1 Pedro Is Mehitenged te Nehuna he Surat ni Pedro
Is Mehitenged te Nehuna he Surat ni Pedro
Nepurung mahalin si Pedro. Hein kemulu pa sikandin edumazuma ki Jesus egkahalinhalin is kedtuu zin, iring penenglitan te kebpemarew zin mehitenged ki Jesus. Iyan, hein minatey wey nevanhew si Jesus, mibmelig-en is kedtuu ni Pedro ne kenè din en human igkahandek is kegkeg̵iya zin diyà te zuma he kinahanglan mebpekelig-en dan minsan ke ebpesipelahan sikandan. Egketuusan te en human diyà te kandin is kegkeiringa kandin te vatu he iyan ibpesavut duen te ngazan he Pedro he ingazan kandin ni Jesus, su is kedtuu zin te Megbevayà, kenè en human egkewaleng.
Nehimu si Pedro he pengulu te menge tumutuu ne zekelà is tinguhè din he meheg̵et is kedtuu te zuma zin he menge tumutuu. Insurat din heini su g̵eine te mezakel he menge tumutuu is egkengaawà is kezasig dan tenged te kebpesipelahi kandan te menge etew he ebpekigkuntada te menge sakup ni Jesus. Impesavut din kandan he is kebpatey wey kegkevanhew ni Jesus, iyan tuus he kenà egketarù he zuen menge meupiya he egkaangken dan diyà te langit. Umba kinahanglan he entusa zan is menge kemereg̵enan iring te menge penggezam he id-ahà ke tutuu ve is kedtuu zan.
Currently Selected:
1 Pedro Is Mehitenged te Nehuna he Surat ni Pedro: mbbNT
Highlight
Copy
Compare
Share
Want to have your highlights saved across all your devices? Sign up or sign in
© 2001, Wycliffe Bible Translators, Inc., All rights reserved.