2 ⴾⵍⴾⵔⵏ⵿ⵜ 13
13
ⴶⵢ ⴹⵓ ⵗⴼ ⴹⵙⵎⵜⴶ ⵢⵛⴾⵍ ⵓⵏ ⴾⵔⴹ
1ⴾⵏⵏ ⵢⵓⵏ ⵓⵏ ⴾⵔⴹ ⵓⴰ⵰ ⵏⵏ ⵍⴾⵜⵀⵏ «ⵜⵗⵜⵙ⵿ⵜ ⴾⵍ ⵜⴶⵢⴰ ⵏⵛⵏ ⵢⵜⴹⵏ ⵎⴹⵗ ⴾⵔⴹ ⵜⵜⵙⵙⵂⵏ⵰» 2ⵗⵔ ⵙⵏⵏ ⵢⵓⵏ ⵓⵏ ⵛⵏ ⵙⵏ⵿ⴾⴹⵗ ⵢⵜⴹⵏ ⵓⵏ ⴹⵢ ⵓⵔ ⵏⵎⵤⵢ ⴹⴶⵢ ⵏⵀⴾⴹⵏ ⵏ⵿ⵜⵏⵢ ⴹⵢⵜⴹⵏ ⴾⵍ ⵓⵏ ⵂⴹⵜⵏⵏ⵰ ⵙⵏ⵿ⴾⴹ ⵤⴰ ⵓⴹⵢ ⴹⴰ ⴹⵓⵏⴶⵗ ⵎⵔⴹⴰ ⵂⵔⵓⴰ ⴹⴰ ⴶⴶⴰ ⵙ ⵙ ⴾⵓⵏⵏⵙⵗ ⵓⵔ ⵜⵍⴰ ⵓⴹⵏ ⵜⴶⵏ ⵀⴾⴹⵏ ⵙ ⵤⵆⵎⵏ ⵓⵔ ⵓⴹⵀ 3ⴹⴹ ⵤⵎⵙ ⵜⴶⵎⵢⵎ ⴹⵓⵏⵜⴹⵓ ⵙ ⵍⵎⵙⵈ ⵙⵔⵢ ⵛⵓⵍⵏ⵰ ⵎⵔⵏ ⵍⵎⵙⵈ ⵓⵔ ⴾⵓⵏⵙⴾⵏⴰ ⵀⴰ ⵏ⵿ⴼⵔⴶⵜ ⵏⵔⵜ ⴾⵍⵔ ⵙⴾⵏⵓⵏ ⵜⵍⵜⵏⵜ ⵜⵔⵏⴰ⵰ 4ⴼⵍⵙ ⵍⴾⵏ ⵙ ⵔⴾⵎ ⵍⵓⵆ ⵓⴰ ⴹⵗ ⵜⵓⵜⵢⵜⵢ ⴼⵍ ⵜⴶⵜⵓⵜ ⵎⵛⵏ ⴹⵔⴹⵓ ⵙ ⵜⵔⵏⴰ ⵏⵎⵛⵏⴰ⵰ ⵍⴾⵏ ⴹⵗ ⵙ ⵏⴾⵏⵢ ⴹⴰ ⵏⵔⴾⵎ ⴼⵍ ⴹⵍⵍ ⵏ⵿ⵜⵙⵆ ⵜⴰ ⵏⴶⴰ ⴹⵍⵎⵙⵈ ⵎⵛⵏ ⵙ ⵜⵔⵏⴰ ⵏⵎⵛⵏⴰ ⴹ ⵏⴶⵓ ⵜⵎⴹⵔ⵿ⵜ ⵜⴰ ⴶⴰ ⵍⵎⵙⵈ ⴼⵍ ⴹⵍⵍ ⵏⵛⵗⵍⵏ ⵓⵏ ⴹⵓⵏⵜⴶⵓ⵰
5ⵛⴶⵔⵜ ⵎⵏⵓⵏ ⵜⵙⵏⵎ ⴾⴹ ⵜⴹⵜ ⴹⵗ ⵙ ⵜⵤⴶⵤⵏⵎ⵰ ⵔⵎⵜ ⵎⵏⵓⵏ⵰ ⵓⵔ ⵜⵙⵏⵎ ⵙ ⵗⵢⵙⴰ ⵍⵎⵙⵈ ⵂⴰ ⵎⵏⵓⵏ⵰ ⵎⵗ ⵤⴶⵤⵏⵓⵏ ⵓⵔ ⵏⵤⵎⵔ ⵢ ⵛⴶⵔⴰ⵰ 6ⵎⵔⵏ ⴶⵗ ⵜⵎⵏⵏ ⴹⵗ ⵙ ⴹ ⵜⵏⵢⵎ ⵜⵔⴹⵎ ⴹⵗ ⵙⵙ ⵏⴾⵏⵢ ⴹⴰ ⵏⵏ⵿ⵌⵈ ⴹⵗ ⵛⴶⵔⴰ ⵓⴹⵢ ⵙⴾⵏⵗ ⵙ ⵏⴾⵏⵢ ⵏⵎⵤⵍ ⵓⵏ ⵜⴹⵜ ⵏⵎⵙ⵰ 7ⵏⵜⵜⵔ ⵙ ⵎⵛⵏⴰ ⴹⵓⵏⴶⴹⵍⵏ ⴶⵢ ⵏ⵿ⵜⴾⵎⴰ ⵓⵍⵢⵜ⵰ ⵓⵔ ⴹⵓⵏⵜⵜⵔ ⴼⵍⵙ ⵏⵏ⵿ⵌⵈ ⴹⵗ ⵛⵗⵍ ⵓⴰ ⵗⵔⵓⵏ ⵏⴶⴰ ⴾⵍⵔ ⴼⵍ ⵜⵔⴰ ⵏⴹ ⵜⴶⵎ ⵓⴰ ⵍⵗⵏ ⴾⴹⵗ ⵙ ⵜⵓⵜⴼ ⵙ ⵏⴾⵏⵢ ⵓⵔ ⵏⵏ⵿ⵌⵈ⵰ 8ⴼⵍⵙ ⵓⵔ ⵏⴼⵔⴶ ⵎⵤⵔⵢ ⵏ⵿ⵜⴹⵜ ⴾⵏ⵿ⴹⵀⴰ ⵗⵙ ⵜⵀⴹⵢ ⴼⵍⵙ⵰ 9ⵙⴼⵍⵓⵙⵏⴰ ⵔⴾⵎ ⵓⴰ ⵏⴶⴰ ⵏ⵿ⵜⴰ ⴾⵓⵏⵢ ⵜⵙⵂⵎ⵰ ⵓⵍⴰ ⵏⵜⵜⵔ ⴾⵏⵏ ⵜⵀⴹⵢⵏⵓⵏ ⴹⵗ ⵤⴶⵤⵏ⵰ 10ⴹⵢ ⴼⵍ ⴹⵓⵏⵏ⵿ⴾⵜⵀⴰ ⵂⵔⵓⴰ ⴹⴰ ⴶⴶⵆⵓⵏ ⴼⵍ ⴹ ⵓⵔ ⴹⵔⵔⴰ ⵙⴹⵓⵏⴶⴰ ⵔⵗⵎⵜⵏ ⵙⵙⵏⵏ ⵙ ⴾⵓⵏⵏⵙⵗ ⴼⵍⵙ ⵜⵏⵢⴰ ⵜⴰ ⴹⴾⴼⴰ ⵎⵍⵢ ⴼⵍⵓⵏ ⴾⴼⵜⵜ ⴼⵍ ⴹ ⵛⵗⵍⴰ ⴹⵗ ⵏⵎⴹ ⵓⴰ ⴾⵓⵏ⵿ⵤⵙⴾⵏ ⴼⵍⴰ ⵓⵔⴶⵗ ⵓⴰ ⴾⵓⵏ⵿ⵤⵌⵀⵔⵌⵏ⵰
ⵜⵙⵈⵜⵎ⵿ⵜ ⵏⵙⵈⵜⵏ ⴹⵙⵍⵎⵏ ⵓⵏ ⵜⵤⵔⵙ⵿ⵜ
11ⵎⵔⴹⴰ ⵎⴹⵔⵢⵏⵏ ⴼⵍⵓⵙⵜ⵰ ⵆⵍⵜ ⵢⵜⴹⵏ ⴾⵎⵍⵏⵏ⵰ ⵜⵏⵎⴶⵏⵏ ⵏⵙⵈⵜⵏ⵰ ⵜⵏⵎⵏⴾⵎ ⴶⵔⵓⵏ⵰ ⵎⵍⵜ ⵍⵈⵔ ⴶⵔⵓⵏ⵰ ⴹⵢ ⴹⵗⵓⵏ ⵙⵏ ⵎⵛⵏⴰ ⴹⵢ ⵂⴾⵏ ⵜⵔⴰ ⴹⵍⵈⵔ⵰ 12ⵜⵏⵎⴶⵜ ⵙⵍⵎ ⵤⴹⴶⵏ⵰ ⵂⵍⵏ⵿ⴾⵓⵏⵏ ⵎⵤⴹⴶⵏ ⴾⵍ ⵓⵏ ⵍⵏⵏ ⴹⴰ ⴹⴰ⵰
13ⴶⵎⵢⴰ ⴹⵗ ⵎⵛⵏⴰ ⴾⵓⵏⴾⴼⵏ ⴾⵜⵏⵓⵏ ⵔⵈⵎⵜ ⵏⵎⵍⵏⵏⴰ ⵗⵢⵙⴰ ⵍⵎⵙⵈ ⴹⵜⵔⴰ ⵜⵏ ⵎⵛⵏⴰ ⴹⵜⵙⵆ ⵏⵏ⵿ⴼⵙ ⵓⴰ ⵤⴹⴶⵏ⵰
Currently Selected:
2 ⴾⵍⴾⵔⵏ⵿ⵜ 13: TTQtg
Highlight
Copy
Compare
Share
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
