴶⵏ ⴶⵢ ⵏⵛⵗⵍ ⴶⴹⵏ ⴹⵓⴰ⵰ 17ⵏⴾⵏⵢ ⵓⵔ ⵏⵍⴰ ⴹⵢⵜⴹⵏ ⴶⵜⵏⵏ ⴶⵏⵏ ⵌⵍⴰ ⴹⵗ ⵓⵍ ⵏⵎⵛⵏⴰ⵰ ⴾⵍⵔ ⴹⵗ ⵜⵙⵆ ⵜⴰ ⵏⴶⴰ ⴹⵍⵎⵙⵈ ⵏⵎⵍ ⴹⵜ ⵎⵛⵏⴰ ⵓⵍⵏⵜ ⵙⵓⵍ ⵢⵏ⵿ⴹⴰ ⵎⵔⵏ ⵏⵙⵏ ⵙ ⵎⵛⵏⴰ ⴹⵏⵤⵎⵤⵍⵏ⵰

Currently Selected:

2 ⴾⵍⴾⵔⵏ⵿ⵜ 2: TTQtg

Highlight

Copy

Compare