KO SEFANAIA 1
1
1KO E folofola ‘a Sihova na‘e hoko kia Sefanaia foha ‘o Kusi, foha ‘o Ketalaia, foha ‘o ‘Amalaia, foha ‘o Hesekaia, ‘i he kuonga ‘o Siosaia foha ‘o ‘Āmoni, ko e Tu‘i Siuta.#2 Tu‘i 22.1–23.30; 2 Kal 34.1–35.27
Ko e ‘Aho ‘o e Fakamaau ‘a Sihova
2Te u mātu‘aki tafi‘i ‘a e me‘a kotoa pē mei he funga kelekele–ko Sihova ia mei he Ta‘ehāmai. 3Te u tafi‘i ‘a e tangata mo e manu: te u tafi‘i ‘a e manupuna ‘o e ‘atā, mo e ika ‘o e tahi, mo e ngaahi tūkia‘anga fakataha#1.3 mo e… fakataha: Ko hono faka-Hepeluú ia, ka ‘oku ngali tonu hono hiki ‘o: Te u fakatūkia. mo e kau angahala; ‘io, te u tu‘usi ‘a e tangata mei he funga kelekele–ko Sihova ia mei he Ta‘ehāmai.
4Pea te u mafao atu hoku nima ki Siuta, pea ki he nofo Selusalema fua pē; pea te u tu‘usi mei he potu ni ‘a e toenga ‘o Peali, fakataha mo e hingoa ‘o e kau ngāue mo e kau taula‘eiki; 5mo kinautolu ‘oku lotu ki he hōsitē ‘o langi ‘i he ngaahi tu‘a fale; mo e kau lotu ‘oku fuakava kia Sihova, ka nau tuki ‘ia Malekami,#1.5 pe ‘i honau tu‘i. mo kinautolu kuo holomui meia Sihova; 6mo e fa‘ahinga kuo ‘ikai huhū kia Sihova, pea kuo ‘ikai te nau kumi ki ai.
7Fakalongo mu‘a ‘i he ‘ao ‘o ‘Ātonai Sihova:
He kuo ofi ‘a e ‘Aho ‘o e ‘Eiki;
He kuo teu ‘e Sihova ha feilaulau,
Kuo ne tala ki ai ‘ene kau polo‘i.
8Pea ka hoko ‘a e ‘aho ‘o e feilaulau ‘a Sihova, te u tautea ‘a e hou‘eiki, pea mo e fale‘alo, pea mo e fa‘ahinga ‘oku ‘ai ‘a e kofu ‘a muli. 9Te u tautea foki ‘i he ‘aho ko ia ‘a ia fua pē ‘oku hopoki ‘a e tu‘unga matapā, ‘a kinautolu ‘oku fakafonu ‘a e fale ‘o honau ‘eiki#1.9 ‘eikí; pe ‘Eikí; pe temipale ‘o honau ‘otuá. ‘i he fakamālohi mo e kākā.
10Pea ka hoko ‘a e ‘aho ko ia–ko Sihova eni mei he Ta‘ehāmai–‘e ongoonga‘a mai ha tautapa mei he Matapā-ika, mo e ‘oiauē mei Kōlofo‘ou, mo ha fu‘u maumau mei he ngaahi mā‘olunga.
11Tangi ‘oiauē, ‘a e nofo ‘i Makatesi,
He kuo ka‘anga ‘a e kau Finisia fua pē:
Kuo tu‘usi ‘a e kau tu‘uaki siliva kotoa.
12Pea ka hoko ‘a e taimi ko ia, te u hakule ‘a Selusalema mo e ngaahi maama: pea te u tautea ‘a e kau tangata ‘oku fatu ‘i he funga totoka, ‘a kinautolu ‘oku lau ‘i honau loto, ‘Ā, ‘e ‘ikai ‘omi ‘e Sihova ha lelei, pea ‘e ‘ikai te ne ‘omi ha kovi. 13Ko ia ‘e hoko ‘enau mālohinga ko e koto vetea, pea ko honau ngaahi fale ko e koto lala; pea te nau langa fale, kae ‘ikai nofo ai, pea te nau tō ngoue vaine, kae ‘ikai inu ‘a e uaine mei ai.
14‘Oku ofi ‘a e ‘Aho ‘o e ‘Eiki,
‘A e ‘aho lahi,
‘Oku ofi, ‘io, ‘oku mātu‘aki fakalili.
Sī! ko e ‘aho ‘o Sihova ena!
Na‘a mo e helo, ‘e fakamamahi ‘ene ‘ioho to‘e
‘I he potu ko ia.#1.14 Sī! ko e ‘aho ‘o Sihova ena! Na‘a mo e helo, ‘e fakamamahi ‘ene ‘ioho to‘e ‘i he potu ko iá; pe Fanongo! ‘Oku hoko mai ‘a e ‘aho fakalilifu ko iá, ‘a ia ‘e a‘u ai pē ki he sōtia to‘a tahá te ne kaila ai he mamahi.
15Ko e ‘aho ‘o e huhua houhau ‘a e ‘aho ko ia,
Ko e ‘aho ‘o e ‘efihia mo e ta‘omi,
Ko e ‘aho ‘o e maveu mo e anganoa,
Ko e ‘aho po‘uli ko e kaupō‘uli,
Ko e ‘aho ‘o e loa mo e po‘uli matolu.
16Ko e ‘aho ‘o e ifi talupite,
‘Io, ‘a e faka-lali-pakola,
Ko e fai ki he ngaahi kolotau,
Mo e ngaahi taua mā‘olunga ‘i he ‘ā.
17Pea te u faka‘efihi ‘a e kakai, pea te nau laka hangē ha kau kui; he kuo nau hia kia Sihova; pea ‘e malingi atu honau toto ‘o hangē ko e efu, mo honau kakano hangē ko e kinoha‘a.
18Na‘a mo ‘enau siliva, na‘a mo ‘enau koula, ka ‘e ‘ikai lava ia ke fakahaofi kinautolu ‘i he ‘aho ‘o e huhua ‘a e houhau ‘o Sihova; kae keina ‘a e fonua kotoa ‘e he afi ‘o ‘ene fua‘a: he te ne fai ha faka‘osi; ‘aua, ko e faka‘osi fakafokifā ‘o e nofo kotoa ‘a e fonua.
Currently Selected:
KO SEFANAIA 1: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
